Efesoanɛ 1:3 - Nyangbo New Testament

³ Nɔkɔ bɔkpɛ Owusoso Akaa gɛenu bɔlɔ Apalete Yesu Kristo Yɛakaa nɛinye nɛitití, anɔ gɛ alɔkɔ ɔfɔfuĩa mɛ tiyuyula ka nyia ɛdi gɛ kpasɛ Kristo mɛ eyula akɔ ɔlɔ odenɔ kititiɛ.

Efesoanɛ 1:3 Iomraidhean Croise

Romanɛ 12:5

kana ɛbe gana Kristo mɛɛ, bɔlɔ banɔ kpekpè alɛ pete bɔbhɛtɛ tenikpo, kɛlɛ bɔlɔ ishupi ɔwɔ̃pɛ nɔ kpɛ olũgbu nɛ bagɔlɔ mɛ.

Romanɛ 15:6

sɛ tɛ nɔlɔkɔ kitú tinikpo nɛ̀ olugbũ tonikpo ɔkpɛ Owusoso Akaa, gɛenu bɔlɔ Apalete Yesu Kristo Yɛakaa nɛinye nɛitití.

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Korintoanɛ 1 12:12

Ishupiɛ ɛlɛ tinikpo, pɔ babhɛtɛ ɔlɛ akpɛ bɔwɔ̃pɛ ediedi mɛ, kɛlɛ gɛ bɔlɛ bɔwɔ̃pɛ gelee mɛ tsyɛ elo, bunu ishupi tunikpo. Kana kɛlɛ nɛ Kristo mɛ.

Korintoanɛ 2 1:3

Nɔkpɛ Owusoso Akaa gɛenu Apalete Yesu Yɛakaa nɛinye nɛitití, Akaa gɛ ebi ashagabui nɛ̀ Owusoso Akaa gɛ ayɔ banɔ nyɔ̃ɔ ishumɛ,

Korintoanɛ 2 11:31

Owusoso Akaa gɛenu Akaa ɔkɔ Apalete Yesuɔ, agɛ yɛ kɛlɛ ɔsɛ bakpɛ yɛinye nɛitití tihɔɔ nɔ enyi ɔsɛ ɛtɛ sɛ asɛnɛ.

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Galatianɛ 3:9

Klisoɔ beyulà akɔ bagɛ ayɛkɛ aŋã aplɛnɔ Abrahamuɔ, anyɛ gɛ tɛyɛyɛkɛŋã lɛ yɛahɔɛ.

Efesoanɛ 1:10

sɛ tɛ balɔkɔ ɛlɛ akpɛ axɔ̃ɛ wɔawɔa mɛ gɛ onupɛ kibeɛ bana sɛ tɛ laba alɛ mɛɛ, tɛ balɔkɔ ebuiɛ petee nɛititíɛ nɛ̀ kesiakpa nabha akpɛ itsu tɛ lazã anɔ tenikpo esi, anɔ gɛenu Kristoɔ.

Efesoanɛ 1:17

Itsiɖi ɛlɛ abha bisi sɛ tɛ bɔlɔ Apalete Yesu Kristoɔ, Akaa gɛ yɛishu dalɛ, sɛ akɔ ɔnɔ Ɔfɔfuĩa mɛ bubutiɛ nɛ̀ kibui bubu kasɛ, sɛ tɛ nɔoti yɛ piapii ɔdɛ.

Efesoanɛ 1:20

gɛ alɔkɔ akpɛ Kristoɔ mɛ nɛ kibeɛ gɛ efeke yɛ edenɔ bekpuɔ mɛ pɛ alɔkɔ yɛ edzu yɛ kɛŋã ahɔɛ mɛ nɛ kitití bukusi ɔŋãkɔ,

Efesoanɛ 2:6

Kɛlɛ Owusoso Akaa efeke ɔlɔ aplɛnɔ Kristo kɛlɛ alɔkɔ ɔlɔ adɛzã esi ɔplɛnɔ yɛishu nɛ kititì bukusi ɔŋãkɔ nɛ Kristo Yesu mɛ,

Efesoanɛ 3:10

Yɛ tɛtɔtɔɖɔ kɛlɛ idzì ɔsɛ otsiɛ nɔ, ɔgana ɔha nabhaa, kɛlɛ sɛ bebu Owusoso Akaa bubutiɛ gɛ bukpè tɔɖɔɔ ɔkasɛ bekusiɛ nɛ̀ ihumi eleteɛ nɛ kititì ɔdɔ̃ mɛ,

Efesoanɛ 6:12

Ɔmɔsɛ bɔtɛ tà keyù nɛ̀ ishupi nɛ̀ dzyosu, pɔ nɛ̀ beekusi, nɛ̀ ɔshaeleteɛ, nɛ̀ kanɔ alɛ mɛ otumũ mɛ ihumi nɔ gɛ ɛŋã kabha, nɛ̀ ɛfɔfuĩa gagalĩ zizĩɛ nɛ kititì ɔdɔ̃ mɛ.

Filipianɛ 2:11

kɛlɛ kineke ka nyia ka dalɛ kɛlɛ mɛ ɔsɛ Yesu Kristo yɛenu Apaleteɛ, ɔkɔ Owusoso Akaa gɛenu Akaa shu tɛdadalɛ.

Hebrianɛ 8:5

Badɛ axɔ̃ɛ nɛ trɛwɔɛagba ɔdadalɛ ɔkɔ, gɛ lodzi asɛ kitití ɔyɛ nɛ̀ kɛtɔwui nɛidi ana. Kliso pɛ Owusoso Akaa ebui ɛlɛ mɛ akɔ Mose nɛ trɛwɔɛagbaa tidzudzuɔ shu asɛ, “Ɖi kɛlɛ ɔkɔ ɔsɛ ɔbhɛtɛ kɛka nyia ka kɛna asɛ kɛgɛ bebu akasɛ wɔ nɛ butu nabha.”

Hebrianɛ 9:23

So awuhũ dzadzã ibui kidzi sɛ tɛ balɔkɔ ɔdɔ̃ pɔpɔɛ adalɛ ɔdɔ̃ gɛ budzi asɛ kitití uyɛ ɛtɔwuiɛ ana shu. Kitití udɔ̃ pɔɔ, bɔdɔ̃ gɛ balɔkɔ adalɛ bɔlɛishu nɔɔ, pɛ̀ dɛ ɔlɛ.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,