Matiee 5:1 - Nyaboa (Nyabwa)

¹ -Da *Zezii ꞌyeꞌa nyʋ li ʋn -dieꞌa ꞌꞌyi, ɔ mu-oꞌo ɔ ꞌye ꞌle trɩ -lue ꞌꞌkpi ꞌya ꞌle ɔ ꞌye ti-de, ꞌle ꞌɔ ꞌbɩnamʋ ꞌye ɔ linyni.

Matiee 5:1 Iomraidhean Croise

Matiee 13:2

Nyʋꞌa -dadudu ꞌgbʋʋꞌo-o ꞌbho ꞌɔ ꞌꞌtroli. ꞌWa ꞌꞌyidieɛꞌɛ dɩ ɔ ꞌkpaꞌa gɔlʋ -lue ꞌli, ɔ ꞌtɛ-ɛ ꞌkɩka gbo -sɛ ꞌle ɔ ꞌye ti-de. Nyʋꞌa klɛ yiꞌa a, ʋn -nɩꞌe-e ꞌbho ꞌꞌni wɔnli.

Matiee 15:29

Ɩ ziꞌa -kaa a, *Zezii ziꞌe ꞌbho-o li, ɔ ꞌye Galileeꞌa -badaklagba wɔnli le mu, ɔ ꞌye -gɔgɔ -lue ꞌꞌkpi ꞌya, ɔ ꞌye ti-de.

Matiee 4:25

Nyunyuꞌa -dadudu-u ꞌꞌgbu-o ti, ꞌle ʋn-ʋ na ꞌnɔ kli. Ʋ-bʋ nyʋ ꞌmnʋ -sɔꞌɔ-ɔ -da ꞌwee, -lrʋʋ ꞌꞌdu Galileebhlʋkpa ꞌꞌkpiꞌa nyʋ, -lrʋʋ -sɔꞌɔ-ɔ ꞌbhlʋkpa ʋn-ʋ ꞌlaꞌa -Gwlɛklɩgbɩ bueꞌa ꞌbhlʋkpa ꞌꞌkpi, ꞌle -lrʋʋ -sɔꞌɔ Zelizalɛɛmʋgwlɔ ꞌmʋ -ke Zideebhlʋkpa ꞌꞌkpiꞌa -gwlɛ -lrɩɩ ꞌmʋ, ꞌle -lrʋʋ -sɔꞌɔ ꞌle Zudɛɛn lemʋꞌa ꞌbhlʋkpa ꞌꞌkpi.

Matiee 5:2

Ɔ-ɔ tɔ nʋ-oꞌo na:

Maakɩ 3:13

Dɩ ꞌmnɩ ziꞌa a, *Zezii ꞌla-a nyʋ ɔ ꞌybhaꞌa, ꞌle ɔ -ke ʋn ꞌye mu, ɔ -ke ʋn ꞌye ꞌle -gɔgɔ -lue ꞌꞌkpi ꞌya.

Maakɩ 3:20

Zezii -zaꞌa -kaa ꞌbho ꞌɔ nyʋ ꞌmnʋ, ɔ -ke ʋn ꞌmu-o ꞌꞌbhlegbo -lue. ꞌBho-o nyʋꞌa -dadudu -lrʋʋ ꞌgbʋʋꞌo. ꞌWa ꞌꞌyidieɛꞌɛ dɩ, -ka Zezii -ke *ꞌɔ -namʋ ꞌka -nyna ʋn ꞌka li, ʋn se ꞌna ꞌbhle.

Maakɩ 4:1

-Ka -lue ꞌmnɔ -lrɛɛ, *Zezii ꞌmu-o Galileeꞌa -badaklagba wɔnli le, ɔ ꞌke nyʋ -tɔ. Nyʋꞌa -dadudu ꞌgbʋʋꞌo. ꞌWa ꞌꞌyidieɛꞌɛ dɩ ɔ ꞌkpaꞌa gɔlʋ -lue ꞌli, ɔ ꞌye ti-de. Gɔlʋ ꞌmnɛ -tɛ ꞌkɩka gbo ꞌbho -badaꞌa ꞌꞌyigbeyi ꞌle nyʋ ꞌmnʋꞌa klɛ -nɩꞌe ꞌbho ꞌkɩka ꞌꞌyi, ꞌꞌni wɔnli.

Luukɩ 6:12

Ɛ-bɛ -nɔɔ ꞌmnɛ ꞌli, *Zezii ꞌya-a -gɔgɔ ɔ ꞌke *-Lagɔ wɔn gbo po. Ɔ -nɩ -Lagɔ wɔngboponamʋ, ꞌꞌpuu! zɔ ꞌye ɔ ꞌle -zɩ -nɩ.

Luukɩ 6:17

*Zezii ꞌtɛꞌɛ ʋ-bʋ *ꞌɔ -namʋ ꞌmnʋ ꞌmʋ a, ɔ -ke ʋn ꞌdre-e -gɔgɔ, ʋn ꞌye ꞌbho ꞌɛ ꞌzɔ nyni, ꞌle ɔ ꞌye ti-nyna. ꞌBho ꞌmnɔ, ꞌbho-o *ꞌɔ -namʋꞌa -dadudu -ke nyʋ -lrʋʋꞌa ꞌplan -nɩꞌo. Ʋ-bʋ nyʋ -lrʋʋꞌa ꞌplan ꞌmnɛ -sɔꞌɔ-ɔ *ꞌZuifʋꞌa -gwlɔ ʋn-ʋ ꞌlaꞌa Zelizalɛɛmʋ -ke ꞌwa ꞌbhlʋkpa ꞌꞌkpi ꞌle -lrʋʋ -sɔꞌɔ ꞌtɔnniwɔnliꞌa -gwlɛ ʋn-ʋ ꞌlaꞌa Tiilɩ -ke Sidɔɔ ꞌmʋ.

Luukɩ 6:20

*Zezii nʋꞌa -kaa, ɔ -gbʋꞌo-o *ꞌɔ -namʋ ya ꞌle ɔ na: A-bʋ dɩn-ɩ nʋꞌa a, a ꞌwa-a ti, -ɛkedɩmaa, -Lagɔ ꞌbɔ-ɔ ti ɔ ꞌke amʋ -kɔ.

Luukɩ 9:28

*Zezii -zaꞌa ɩ-bɩ dɩ ꞌmnɩ ꞌmʋ, ꞌwɩ ɔ nʋꞌa ꞌbho ꞌɛ ꞌꞌkpi, ɩ ꞌbhɛɛꞌɛ-ɛ -mɛɛsɔn, ꞌle ɔ ꞌye *ꞌPiɛlɩ-e, *ꞌZaan -ke Zaakɩ ꞌmʋꞌꞌluo, ɔ -ke ʋn ꞌye ꞌle trɩ -lue ꞌꞌkpi ꞌya ɔ ꞌke *-Lagɔ wɔn gbo po.

ꞌZaan 6:15

A ꞌye li-ɔ, Zezii nʋꞌa -kaa, -ka ʋn ꞌka yi ʋn ꞌke ɔ kpʋn -glaka ꞌle ʋn ꞌke ɔ ꞌwa ꞌbhlʋkpaꞌa -yowli ꞌmʋ nʋ a, ɔ yibo nɩ-oꞌo, ꞌle, ɔ -nɩ -lue ꞌtɩn, ɔ ꞌye nyʋ-ʋ -nɩꞌa ꞌbhoꞌa ꞌꞌklumʋ ꞌwlʋ, ꞌle ɔ ꞌye kpɔ cɛ ꞌle -gɔgɔ ꞌmnɛꞌɛ ꞌꞌkpi.