Banɔkpɛkpɛ Axɔ̃ɛ 26:16 - Nyangbo New Testament

¹⁶ ‘Otsi alɛ lɔzã wɔɛtsɛɖɛ abha. Ibu mɛishu kasɛ wɔ, ɔsɛ tɛ̀ ibu wɔ asɛ axɔ̃ɛdɛ, nɛ̀ asɛ anɔ gɛ abaɖɔaɖɔ, nɛ kɛgɛ wɔmɔ nɛ mɛishuɔ, nɛ̀ kɛgɛ ɛzɛbà bùkasɛ wɔ shu.

Banɔkpɛkpɛ Axɔ̃ɛ 26:16 Iomraidhean Croise

Banɔkpɛkpɛ Axɔ̃ɛ 1:17

Yuda edzi bɔlɔ ɔmayɛmɛ tenikpo, kɛlɛ bakɔɛ ɔzãkɔ nɛ bɔlɔ axɔ̃ɛdɛdɛ alɛ mɛ.”

Banɔkpɛkpɛ Axɔ̃ɛ 1:25

ɔsɛ tɛ abavɛ banɔkpɛkpɛ axɔ̃ɛ wɔawɔa nabha gɛ Yuda ashɛnɛ ahɔɛ elú pɛ avɛ ɛkɛlɛ gɛ ashɔnɔ asɛ tɛ avɛɛ.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Banɔkpɛkpɛ Axɔ̃ɛ 21:19

Paulo asɛnɔ alɛ kɛlɛ akɔ alɛ tititì piapi nɛ kɛgɛ Owusoso Akaa abhɛtɛ nɛ bagɛ etinu Yudanɛ nɛishi ɔganà yɛɔdɔ kakasɛ mɛ.

Banɔkpɛkpɛ Axɔ̃ɛ 22:10

Ibisi sɛ, “ ‘Apalete, kiɖe kɛlɛ ɔsɛ mɛbhɛtɛ?’ Apaleteɛ etseɖe mɛasɛ, “ ‘Lɔɛtití tɛ̀ ɔvɛ Damasko ɔmamɛ. Nɛ ɛkɛlɛ bebètseɖe wɔ ebuiɛ gɛ bakpɛ wɔahɔɛ ɔsɛ ɔbhɛtɛɛ.’

Banɔkpɛkpɛ Axɔ̃ɛ 23:11

Kiwui ɛlɛ elishiɛ, Apaleteɛ abazã Paulo ɔbha pɛ etseɖe yɛasɛ, “Kpɛ kité! Kana gɛ ɔɖɔ kaɖɔ dalɛ mɛishu nɛ Yerusalemuɔ, kana kɛlɛ ɔsɛ wɔdɛɖɔ kaɖɔ nɛ mɛishu nɛ Roma tsyɛ.”

Banɔkpɛkpɛ Axɔ̃ɛ 26:15

“Kɛlɛ mɛibisi ɔsɛ Apalete, wɔonu afana?’ Apaleteɛ ebuiliulũ asɛ, ‘Mɛinu Yesu, anɔ gɛ yiede wɔtɔnɔɔ.’

Banɔkpɛkpɛ Axɔ̃ɛ 6:4

tɛ kɛkɔ bɔmɔ kibè ɔkɔ Owusoso Akaa tikukulu nɛ̀ yɛibuiɛ tɛɖɔɖɔ.”

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Korintoanɛ 2 4:1

Klisoɔ, gɛ gana Owusoso Akaa ashagabui ɖiɖi mɛ bɔwɔa axɔ̃ɛ soɔ, bɔlɔ etúɔ ohuiɛ otio bhui.

Korintoanɛ 2 5:18

Alɛ petee ede Owusoso Akaa ɔkɔ, anɔ gɛ yɛabhɛtɛ tenikpo nɛ̀ bɔlɔ ɔgana Kristo abha kɛlɛ akɔ bɔlɔ kɛxɔ̃ɛ wɔawɔa, gɛ mana tenikpo bhɛbhɛtɛ,

Galatianɛ 1:12

Ɛgɛ yɛkɛ ɛlɛ odenɔ ananà ɔkɔ, pɛ ebedzi asɛ bɔkasɛ bakasɛ mɛ ɛlɛ, pɔ ɛyɛkɛ ɛlɛ odenɔ kibui bubu kasɛ gɛide Yesu Kristo ɔkɔ mɛ.

Galatianɛ 2:2

Ɛdɛ ɛkɛlɛ nɛ kibui bubu kasɛ tili shu, kɛlɛ ɛɖɔ kibui gbangbã gɛitseɖe bagɛ etinu Yudanɛ tsyɛ tseɖe alɛ. Pɔ ɛbhɛtɛ ɛlɛ̀ ete ɔkɔ bagɛ alɛ otugbà ɔkɔ banunɔ, nɛ kifu sisí mɛ ɔsɛ ɛzɛdɛ kɛxɔ̃ɛ alo ɛkaadɛ ɛxɔ̃ɛ kpɛ ɛlɛɛ mɛ.

Efesoanɛ 3:3

gɛ kɛlɛinu, kibui kpukpũɔ gɛ bebu akasɛ mɛ, asɛ gɛ ɛtɛ fɔnɔ lu gulũi nɔ.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Koloseanɛ 1:25

Ɛbadzì kɛlɛ axɔ̃ɛdɛ ɔganà kɛxɔ̃ɛ gɛ Owusoso Akaa akɔ mɛ sɛ ɛkpɛ ahɔɛ akɔ ɔnɔ gɛinu Owusoso Akaa ibuiɛ petee,

Koloseanɛ 1:7

Nɔ kpasɛ ɛlɛ odenɔ Epafro bɔlɔ adzya gɛ aadɛ axɔ̃ɛ aplɛnɔ ɔlɔ ɔkɔ, anɔ gɛ aɖɔ tɛyɛyɛkɛŋã ebui nɛ ɔlɔ ɛtakpu,

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Timoteo 1 1:12

Ihu bɔlɔ Apalete Kristo Yesu ahɔɛ, anɔ gɛ yɛakɔ mɛ ohumi, pɛ ayɛkɛ mɛabha aŋã sɛ ɛtɛsɛ asɛnɛ, pɛ ebu mɛ akɔ yɛxɔ̃ɛ wɔawɔa.

Timoteo 1 4:6

Onupɛ obu ebui alɛ ɔkasɛ badzyaa, obodzi axɔ̃ɛdɛ gbangbã ɔkɔ Kristo Yesu, gɛ banyɔnɔ nɛ kibui gbã tɛyɛyɛkɛŋã mɛ nɛ̀ bɔdɔ̃ kakasɛ gbangbã gɛ bɔlɛ ede wɔlɛ mɛ.

Timoteo 2 4:5

Pɔ wɔ xɔnɔɔ, zã gagalĩi nɛ kɛka nyia ka mɛ, kpɛ emi nɛ ebui gagalĩ mɛ, wɔa kɛxɔ̃ɛ asɛ anɔ gɛ akanà kibuiɛ ana, wɔa axɔ̃ɛ petee ɔkɔ wɔ ɔhaa.