Banɔkpɛkpɛ Axɔ̃ɛ 13:2 - Nyangbo New Testament

² Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”

Banɔkpɛkpɛ Axɔ̃ɛ 13:2 Iomraidhean Croise

Banɔkpɛkpɛ Axɔ̃ɛ 10:19

Kibeɛ gɛ Petro aza bhɛtɛ ekpeɖekpeɖe mɛ nɛ bɔlala shuɔ, Ɔfɔfuĩa nɔ otseɖe yɛɔsɛ, “Simon, banyɛ tatá abapɛ wɔ.

Banɔkpɛkpɛ Axɔ̃ɛ 10:30

Kornelio ebuiliulũ asɛ, “Ewui talɛ ede nɛ alɛ gɛizi kulu kitití ayɛ nɛ mɛɔpã mɛ, nɛ kemuze ɔɖa tatá tɛta mɛ. Nɛ matì matì mɛɛ, ɛmɔ anyɛ teli nɛ bɔdɔ̃ kpɛkpɛ gitséɛ mɛ gɛ eli kititì nɛ mɛotugbà.

Banɔkpɛkpɛ Axɔ̃ɛ 13:3

Kliso gɛ banyã olũgbu pɛ bekulu Owusoso Akaa ebekeɛ, batɔɖɔ balɛ ahɔɛ nɛ alɛ abha pɛ bakpɛ alɛ kidzo.

Banɔkpɛkpɛ Axɔ̃ɛ 13:4

Gɛ Ɔfɔfuĩa Gbangbã ɔkpɛ balɛidzo pɛ bashɛɛ, bediku Seleukia kɛlɛ beku kelĩabha ohu agã aƒu nabha pɛ bavɛ Kipro.

Banɔkpɛkpɛ Axɔ̃ɛ 14:26

Denɔ Atalia nɔ beku kelĩ abhaohu nɛ ɛkɛlɛ pɛ bebeyì nɛ Antioxia. Nɛ ɛkɛlɛ, balɔkɔ balɛishu adɛ akpɛ ahɔɛ akɔ Owusoso Akaa nɛ kɛxɔ̃ɛ gɛ ebhui alɛ ebu bawɔa ebekeɛ shu.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Banɔkpɛkpɛ Axɔ̃ɛ 4:36

Yosef Levieyi teli gɛede Kipro pɛ banɔkpɛkpɛ ekulu yɛasɛ Barnaba (kinye niesi kɛlɛinu ɔsɛ, eyi gɛ akpɛ anɔ kemi).

Banɔkpɛkpɛ Axɔ̃ɛ 6:4

tɛ kɛkɔ bɔmɔ kibè ɔkɔ Owusoso Akaa tikukulu nɛ̀ yɛibuiɛ tɛɖɔɖɔ.”

Banɔkpɛkpɛ Axɔ̃ɛ 8:29

Ɔfɔfuĩa nɔ otseɖe Filipo ɔsɛ, “Vɛ apaka ohu ɔlɛ shu, tɛ ɔdɛzã ɔlɛ ɔbhà.”

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Romanɛ 10:15

Kɛlɛ́ babalà ibuiɛ aɖɔ onupɛ bagɛ kpɛ ananà nɔɔ dza? Asɛ kɛfɔ̀nɔ gɛ bafɔnɔ elu asɛ, “Bagɛ bamana Owusoso Akaa ibui gbangbãa, bagbã ɔtsɛɖɛ gbangbã!”

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Korintoanɛ 1 12:11

Alɛ nyɔ̃ɔ enu Ɔfɔfuĩa ɔlɛ tonikpo ɔlɛ axɔ̃ɛ wɔawɔa, kɛlɛ akɔ anɔka nyia ka nɛ kana gɛ apɛ nulũ.

Korintoanɛ 1 7:5

Nɔtɛ lɔkɔ wɔnɔ ishu kanà bagɔlɔ, ɔdɛ sɛ nɔ tɔɖɔ kɛlɛ elú ana ɔkɔ kibè tili, sɛ tɛ nɔlɔkɔ wɔnɔshu ɔkɔ Owusoso Akaa tikukulu. Kɛlɛ nɔ bhɛtɛ tenikpo sɛ tɛ Satana atɛ ba efeke wɔnɔ eɖi sɛ gɛ nɔtɛɔ là wɔnɔ shu abha ŋã so.

Korintoanɛ 2 11:27

Ɛwɔa axɔ̃ɛ gagalĩ, kɛlɛ ɛmɔ bɔtɔ, kɛlɛ ɛzɛ gbã tɛwɔnɔ̃, ɛzanà bɔbhɛ nɛ̀ oluwɔɛ, kɛlɛ ɛzɛ fala kɛdɔ̃ maŋamaŋã, bɔbɔlɔ ziyi mɛ kɛlɛ ɛzã kɛdɔ̃ makpɛ makpɛ.

Korintoanɛ 2 6:5

nɛ tihuhuisi mɛ, ɔɖavũmɛ zazã nɛ̀ ebelà ebui mɛ, nɛ kɛxɔ̃ɛ gagalĩ tɛwɔawɔa mɛ̀, elishi taɖa madɔ madɔ nɛ bɔbhɛ mɛ,

Galatianɛ 1:15

Pɔ Owusoso Akaa anɔ gɛ yɛebu mɛ elu flogo pɛ baba mɔ mɛ, pɛ yɛekulu mɛ akpɛ yɛ tibhui bhuibuɔ mɛɛ, same ebekui

Efesoanɛ 3:7

Ɛbadzì axɔ̃ɛdɛ ɔkɔ kibui gbangbã ɛlɛ nɛ Owusoso Akaa kɛdɔ̃ kɔkɔ nɛ̀ tibhui bhuibuɔ gɛ akɔ mɛ ɔganà yɛohumi nɔ axɔ̃ɛ wɔawɔa mɛ.

Koloseanɛ 4:17

Nɔotseɖe Akipo ɔsɛ, “Ɖi ɛlɛ ɔkɔ ɔsɛ ɔwɔa kɛxɔ̃ɛ gɛ ɔyɛkɛ odenɔ Apaleteɛ ɔkɔ obeke.”

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.

Timoteo 2 2:2

Nɛ̀ ebuiɛ gɛ olũ mɛɖɔ nɛ banɔ kpekpèɛ gɛ azã amɔ ebui alɛ amɛ, lɔkɔ ɛlɛ ɔkɔ banɔ gɛ belu awɔ̃ nɛ balɛ abha pɛ balɛ tsyɛ ashɔ̃ asɛ bakasɛ banɔ bhlatɔ ɔdɔ̃.

Timoteo 2 4:11

Luka ete yɛalɛ mɛɔbha. Nɔpɛ Marko tɛ nɔgbanà yɛɔmana ɔmɔsɛ akɔ mɛ tɛpɛplɛnɔ nɛ mɛ axɔ̃ɛ wɔawɔa mɛ.

Timoteo 2 4:5

Pɔ wɔ xɔnɔɔ, zã gagalĩi nɛ kɛka nyia ka mɛ, kpɛ emi nɛ ebui gagalĩ mɛ, wɔa kɛxɔ̃ɛ asɛ anɔ gɛ akanà kibuiɛ ana, wɔa axɔ̃ɛ petee ɔkɔ wɔ ɔhaa.

Hebrianɛ 5:4

Anɔ nanà etidzu yɛishu banɔlũazazã gbagbla, kɛlɛ sɛ Owusoso Akaa yɛedzui, asɛ idzu gɛ edzu Aron ana.