Banɔkpɛkpɛ Axɔ̃ɛ 7:8 - Nyangbo New Testament

⁸ Kɛlɛ anyã olugbũ nɛ̀ Abraham nɛ kɛhɔ̃a bhui bhui shu. Kliso gɛ Abraham amɔ Isakiɛ, ebhui kɛhɔ̃a akɔɛ nɛ kiwui sɛmì nabha. Kidegbaa Isak abamɔ Yakob kɛlɛ Yakob tsyɛ abamɔ́ bashuĩ lɔfɔ nɛ̀ taabha.

Banɔkpɛkpɛ Axɔ̃ɛ 7:8 Iomraidhean Croise

Banɔkpɛkpɛ Axɔ̃ɛ 2:29

“Mɛadzya alɛ mɔ, ɛpɛ sɛ tɛ mɛdalɛ mɛishumɛ ɔkɔ wɔnɔ tɛ̀ noti ɔsɛ ashuĩ David etsí, kɛlɛ bavɔbɔɛ, kɛlɛ yɛodzeɖe ɔlɛ ɛkɛlɛ̀ ɔmana oboɔ.

Romanɛ 4:10

Ɛkpã ɖuwoe mɛ yɛazã flogo pɛ balɔkɔɛ asɛ edzi anɔ gbangbã? Kɛhɔ̃a bebhui akɔɛ flogo loo, pɛnɔsɛ gɛ bekebhui ɛlɛ akɔɛ nɛibeɛ dza? Anɛ kidegba ibe, pɔ kɛba kpɛ otugbà.

Galatianɛ 3:15

Mɛadzya alɛ mɔ, nɔkɔ mɛɖɔ kibui ɛlɛ lɔkɔ shɔnɔ kiwui nyia wui ɛkpã zazãna shu. Asɛ kana gɛ ananà atɛ balà ebu, alo pɛ abalà lɔkɔ kɛdɔ̃ nanà aplɛnɔ anɔdzyrame olugbũ nyanyã nɔnɔ gɛ batɔɖɔ eluɔ akɔɛ nɔ, kana ibe kɛlɛ nɛ kibui ɛlɛ tsyɛ mɛ.

Galatianɛ 3:17

Kibuiɛ gɛ ɛɖɔɔ niesi nɛ ɛlɛ ɔsɛ, Ɔshaa, gɛ bakpɛ elu asɛ agɔ akpã talɛ nɛ̀ afɛata nɛ alɛ (430), logibu olugbũ nyanyã gɛ Owusoso Akaa eputɔ anyã elu ɔtɔ ɔsɛ tɛ ebu kɛgɛ atɔɖɔ eluɔ atɛ́ɛ.

Hebrianɛ 7:4

Noɖi anɔ gbagbla nɛidi gɛ ekusi alɛ edziɛ mɔ. Ashuĩ Abraham kura tsyɛ alɔkɔ ɔdɔ̃ gɛ ayalɛ edenɔ keyuɔ, awɔ̃pɛ lɔfɔ miɛ akɔɛ.