Banɔkpɛkpɛ Axɔ̃ɛ 8:5 - Nyangbo New Testament

⁵ Filipo ediku ɔma toli mɛ̀ nɛ Samaria pɛ aɖɔ Kristo shu kibuiɛ etseɖe alɛ nɛ ɛkɛlɛ.

Banɔkpɛkpɛ Axɔ̃ɛ 8:5 Iomraidhean Croise

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Banɔkpɛkpɛ Axɔ̃ɛ 21:8

Gɛ bɔshɛ kelizaza, budiyì nɛ Kaesarea kɛlɛ bɔdɛzã Filipo gɛ aɖɔ kibuiɛ akana pɛ enu banɔ Tegegeneɛ gɛ bebu nɛ yerusalemuɔ ɔmaɛmɛ tenikpoɔ bɔpã mɛ.

Banɔkpɛkpɛ Axɔ̃ɛ 5:42

Keliza, elizaa mɛɛ, banɔkpɛkpɛ azã bɔdɔ̃ kakasɛ nabha nɛ akaavũɔ shu, nɛ̀ odenɔ bɔpã mɛ ɔvɛnɔ bɔpã mɛ, kɛlɛ bagɛ zɔkɔ yɔlɔ nɛ̀ balɛ bɔdɔ̃ kakasɛ nɛ̀ kibui gbangbã tɛɖɔɖɔ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 6:5

Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Banɔkpɛkpɛ Axɔ̃ɛ 8:1

Kɛlɛ Saulo azã ɛkɛlɛ, pɛ adɛmɛ atɔɖɔ yɛ tiyiyi abha. Nɛ kiwui ɛlɛ nabha banɔede tɔtɔnɔ akpɛ esi nɛ ɔhaa shu nɛ Yerusalem. Kɛlɛ banunɔ pete apɔ̃ɛ kana nɛ Yudea nɛ̀ Samaria ɔdɛ banɔkpɛkpɛ ete.

Banɔkpɛkpɛ Axɔ̃ɛ 8:26

Apaleteɛ yɛaxɔ̃ɛdɛ teli ebetseɖe Filipo asɛ, “Lɔ tɛ ɔvɛ kidzoɔ gɛlɛ kanɔ nɔ̀ bɔpialɛ ɔkɔ, oxui kidzoɔ gɛizhi odenɔ Yerusalem pɛ kɛvɛ Gaza nɔ.”

Banɔkpɛkpɛ Axɔ̃ɛ 8:30

Kɛlɛ Filipo ebu tsɛtsɛɖɛ mɛ avɛ apaka ohuɔ shu, kɛlɛ elũ gɛ anyɛɛ aakalà ebuiɖɔluanɔ Yesaya keplukpa. Filipo ebisi anyɛ asɛ, “Olũ kɛgɛ ɔɔkalà niesiɛ dza?”

Banɔkpɛkpɛ Axɔ̃ɛ 8:40

Filipo edikoeyi nɛ ɔma toli gɛ bekulu asɛ Azotoɔ mɛ, kɛlɛ azanyɔ afala pɛ aaɖɔ kibui gbangbã nɛ ɔma ka nyia ka mɛ, ɔvɛnɔ kibeɛ gɛ ediku Kaisarea.

Banɔkpɛkpɛ Axɔ̃ɛ 8:6

Gɛ banɔɛza elũ Filipo yɛebuiɛ pɛ bamɔ atsyindzye ebuiɛ gɛ azabhɛtɛ akasɛɛ, balɛ pete ayɛkɛ yɛibuiɛ gɛ azaɖɔɔ.

Banɔkpɛkpɛ Axɔ̃ɛ 9:20

Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.

Korintoanɛ 1 1:23

pɔ bɔlɔ xɔnɔɔ, Kristoɔ gɛ bakpalà nɛ butsi osiɛ shu nɛibui bɔɖɔ, kibui gɛ kinu kɛdɔ̃ kpakpatà ɔkɔ Yudanɛ pɛ bɔga kibui kinu ɔkɔ bagɛ betinu Yudanɛ xɔnɔ,

Korintoanɛ 1 2:2

Ɔmɔsɛ gɛzã wɔnɔ ɛshiɛ, ɛbhɛtɛ mɛishu asɛ itinyí kɛnanà ɔdɛ Yesu Kristo, nɛ̀ kana gɛ bakpalà yɛ nɛ butsi osiɛ shu.

Korintoanɛ 1 3:11

Ɔmɔsɛ ananà azakalà buvũ vɔvɔ kesi akpɛ ɔdɛ bɔgɛ batɛ kpɛ bɔlɛ esi eluɔ, gɛenu Yesu Kristo.