Banɔkpɛkpɛ Axɔ̃ɛ 3:6 - Nyangbo New Testament

⁶ Kɛlɛ Petro etseɖe yɛasɛ, “Sikãfufú nɛ̀ sikã ama mahɔɛ pɛ ɛbakɔ wɔ, pɔ kɛgɛ lɛ mahɔɛ mɛba kɔwɔ. Nɛ Yesu Kristo Nazareteyiɛ nɛinyeɛ mɛɛ, lɔgã.”

Banɔkpɛkpɛ Axɔ̃ɛ 3:6 Iomraidhean Croise

Banɔkpɛkpɛ Axɔ̃ɛ 10:38

kana gɛ Owusoso Akaa asara bɔbɔ akɔ Yesu Nazareteyiɛ nɛ̀ Ɔfɔfuĩa Gbangbã nɛ̀ ohumi, nɛ kana gɛ azagã fala pɛ azabhɛtɛ ebui gbangbã, pɛ ebu banyã nɛ bagazã abosam yɛ ohumi niesi pete mɛ, ɔmɔsɛ Owusoso Akaa azãplɛnii.

Banɔkpɛkpɛ Axɔ̃ɛ 16:18

Azã kibui ɛlɛ abha nɛ ewui gelee mɛ̀. Kidegba kɛbadɛ Paulo ulũ kɛlɛ etsyina kɛlɛ etseɖe ɔfɔfuĩa nɔ asɛ, “Nɛ Yesu Kristo kinye mɛɛ, ɛkpɛ ɔsha akɔwɔ ɔsɛ tɛ okoeyi nɛ adzɛnuvɔɛ nɔ mɛ!” Tsiɔ̃ ɔlɛ koɔ, ɔfɔfuĩa nɔ koeyi nɛ adzɛnuvɔɛ nɔ mɛ.

Banɔkpɛkpɛ Axɔ̃ɛ 2:22

“Israelanɛ, nɔtaatɔ̃ tɛ noɔlũ kibui ɛlɛ, Yesu Nazareteyiɛ enu anɔ gɛ Owusoso Akaa alɔkɔ akpɛ ahɔɛ akɔ wɔnɔ ɔsɛ tɛ̀ abhɛtɛ atsyindzye ebui, ebui gɛ labhɛtɛ kibì, tɛ̀ ebù ebui akasɛ, ebui alɛ enu ebui gɛ Owusoso Akaa abhɛtɛ nɛ wɔnɔɛshi ɔgana yɛabha asɛ gɛ nonyi ana.

Banɔkpɛkpɛ Axɔ̃ɛ 2:36

“Kliso kɔ Israelanɛ beti kɛlɛ piapii asɛ, Owusoso Akaa abhɛtɛ Yesu alɛ̀ gɛ nɔkpalà nɛ butsi osiɛ shu yɛedzi Apalete nɛ̀ Kristo.”

Banɔkpɛkpɛ Axɔ̃ɛ 3:16

Ɔgana Yesu yɛinye nabha tɛyɛyɛkɛŋã mɛɛ, bakɔ anyɛ alɛ gɛ nonyi pɛ nɔmɔ amɔ ishumɛ gagalĩ. Yesu yɛinyeɛ nɛ̀ yɛabha tɛyɛyɛkɛŋã gɛide koeyi nɛ yɛ mɛɛ, kɛlɛ kɔ anyɛ alɛ ishumɛ gagalĩ kɔɛ asɛ gɛ wɔnɔ petee ɔmɔ ana.

Banɔkpɛkpɛ Axɔ̃ɛ 3:5

Kliso anyɛ etsyina yɛamɛ akpɛ balɛ ɔkɔ, pɛ eɖi kidzo mɛ asɛ babà kɔyɛ kɛdɔ̃ tili.

Banɔkpɛkpɛ Axɔ̃ɛ 3:7

Gɛ Petro anyana yɛŋã ahɔɛɛ, aplɛnii pɛ alɔ, odunũ ɔlɛ koɔ, yɛtsɛɖɛ nɛ̀ bɔtsɛɖɛkɔ̀ mɛ gagalĩ.

Banɔkpɛkpɛ Axɔ̃ɛ 4:10

kɛlɛ wɔnɔ nɛ̀ Israelanɛ petee notì kibui ɛlɛ ɔsɛ, kinù kibui gɛgã Yesu Kristo Nazareteyiɛ yɛinyeɛ mɛ, anunɔ gɛ nɔdɛ kpalà nɛ osi shuɔ pɛ Owusoso Akaa efeke yɛ edenɔ bekpuɔ mɛɛ, yɛakɔ asɛ anyɛ alɛ gɛeli wɔnɔ amɛ ishumɛ gagalĩ.

Banɔkpɛkpɛ Axɔ̃ɛ 4:7

Bakɔ bagbanà Petro nɛ̀ Yohanes amana balɛ amɛ, kɛlɛ bakpa balɛ ebui ubisi asɛ, “Gana ohumi ɖuwoe abha alo kinye ɖuwoe nɔlɔkɔ ɔbhɛtɛ̀ kibui ɛlɛ nɔ?”

Banɔkpɛkpɛ Axɔ̃ɛ 9:34

Petro etseɖe yɛasɛ, “Ainea, Yesu Kristo ebu bɔnyãa akɔ wɔ. Lɔ tɛ̀ olù wɔoputso nɔ.” Odunũ ɔlɛ koɔ, kɛlɛ Ainea alɔ.

Korintoanɛ 1 4:11

Boyinɔ otsiɛ nɔ, bɔbhɛ nɛ olũwɔɛ oyi ɔlɔ xɔnɔ, bɔdɔ̃ tsatsã mɛ bɔkpasɛ, beehuisi ɔlɔ, kɛlɛ bɔpã tsyɛ mã ɔlɔ ahɔɛ.

Korintoanɛ 2 6:10

ɔwɔ̃nyɔnɔ kpasɛ bɔlɔ mɛ, pɔ bɔmɔ same kibe nyia be, bɔdɔ̃ kitsyui, pɔ bɔkɔ banɔ kpekpèɛ amɔ ehoeyi bɔdɔ̃, kɛdɔ̃ nanà ma bɔlɔ ahɔɛ, pɔ kɛka nyia ka lɛ bɔlɔ ahɔɛ.

Korintoanɛ 2 8:12

Ɔmɔsɛ onupɛ tɛpɛpɛ ɔkɔ kɛdɔ̃ kɔkɔ lɛɛ, baba yɛkɛ kɛgɛ ɔlàkɔ nɛ kɛgɛ lɛ wɔahɔɛ mɛ, gɛnɛ kɛgɛ ma wɔahɔɛ pɛ ɔtɛbɔlà kɔ shu.

Korintoanɛ 2 8:9

Ɔmɔsɛ nonyi kibhuiɛ gɛ Apalete Yesu ebhui bɔlɔ ebuɔ, pɔ gɛ edzi ehoeyi elete tsyɛ elo wɔnɔ shu so pɛ ebedzi etsyuitsyui, sɛ tɛ nɔmɔ ehoeyi bɔdɔ̃ ɔgana yɛitsyui dɔdɔ mɛ.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Petro 1 4:10

Anɔ ka nyia ka alɔkɔ yɛdɔkɔkɔ gɛ ayɛkɛ tɛ̀ aplɛnɔ bagɔgɔɛ nɔ, gana tɛyɛyɛkɛŋã ibui gbangbã tɛbhɛbhɛtɛ mɛ tɛ̀ alɔkɔ aɖɔ Owusoso Akaa tibhui bhuibuɔ nɛ edzo gelee abha.