Matiee 3:16 - Nyaboa (Nyabwa)

¹⁶ ꞌZaan gwɛꞌɛ Zeziiꞌa batizeeɛ ꞌꞌyi -nalo, -da Zezii -sɔꞌɔ ꞌle ꞌꞌnukɔ, ꞌbho -gbaa -lue ꞌmʋ ɔ ꞌye-e yaku li ɛ ꞌye wɔn kati ꞌle -Lagɔꞌɔ Lisaazuzu ꞌye ɔ ꞌꞌkpiꞌdree -ka ꞌgbɔlɩɛ.

Matiee 3:16 Iomraidhean Croise

Maakɩ 1:10

-Da Zezii -sɔꞌɔ ꞌꞌnukɔ, ꞌbho -gbaa -lue ꞌmʋ, ɔ ꞌye-e yaku li, ɛ ꞌye wɔn kati ꞌle *Lisaazuzu ꞌye ɔ ꞌꞌkpiꞌdree -ka ꞌgbɔlɩɛ.

ꞌZaan 1:51

ꞌLe ɔ ꞌye ɔ -kaa ꞌꞌyiꞌlɛ -lrɛɛ: -Ziadɩ ꞌɩn-ɩ zaꞌa -ɩnmʋ -bodɩ ꞌmʋ, yaku-u ꞌye-e wɔn kati -mʋ. -Ka ꞌɩnmɔ *Nyunyɔꞌɔ ꞌꞌYu ꞌꞌduꞌa -Lagɔ -ke nyunyuꞌa ꞌnynɩmʋnɩyi, -a ꞌye -ɩ yibo -mʋ. ꞌƐ lɛtu kɔɔꞌɔ-ɔ -aꞌba ꞌꞌna *Zakɔɔpʋꞌa ꞌꞌyritiyeɛɛ. ꞌLe ɛ ꞌmʋ -Lagɔ gboꞌa -dalbhomʋ-ʋ zizi-e ꞌmʋti ꞌle ꞌbhlʋkpa -ke yakuꞌa ꞌnynɩmʋ. -Ka -lue ꞌmnɔ, ꞌka-a ꞌɩn -nɩꞌe nyunyu -ke -Lagɔꞌɔ ꞌnynɩmʋ.

ꞌZaan 3:34

Ɔ-bɔ nyɔ -Lagɔ lbhoꞌa ꞌmnɔ ɔ, ɔ ꞌpo -ɔ *ꞌɔ Lisaazuzu ꞌmʋ -gblokooꞌa dɩ, ɔ-ɔ zaꞌa ꞌɔ wlu ꞌmʋ.

Nʋnʋkpli 7:56

Ɔ-ɔ ꞌye ꞌɩ -kaa li a, ɔ na: A -gblee, ꞌɩn-ɩ ꞌye-e yaku li, ɛ katiꞌe-e wɔn, ꞌle Zezii -ke -Lagɔ -kɔꞌɔ lɩ ꞌwee, -ɔ ꞌꞌduuꞌa ꞌɔ ꞌꞌbhuo *Nyunyɔꞌɔ ꞌꞌYu ꞌnynɩ, ꞌɩnnɔ -nynaꞌa ꞌbho ꞌɔ ꞌꞌtroli ti.

1 ꞌZaan 5:6

A -gblee, *Zezii *Kliisɩ ꞌmo-o nyɔ -yɔ yiꞌa ꞌnɔɔ ꞌkmʋ ꞌmʋ. Ɔ yiꞌa a, ʋn *batizee -nɩ ꞌnɔ-ɔ ꞌle ꞌꞌnukɔ, ꞌle, ɔ ꞌka ꞌmɛ, ꞌɔ nymɔ ꞌye tiꞌwla. Ʋn batizee -nɩ ꞌnɔ ꞌꞌnukɔ, ɛ -see ꞌbho ꞌꞌtii, ꞌɔ nymɔ ꞌwla-a ti -lrɛɛ. ꞌLe, *-Lagɔꞌɔ Lisaazuzu ꞌma-a -ziadɩꞌa ꞌmʋzayi, ɔ na ɩ -se sɩn -ko.