Efesoanɛ 2:2 - Nyangbo New Testament

² gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 2:2 Iomraidhean Croise

Banɔkpɛkpɛ Axɔ̃ɛ 19:35

Anɔ nɔ̀ gɛ yɛafɔnɔ bɔdɔ̃ akɔ kɛzaa akɔsɛ bataatɔ̃, pɛ etseɖe balɛ asɛ, “Efesoanɛ mɔ, banunɔ petee nɛ kanɔ nɔ̀ mɛ etinyi asɛ Efosoanɛ balepò Artemis obudiukã nɛ̀ ɔlɛ tɛzazã tɛfafatɛ gɛ wɔlɛ odenɔ kititiɛ.

Banɔkpɛkpɛ Axɔ̃ɛ 5:3

Petro ebisi yɛasɛ, “Anania, kiɖeso pɛ Abosam etsoku wɔ kitúɔ mɛ pɛ ɔsɛ asɛnɛ otseɖe Ɔfɔfuĩa Gbangbã pɛ ɔlɔkɔ ehoeyiɛ teli balɛ ɔkɔ wɔshu nɛ kesiakpa gɛ ɔdɛɛ mɛ dza?

Romanɛ 12:2

Nɔtɛ ɔzã nɛkpã asɛ kanɔ alɛ mɛanɛ, pɔ nɔkɔ Owusoso Akaa yɛetsyina wɔnɔ ekpeɖekpeɖe mɛ tɛbhɛbhɛtɛ yɛedzi avɔvɔ. Kɛlɛ̀ bakɔ ɔsɛ nɔpɔ̃ɛ Owusoso Akaa ebui tɔtɔɖɔɔ mɛ oɖi, kɛgɛ ɛpɛ nɛ̀ kɛgɛ yɛadɛmɛ nɔ, pɛ kɛlɛ ná piapii nɔ.

Korintoanɛ 1 5:10

gɛnɛ asɛ kanɔ alɛ mɛ anunɔ gɛ balɔkɔ ishu akɔ kɛgɔlɔ ŋaŋã, mɛ ete tɛpɛpɛ elete, bagɛ edzyinì banɔ akpɛ alo ibudi elete ana. Nɛ kibui ɛlɛ nɛidi shuɔ, kɛlɛ sɛ tɛ nɔshɛnɛ ahɔɛ nɛ kanɔ alɛ shu.

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Efesoanɛ 1:21

gɛ bɔɖama ɔdɛ bukusi ŋaŋã nɛ̀ ɔsha ka nyia ka ɛdi, ohumi nɛ̀ banɔ abha ŋaŋã, nɛ̀ ɔzãkɔ inye ka nyia ka gɛ babalà akɔ, gɛnɛ obo kanɔ alɛ mɛ ete, pɔ nɛ kanɔ nɔ̀ gɛ kababáa mɛ tsyɛ.

Efesoanɛ 2:11

Klisoɔ, nɔ bakà ɔsɛ kuku ibeɛ wɔnɔ bagɛ bamɔ́ ɔnɔ pɛ nɔotinu Yudanɛ pɛ beze kulu ɔnɔ asɛ “bagɛ begi bhui kɛhɔ̃a akɔ” banɔ alɛ gɛ ezekulu ishu asɛ “kɛhɔ̃a bhui bhui” (gɛ bebhui nɛ ishudzyaa mɛ nɛ̀ banɔdzyrame ahɔɛ)

Efesoanɛ 2:13

Pɔ otsi alɛ xɔnɔ nɛ Kristo Yesu mɛɛ, wɔnɔ bagɛ nɔtɛ zã kitsí oɖiɛɛ, bagbana ɔnɔ ɔplɛnɔ ɔgana Kristo yɛ dzyosu nɔ mɛ.

Efesoanɛ 2:3

Bɔlɔ petee tsyɛ tɛzã balɛishi ɖi nɛ kibè tili gɛ bafala, pɛ bɔzɛ kpɛ samè nɛ bɔlɔ ebui kpa bhɛbhɛtɛ shu, kɛlɛ bɔzɛ pɛedzo alɛ pɛ bɔɔ bhɛtɛ ekpeɖekpeɖe mɛ nɛ alɛishu. Asɛ gɛ banɔ gɔgɔ̃ɔ aza bhɛtɛɛ, budzi banɔ gɛ ɔmɔpɔɛ kpa ɔzã bɔlɔ mɛ.

Efesoanɛ 4:17

Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Efesoanɛ 5:6

Nɔtɛkɔ ananà awɔɛ ɔnɔ nɛ ebui gɛ lama alɛ mɛ shu, ɔmɔsɛ ebui alɛ nɛidi shu Owusoso Akaa ɔmɔpɔɛ ɔba bagɛ etielũ atɔ̃ nabha.

Efesoanɛ 5:8

Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Efesoanɛ 6:12

Ɔmɔsɛ bɔtɛ tà keyù nɛ̀ ishupi nɛ̀ dzyosu, pɔ nɛ̀ beekusi, nɛ̀ ɔshaeleteɛ, nɛ̀ kanɔ alɛ mɛ otumũ mɛ ihumi nɔ gɛ ɛŋã kabha, nɛ̀ ɛfɔfuĩa gagalĩ zizĩɛ nɛ kititì ɔdɔ̃ mɛ.

Koloseanɛ 1:21

Gɛ noyidè nɛ Owusoso Akaa shu pɛ nɔodzì banɔ gɛ nɔtɛ ɔdɛmɛ nɛ yɛ nɛ wɔnɔ ekpeɖekpeɖe mɛ, nɛ wɔnɔ ɛkpã kpaa gɛ nɔodzi nɔ shu so.

Timoteo 2 4:10

Dema xɔnɔ gɛ adɛmɛnɔ nɛ̀ kanɔ alɛ mɛ soɔ, ashɛ ayɔlɔ mɛ avɛ Tesalonika. Kreske tsyɛ avɛ Galatia, kɛlɛ Tito tsyɛ avɛ Dalmatia.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Yakobo 1:7

Anɔ alɛ ètiɖi asɛ abamɔ ɛdɔ̃ tili ayɛkɛ edenɔ Apaleteɛ ɔkɔ,

Yakobo 4:4

Wɔnɔ ɔmamɛ dɛdɛelete, notinyi ɔsɛ nɔɔŋã ɛbhia nɛ̀ kanɔ alɛ mɛɛ, kɛlɛ notsyina odzi banɔ gɛ banyana Owusoso Akaa akpɛ ɛya mɛɛ dza? Anɔ nyia anɔ gɛ edzi ɔbhia ɔkɔ kanɔ alɛɛ, kɛlɛ etsyina edzi anunɔ gɛ agɛ dɛmɛ nɛ Owusoso Akaa.

Petro 1 1:14

Asɛ beyi gɛ belũ atɔ̃ ana, nɔtɛ̀ dɛmɛ ɔtɔɖɔ abosam yɛebuiɛ gɛ lazã wɔnɔ mɛ nɛ kibeɛ gɛ nɔzã matì matiɛ mɛ.

Petro 1 4:3

Ɔmɔsɛ nɔotizĩ kibè dzlolo nɛ ewuiɛ gɛ atɛ fala mɛ pɛ nɔbhɛtɛ kɛgɛ ibudì eleteɛ azatɔɖɔ abhɛtɛ mɛ, nɔzã nɛkpã nɛ kɛgɛ ishudzya pɛ ulũ, kanɔ mɛ same mɔmɔ, bunù bubuku, akpɛnɛ ebui bhɛbhɛtɛ, bunù ɔhakpɛkpɛ nɛ̀ ibudì ɛkɔ tishushù.

Petro 2 2:14

Balɛ awuhũɔ etsiɖi ɔmamɛ dɛdɛ shu, kliso batɛ balà yɔlɔ ebui kpa bhɛbhɛtɛ. Bawɔɛ bagɛ agɛ kpɛ iguɔ, bedzi beyì gɛ baɖɔ kibui akpɛ!

Yohanes 1 3:10

Kidzo ɛlɛ abha bɔgã pɛ buuti bagɛ enu Owusoso Akaa yɛeyi alɛ nɛ̀ bagɛ enu abosam yɛeyi alɛ tsyɛ. Anɔ nyia anɔ gɛ atɛ abhɛtɛ kibui gɛlɛ ɛlɛ ɔzakɔ etinu Owusoso Akaa yɛeyi, kana anɔ yia anɔ gɛ atɛ adɛmɛ nɔ nɛ yɛadzya tsyɛ alɛ.

Yohanes 1 3:8

Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.

Yohanes 1 4:4

Wɔnɔ mɛeyi alɛ gɛ ɛdɛmɛ nɔ, Owusoso Akaa ɔkɔ nɔodè kɛlɛ nɔŋã alɛ abha, ɔmɔsɛ agɛ yɛakpasɛ wɔnɔ mɛɛ egbogblo adɛ agɛ yɛalɛ kanɔ nɔ̀ mɛ.

Yohanes 1 5:19

Bunyi sɛ Owusoso Akaa yɛeyi alɛ bunu, kɛlɛ bunyi tsyɛ ɔsɛ kanɔ nɔ̀ tɛgbagbana kpasɛ abosam esi.

Yohanes 1 5:4

ɔmɔsɛ aka nyia aka gɛede Owusoso Akaa mɛ aŋã kanɔ nɔ̀ nabha. Kɛlɛ kɛlɛinu kabha ŋaŋã gɛŋã kanɔ nɔ̀ nabha, gɛenu ɔlɔ tɛyɛyɛkɛŋã.

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Kibui Bubú Kasɛ 13:14

Nɛ bɔdɔ̃ bubú kasɛ ɛlɛ shu soɔ bakɔɛ ohumi sɛ tɛ azawɔa axɔ̃ɛ nɛ agãhoeɛ gɛeputɔ nɛinye mɛ, kɛlɛ azawɔɛ banunɔ nɛ esiakpa nabha. Akɔ balɛ ɔsha asɛ bafatɛ osí nɛ agãhoe gɛ beté nɛ̀ bɛtɛ̀ pɛ akalɛ nɛ̀ ɛkpãa, yɛtɛzazã mɛ.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Kibui Bubú Kasɛ 16:17

Axɔ̃ɛdɛ gegenemiɛ abalɛ̀ yɛɔmɔpɔɛ kayintse nɔ akpɛ kɛlɛ́ nɔ mɛ, kɛlɛ ozĩ gagalĩ toli oyi odenɔ akaavũɔ mɛ ɔsɛ, “Kibele oo!”

Kibui Bubú Kasɛ 20:2

Evũ kɛtsɔpɛ, gɛinu ebeliɛ eblidzya, gɛenu abosamuɔ alo Satana, kɛlɛ anya yɛelu agɔ ohotu zɛzɛ̀.