Efesoanɛ 2:11 - Nyangbo New Testament

¹¹ Klisoɔ, nɔ bakà ɔsɛ kuku ibeɛ wɔnɔ bagɛ bamɔ́ ɔnɔ pɛ nɔotinu Yudanɛ pɛ beze kulu ɔnɔ asɛ “bagɛ begi bhui kɛhɔ̃a akɔ” banɔ alɛ gɛ ezekulu ishu asɛ “kɛhɔ̃a bhui bhui” (gɛ bebhui nɛ ishudzyaa mɛ nɛ̀ banɔdzyrame ahɔɛ)

Efesoanɛ 2:11 Iomraidhean Croise

Romanɛ 11:17

Onupɛ bebhui bɔshɛ nɔ tuli pɛ balɔkɔ wɔnɔ bagɛ notinu Yudanɛ, pɛ nɔlɛ asɛ kifutù mɛ besi ana, pɛ bebhui wɔnɔ bɔshɛ nɔ atɔɖɔ besidzudzu nulũɔ, kɛlɛ wɔnɔ tsyɛ nɔmɔ̃ bɔŋaŋã gɛide besidzudzuɔ balɛ iguɔ mɛ̀.

Romanɛ 2:26

Onupɛ bagɛ begibhui ahɔ̃a akɔ, pɔ balɛ nɛ̀ ɛkpã nɛ ɔsha nulũɔ, kiɖeso pɛ batɛ balɔkɔ alɛ asɛ anɔ gɛ bebhui ahɔ̃a akɔ anaa dza?

Romanɛ 2:27

Anunɔ gɛ begibhui kɛhɔ̃a akɔ anii, pɔ aagã nɛ ɔsha nabha piapii nɔ, ebebu wɔ gɛ ɔshaa tɛtɔtɔɖɔ lɛ wɔahɔɛ pɛ onu kɛhɔ̃a bhui bhui elete, pɔ onu anunɔ gɛ ɔta esiɛ.

Korintoanɛ 1 12:2

Nɔonyi ɔsɛ gɛ nodzì ibudi eleteɛ, bawɔɛ wɔnɔ agbanà avɛnɔ ibudiɛ gɛ lɛtɛ ɖɔ kaɖɔɔ ɔkɔ.

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Galatianɛ 2:15

“Bɔlɔ gɛinù Yudaeyi mɔmɔ, gɛ butidzi asɛ ‘Bagɛ etinu Yudanɛ gɛ balɔkɔ alɛ asɛ ebui kpa babhɛtɛ eleteɛ’

Galatianɛ 6:12

Bagɛ eetũ ɛlɛ akpɛ ɔnɔ ulũ sɛ tɛ bebhui kɛhɔ̃a akɔ ɔnɔ, benu bagɛ akasɛ ishu pɛ beetũ itelũ nɛ kanɔ mɛ ebui shu. Babhɛtɛ ana sɛ tɛ batɛkɔ batɔnɔ alɛ ede nɛ Kristo butsi osiɛ nɛtakpu.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 5:8

Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Filipianɛ 3:3

Ɔmɔsɛ bɔlɔ nu kɛhɔ̃a bhui bhuiɛ, bɔlɔ agɛ ɛlɔkɔ ɔfɔfuĩa nɔ ɔkpɛ kɛtakpu esi ɔkɔ Owusoso Akaa nɔ, gɛ bɔdalɛ Yesu Kristo shu, pɛ buti lu awɔ̃ nɛ ishudzya nabha,

Koloseanɛ 1:21

Gɛ noyidè nɛ Owusoso Akaa shu pɛ nɔodzì banɔ gɛ nɔtɛ ɔdɛmɛ nɛ yɛ nɛ wɔnɔ ekpeɖekpeɖe mɛ, nɛ wɔnɔ ɛkpã kpaa gɛ nɔodzi nɔ shu so.

Koloseanɛ 2:11

Yɛmɛ bebhui kɛhɔ̃a akɔ ɔnɔ, gɛ nɔ shɛnɛ ahɔɛ nɛ wɔnɔ ebui kpa bhɛbhɛtɛ shu, gɛnɛ kɛhɔ̃a gɛ bebhui nɛ̀ banɔdzyrame ahɔɛ, pɔ kɛhɔ̃a gɛ Kristo ebhui,

Koloseanɛ 2:13

Kibeɛ gɛ nɔotsí nɛ wɔnɔ ebui kpa bhɛbhɛtɛ mɛ, gɛ beke bhui kɛhɔ̃a akɔ ɔnɔ pɛ nɔzã ebui kpa bhɛbhɛtɛ mɛ tyɛ elo, Owusoso Akaa akɔ nɔzã nɛkpã nɛ̀ Kristo. Alɔkɔ ebui kpa etsye ɔlɔ petee,

Koloseanɛ 3:11

Nɛ ɛkɛlɛ Helaeyi alo Yudaeyi nanà ama, kɛhɔ̃a bhui bhui alo kɛhɔ̃a mabhui mabhui ma. Anɔ gɛ ehu buluhũ gɛ betielũ ɔlɛ mɛ tsyɛ ama, alo anɔ gɛ yɛ awuhũ agɛ kpà, anɔ dzidzì alo anɔ gɛ alɛ yɛishu ahɔɛ mɛ, pɔ tenikpo balɛ nɛ Kristo mɛ, kɛlɛ Kristo yɛalɛ alɛ petee mɛ.