Matiee 5:8 - Nyaboa (Nyabwa)

⁸ A-bʋ -yʋ -ke -pɔlʋ ꞌsaaꞌa li ꞌbho -Lagɔꞌɔ ꞌꞌyigbeyi, a ꞌwa-a ti, -ɛkedɩmaa, a-a ꞌye-e -Lagɔ ꞌye -mʋ.

Matiee 5:8 Iomraidhean Croise

Nʋnʋkpli 15:9

Lɛ -a -ke ʋn seꞌa ꞌmʋꞌbhɛɛ, ɛ se -nɩ. Ʋn ꞌde-e Zezii ꞌꞌgwliꞌa dɩ, ɔ ꞌbhɔꞌɔ ꞌwa ꞌꞌnyinynidɩꞌa dɩ.

1 Kɔlɛɛtɩkɔmʋ 13:12

-Ka -lue ꞌmnɔ ɔ, ꞌbho -Lagɔꞌɔ yibonamʋ ꞌꞌdana -a ꞌꞌduꞌo -bhla. ꞌBho -Lagɔꞌɔ damʋ lɩ -a yiboꞌa a, -a -see ɩ ꞌmʋ-gwɛ. Ɩ kɔɔꞌɔ-ɔ -ka nyɔ-ɔ popoꞌa ꞌle kpɔtiyena ꞌli. ꞌTraamʋ ꞌtɔ, -aꞌba -gwɛ ꞌɔ dɩ ꞌmʋ -ziaka. -Bho zɔ -lue ꞌzɔ -a ꞌye ɔ liꞌye mʋ -gezee! ꞌɔ -nɔɔ -yɛɛ ꞌliꞌa yiboɛ -mnɛɛ ɛ, -a -see ɔ ꞌꞌkpi-gwɛ ke -bhla. -Ka ɔbɔ yiboꞌa -amʋ pepe, ꞌka-a -abʋ-ʋ ꞌye ɔ yibo mʋ -lrɛɛ ɛ-bɛ -nɔɔ ꞌmnɛ ti.

2 Kɔlɛɛtɩkɔmʋ 7:1

ꞌAn dɩkmalotʋꞌa ꞌꞌnynuu-a, ɩ-bɩ lɩ -nɩɩ, -Lagɔ ꞌꞌdu -ɩ -amʋ wɔn ꞌmʋtiꞌa dɩ, ꞌꞌnyinynidɩ ꞌkɛ ɛ nʋ ꞌle -aꞌba ku -ke -aꞌba -pɔlʋ -seeꞌa *liꞌsaa yi ꞌbho -Lagɔꞌɔ ꞌꞌyigbeyi, -a po ɩ le! -Aꞌba kpli ꞌsrɛɛ ꞌꞌyi ꞌbho ꞌɔ ꞌꞌyigbeyi ꞌle -a -kaa ꞌbɩ liꞌbhle! -A ꞌꞌdu ɔ ꞌbho -ka -zɛgɛka!

Tiitɩ 1:15

-Bho nyunyɔꞌɔ -pɔlʋ ꞌsaa li ꞌle ɔ ꞌke *liꞌsaa ꞌbho -Lagɔꞌɔ ꞌꞌyigbeyi, ɔ -bodɩ lɛꞌꞌo lɛ ꞌsaaꞌa-a li -lrɛɛ. Nyʋ-ʋ seꞌa -Lagɔ ꞌꞌgwlide -ʋ -ke ꞌlimʋ -nyniꞌa wɔn, lɛꞌꞌo lɛ-ɛ -nɩꞌa ꞌle ꞌwa -pɔlʋ ꞌzɔ se ꞌꞌyiꞌsrɛɛ, ʋn-ʋ popo-o ꞌꞌnyinynidɩ ꞌgwlʋti ꞌꞌkɔmʋ. -Bho ʋn nʋ ꞌꞌnyinynidɩ, ꞌya ꞌlbhaa nʋ dɩn ꞌꞌyi; ʋn se ꞌꞌnyinynidɩ -ke -zɩgɩ yibo.

Eblee 10:22

-Lagɔꞌɔ ꞌsragazamʋ -nɩꞌa -bɛnyɩ, ꞌle ꞌwa gba ꞌli, -ka ʋn-ʋ gbʋ ꞌʋ nmiꞌa nymɔ ꞌmʋ ꞌle ʋn-ʋ lreꞌa ꞌꞌnizɛgɛ ꞌle ʋn ꞌke *liꞌsaa ꞌbho ꞌɔ ꞌꞌyigbeyi, Zeziiꞌa nymɔ-ɔ ꞌwlaꞌa ti ꞌle ɔ ꞌyeꞌa ꞌmɛ, ꞌka-a ɛ zetieꞌe -amʋ ꞌle -aꞌba ꞌꞌnyinynidɩ ꞌmʋ ꞌle -a ꞌye *batizee-ɛ. ꞌLe, -ka -aꞌba -pɔlʋ ꞌsrɛɛꞌɛ ꞌꞌyi ꞌbho -Lagɔꞌɔ ꞌꞌyigbeyi, -a yibo nɩꞌo. ꞌƐ dɩ, -aꞌba -pɔlʋꞌa ꞌgble-ɛ ꞌtɔ ꞌmʋ -le! -A de ɔ ꞌꞌgwli -aꞌba -pɔlʋꞌa klɛ ti, ꞌle -a ꞌke ɔ ꞌꞌsrii ꞌꞌkɔmʋ.

Eblee 12:14

ꞌBho a -ke nyʋꞌa ꞌnynɩmʋ, a ꞌbɔ ti ꞌꞌkɔmʋ -pɔlʋꞌa bhlubhlua ꞌke ꞌbho -nɩ! A ꞌbɔ ti -lrɛɛ ꞌle aꞌba -nabhʋ ꞌke ɔ ꞌtʋ nʋ! A -gblee, -bho nyɔ se *liꞌsaa ꞌbho ꞌɔ ꞌꞌyigbeyi, ɔ -see ꞌbho ꞌɔ ꞌꞌtroli -mu yi ꞌle ɔ -see ɔ ꞌye yi.

Eblee 9:14

Zezii Kliisɩ -mnɔɔ ɔ, ɔ se ꞌbɩ liꞌbhle. -Lagɔꞌɔ Lisaazuzu ɔ ꞌbhleꞌa ꞌmʋ, ꞌɩnnɔ -kpa nɔꞌo ꞌle ɔ ꞌye ꞌɔ ꞌꞌbhuo ꞌꞌyitiꞌꞌtayi, nyʋ ꞌye ɔ ꞌlbha, ꞌɔ nymɔ ꞌye tiꞌwla ꞌle ɔ ꞌye ꞌmɛ, ꞌle ɔ ꞌye ꞌɔ ꞌꞌbhuo -Lagɔ ꞌꞌnyɩ -ka ꞌsragalɛ. Ɛ-bɛ nymɔ ꞌmnɛ, ꞌɩnnɛ nʋ ɛꞌo ꞌle -aꞌba -pɔlʋ ꞌꞌwe-e ꞌsrɛɛꞌɛ ꞌꞌyi ꞌbho -Lagɔꞌɔ ꞌꞌyigbeyi, ꞌle, ꞌꞌnyinynidɩ -ke dɩ nyɔ-ɔ ꞌmɛꞌɛ ꞌbho ꞌɔ ꞌꞌyigbeyi, -a -kɩɩ ɩ ꞌtɔ nʋ, ꞌle, ɔ-bɔ -Lagɔ ꞌbhleꞌa tinɩɛꞌɛ ꞌꞌlru kwa, -a ꞌke ɔ bʋbɔ -ka -zɛgɛka.

Zaakɩ 3:17

Ɛ -nɩꞌa -kaa ꞌmʋ a, -naagɩ -yɛ ꞌwlʋꞌa -Lagɔ ꞌmʋ, ɛ -ke ɛ se lɛ -lue ꞌmʋ-nɩ. Nyɔ-ɔ ꞌbhleꞌa -naagɩ ꞌmnɛ, ꞌɔ ꞌbhle ꞌbɩ li ꞌbho -Lagɔꞌɔ ꞌꞌyigbeyi. Ɔ-ɔ ꞌꞌnyɩ-e nyʋ wɔnlipɩpɛɛ. ꞌƆ -wlu wɔn. Ɔ-ɔ ꞌwɔn-ɔ ꞌɔ -bonyunyuꞌa -naagɩ ꞌmʋti -susueyi. Ɔ ꞌbhle-e ngaze. Ɔ-ɔ ꞌnʋ-o kplizɩgɩ. ꞌƆ ꞌtɛ nyʋ ꞌmʋ ꞌle ɔ ꞌse ꞌꞌyrabha ꞌbhle.

Zaakɩ 4:8

A ꞌꞌsrii -aꞌba -Kɔyi -Lagɔ ꞌle ɔ ꞌke amʋ ꞌꞌsrii -lrɛɛ! A-bʋ ꞌma-a ꞌꞌnyinynidɩꞌa nʋmʋ, a yibo nɩ ꞌꞌyi ꞌle a ꞌke ɔ gbo ꞌꞌbhiti ꞌle a ꞌke kplizɩgɩ nʋ! A-bʋ -ke -pɔlʋ ꞌgble-ɛꞌɛ ꞌmʋ, a zizia nɩ ꞌꞌyi, ꞌle ɩ ꞌke ꞌɔ ꞌꞌsɛ ꞌꞌyi-de!

1 ꞌPiɛlɩ 1:22

ꞌƆ wlu-u ꞌma-a -ziadɩ, a-a ꞌꞌdu -ɛ ꞌbhoꞌa dɩ, a *ꞌsaaꞌa li ꞌbho ꞌɔ ꞌꞌyigbeyi, ꞌle a ꞌbhɛɛꞌo a ꞌke a -Bozeziiꞌa nyʋꞌa dɩ -kma -ka -zɛgɛka. ꞌƐ kamʋ, ꞌɩn-ɩ ꞌtmʋʋꞌo amʋ, a -kma ꞌwa dɩ, ꞌle aꞌba -pɔlʋꞌa klɛ ti!

ꞌꞌDukuyrilizadɩ 22:4

ꞌƆ ꞌnynɩ-ɩ ꞌye-e ꞌbho ꞌwa ꞌꞌyigbeyi ꞌcnɩ-ɛ -mʋ, ꞌle ʋn ꞌke ɔ liꞌye. Ʋn-ʋ ꞌye-e ꞌɔ ꞌꞌyigba ꞌye -mʋ -lrɛɛ.