Mak 5:41 - Tanna Southwest

⁴¹ Kɨni Yesu rɨvəh kwermɨn mɨni-pən tukun mə, “Talita kum.” (Ye nəgkiarien kapəriə, nɨpran rɨmə, “Piakəskəh, yakamni-pre tuk ik mə, ‘Hekɨmter.’ ”)

Mak 5:41 Iomraidhean Croise

Mak 1:31

Yesu rɨvən, mɨvəh kwermɨn, mɨvi haktə, kɨni rhekɨmter. Kɨni ai nokie-okieyen a ror infamien. Kɨni piahwaru ai rɨvən, mɨvəhsi-pən nəvɨgɨnien kɨmi əriə.

Mak 1:41

Kɨni Yesu, rɨkin rewaiyu tukun. Mərəhu-pən kwermɨn iran, kɨni mɨmə, “Yakorkeikei mə takhuvə mɨn. !Ǝsanɨn!”

Mak 5:40

Kɨsərɨg, kɨsarh iakei iran. Məknekɨn Yesu rher-yerhav kɨn əriə apa iruə, mɨpəh əmə rɨm piakəskəh a, mɨne nɨsɨni mɨne kwərə misɨr ai yame karhɨkwasɨg kɨn In. Khavən mɨsəm piakəskəh a.

Mak 5:42

Məknekɨn, piakəskəh a rhekɨmter məriwək. (Kafan newk twelef əmə). Kɨmɨsəm norien ai Yesu rɨmnor, kɨsakur pɨk kɨn.

Rom 4:17

Rəmhen kɨn yame Nəkwəkwə kape Kughen ramni mɨmə, “Jakor ik mə takuə nuknei kwənərəus kape kantri mɨnə khapsaah.” (Jen 17:5) Kughen rɨmɨni mə tukrɨvəhsi-pən mɨkupni mɨnə tukhapsaah. Nar apnapɨg Ebraham rɨmnəm mə promes a rəusɨk-əusɨk pɨk; mərɨg rɨmnhatətə tɨm tɨm iran, meinai ruɨrkun mə Kughen e in e ravəhsi-pən nɨmraghien kɨmi narmamə yamə mɨne kwənhamhə, mor nar kɨrik yame rɨkin raməsɨk mə tukror, kɨni nar ai ruə məfrakɨs. Kughen rɨmɨvəhsi-pən promes a kɨmi Ebraham mɨmə, “Kwənərəus mɨnə kafam tukhapsaah tukhapsaah, kɨni to kɨpəh nəvhuekɨn-famien əriə.” (Jen 15:5) Ebraham rɨmɨni nəfrakɨsien ye nəgkiarien a, mə in tukruə rɨp kantri mɨnə khapsaah.

Filipae 3:21

Kɨni In tukrukreikɨn nɨpraitawə kape tokrei tanə e, yame in e nəvɨgɨnien ne sɨrət mɨnə, mor wi nɨpraitawə ruə rəmhen kɨn nɨprai Kristo nɨpɨg rɨmamragh ye nɨmhəyen. In tukror məkneikɨn ye nəsanɨnien kafan yame rɨrkun nərəhu-pənien narɨmnar fam ye kafan narmaruyen.