Banɔkpɛkpɛ Axɔ̃ɛ 4:10 - Nyangbo New Testament

¹⁰ kɛlɛ wɔnɔ nɛ̀ Israelanɛ petee notì kibui ɛlɛ ɔsɛ, kinù kibui gɛgã Yesu Kristo Nazareteyiɛ yɛinyeɛ mɛ, anunɔ gɛ nɔdɛ kpalà nɛ osi shuɔ pɛ Owusoso Akaa efeke yɛ edenɔ bekpuɔ mɛɛ, yɛakɔ asɛ anyɛ alɛ gɛeli wɔnɔ amɛ ishumɛ gagalĩ.

Banɔkpɛkpɛ Axɔ̃ɛ 4:10 Iomraidhean Croise

Banɔkpɛkpɛ Axɔ̃ɛ 2:32

Owusoso Akaa efeke Yesu alɛ edenɔ bekpuɔ mɛ amana ɛkpã mɛ gɛ bɔlɔ pete zãmɔ kibui ɛlɛ ɔsɛ kɛba ɛlɛ mɛ kɛgbã.

Banɔkpɛkpɛ Axɔ̃ɛ 2:36

“Kliso kɔ Israelanɛ beti kɛlɛ piapii asɛ, Owusoso Akaa abhɛtɛ Yesu alɛ̀ gɛ nɔkpalà nɛ butsi osiɛ shu yɛedzi Apalete nɛ̀ Kristo.”

Banɔkpɛkpɛ Axɔ̃ɛ 28:28

“Kliso ɛpɛ ɔsɛ tɛ̀ notì ɔsɛ basɛsɛ Owusoso Akaa yɛanɔ bubu lu ɔkɔ ɛkpã nɛ bagɛ betinu Yudanɛ ɔkɔ, kɛlɛ balɛ xɔnɔ abà taatɔ̃ nɛ̀ kibuiɛ!”

Banɔkpɛkpɛ Axɔ̃ɛ 3:6

Kɛlɛ Petro etseɖe yɛasɛ, “Sikãfufú nɛ̀ sikã ama mahɔɛ pɛ ɛbakɔ wɔ, pɔ kɛgɛ lɛ mahɔɛ mɛba kɔwɔ. Nɛ Yesu Kristo Nazareteyiɛ nɛinyeɛ mɛɛ, lɔgã.”

Romanɛ 1:4

kɛlɛ, gana Ɔfɔfuĩa dadalɛ mɛɛ, bebui akasɛ nɛ ohumi nɔ mɛ ɔsɛ, yɛenu Owusoso Akaa Yɛeyi, gana yɛtɛlɔlɔ odenɔ bekpuɔ mɛɛ, yɛenu Yesu Kristo, bɔlɔ Apaleteɛ.