Banɔkpɛkpɛ Axɔ̃ɛ 26:11 - Nyangbo New Testament

¹¹ Ewuimɛ ewuimɛɛ, ɛlɔ odenɔ ɛtsyɔakɔ ɔvɛnɔ ɛbhlatɔ ɔsɛ tɛ bapɔ̃ batɔ̃ akɔ alɛ, kɛlɛ izitũilɛ kpɛ balɛulũ asɛ tɛ̀ baɖɔ ebusoebui. Mɛ ɔmɔpɔɛ nɔ nɛ balɛishu soɔ, ɛtɔnɔ baliede vɛ amadi bhlatɔ tsyɛ mɛ.

Banɔkpɛkpɛ Axɔ̃ɛ 26:11 Iomraidhean Croise

Banɔkpɛkpɛ Axɔ̃ɛ 13:45

Gɛ Yudanɛ amɔ banɔɛza gɛishogòɔ, kabhã wɔawlɔakɛ eku balɛ mɛ, kɛlɛ bakpà akwalatu ebui aɖɔ nɛ kɛgɛ Paulo azaɖɔɔ shu.

Banɔkpɛkpɛ Axɔ̃ɛ 18:6

Pɔ gɛ Yudanɛ alɔɛtití nɛ Paulo shu nɛ̀ akwalatu ebui soɔ, eshuku yɛakpɛkpɛ akasɛ balɛ asɛ, “Wɔnɔ dzosu nɔ aba wɔnɔ atakpu nabha! Ɛbhɛtɛ mɛ ɔbhɛtɛ ɔkɔ. Odenɔ otsiɛ ɔvɛnɔɔ, ɛbavɛ bagɛ betinu Yudanɛ ɔkɔ.”

Banɔkpɛkpɛ Axɔ̃ɛ 22:19

“Ibuiliulũ sɛ, ‘Apalete, banɔ alɛ enyi asɛ ɛɛlɔ̀de ɔtsyɔakɔ ɔlɛ ɔvɛnɔ ɔbhlatɔ, pɛ idi huisi bagɛ ayɛkɛ wɔabha aŋã pɛ ɛɛkpɛ alɛ nɛ ɔɖavũ mɛ.

Banɔkpɛkpɛ Axɔ̃ɛ 22:5

asɛ kana gɛ banɔlũazazã gbagbla nɛ̀ yɛ besheshèɛ petee abalà aɖɔ kaɖɔ nɛ kɛlɛishu ana. Ɛvɛ tsyɛ dɛyɛkɛ buplukpa odenɔ banɔlũazazã gbagbla ɔkɔ ɔsɛsɛ balɛ adzya alɛ nɛ Damasko, kɛlɛ ɛvɛ ɛkɛlɛ dɛgbana banɔ alɛ asɛ ɔɖavũmɛ azazã ana amana Yerusalem asɛ bapɔ̃ batɔ̃ akɔ alɛ.

Banɔkpɛkpɛ Axɔ̃ɛ 9:1

Nɛ kibe ɛlɛ, Saulo ezewlui akãkɔ Apaleteɛ yɛadɔkpasɛanɛ. Atɔnɔ banɔlũazazã gbagbla avɛ

Yakobo 2:7

Anɛ ehoeyielete alɛ balɛ ebu olugbũ mɛ nɛinye gbangbã gɛ nɔyɛkɛ odenɔ Yesu ede zazã mɛ mɔɔ dza?

Petro 2 2:16

Pɔ etukusɔ ete yɛetseɖe nii nɛ yɛ ebui kpa bhɛtɛ bhɛbhɛtɛ shu, agãhoe gɛ atɛaɖɔaɖɔ, yɛaɖɔ anɔdzyrame aɖɔ pɛ agɛ dɛmɛ atɔɖɔ ebuiɖɔluanɔ egugu dɔdɔ ibuiɛ nabha.