Efesoanɛ 2:10 - Nyangbo New Testament

¹⁰ Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Efesoanɛ 2:10 Iomraidhean Croise

Banɔkpɛkpɛ Axɔ̃ɛ 9:31

Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Banɔkpɛkpɛ Axɔ̃ɛ 9:36

Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Romanɛ 8:29

Bagɛ Owusoso Akaa enyi elu kukukuɔ, balɛ ke yɛebu asɛ bazã nɛ ɛkpã asɛ Yɛeyiɛ, sɛ tɛ ebedzi Yɛeyi gɛ eputɔ nɛ beyianyɛ gelee ishi.

Korintoanɛ 1 3:9

Ɔmɔsɛ bɔlɔ nyɔ̃ɔ nu Owusoso Akaa kɛxɔ̃ɛ tinikpo awɔawɔa, kɛlɛ wɔnɔ onu Owusoso Akaa yɛɔyà, nɛ yɛ̀ buvũɔ.

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Korintoanɛ 2 5:5

Otsiɛ nɔ, Owusoso Akaa yɛabhɛtɛ bɔlɔ akɔ kibui tɔtɔɖɔ ɛlɛ kɛlɛ akɔ bɔlɔ Ɔfɔfuĩa alɔkɔ elú tɛ̀ kɛkasɛ kidzo ɔkɔ kɛgɛ babaá.

Korintoanɛ 2 9:8

Kɛlɛ Owusoso Akaa abalà kɔ wɔnɔ tibhui bhuibuɔ kpè tɔɖɔ, sɛ tɛ̀ nɛ ebuiɛ pete mɛ nɛ kibè ka nyia ka mɛɛ, gɛ kɛka nyia ka gɛ nɔpɛ nɔ lɛ wɔnɔ ahɔɛ soɔ, nɔbɔ lɔkɔ wɔnɔshu ɔkpɛ kɛxɔ̃ɛ gbangbã ka nyia ka wɔawɔa mɛ.

Galatianɛ 6:15

Kɛhɔ̃a bhui bhui nɛ̀ kɛhɔ̃a mabhui mabhui tinu kɛdɔ̃ nanà, kɛgɛ pɛɔdɛ kɛlɛinu ebui vɔvɔɔ gɛ babhɛtɛ.

Efesoanɛ 1:1

Mɛ Paulo gɛedzi anɔkpɛkpɛ ɔkɔ Kristo Yesuɔ nɛ Owusoso Akaa tɛtɔtɔɖɔ ulũ, Mɛ sɛsɛ̀ bagɛ ayɛkɛ aŋã nɛ Efeso pɛ bakpasɛ Kristo Yesu mɛ keplukpa alɛ,

Efesoanɛ 1:4

Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Efesoanɛ 2:13

Pɔ otsi alɛ xɔnɔ nɛ Kristo Yesu mɛɛ, wɔnɔ bagɛ nɔtɛ zã kitsí oɖiɛɛ, bagbana ɔnɔ ɔplɛnɔ ɔgana Kristo yɛ dzyosu nɔ mɛ.

Efesoanɛ 2:15

nɛ kibeɛ gɛ ebu ɔsha gɛ ɔlɛ mɛ yɛazã nɛ ishudzyaa mɛ nɛ̀ ɔlɛ ɛkɔɔ eyinɔ. Yɛ tɛtɔtɔɖɔ kɛlɛinu sɛ tɛ abhɛtɛ akɔ yɛishu anɔ vɔvɔ tenikpo odenɔ banɔ taabha mɛ, sɛ tɛ amana ishu yɔyɔ,

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 2:6

Kɛlɛ Owusoso Akaa efeke ɔlɔ aplɛnɔ Kristo kɛlɛ alɔkɔ ɔlɔ adɛzã esi ɔplɛnɔ yɛishu nɛ kititì bukusi ɔŋãkɔ nɛ Kristo Yesu mɛ,

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Efesoanɛ 4:24

sɛ tɛ nɔodzinì ishu ɔbhɔ avɔvɔ, gɛ babhɛtɛ ɔnɔ sɛ nɔzã asɛ Owusoso Akaa ana nɛ kibui gbangbã bhɛbhɛtɛ nɛ̀ tɛdadalɛ mɛ.

Filipianɛ 1:6

gɛ ilù awɔ̃ nɛ ibui ɛlɛ abha soɔ, inyi sɛ anunɔ gɛ yɛakpɛ kɛxɔ̃ɛ gbangbã tɛwɔawɔa esi nɛ ɔnɔ, abavɛ ɛlɛ abha ɔdɛ tɔ̃ nɛ Kristo Yesu kiwui nabha.

Filipianɛ 2:13

ɔmɔsɛ Owusoso Akaa yɛawɔa axɔ̃ɛ nɛ ɔnɔ mɛ, flogo tɛ ɔtɔɖɔ ɛbui tili, nɛ̀ tɛ obu katsɛɖɛ tieli nɛ yɛ tɛtɔtɔɖɔ gbangbã nɔlũ.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Koloseanɛ 3:10

pɛ nɔlɔkɔ ɛkpã vɔvɔ ɔkpɛ, gɛ babhɛtɛ ɛlɛ avɔvɔ nɛ̀ kibuititì nɛ agɛ yɛabhɛtɛ kanɔ nɔ̀ kedzi avɔvɔ tɛzazã mɛ.

Tesalonikanɛ 2 2:17

abakpɛ wɔnɔ kitúɔ niemi pɛ abakɔ wɔnɔ ohumi nɛ kɛxɔ̃ɛ gbangbã ka nyia ka wɔawɔa nɛ kibuiɛ mɛ.

Timoteo 1 2:10

pɔ nɛ̀ ebui gbangbã tɛbhɛbhɛtɛ gɛ ashɔnɔ badzɛ gɛ apɛ asɛ tɛ̀ bakpɛ kɛtakpu esi ɔkɔ Owusoso Akaa.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Timoteo 1 5:25

Nɛidzo ɛlɛ abhaa, ebui gbangbã bhɛbhɛtɛ tsyɛ awɔ̃ɛ, kɛlɛ agɛ atɛawɔ̃ɛ tsyɛɛ, batɛ balà alɛ ekpũ.

Timoteo 1 6:18

Kpɛ alɛ ɔsha sɛ babhɛtɛ kibui gbangbã, sɛ tɛ bamɔ ehoeyi ɔdɔ̃ nɛ ebui gbangbã tɛbhɛbhɛtɛ mɛ, nɛ̀ tɛ balɛ ɛyamɛ pɛ̃ tɛ kɛdɔ̃ kɔkɔ anɔ zã alɛ mɛ.

Timoteo 2 2:21

Onupɛ anɔ teli eplu yɛishu edenɔ ebui kukuɔ mɛɛ, ebedzi anɔ gɛ abazã akɔ ebui piapii, gɛ babhɛtɛ ladalɛ, pɛ lapɛ̃ akɔ Apaleteɛ asɛ alɔkɔ awɔa axɔ̃ɛ gbangbã ka nyia ka ɛdi nɔ.

Timoteo 2 3:17

sɛ tɛ Owusoso Akaa anunɔ abalɔkɔ ɛlɛ epo yɛishu nɔ ɔkɔ kɛxɔ̃ɛ wɔawɔa gbangbã ka nyia ka ɛdi.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Tito 2:7

Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.

Tito 3:1

Baka banunɔ ɔsɛ bezhinì ishu esi akɔ bekusiɛ nɛ̀ ɔshaeleteɛ, tɛ belũ atɔ̃, tɛ babalɛ elù asɛ babà abhɛtɛ kibui gbangbã,

Tito 3:14

Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Hebrianɛ 10:24

Nɔkɔ bɔkpɛ ɛtakpu mɛ nɛ kɛnyana gɛ bɔba nyana bagɔlɔ nɛ̀ tɛdɛdɛmɛ nɔ nɛ̀ ebui gbangbã tɛbhɛbhɛtɛ mɛ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Yohanes 1 2:6

Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.