Banɔkpɛkpɛ Axɔ̃ɛ 2:4 - Nyangbo New Testament

⁴ Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Banɔkpɛkpɛ Axɔ̃ɛ 2:4 Iomraidhean Croise

Banɔkpɛkpɛ Axɔ̃ɛ 1:5

Bulĩ Yohanes alɔkɔ aakpɛ Owusoso Akaa bulĩ nɛ kɛtakpu akɔ banunɔ, pɔ nɛ ewui gulũi teli gɛ abà mɛɛ, Ɔfɔfuĩa Gbangbã babà lɔkɔ akpɛ bulĩɛ akɔ wɔnɔ xɔnɔ nɔ̀.”

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Banɔkpɛkpɛ Axɔ̃ɛ 10:46

Ɔmɔsɛ belũ gɛ bezehu beluhũ vɔvɔ pɛ baakpɛ Owusoso Akaa nɛinyè nɛitití. Kɛlɛ Petro aɖɔ asɛ,

Banɔkpɛkpɛ Axɔ̃ɛ 10:47

“Anɔ teli abalà abhɛtɛ ɛlɛ asɛ tɛ batɛ kpɛ bulĩ akɔ banɔ alɛ dza?” Balɛ tsyɛ ayɛkɛ Ɔfɔfuĩa Gbangbã asɛ kana gɛ bɔyɛkɛ̀ ɔlɛ ana.

Banɔkpɛkpɛ Axɔ̃ɛ 11:15

“Kibeɛ gɛ ɛɖɔ kaɖɔ koɔ, Ɔfɔfuĩa Gbangbã ɔbɔdɔ̃ balɛ abha asɛ gɛ lɔba ɔlɔ tsyɛ abha nɛ kesikpɛkpɛ mɛ.

Banɔkpɛkpɛ Axɔ̃ɛ 11:24

Barnaba edzi anɔ gbangbã teli gɛ̀ Ɔfɔfuĩa Gbangbã ɔzã yɛmɛ̀ pɛ̀ ayɛkɛ aŋã, kɛlɛ bagbana banɔ kpekpè teli amana Apaleteɛ ɔkɔ.

Banɔkpɛkpɛ Axɔ̃ɛ 13:52

Kɛlɛ badɔkpasɛanɛ amɔ same pɛ Ɔfɔfuĩa Gbangbã oyuku balɛ mɛ.

Banɔkpɛkpɛ Axɔ̃ɛ 13:9

Kɛlɛ Saulo gɛ bezekulu tsyɛ asɛ Paulo gɛ Ɔfɔfuĩa Gbangbã oyukù yɛmɛ, edzu awuhũ nɛ ehuinɛ Elima yamɛ pɛ etseɖe yɛasɛ,

Banɔkpɛkpɛ Axɔ̃ɛ 15:8

Owusoso Akaa gɛenyi anɔdzyrame kitúɔ mɛ, akasɛ asɛ ayɛkɛ balɛ tsyɛ ɔgana Ɔfɔfuĩa Gbangbã tɛkɔkɔ alɛ mɛ asɛ kɛkɔ gɛ akɔ bɔlɔ tsyɛ ana.

Banɔkpɛkpɛ Axɔ̃ɛ 19:6

Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú.

Banɔkpɛkpɛ Axɔ̃ɛ 2:11

(bagɛ benu Yudanɛ nɛ̀ bagɛ betsyina atɔnɔ Yudanɛ ɛkɔɔ) Kretanɛ nɛ̀ Arabianɛ, bulũ baɖɔ̀ Owusoso Akaa ebui gɛ labhɛtɛ kibi nɛ bɔlɔ ahɔɛ buluhũ mɛ̀.”

Banɔkpɛkpɛ Axɔ̃ɛ 2:3

Bamɔ kɛdɔ̃ tili giyì kifu ɔɖɛklɛmɛ ana, gɛ yá pɛ badɔ ɔzã balɛ ɔmayɛ mɛ ka nyia ka abha.

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Banɔkpɛkpɛ Axɔ̃ɛ 4:8

Petro gɛ Ɔfɔfuĩa Gbangbã eyukui mɛɛ, etseɖe balɛ asɛ, “Bekusiɛ nɛ̀ ɔma besheshèɛ!

Banɔkpɛkpɛ Axɔ̃ɛ 6:3

Kliso, mɛadzya alɛ mɔ, nobu banyɛ tegegene nɛ wɔnɔɛshi gɛ nonyi ɔsɛ, Ɔfɔfuĩa Gbangbã nɛ̀ bubutì kpasɛ alɛ mɛ, bɔbà lɔkɔ kɛxɔ̃ɛ ɛlɛ kpɛ ahɔɛ ɔkɔ alɛ

Banɔkpɛkpɛ Axɔ̃ɛ 6:5

Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Banɔkpɛkpɛ Axɔ̃ɛ 6:8

Stefano anɔ gɛ Owusoso Akaa tibhui bhuibu nɛ̀ ohumi ɔzã yɛmɛ, abhɛtɛ atsyindzye ebui nɛ̀ ebui gɛ labhɛtɛ ibì nɛ banunɔ nɛishi bamɔ.

Banɔkpɛkpɛ Axɔ̃ɛ 7:55

Pɔ gɛ Ɔfɔfuĩa Gbangbã ɔzã Stefano mɛ soɔ, eɖi kititiɛ kɛlɛ amɔ Owusoso Akaa yɛ tɛdadalɛ mɛ̀, nɛ̀ Yesu gɛalɛ Owusoso Akaa yɛŋã mɛ.

Banɔkpɛkpɛ Axɔ̃ɛ 8:17

Kɛlɛ Petro nɛ̀ Yohanes atɔɖɔ ahɔɛ nɛ balɛ abha, kɛlɛ bayɛkɛ Ɔfɔfuĩa Gbangbã.

Banɔkpɛkpɛ Axɔ̃ɛ 9:17

Kliso Anania avɛ bɔpã mɛ, kɛlɛ editsoku bɔlɛ̀ mɛ. Atɔɖɔ ahɔɛ nɛ Saulo abha pɛ etseɖe yɛasɛ, “Mɛadzya Saulo, Apalete Yesuɔ gɛ ebu yɛishu akasɛ wɔ nɛidzoɔ mɛ gɛɔba ɛkɛlɛ, yɛakpɛ mɛ nɛ wɔkɔ, tɛ̀ wɔ awuhũɔ adalɛ tɛ̀ Ɔfɔfuĩa Gbangbã oyuku wɔ mɛ.”

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Korintoanɛ 1 12:10

anɔ teli tsyɛ bakɔɛ ohumi gɛ lɔbhɛtɛ ebui gɛ labhɛtɛ kibì, teli tsyɛ kibui ɖɔɖɔlu, teli tsyɛ tɛ̀ amɔ Ɛfɔfuĩa nɔ gɛinu ɛgbangbã nɛ̀ ɛkpa, teli tsyɛ kaɖɔɖɔɖɔ nɛ beluhũ bhlatɔ mɛ, kɛlɛ teliɛ tsyɛ tɛ ebu beluhũ vɔvɔ huhuɔ niesi.

Korintoanɛ 1 13:1

Onupɛ ihu beluhũ vɔvɔ petee gɛ banɔdzyrameɛ nɛ̀ baxɔ̃ɛdɛ tsyɛ ehuɔ, pɛ tɛdɛdɛmɛ nɔ nɛ̀ anɔ ama mɛahɔɛ, kɛlɛ mɛ kaɖɔ ɖɔɖɔ edzi asɛ ɔgã alo kesipɛ̃ kpá gɛ kalɛ tiyiyi pɔɛ banɔ atɔ̃ mɛ ana.

Korintoanɛ 1 13:8

Tɛdɛdɛmɛ nɔ tɛ wɔɛ anɔ. Pɔ ɛkɛlɛ gɛ ebuiɖɔlu ebuiɛ alɛ, alɛ ulũ bafala, ɛkɛlɛ gɛ beluhũ vɔvɔ huhu alɛɛ, alɛ ulũ bazɔkɔ yɔlɔ, ɛkɛlɛ gɛ kibuititì tsyɛ lɛɛ, kɛlɛ ulũ bafala.

Korintoanɛ 1 14:18

Ihu Owusoso Akaa ahɔɛ ɔsɛ iihu beluhũ vɔvɔ ɔdɛ wɔnɔ nyɔ̃ɔ.

Korintoanɛ 1 14:5

Ɛbapɛ sɛ tɛ̀ wɔnɔ mɛ aka nyia aka ezehu beluhũ vɔvɔ, pɔ kɛbapɛ ɔkɔ mɛ ɔdɛ gɛ onupɛ nɔɖɔ kibui olu boŋ. Anunɔ gɛ aɖɔ kibui elùɔ egbogblo adɛ anunɔ gɛ eehu beluhũ vɔvɔ, ɔdɛ ɔsɛ ebu kɛgɛ yɛaɖɔ niesi sɛ tɛ̀ alɔkɔ abhɔ ɔhaa ewunɔ kabha nɔ.

Efesoanɛ 3:19

sɛ tɛ nɔoti tɛdɛdɛmɛ nɔ ɛlɛ gɛ dɛ kibui titì-ɔsɛ tɛ Owusoso Akaa oyuku wɔnɔ mɛ piapii nɛ yɛ kɛlɛɛ gɛ alɛɛ nulũ.

Efesoanɛ 5:18

Nɔtɛwɔɛ bunu obuku, kɛdɔ̃ gɛ gbana anɔ kpɛ same mɔmɔ falanɔ ɛfú mɛ. Pɔ nɔkɔ ɔfɔfuĩa nɔ zã ɔnɔ mɛ.

Efesoanɛ 6:18

Kɛlɛ nɔokulu Owusoso Akaa nɛ Ɔfɔfuĩa nɔ mɛ kibe nyia be nɛ̀ Owusoso Akaa tikukulu nɛ̀ tibibisi ka nyia ka ɛdi. Gɛ alɛ akpasɛ wɔnɔ kɛtakpuɔ mɛ soɔ, nɔzã nɛ̀ awɔ̃ tɛ nɔzã Owusoso Akaa tikukulu abha ɔkɔ bagɛ ayɛkɛ aŋã petee.

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.

Petro 2 1:21

Ɔmɔsɛ kibui gɛ baɖɔ eluɔ tide anɔ nanà tɛpɛpɛ ulũ, banɔ aɖɔaɖɔ odenɔ Owusoso Akaa ɔkɔ gɛ onupɛ Ɔfɔfuĩa Gbangbã gbanà alɛ kanà.