Banɔkpɛkpɛ Axɔ̃ɛ 16:1 - Nyangbo New Testament

¹ Paulo agã edikoeyi nɛ Derbe nɛ̀ Listra, ɛkɛlɛ adɔkpasɛanɛ teli gɛ bezekulu asɛ Timoteo azã, anɔ gɛ yɛelĩ enu Yudadzi nɛ̀ anɔ gɛ ayɛyɛkɛŋã, pɔ yɛakaa edzi Helanɔ.

Banɔkpɛkpɛ Axɔ̃ɛ 16:1 Iomraidhean Croise

Banɔkpɛkpɛ Axɔ̃ɛ 14:1

Nɛ Ikonio nɔ, Paulo nɛ̀ Barnaba avɛ Yudanɛ ɔtsyɔakɔ asɛ gɛ babhɛtɛɛ ana. Ɛkɛlɛ badɛ ɖɔ kaɖɔ nɛ̀ ohumi, gɛ kɛkɔ ɔsɛ banɔ kpekpèɛ gɛenu Yudanɛ nɛ̀ bagɛ etinu Yudanɛ tsyɛ ayɛkɛ aŋã.

Banɔkpɛkpɛ Axɔ̃ɛ 14:21

Baɖɔ Kibui Gbangbã nɛ Derbe, kɛlɛ bamɔ badɔkpasɛnɛ kpekpè teli nɛ ɛkɛlɛ. Kidegba betsyina adɛgã Listra, Ikonio nɛ̀ Antioxia,

Banɔkpɛkpɛ Axɔ̃ɛ 14:6

Pɔ bebu kɛlɛ akasɛ alɛ, kɛlɛ bebu tɛtsɛɖɛmɛ avɛ Listra nɛ̀ Derbe gɛinu Likonia ɛma hohoeɛ nɛ̀ bɔgbatuɔ gɛkpasɛ ayakpa mɛ,

Banɔkpɛkpɛ Axɔ̃ɛ 17:14

Odunu ɔlɛ badzya akpɛ Paulo asɛsɛ aƒuɔ shu, pɔ Sila nɛ̀ Timoteo xɔnɔ azã Beroea.

Banɔkpɛkpɛ Axɔ̃ɛ 18:5

Kibeɛ gɛ Sila nɛ̀ Timoteo ede Makedonia aba, Paulo alɔkɔ yɛishu akɔ kibuiɛ tɛɖɔɖɔ, pɛ adalɛ kɛlɛ mɛ ɔkɔ Yudanɛ ete ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 19:22

Asɛsɛ yɛaxɔ̃ɛdɛ taabha gɛenu Timoteo nɛ̀ Erasto nɛ Makedonia, gɛ yɛxɔnɔ azã Asia bɔdɔ̃ mɛ kɛbɔɛ.

Romanɛ 16:21

Timoteo gɛ adɛ ɛxɔ̃ɛ ɛlɛ nɛ̀ mɛɛ, Lukio, Yawson nɛ̀ Sesipatro gɛ benu mɛeshopo alɛ tsyɛɛ, basɛnɛ wɔnɔ piapii.

Korintoanɛ 1 16:10

Onupɛ Timoteo abaa, nɔoɖi ɛlɛ kɔ ɔsɛ etisì kifu nɛ kibui nanà shu, nɛ kibeɛ gɛ alɛ wɔnɔ ɔbha, ɔmɔsɛ awɔa Apalete nɛxɔ̃ɛ asɛ mɛ ana.

Korintoanɛ 1 4:17

Nɛ kibui ɛlɛ shuɔ ɛsɛsɛ Timoteo nɛ wɔnɔ ɔkɔ, mɛ eyianyɛ gɛ ɛdɛmɛ nɔ, anɔ gɛ abhɛtɛ kibui gɛlɛ ɛlɛ ɔzãkɔ nɛ Apaleteɛ mɛ. Yɛaba abaka wɔnɔ nɛ kɛzã gɛ ɛzã nɛkpã nɛ Kristo Yesu mɛ, gɛ kɛshɔnɔ kɛgɛ ɛkasɛ wɔnɔ nɛ ɔkɔ nyia ɔkɔ nɛ ɔhaa ka nyia ka mɛ.

Korintoanɛ 1 7:14

Ɔmɔsɛ yɛenyineɛ gɛ agɛ ayɛkɛ ŋãa, atɛmɔ ishu dadalɛ ɔgana yɛedzinì nabha, kana adzɛ tsyɛ gɛ agɛ yɛkɛ ŋã atɛmɔ ishu dadalɛ ɔgana yɛenyineɛ gɛ ayɛkɛ aŋã nabha. Onu gɛnɛ ana wɔnɔ eyi alɛ shu tɛba dalɛ, pɔ asɛ gɛ kɛlɛ ana, balɛ shu dalɛ.

Korintoanɛ 2 1:1

Paulo gɛedzi anɔkpɛkpɛ akɔ Yesu Kristo nɛ Owusoso Akaa tɛpɛpɛ ulũɔ, nɛ̀ Timoteo gɛenu bɔlɔ adzyaa, Mɛ sɛsɛ Korintoanɛ ɔhaa keplukpa alɛ ɔlɔkɔ plɛnɔ bagɛ bayɛkɛ aŋã nɛ Axaya petee asɛ,

Korintoanɛ 2 1:19

Ɔmɔsɛ Owusoso Akaa Yɛeyi Yesu Kristoɔ gɛ yɛibui mɛ nɛ̀ Silvano nɛ̀ Timoteo bɔɖɔɔ tinu ɔsɛ “Ee” alo “Oo” pɔ odenɔ yɛmɛ, kibe nyia beɛ kɛka nyia ka lɛ ɔsɛ “Ee.”

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Filipianɛ 2:19

Ilù awɔ̃ nɛ Apalete Yesu abha sɛ ɛbàkpɛ Timoteo nɛ ɔnɔ ɔkɔ odunũ ɔlɛ, sɛ tɛ mɛtsyɛ mɔ same gɛ onupɛ ɛyɛkɛ ɔklasɔ̃ nɛ wɔnɔ shuɔ.

Koloseanɛ 1:1

Mɛ Paulo gɛinu anɔkpɛkpɛ ɔkɔ Yesu Kristo nɛ Owusoso Akaa tɛpɛpɛ ulũ, nɛ̀ Timoteo gɛenu bɔlɔ adzya,

Tesalonikanɛ 1 1:1

Paulo, Silvano Nɛ̀ Timoteo, balɔkɔ keplukpa alɛ asɛsɛ Tesalonika ɔhaa nɛ Owusoso Akaa gɛenu bɔlɔ Akaa nɛ̀ Apalete Yesu Kristo balɛ inyeɛ mɛ, tibhui bhuibu nɛ̀ ishu yɔyɔ zã ɔplɛnɔ wɔnɔ.

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Tesalonikanɛ 1 3:6

Pɔ otsi ko Timoteo ede wɔnɔ ɔkɔ aba bɔlɔ ɔbha, kɛlɛ amana bɔlɔ ɔklasɔ̃ gbangbã nɛ wɔnɔ tɛyɛyɛkɛŋã nɛ̀ tɛdɛdɛmɛ nɔ shu. Etseɖe bɔlɔ asɛ nɔkɔ baka ebui gbangbã nɛ bɔlɔ shu kɛlɛ nɔpɛ ɔsɛ tɛ nɔmɔ bɔlɔ, asɛ kana gɛ bɔlɔ tsyɛ pɛ sɛ tɛ bɔmɔ wɔnɔ ana.

Tesalonikanɛ 2 1:1

Paulo, Silvano Nɛ̀ Timoteo, bɔlɔ sɛsɛ ɔhaa nɛ Tesalonika gɛ akpasɛ Owusoso Akaa gɛenu bɔlɔ Akaa nɛ̀ Apalete Yesu Kristo mɛ keplukpa alɛ,

Timoteo 1 1:18

Mɛeyianyɛ Timoteo, ɛkɔ wɔ ɔsha ɔlɛ sɛ tɛ ebuiɛ gɛ ebuiɖɔluanɔ aɖɔ nɛ wɔshuɔ aba alɛ mɛ, sɛ tɛ onupɛ ɔzã alɛ edeɛ, obodzi axɔ̃ɛ gbangbã wɔawɔa elete,

Timoteo 1 1:2

Mɛ sɛsɛ Timoteo mɛeyianyɛ gɛ akpasɛ tɛyɛyɛkɛŋã mɛ keplukpa alɛ, Tibhui bhuibu, ashagabui ɖiɖi nɛ̀ ishu yɔyɔ de Owusoso Akaa nɛ̀ Kristo Yesu bɔlɔ Apaleteɛ ɔkɔ.

Timoteo 2 1:2

Ɛsɛsɛ Timoteo, mɛeyianyɛ gɛ ɛdɛmɛ nɔ keplukpa alɛ, Tibhui bhuibu, ashagabui ibi nɛ̀ ishu yɔyɔ odenɔ Owusoso Akaa nɛ̀ Kristo Yesu gɛenu bɔlɔ Apaleteɛ ɔkɔ.

Timoteo 2 1:5

Batɛkɔ mɛitì nɛ wɔ tɛyɛyɛkɛŋã gbangbã shu, gɛ kiputɔ zã wɔedzé Lois nɛ̀ wɔelĩ Eunike mɛ, kɛlɛ kɛzã mɛuli sɛ kɛkpasɛ wɔ tsyɛ mɛ ana.

Timoteo 2 3:11

kede tɛtɔtɔnɔ, mɛ bɔtɔ mɔmɔ, ebui nɔnɔ ɛdi gɛ laba mɛabha nɛ Antioxia, Ikonio nɛ̀ Listra nɔ, kede tɔtɔnɔ nɔnɔ ɛdi gɛ ɛkpɛ kemi nɛ alɛ mɛ. Pɔ Apaleteɛ ebu mɛ edenɔ alɛ petee mɛ.

Filimon 1:1

Paulo gɛedzi anɔ gɛazã ɔɖavũmɛ nɛ Yesu yɛtakpuɔ, nɛ̀ Timoteo gɛenu bɔlɔ adzya, Bɔsɛsɛ wɔ Filimon gɛenu bɔlɔ ɔbhia nɛ̀ axɔ̃ɛwɔa ɔhagbo keplukpa alɛ,

Hebrianɛ 13:23

Ɛkɔ ɔnɔ tititì sɛ bashɛnɛ ahɔɛ nɛ ɔlɔ adzya Timoteo shu, kɛlɛ kibeɛ gɛ anya ebeku mɛɔbha koɔ, bɔnɛ yɛ babá tɛ ɛbaɖi unɔ.