Banɔkpɛkpɛ Axɔ̃ɛ 22:1 - Nyangbo New Testament

¹ “Mɛadzya alɛ nɛ̀ mɛada alɛ mɔ, nɔtaatɔ̃ olũ mɛishu ulũ tibubuɔ.”

Banɔkpɛkpɛ Axɔ̃ɛ 22:1 Iomraidhean Croise

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Banɔkpɛkpɛ Axɔ̃ɛ 19:33

Yudanɛ etii Aleksandro avɛnɔ otugbà, kɛlɛ banunɔ gɛ ebeshogòɔ teli akpɛ ozĩ nɛ yɛabha pɛ bakasɛ yɛ kɛgɛ kɛlɛ ɔsɛ abhɛtɛɛ. Akasɛ balɛ ahɔɛ asɛ tɛ̀ bataatɔ̃ tɛ̀ amɔ kidzo ebú yɛishu ulũ nɛ banunɔ amɛ.

Banɔkpɛkpɛ Axɔ̃ɛ 23:1

Paulo eɖi ɔhamɛ besheshèɛ namɛ pɛ aɖɔ asɛ, “Mɛadzya alɛ mɔ, ɛbhɛtɛ kɛgɛ kɛlɛ sɛ mɛbhɛtɛ petee ɔkɔ Owusoso Akaa nɛ ekpeɖekpeɖe gbangbã mɛ oboyinɔ obuoɔ.”

Banɔkpɛkpɛ Axɔ̃ɛ 23:6

Kɛlɛ Paulo, gɛenyi asɛ balɛ mɛ beteli enu Zadukianɛ pɛ bagɔgɔɛ nɔ enu Farisianɛ soɔ, aɖɔaɖɔ gagalĩ etseɖe ɔhamɛ besheshèɛ asɛ, “Mɛadzya alɛ mɔ, Farisieyi mɛinu, inu eyianyɛ ɔkɔ Farisieyi. Bekulu kebhu nɛ mɛ ɔmɔsɛ iɖi otugbà mɛ ɔkɔ betsitsíɛ tɛlɔlɔ.”

Banɔkpɛkpɛ Axɔ̃ɛ 24:10

Kibeɛ gɛ kɛmadi ekusiɛ akasɛ Paulo ahɔɛ asɛ aɖɔaɖɔɔ, ebuiliulũ asɛ, “Inyi ɔsɛ agɔ kpekpè nɛ alɛ gɛ okulu kebhu nɛ kɛmadi ɛlɛ mɛ, kliso pɛ ɛlɔkɔ same babu mɛishu ulũ.

Banɔkpɛkpɛ Axɔ̃ɛ 25:16

“Itseɖe balɛ ɔsɛ, kitinu Romanɛ ɔkɔ̀ ɔsɛ tɛ̀ balɔkɔ anɔ nanà akpɛ ahɔɛ tɛ̀ atsyɔa kitemɛ bamɛ nɛ̀ bamɛ, nɛ̀ bagɛ bebhui yɛuluɔ flogo tɛ̀ amɔ kidzò edibu yɛishu ulũ, nɛ̀ ebuiɛ gɛ balɔkɔ nɛishuɔ.

Banɔkpɛkpɛ Axɔ̃ɛ 25:8

Kɛlɛ Paulo ebu yɛishu ulũ asɛ, “Ɛgɛ bhɛtɛ kibui kpa nanà nɛ Yudanɛ ɔsha, alo Akaavũɔ alo Kaisaro shu.”

Banɔkpɛkpɛ Axɔ̃ɛ 26:24

Gɛ aɖɔaɖɔ eku ɛkɛlɛ, Festo abaɖɔaɖɔ ebhui Paulo kibuiɛ nulũ. Akpɛ ozĩ asɛ, “Paulo, ɔma piapii, wɔ bɔdɔ̃ gbagbla tɛkpakpasɛ pɛ sɛ kɔ wɔamɛ ezĩ.”

Banɔkpɛkpɛ Axɔ̃ɛ 28:17

Ewui tata edeɛ, Paulo ɛkulu Yudanɛ besheshèɛ eshogò. Gɛ beshogò ebekeɛ, etseɖe balɛ asɛ, “Mɛadzya alɛ Israelanɛ mɔ, ɛgɛ bhɛtɛ kibui kpa nanà nɛ̀ bɔlɔ banunɔ alo bɔlɔ ashuĩ alɛ ɛkɔɔ shu flogo, bevũ mɛ nɛ Yerusalem pɛ balɔkɔ mɛ akpɛ ahɔɛ akɔ Romanɛ.

Banɔkpɛkpɛ Axɔ̃ɛ 7:2

Ebu kibui ɛlɛ ulũ asɛ, “Mɛadzya alɛ, nɛ mɛakaa alɛ, nɔtaatɔ nɛ mɛ! Nɛ kibe ɛlɛ gɛ bɔlɔ ashuĩ Abraham azã Mesopotamia nɔ, Owusoso Akaa Ishudadalɛ eleteɛ ebu yɛishu akasɛ yɛ nɛ ɛkɛlɛ flogo pɛ Abraham ebetú avɛ Xaram.

Romanɛ 2:15

pɔ nɛ balɛ tɛgagã nɛ ɔsha lũɔɔ, kɛkasɛ ɔsɛ bafɔnɔ ɔsha nɛ balɛ etúɔ mɛ, kɛlɛ balɛ etúɔ mɛ ebui tsyɛ adalɛ alɛ shu, kɛlɛ balɛ ekpeɖekpeɖeɛ mɛ ebhui alɛ ulũ, kɛlɛ kidzo ɛlɛ nabhaa yɛebu balɛulũ tsyɛ.)

Korintoanɛ 1 9:3

Bulũbubuɔ gɛ lɛ mɛahɔɛ ɔkɔ bagɛ azã kesi nɛ kebhu mɛ nimɛ nɛ alɛ.

Korintoanɛ 2 12:19

Aabhɛtɛ wɔnɔ sɛ bɔpɛ asɛ tɛ bubu bɔlɔshu ulũ nɛ wɔnɔ amɛ dza? Bɔɔɖɔ kaɖɔ nɛ Owusoso Akaa amɛ asɛ banɔ gɛ akpasɛ Kristo mɛ ana, mɛadzya alɛ gɛ ɛdɛmɛ nɔ, kɛka nyia ka gɛ bɔbhɛtɛ, bɔbhɛtɛ ɛlɛ ɔkɔ wɔnɔ sɛ tɛ nɔzã gagalĩ.

Korintoanɛ 2 7:11

Noɖi kɛgɛ ɔwɔ̃nyɔnɔ nɛ Owusoso Akaa mɛ ɔbhɛtɛ nɛ wɔnɔ ɛkpã mɛ, akɔ asɛ nɔkpɛ kemi nɛ kibui shu ɔdɛ, akɔ asɛ nɔpɛ ɔsɛ tɛ wɔnɔ shu dalɛ, akɔ asɛ nɔkpɛ ɔmɔpɔɛ nɛ kɛgɛ gɛpɛ̃ɛ shu, akɔ asɛ notisi kifù, akɔ asɛ noɖi kidzo mɛ ɔkɔ ebui teli, akɔ asɛ nɔlɔkɔ tili nɛebui mɛ, akɔ asɛ nɔpɛ ɔsɛ tɛ bapɔ̃ batɔ̃ akɔ anɔ gɛ atɛa bhɛtɛ kibui gbangbã. Nɛ ebuiɛ alɛ petee mɛɛ, nɔkasɛ ɔsɛ wɔnɔ shu dalɛ nɛ alɛ shu.

Filipianɛ 1:17

Bagɛ eti putɔɔ, balɛ aɖɔ Kristo ibuiɛ ɔkɔ balɛ ishu tɛpɛpɛ̃, kigi de balɛ etúɔ mɛ, pɔ babhɛtɛ ɛlɛ ana asɛ tɛ bakɔ mɛmɔ buluhũ nɛ kibeɛ gɛ ɛkpasɛ ɛɖahuiɛ mɛ.

Filipianɛ 1:7

Kɛpɛ̃ ɔkɔ mɛ ɔsɛ tɛ kibui ɛlɛ zã mɛ mɛ̀ nɛ wɔnɔ petee shu, gɛ wɔnɔ ibui gbangbã kpasɛ mɛitúɔ mɛ so, ɔmɔsɛ onupɛ ɛkpasɛ ɛɖahui mɛ alo ibu ishu ulũ alo pɛ ɛtɔɖɔ ɛklagbu nɛ ɛlɛ abha tsyɛ, wɔnɔ petee ɔyɛkɛ Owusoso Akaa tibhui bhuibuɔ ɔplɛnɔ mɛ.

Timoteo 2 4:16

Nɛ mɛ ishu ulũ bubuɔ gɛ iputɔ shuɔ, ananà agɛba plɛnɔ mɛ, pɔ aka nyia aka ashɛ ayɔlɔ mɛ. Batɛ̀ lɔkɔ ɛlɛ abuia kɛbhɛ akɔ alɛ nɔ.

Petro 1 3:15

Pɔ nɛ wɔnɔ etúɔ mɛɛ, nɔlɔkɔ Kristo asɛ wɔnɔ Apalete. Nɔbalɛ kibe nyia be tɛ̀ nɔobu kibui ulũ ɔkɔ aka nyia aka gɛ ebisì wɔnɔ kibui sɛ tɛ̀ nɔɖɔ kɛnɔnɔ shu sopɛ nɔoɖì kidzo mɛ ɔkɔ ebui alɛ. Pɔ nɔbhɛtɛ alɛ nɛ tɛdɔdɔ fɔ̃ɔ nɛ̀ kaɖɔ gbangbã tɛɖɔɖɔ mɛ,