Banɔkpɛkpɛ Axɔ̃ɛ 27:3 - Nyangbo New Testament

³ Gɛ keliɛ azaa, budizhi nɛ Sidon, kɛlɛ Yulio abhɛtɛ ɛyamɛ gbangbã akɔ Paulo, kɛlɛ akɔ yɛidzo asɛ avɛ yɛɔbhia alɛ ɔkɔ tɛ̀ bakɔyɛ kɛdɔ̃ nɔnɔ gɛ apɛɛ nɔ̀.

Banɔkpɛkpɛ Axɔ̃ɛ 27:3 Iomraidhean Croise

Banɔkpɛkpɛ Axɔ̃ɛ 12:20

Herodes azapɛ ebela nɛ̀ Tiro nɛ̀ Sidoanɛ, pɔ otsi alɛ xɔnɔ babhɛtɛ tenikpo pɛ bekulu banɔ pɛ̀ bazã kesi nii. Gɛ bamɔ tɛpɛplɛnɔ odenɔ Blasto gɛenu Ekusiɛ yɛaxɔ̃ɛdɛ gɛ yɛabha yɛ ayɛkɛ aŋãa ɔkɔɔ, bebisi ishu yɔyɔ, ɔmɔsɛ ekusiɛ yɛesiakpa mɛ bamɔ bɔdɔ̃ gɛ baŋãa edenɔ.

Banɔkpɛkpɛ Axɔ̃ɛ 24:23

Akpɛ keyuadɛdɛ anɔ gbagbla ɔsha asɛ tɛ̀ akɔ bazã epó Paulo piapii, pɔ akɔ yɛazã yɛishu ahɔɛ mɛ tɛ̀ akɔ yɛbhia alɛ ebeɖi yɛabha nɛ̀ kɛgɛ yɛapɛɛ nɔ.

Banɔkpɛkpɛ Axɔ̃ɛ 27:1

Kibeɛ gɛ bebhui kibui mɛ ɔsɛ bɔbàgã kelĩabha kidzo ɔvɛ Italia nɔ̀, balɔkɔ Paulo nɛ̀ ɔɖavũmɛ azazã anɔ teli kpɛ ahɔɛ akɔ keyuiza anɔ gbagbla gɛ alɛ buyuadɛdɛ akpã ulũ pɛ bezekulu yɛasɛ Yulio ahɔɛ mɛ, anɔ gɛ ewuli akà kpasɛ keyuiza ovolo toli mɛ.

Banɔkpɛkpɛ Axɔ̃ɛ 27:43

Pɔ gɛ keyuiza anɔ gbagbla apɛ asɛ tɛ̀ ebù Paulo xɔnɔ eyìnɔ nɛ ɛlɛ mɛ soɔ, agɛkɔ balɛ kidzò. Etseɖe bagɛ babalà bulĩɛ edoɔ asɛ beputɔ̀ atɛɛ ekoeyì nɛ kelĩabhaohuɔ mɛ tɛ̀ bavɛ kesiakpa.

Banɔkpɛkpɛ Axɔ̃ɛ 28:16

Gɛ budiku Roma nɔ̀, bashɛnɛ ahɔɛ nɛ Paulo shu asɛ tɛ̀ azã yɛishu ahɔɛ mɛ tɛ̀ keyuadɛdɛ tenikpo azãpoe.