Filiipʋkɔmʋ 4:17 - Nyaboa (Nyabwa)

¹⁷ A -gblee, ɛ -se -zɩgɩ -yɩ a nʋꞌa ꞌɩnmʋ ꞌꞌlruliꞌa ꞌtʋ-ʋ -zi ꞌɩnmʋ -ko. Aꞌba ꞌꞌbhiꞌa dɩ ꞌɩn-ɩ ziꞌo. ꞌƖn ꞌybha-oꞌo a -ke Zezii ꞌke -na ꞌꞌkɔmʋ, -zɩgɩ ɔ ꞌybhaꞌa, ꞌle a ꞌke ɩ nʋ. ꞌLe, -bho a nʋ -kaa, -Lagɔ ꞌke amʋ ꞌꞌniti-wʋnna ꞌꞌkɔmʋ.

Filiipʋkɔmʋ 4:17 Iomraidhean Croise

ꞌZaan 15:16

Abʋ -see ꞌbho ꞌɩnmʋ -za, ꞌɩn -ke a ꞌke -na. -Gba! ꞌƖnmɔ nʋ ɛꞌo ꞌle a ꞌke mu ꞌle a ꞌke kplizɩgɩꞌa -dadudu nʋ ꞌꞌkɔmʋkɔmʋ ꞌle nyʋ ꞌke ɩ liꞌye. -Bho ꞌɩn -ke a ꞌꞌsisri ꞌꞌyi a, lɛꞌꞌo lɛ a-a ꞌyeꞌa ꞌan -tɩta ꞌybhaa mʋ ꞌle ꞌan ꞌnynɩ ꞌmʋ, ɔ-ɔ ꞌꞌnyɩ ꞌɛ amʋ-ɛ.

ꞌZaan 15:8

-Bho a nʋ -kaa a, a kɔɔꞌɔ-ɔ tuꞌa ꞌꞌklei -ɩ troꞌa ꞌꞌbhiꞌa -dadudu, ꞌle, -ka ꞌɩn -ke a-a naꞌa a, nyʋ ꞌke ɩ yibo, ꞌle ꞌan -tɩta -Lagɔꞌɔ ꞌnynɩ ꞌke ꞌꞌyiꞌbhɛ.

ꞌWlɔmʋkɔmʋ 15:28

ꞌJɛmɔni ꞌmnɩ, -nɔɔ -ke ti ꞌya dɩ-ɩ ꞌyeꞌa ꞌꞌyi-gwɛ mʋ a, -bho ꞌɩn ꞌꞌnyɩ ʋ ɩ -jeyi a, ꞌꞌlemnɩɩ ꞌɩn-ɩ zi ꞌnɩ-e ꞌle a gbo ꞌle ꞌɩn ꞌke Ɛsɩpanyɩbhlʋkpa ꞌꞌkpi mu.

2 Kɔlɛɛtɩkɔmʋ 11:16

A ꞌye li-ɔ, ꞌɩn-ɩ muꞌo ꞌbho-o le: Aꞌba popo ꞌgwlʋti na, ꞌɩn se -naagɩ ꞌbhle, -le! Ɛ -nɩꞌa -kaa ꞌmʋ a, -bho a popo -kaa ꞌgwlʋti, ʋ-bʋ nyʋ-ʋ seꞌa -naagɩ ꞌbhle, -ka a-a ꞌꞌtayi ꞌnʋ ꞌꞌyiti ꞌle ʋn-ʋ ꞌꞌplinꞌa, ꞌꞌlemnɩɩ a ꞌꞌtayi -kaa ꞌmna ꞌꞌyiti ꞌɩn ꞌke ꞌꞌplin -toope -lrɛɛ!

2 Kɔlɛɛtɩkɔmʋ 9:5

ꞌƖn popoꞌa dɩ ꞌmnɩ ꞌgwlʋti a, ɛ -nmɔꞌɔ-ɔ ꞌꞌyrili ꞌɩnmʋ -bodɩ, nyʋ tan-a ꞌyeꞌa ꞌle -yi mʋ, ꞌɩn ꞌke ʋ ꞌtmʋʋ ʋn ꞌke ꞌan nya -kɔ. -Bhladɩ ꞌɩn ꞌke ꞌle yi a, ꞌɩn ꞌybha-oꞌo ꞌjɛmɔniꞌa -dadudu -ke dɩ aꞌba ꞌꞌbhi -zaꞌa ꞌmʋ, a ꞌke ɩ ꞌꞌdu see, ꞌle, ʋ-bʋ nyʋ tan ꞌmnʋ, a -ke ʋn ꞌke ɩ tide. -Bho a nʋ -kaa, -ka a -zaꞌa mɔni ꞌmnɩ aꞌba -pɔlʋꞌa klɛ ti ꞌle nyɔ -see amʋ -glaka kpʋn, ꞌꞌlemnɩɩ nyʋ-ʋ yibo nɩ-oꞌo.

Filiipʋkɔmʋ 1:11

ꞌLe, ꞌbho ꞌɛ lemʋ, aꞌba kpli ꞌke ꞌꞌyrili-nmɔ. ꞌƐ kplitu, Zezii Kliisɩꞌa ꞌꞌbhuo ꞌke amʋ ꞌɔ wɔnkuɛ ꞌmʋ po ꞌle a ꞌke ɛ nʋ. ꞌLe nyʋ ꞌke -Lagɔꞌɔ ꞌnynɩ ꞌꞌyiꞌbhɛɛ tenyɩ.

Filiipʋkɔmʋ 4:11

-Bho ꞌɩn ꞌlɛ -kaa a, ɛ -se lɛ ꞌɩn seꞌa ꞌbhle, ꞌɛ ꞌtʋ-ʋ ꞌlbhaꞌa ꞌɩnmʋ, ꞌɛ dɩ -ko. A -gblee, ꞌbho ꞌmna-aꞌa damʋ, -ka -aꞌba -Kɔyi -tɔꞌɔ ꞌɩnmʋ, ꞌka-a ꞌka-a: -Bho koo ɛ -nɩ ꞌmʋ, lɛ ɔ ꞌka ꞌɩnmʋ ꞌꞌnyɩ, -bho koo ɛ -die ꞌmʋ, ɛ-ɛ ꞌnyni-e ꞌɩnmʋ ꞌꞌyi.

1 Tesalonikɩkɔmʋ 2:5

ꞌKa-a ɩ -nɩꞌe ꞌmʋꞌa dɩ a, aꞌba ꞌꞌbhi yiboꞌo, dɩ -a -zaꞌa ꞌmʋ, ɩ se -mɩɛsrɛ gbɔꞌbhle. ꞌLe ɛ -se a ꞌke -amʋ lɛ ꞌꞌnyɩꞌa kamʋ -a -zɩ ɩ ꞌmʋ -ko. Lɩ ꞌɩn-ɩ ꞌcnɩꞌa -laa, -ka ɩ ꞌꞌduꞌa -ziadɩ, -Lagɔ yibo nɩ-oꞌo.

1 Timotee 3:3

ꞌƆ ꞌꞌdu nmɔꞌɔ ꞌꞌkalɛyiziyi -le, ꞌɔ ꞌꞌdu -gbaatibɔyi -le! Ɔ -nmɔ ꞌlimʋ wɔn ꞌle ɔ ꞌke nyʋ ꞌwee ꞌmʋ-ybhɛ! Mɔniꞌa ꞌtʋꞌa kpʋn ɔ ꞌgeyiɛ ꞌmʋ -le!

1 Timotee 6:10

-Gblee, nyɔ -yɔ mɔniꞌa ꞌtʋ ziꞌa a, ꞌꞌnyinynilɩꞌa -dadudu-u yi ꞌɔ -bodɩ. Ɛ-bɛ mɔniꞌa ꞌtʋ ꞌmnɛ, nyʋtɔlʋ ꞌkpɛ -ɛ kli ꞌle ʋn ꞌye ꞌꞌma, ʋn ꞌye -Lagɔjolʋ gbo-tɛ ꞌle ꞌwa -pɔlʋ-ʋ fifieꞌe ꞌle ꞌwa ꞌlimʋ ti.

Tiitɩ 1:7

Nyɔ-ɔ -kɔꞌɔ -Lagɔꞌɔ -glɩgbaꞌa -dɔnʋꞌa nya a, ɔ-ɔ ꞌmo-o -Lagɔꞌɔ lbhʋꞌa kwabhleyiꞌa dɩ, ꞌɔ ꞌbhle ꞌbɩ li -le! Lɩ ɔ ꞌka gbo-tɛ, ꞌɩnnɩ ꞌka-a: ꞌƆ ꞌꞌdu nyɔ-ɔ ꞌbhɛɛꞌɛ ꞌɔ ꞌꞌbhuo ꞌꞌyi -le! ꞌƆ ꞌꞌdu nyɔ-ɔ ꞌbhleꞌa ꞌcɛ ꞌmna ꞌꞌyi -le! ꞌƆ ꞌꞌdu nmɔꞌɔ ꞌꞌkalɛyiziyi -le! ꞌƆ ꞌꞌdu -gbaatibɔyi -le! ꞌƆ ꞌꞌdu nyʋꞌa lɩꞌa wɔnkaliyi -le!

Tiitɩ 3:14

ꞌTmʋʋ ꞌlotʋꞌa ꞌꞌnynuu ꞌwee ꞌle a ꞌke ʋ -kpa! ꞌƐ ꞌꞌdu -ɩn -nɩ -lueꞌa ꞌmʋwlʋlɛ -le! Nyɔꞌɔ -nɩ ꞌbho -Lagɔꞌɔ -jeyi bhebhe. -Zɩgɩ-ɩ ꞌka -Lagɔꞌɔ nyʋ ꞌꞌlruli-nʋ-ɛ, ꞌɩnnɩ ꞌka-a!

Eblee 6:10

A -gblee, -Lagɔ ꞌsrɛɛꞌɛ-ɛ ꞌꞌyi nyunyu -bodɩ. -Ka a-a kpaꞌa a -Bozeziiꞌa nyʋ ꞌꞌkɔmʋ, ɔ-ɔ popo ꞌnɩ-ɩ ꞌgwlʋti. Ɛ-ɛ tɔ-oꞌo na, a -kmaꞌa-a ꞌɔ dɩ -lrɛɛ.

1 ꞌPiɛlɩ 5:2

Zezii Kliisɩꞌa nyʋ ɔ ꞌꞌnyɩꞌa amʋ, a ꞌꞌdu ʋ ꞌꞌyrili! A ꞌꞌdu ʋ ꞌꞌyrili aꞌba -pɔlʋꞌa klɛ ti! ꞌƖnnɛ ꞌmo-o -Lagɔꞌɔ ꞌgwlʋdɩ. Aꞌba -nʋ -nɩ nɛ ꞌle aꞌba ꞌꞌnyinynipɔlʋ ꞌmʋ -le! A ꞌwla aꞌba lbhʋ ꞌmnɛ -pɔlʋ ꞌꞌkpi ti! Mɔni a-a ꞌye nɩꞌa ꞌbho, ꞌya ꞌtʋꞌa -zi aꞌba lbhʋ ꞌmnɛꞌɛ nɛ ꞌmʋ -le!

2 ꞌPiɛlɩ 2:15

Ʋn ꞌꞌtayiꞌe-e -Lagɔꞌɔ -jolʋ ꞌꞌyiti ꞌle ʋn-ʋ bhluꞌo ꞌꞌmamajolʋ. *Balaamʋ ꞌma-a Bosɔɔꞌɔ ꞌꞌyu, -ɔ ꞌꞌduꞌa mɔniꞌa dɩ, -ɔ ꞌbɔ ꞌka ꞌti ɔ ꞌke -Lagɔꞌɔ wlu ꞌꞌyida ꞌmʋ -za, ꞌɔ kpli ʋn ꞌꞌluoꞌo ꞌmʋ.

2 ꞌPiɛlɩ 2:3

Ʋn ꞌbhle-e aꞌba mɔniꞌa ꞌtʋ ꞌꞌgwliꞌa dɩ, ʋn-ʋ ꞌye amʋ -mɩɛsrɛ li-po mʋ ꞌle a ꞌke ɩ ʋ ꞌꞌnyɩ. ꞌƐ dɩ, -Lagɔ ꞌka nyʋ ꞌwee -zigle -tu, ɔ -nɩ ꞌnʋ wɔnfuonamʋ see ꞌle ɔ ꞌke ʋ dɩ -kpʋn.

Ziidɩ 1:11

-Yeee, ngazedɩ! Ʋn-ʋ ꞌye-e ꞌkle ꞌye -mʋ tenyɩ ꞌꞌsɛ! -Ɛkedɩmaa, *Adaaꞌa ꞌꞌyu *Kayinɩ nʋꞌa ꞌɔ leyiꞌa ꞌꞌmʋnynɩ, -ɔ ꞌlbhɔ ꞌɔ ɔ, ꞌɔ -ka ʋn-ʋ popoꞌo ꞌgwlʋti. *Balaamʋ ꞌꞌduꞌa mɔniꞌa dɩ, -ɔ ꞌbɔ ꞌka ti ɔ ꞌke -Lagɔꞌɔ wlu ꞌꞌyida ꞌmʋ -za, ꞌɔ kpli ʋn ꞌꞌluoꞌo ꞌmʋ. *-Kɔlɛ-ɛ -seeꞌa ꞌbho -Lagɔ ꞌꞌdu, ꞌɔ -ka ʋn nʋꞌo, ꞌle, -ka ɔ ꞌmɛꞌɛ, ʋ-bee -mnʋʋ ꞌye -kaa ꞌꞌmamajolʋ bhlu -lrɛɛ.