Banɔkpɛkpɛ Axɔ̃ɛ 1:11 - Nyangbo New Testament

¹¹ Pɛ baɖɔ asɛ, “Galileanɛ, kiɖe gɛkɔ ɔsɛ nozhioli pɛ noɖi kɛlɛɛ nɔ mɛ ana dza? Yesu alɛ gɛ befeke ashɛnɔ nɛ wɔnɔ ɔbha avɛnɔ kititiɛ, aza babà asɛ kɛmɔ gɛ nɔmɔ yɛ pɛ avɛ kititíɛ ana.”

Banɔkpɛkpɛ Axɔ̃ɛ 1:11 Iomraidhean Croise

Banɔkpɛkpɛ Axɔ̃ɛ 1:2

flogo tɛ bebe feke yɛ ewunu avɛnɔ kititíɛ, akɔ banunɔ gɛ ebú asɛ yɛanɔkpɛkpɛ akɔ ɔsha ɔgana Ɔfɔfuĩa gbangbã mɛ.

Banɔkpɛkpɛ Axɔ̃ɛ 1:22

odenɔ kibèɛ gɛ Yohanes azakpɛ bulĩɛ ɔvɛnɔ kibeɛ gɛ befeke Yesu avɛnɔ kititíɛ. Ɔmɔsɛ kɛlɛ ɔsɛ tɛ banɔ alɛ ɔmayɛmɛ tenikpo edzi anɔ gɛ abaplɛnɔ pɛ bɔbàɖɔ ebuiɛ nɛ Yesu yɛ tɛlɔlɔ odenɔ bekpuɔ mɛ shu.

Banɔkpɛkpɛ Axɔ̃ɛ 1:9

Gɛ aɖɔ ebui alɛ ebekeɛ, kɛdɔ̃ tili bafeke yɛewunɔ ɔvɛnɔ kititíɛ nɛ balɛ amɛ, kɛlɛ ɔmɔlɔ toli obokpũi.

Banɔkpɛkpɛ Axɔ̃ɛ 13:31

kɛlɛ nɛ ewui gele mɛɛ, ebu yɛishu akasɛ bagɛ bazagã niyɛ edenɔ Galilea amana Yerusalem. Balɛenu banunɔ gɛ bazãmɔ kibuiɛ otsiɛ gɛ baɖɔ etseɖe bɔlɔkɔ ayɛ.

Banɔkpɛkpɛ Axɔ̃ɛ 2:7

Gɛ kɛbhɛtɛ balɛ kibi soɔ, bebisi asɛ, bagɛ baɖɔaɖɔ alɛ nyɔ̃ɔ nɔ pɔ, anɛ Galelianɛ benuɔ mɔ dza?

Banɔkpɛkpɛ Axɔ̃ɛ 3:12

Gɛ Petro amɔ kibui ɛlɛ, ebisi balɛ asɛ, “Israelanɛ, kiɖe sopɛ kibui ɛlɛ bhɛtɛ wɔnɔɛ bi ana? Kiɖe sopɛ noyelè bɔlɔ ana asɛ onupɛ bɔlɔ ahɔɛ ohumi alo Owusoso Akaa mɛ tɛzazã so pɛ kɛkpatà ɛlɛ gã dza?”

Banɔkpɛkpɛ Axɔ̃ɛ 3:21

Kɛlɛ ɔsɛ tɛ Yesu azã kititiɛ, ɔvɛnɔ sɛ kibeɛ na ɔsɛ tɛ Owusoso Akaa edzinɔ kɛka nyia ka ewoese, asɛ gɛ atɔɖɔ elú abafalanɔ ɔgana yɛebuiɖɔlunɛ gɛ balɛishuɔ dalɛ nabha.

Tesalonikanɛ 1 1:10

nɛ tɛ buupo Yɛeyianyɛ gɛ ede kititiɛ anɔ gɛ anyɛmɛ edenɔ bekpuɔ mɛ, Yesu, gɛ ayɛkɛ bɔlɔ edenɔ ɔmɔpɔɛ nɔ gɛ lɔbaa shu.

Tesalonikanɛ 1 4:16

Ɔmɔsɛ Apaleteɛ ebezhi aba odenɔ kititiɛ, nɛ ɔsha kɔkɔ nɛ̀ ozĩ, nɛ axɔ̃ɛdɛ gɛeɖi ulugbũ nyanyã aɖaka nɔ nabha yɛozĩ kpɛkpɛ, nɛ Owusoso Akaa kexoele nɔ gɛ ebe kulu banɔ nɔ, kɛlɛ́ bagɛ etitsí nɛ Kristo mɛɛ bebè putɔ alɔ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.