Banɔkpɛkpɛ Axɔ̃ɛ 24:1 - Nyangbo New Testament

¹ Ewui teti edeɛ, banɔlũazazã gbagbla Anania nɛ̀ Besheshèɛ teli abavɛ Kaisarea ɔplɛnɔ ɔshaetinɛ teli gɛ bezekulu yɛasɛ Tertulo, kɛlɛ balɔkɔ ebuiɛ gɛ bebhui Paulo ulũɔ nɔ amana kɛmadi ekusiɛ.

Banɔkpɛkpɛ Axɔ̃ɛ 24:1 Iomraidhean Croise

Banɔkpɛkpɛ Axɔ̃ɛ 12:21

Nɛ kiwuiɛ gɛ batɔɖɔ elu nabhaa, Herodes akpɛ yɛekusi akpɛkpɛ dzloloɔ, azã yɛekusi kegbu nabha, kɛlɛ azaɖɔaɖɔ etseɖe banunɔ nɛ ɔtsyɔakɔ.

Banɔkpɛkpɛ Axɔ̃ɛ 21:27

Gɛ ewui tegegeneɛ ebelè ebèkeɛ, Yudanɛ teli gɛede Asia bɔdɔ̃ mɛ adɛmɔ Paulo nɛ Akaavũɔ mɛ. Betsú kifu akpɛ banɔ nɔ petee mɛ kɛlɛ bedivũ yɛ,

Banɔkpɛkpɛ Axɔ̃ɛ 23:2

Nɛ kibui ɛlɛ gɛ aɖɔ soɔ, Anania gɛenu banɔlũazazã gbagbla etseɖe bagɛ beli kititì nɛ Paulo ɔbha asɛ behu olugbũ ɔlɛ ɛdɔ̃ akɔɛ.

Banɔkpɛkpɛ Axɔ̃ɛ 23:24

Nɔpɛ ɛsɔ ɔkɔ Paulo tsyɛ tɛ̀ azã yɛabha asɛ tɛ̀ bagbana yɛavɛnɔ Felike gɛenu kɛmadi ekusiɛ nɛ ishu yɔyɔ mɛ.”

Banɔkpɛkpɛ Axɔ̃ɛ 23:30

Gɛ bakɔ mɛitì nɛ kibui kpa gɛ batɔɖɔ nɛ anyɛ alɛ shu soɔ, ɛɛlɔkɔ̀ yɛ sɛsɛ wɔ tsiɔ̃ ɔlɛ. Mɛtsyɛ kɔ bagɛ behui yɛulũ ɔsha asɛ, balɔkɔ kibuiɛ gɛ balɔkɔ ebhui yɛulũɔ mana wɔkɔ.

Banɔkpɛkpɛ Axɔ̃ɛ 23:33

Gɛ bagɛ bedo ɛsɔ nɔ ediku Kaesarea nɔ, balɔkɔ keplukpa akɔ kɛmadi ekusiɛ kɛlɛ balɔkɔ Paulo tsyɛ akpɛ ahɔɛ akɔɛ.

Banɔkpɛkpɛ Axɔ̃ɛ 23:35

aɖɔ asɛ, “Ɛbàlũ wuɛbuiɛ gɛ onupɛ bagɛ bebhui wɔlũɔ ebekù ɛkɛlɛ.” Kɛlɛ akɔ ɔsha sɛ̀ bezaepò Paulo nɛ Romanɛ ekusi Gbagbala ɔpã mɛ.

Banɔkpɛkpɛ Axɔ̃ɛ 24:11

Asɛ gɛ olũ nɛ kibui ɛlɛ shuɔ, aka fala ewui lɔfɔ nɛ̀ taabha, gɛ ɛvɛ Yerusalem tɛ̀ mɛ dɛkpɛ kɛtakpu esi ɔkɔ Akaa.

Banɔkpɛkpɛ Axɔ̃ɛ 24:2

Gɛ bedi kulu Paulo amanaa, Tertulo aɖɔ yɛulũ bhui bhui ebuiɛ etseɖe Felike asɛ, “Kibè dzololo nɛ ɛlɛ gɛ bɔkpasɛ wɔ esi nɛ ishu yɔyɔ mɛ, kɛlɛ gɛ ɔmɔ otugbàa mɛ sɛsɛ soɔ, ɔkɔsɛ bɔmɔ tìtsyitsyina gelee nɛ bɔlɔ kɛmadi ɛlɛ mɛ.

Banɔkpɛkpɛ Axɔ̃ɛ 25:15

Kibeɛ gɛ ɛbawù ɔvɛ Yerusalemuɔ, banɔlũazazã gbagbla nɛ̀ Yudanɛ besheshèɛ alɔkɔ ebui nɛ yɛishu, kɛlɛ bezebisi kidzo asɛ tɛ̀ beyìi.

Banɔkpɛkpɛ Axɔ̃ɛ 25:2

ɛkɛlɛ banɔlũazazã gbagbla nɛ̀ Yudanɛ otugbà banunɔ aba yɛɔkɔ nɛ̀ ebuiɛ gɛ balɔkɔ ebhui Paulo ulũ nɔ.

Korintoanɛ 1 2:1

Mɛelé alɛ mɔ, gɛba wɔnɔ ɔbha, ɛgɛba asɛ anɔ gɛenyi kaɖɔ ɖɔɖɔ piapii alo asɛ anɔ gɛ yɛ bubutì vɛ otugbà ana, nɛ kibeɛ gɛ itseɖe wɔnɔ ebuiɛ gɛ ɛzɛ mɔ nɛ Owusoso Akaa shu.

Korintoanɛ 1 2:4

Mɛ ebuiɛ gɛ ɛɖɔ nɛ Owusoso Akaa shuɔ, etinu bubutì nɛ̀ ebui gɛ batɛ elũ alɛ esi, pɔ lenu ebui gɛ Owusoso Akaa Ɔfɔfuĩa nɔ ohumi nɔ obu ɔkasɛ,