Banɔkpɛkpɛ Axɔ̃ɛ 2:10 - Nyangbo New Testament

¹⁰ Frigia nɛ̀ Pamfilia, Egypte nɛ̀ Libia yɛawɔpɛ tieli gɛetso aplɛnɔ Kirene pɛ banɔ nɔ teli tsyɛ ede Roma aba,

Banɔkpɛkpɛ Axɔ̃ɛ 2:10 Iomraidhean Croise

Banɔkpɛkpɛ Axɔ̃ɛ 11:20

Beteli nɛ balɛ mɛ, banɔ gɛede Kipro nɛ̀ Kirene, bavɛ Antioxia pɛ badaaɖɔ kibuiɛ etseɖe Helanɛ tsyɛ, betseɖe balɛ kibui gbangbã nɛ Apalete Yesu shu.

Banɔkpɛkpɛ Axɔ̃ɛ 13:1

Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Banɔkpɛkpɛ Axɔ̃ɛ 13:13

Gɛ balɔ ede Pafoɔ, Paulo nɛ̀ yɛɔhayɛ eku kelĩabha ohu avɛ Perge nɛ Pamfilia bɔdɔ̃ mɛ, ɛkɛlɛ Yohanes Marko xɔnɔ ashɛ ayɔlɔ balɛ pɛ etsyina avɛ Yerusalem.

Banɔkpɛkpɛ Axɔ̃ɛ 13:43

Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Banɔkpɛkpɛ Axɔ̃ɛ 14:24

Gɛ badɛ gãfala nɛ Pisidia bɔdɔ̃ mɛɛ, bebekoeyì nɛ Pamfilia,

Banɔkpɛkpɛ Axɔ̃ɛ 15:38

Pɔ kigiku Paulo xɔnɔ awã ana, ɔmɔsɛ atɛ shɛnɛ ɔhɔɛ nɛ balɛ ishu elu eɖi nɛ Pamfilia kɛlɛ, agavɛ ɛlɛ abha awɔa axɔ̃ɛ nɛ alɛ.

Banɔkpɛkpɛ Axɔ̃ɛ 16:6

Paulo nɛ̀ yɛɔbhia alɛ azagã kidzo fala nɛ Frigia nɛ̀ Galatia, pɔ Ɔfɔfuĩa Gbangbã gɛkɔ balɛ kidzo asɛ baɖɔ kibui gbangbã nɛ Asia bɔdɔ̃ mɛ.

Banɔkpɛkpɛ Axɔ̃ɛ 17:21

(Atenanɛ nɛ̀ befùɔ petee gɛ azã ɛkɛlɛ agɛza lɔkɔ balɛ kibeɛ abhɛtɛ kɛnanà nɔ ɔdɛ tɛ̀ baɖɔaɖɔ tɛ̀ bataatɔ̃ nɔ nɛ̀ ebuivɔvɔ alɛ gɛ beluɔ.)

Banɔkpɛkpɛ Axɔ̃ɛ 18:2

Ɛkɛlɛ yɛadɛ tɔnɔ Yudaeyi teli gɛ bezekulu yɛasɛ Akwila, anɔ gɛede Ponto. Yɛnɛ yɛedzini Priskila ede Italia aba ɛkɛlɛ kiwui kadze, ɔmɔsɛ ekusi Kaisaro Klauda akɔ ɔsha asɛ Yudanɛ petee ashɛ nɛ Roma. Paulo avɛ asɛ ediɖi alɛ,

Banɔkpɛkpɛ Axɔ̃ɛ 18:23

Gɛ azã Antioxia odiyinɔ kibè tiliɛ, Paulo azagã kidzo edenɔ ɛkɛlɛ pɛ azakanà nɛ Galatia nɛ̀ Frigia bɔdɔ̃ petee mɛ pɛ akpɛ badɔkpasɛanɛ petee kemi.

Banɔkpɛkpɛ Axɔ̃ɛ 2:11

(bagɛ benu Yudanɛ nɛ̀ bagɛ betsyina atɔnɔ Yudanɛ ɛkɔɔ) Kretanɛ nɛ̀ Arabianɛ, bulũ baɖɔ̀ Owusoso Akaa ebui gɛ labhɛtɛ kibi nɛ bɔlɔ ahɔɛ buluhũ mɛ̀.”

Banɔkpɛkpɛ Axɔ̃ɛ 23:11

Kiwui ɛlɛ elishiɛ, Apaleteɛ abazã Paulo ɔbha pɛ etseɖe yɛasɛ, “Kpɛ kité! Kana gɛ ɔɖɔ kaɖɔ dalɛ mɛishu nɛ Yerusalemuɔ, kana kɛlɛ ɔsɛ wɔdɛɖɔ kaɖɔ nɛ mɛishu nɛ Roma tsyɛ.”

Banɔkpɛkpɛ Axɔ̃ɛ 27:5

Gɛ bɔgã tsakɛ aƒuɔ gɛ akpasɛ Kilikia ogbogbò ibeɛ nɛ̀ Pamfilia nɔ̀, budizhi nɛ Mira gɛ akpasɛ Likia mɛ.

Banɔkpɛkpɛ Axɔ̃ɛ 28:15

Badzya nɛ ɛkɛlɛ etilũ asɛ bɔɔbà, kliso baba tsyana ɔlɔ avɛnɔ ɔkɔ dzlolo gɛonu Apio kedziɛ mɛ nɛ̀ beefù ɔtsɛkɔ. Gɛ Paulo anyamɔ banyɛ alɛ koɔ kɛlɛ ehu Owusoso Akaa nɛahɔɛ pɛ kemikpɛkpɛ eku yɛ mɛ.

Banɔkpɛkpɛ Axɔ̃ɛ 6:5

Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Banɔkpɛkpɛ Axɔ̃ɛ 6:9

Pɔ kititì lɔlɔ babá, odenɔ ɔtsyɔakɔ banunɔ gɛ bamɔ ishuahɔɛmɛ zazãa, (asɛ gɛ beekulu alɛ ana) gɛenu Yudanɛ gɛede Kirene nɛ̀ Aleksandro, kɛlɛ beteli tsyɛ ede Kilikia nɛ̀ Asia bɔdɔ̃ mɛ. Banɔ alɛ akpà ebui wlɔakɛ nɛ̀ Stefano,

Romanɛ 1:15

Kliso pɛ kinu kibui gɛ kɛdzã kiwuhũ ɔkɔ mɛ sɛ tɛ mɛɖɔ ibui gbangbã ɔkɔ ɔnɔ agɛ ɔlɛ Roma tsyɛ.

Romanɛ 1:7

Wɔnɔ banɔ dadalɛ pete nɛ Roma gɛ bekulu, pɛ Owusoso Akaa adɛmɛ nɔɔ, Tibhui bhuibu nɛ̀ ishuyɔyɔ odenɔ bɔlɔ Owusoso Akaa nɛ̀ Apalete Yesu Kristo ɔkɔ kɔ wɔnɔ.

Timoteo 2 1:17

Nɛ kɛlɛ shuɔ, gɛ ebeku Roma nɔ, apɛɛ mɛ nɛ̀ awuhũ dzadzã ɔvɛnɔ kibeɛ gɛ amɔ mɛ.

Kibui Bubú Kasɛ 11:8

Balɛ etsitsíɛ abawɔ tipɔ nabha nɛ ɔma gbagbla ɔlɛ gɛ bekulu ɔlɛ inye nɛ sahɔ̃ɛ aɖɔ mɛ asɛ, Sodom alo Egipte, nɛ̀ ɛkɛlɛ tsyɛ gɛ bakpala balɛ Apaleteɛ nɛ butsí osí shuɔ.