Matiee 26:10 - Nyaboa (Nyabwa)

¹⁰ Ɔ ꞌwɩn ꞌɩ ꞌbɔ ɔ, ɔ na: Leedɩ a sɩa nɩ nʋꞌa? Aꞌba nʋ -kaa -le! Lɛzɛgɛ ʋn nʋꞌo ꞌɩnmʋ ꞌꞌlruli.

Matiee 26:10 Iomraidhean Croise

Matiee 26:11

-Yʋ ꞌma-a ꞌꞌpʋanmʋ a, a -ke ʋn -nɩꞌe-e ꞌnɔɔ ꞌꞌkɔmʋkɔmʋ. -Bho a ꞌybha a ꞌbhɛɛꞌɛ a ꞌke ʋ -zɩgɩ ꞌꞌlrulinʋ. ꞌLe ꞌɩnmɔ -yɔɔ, ꞌɩn-ɩ ꞌye-e ꞌle aꞌba ꞌꞌklumʋ ꞌwlʋ -mʋ ꞌɩn ꞌke ꞌmɛ!

Matiee 26:9

-Bho ɛ -po-ɛ ꞌkɩ ꞌpɛlʋ, ɛ ꞌbhɛɛꞌo ɛ ꞌke mɔni -dudu ꞌye ꞌle ɛ ꞌke ꞌꞌpʋanlbhamʋ ꞌꞌyitiꞌgble-ɛ.

Maakɩ 14:6

Zezii ꞌwɩn ꞌɩ ꞌbɔ ɔ, ɔ na: A -zʋ ʋ wɔn li! Leedɩ a-a sɩa nɩ ꞌnʋꞌa? Aꞌba nʋ -kaa -le! Lɛzɛgɛ ʋn nʋꞌo ꞌɩnmʋ ꞌꞌlruli.

Luukɩ 8:49

Ɔ -nɩ -kaa -wlunamʋ ꞌle nyɔ -lue ꞌye ꞌle Zayilisɩꞌa ꞌꞌbhlibhlegbo ꞌmʋ-sɔ, ꞌle ɔ na: Zayilisɩ, -aꞌa -sɩa -nɩ -aꞌba -Tɔyi -le bhubhuyiti! -Aꞌa ꞌꞌyu ꞌmɛ-oꞌo.

2 Kɔlɛɛtɩkɔmʋ 9:8

Ɔ-bɔ -Lagɔ ꞌmnɔ ɔ, ɔ ꞌku-o wɔn. Ɔ ꞌbhɛɛꞌo ɔ ꞌke amʋ ꞌꞌniti-wʋnna tenyɩ ꞌle a -kaa ꞌtɔ lɛꞌꞌo lɛ ꞌmʋ-bɔ. -Bho ɛ -nɩ -kaa ꞌmʋ, ꞌꞌlemnɩɩ a ꞌbhɛɛꞌo ɛ ꞌke nyɔꞌꞌo nyɔ -zɛgɛ ꞌꞌlrulinʋ -lrɛɛ.

Galasiikɔmʋ 1:7

ꞌƖn-ɩ ꞌtmʋʋꞌo amʋ-ɛ, ꞌꞌdɩgɩzɩ ꞌɩn -tɔꞌɔ amʋ, ꞌya ꞌꞌsɛ-ɛ moꞌo -ziaka. ꞌꞌDɩ -lrɩɩ-ɩ ꞌka -zɩgɩ ꞌꞌdu, -ɩ ꞌkɩ ɩ ꞌmʋ -zi, ɩ se -nɩ. ꞌƖn-ɩ zɩ ꞌɩ ꞌmʋ-ɛ, -ɛkedɩmaa, nyʋ -lrʋʋ ꞌgble-e aꞌba -pɔlʋ ꞌmʋ ꞌle ʋn ꞌbɔꞌɔ ti, ꞌbho *-Lagɔꞌɔ ꞌBhozayi Zezii Kliisɩꞌa ꞌꞌdɩzɩgɩꞌa damʋ, ʋn ꞌke ɩ ꞌꞌyida ꞌmʋ -za.

Galasiikɔmʋ 5:12

Nyʋ ꞌmnʋ -yʋ ꞌꞌmaaꞌa amʋ, -bho ʋn nʋ a mu klɛ ꞌmʋ ꞌle a ꞌke ꞌꞌyisrɛɛmʋ ꞌꞌdu ꞌbho -Lagɔꞌɔ ꞌꞌyigbeyi a, ꞌle ꞌmna gbo, -bho ʋn ꞌbɔ ti, ʋn wʋwa, klɛ -se lɛ -ko!

Galasiikɔmʋ 6:17

-Ɛ ꞌwlʋꞌa -daa -zɩannamʋ, nyɔꞌɔ -sɩa -nɩ ꞌɩnmʋ -le, -ɛkedɩmaa, -ka ꞌɩn ꞌꞌduꞌa Zeziiꞌa nyɔ, ꞌlbhalbhafanɩ ꞌɩn ꞌbhleꞌa ku li a, ꞌɩnnɩ tɔꞌɔ ꞌna!

Efɛɛzɩkɔmʋ 2:10

ꞌKa-a ɛ -nɩꞌe ꞌmʋꞌa dɩ, ɔ-bɔ -yaꞌa -amʋ ti, ɔ ꞌꞌnyɩꞌe -amʋ tinɩɛlre Zezii Kliisɩꞌa dɩ, ꞌle -a -ke Zezii Kliisɩ ꞌmnɔ ꞌꞌsisriꞌe ꞌꞌyi, ꞌle -a ꞌke ꞌꞌyrilinmɔlɩꞌa nʋnʋa wɔnyiꞌbhɛɛ. Ɛ-bɛ ꞌꞌyrilinmɔlɩꞌa nʋnʋa ꞌmnɛ, -Lagɔ ꞌde -ɛ ꞌbho ti see ꞌle -a ꞌke ꞌle ɛ ꞌmʋ ti-de.

Kolɔsʋkɔmʋ 1:10

-Bho ɛ -nɩ -kaa ꞌmʋ a, ꞌꞌlemnɩɩ, kpli-i nʋꞌa -aꞌba -Kɔyi Zezii Kliisɩ ꞌtʋ, a ꞌbhle -ɩꞌo, ꞌle a ꞌke ꞌɔ ꞌgwlʋdɩ nʋ. Lɛꞌꞌo lɛ-ɛ ꞌma-a -zɛgɛ, a-a ꞌye -ɛ -nʋ -mʋ ꞌle aꞌba -Lagɔꞌɔ yiboɛ ꞌke ꞌꞌkpiꞌkpa.

1 Timotee 3:1

-Gblee, wlu ꞌɩn-ɩ ꞌyeꞌa ꞌmʋ-za mʋ a, ɛ-ɛ ꞌmo-o -ziadɩ. -Bho nyɔ ꞌbɔ ti ɔ ꞌke *Zeziiꞌa -glɩgbaꞌa ꞌꞌlrutideyi ꞌꞌdu, lbhʋzɛgɛ moꞌo.

1 Timotee 5:10

Kpli ʋn ꞌka ti-nɩ -lrɛɛ, ꞌɩnnɩ ꞌka-a: Nyʋ ꞌwɔɔn ꞌwa nʋnʋlbhʋzɛgɛ ꞌꞌkpi, ʋn ꞌꞌdu -yʋ -nmɔꞌɔ ꞌꞌyreetɩ kwa ꞌmʋ ti, ʋn ꞌꞌdu ꞌlɩkpʋꞌa -glikpʋnnynʋkpakpɩ! Ʋn ꞌꞌdu ꞌnynʋkpakpɩ-ɩ -ybhɛꞌɛ *Zeziiꞌa nyʋ ꞌmʋ -ʋ kpʋn ꞌʋ -gli, ꞌle -ʋ ꞌꞌsiꞌa ꞌbho -ʋ -kpaꞌa nyʋ-ʋ -nɩꞌa ꞌkle ꞌyenamʋ! -Gblee, ꞌnynʋkpakpɩ-ɩ -ke -pɔlʋ -nmɔꞌɔ ꞌꞌyrili ʋn ꞌke -zɩgɩ nʋ, ꞌɩnnʋ ʋn ꞌke ꞌꞌdu! -Bho ʋn -nɩ -kaa a, ꞌcnɩ ꞌwa ꞌnynɩ!

2 Timotee 2:21

-Ka -lue ꞌmnɔ ꞌka-a -abʋ -nɩꞌo -lrɛɛ. -Bho nyɔ ple ꞌꞌnyinynidɩ li ꞌle ɔ ꞌke *liꞌsaa ꞌbho -Lagɔꞌɔ ꞌꞌyigbeyi, ꞌɔ nyɔtu, ɔ-ɔ po ꞌnɔ-ɔ kpɔ ꞌꞌyi ꞌle ɔ-ɔ ꞌꞌduꞌo -zɛgɛ ꞌɔ -yowli ꞌmnɔ -bodɩ. Lɛꞌꞌo lɛ-ɛ ꞌma-a -zɛgɛ, ꞌɛ -jeyi ɔ-ɔ de ꞌɔ ti.

Tiitɩ 1:16

Nyʋ ꞌmnʋꞌa ꞌꞌbhi na, ʋn yiboꞌo-o -Lagɔ ꞌle ꞌwa ꞌꞌnyinynikpli-i zʋ ꞌʋ gbɔ, -ka ʋn seꞌa -Lagɔ yibo -ziaka. ꞌWa ꞌꞌdu ꞌbho -Lagɔ, lɩ-ɩ nya ꞌnɔ li, ꞌɩnnɩ ʋn-ʋ nʋꞌo ꞌle ʋn se -zɩgɩꞌa nʋnʋa ꞌbhɛɛ.

Tiitɩ 2:14

A -gblee, ɔbɔ ꞌmnɔ, ꞌɩnnɔ ꞌꞌtayiꞌe ꞌɔ ꞌꞌbhuo ꞌꞌyiti ɔ ꞌye ꞌbho -aꞌba ꞌbɩ ꞌmʋ ꞌmɛ -nɩ ꞌle ɔ ꞌke -amʋ ꞌꞌnyinynidɩ ꞌꞌkpi -za, ɔ ꞌke -amʋ *liꞌsaa ꞌbho -Lagɔꞌɔ ꞌꞌyigbeyi, ꞌle ɔ ꞌke -amʋ -kɔ ꞌle -a ꞌke ꞌꞌyrilinmɔlɩꞌa nʋnʋa wɔnyiꞌbhɛɛ.

Tiitɩ 3:1

-Za *Zeziiꞌa nyʋꞌa -pɔlʋ ꞌꞌyiglu, ʋn ꞌꞌdu ꞌbho ꞌbhlɩkpɩyowli -ke ꞌwa nyʋlrutidemʋ! Lɛ ʋn ꞌꞌsiꞌa ꞌnynɩ, ʋn nʋ ɛ! Ʋn -kma ꞌꞌyrilinmɔlɩꞌa nʋdɩ!

Tiitɩ 3:14

ꞌTmʋʋ ꞌlotʋꞌa ꞌꞌnynuu ꞌwee ꞌle a ꞌke ʋ -kpa! ꞌƐ ꞌꞌdu -ɩn -nɩ -lueꞌa ꞌmʋwlʋlɛ -le! Nyɔꞌɔ -nɩ ꞌbho -Lagɔꞌɔ -jeyi bhebhe. -Zɩgɩ-ɩ ꞌka -Lagɔꞌɔ nyʋ ꞌꞌlruli-nʋ-ɛ, ꞌɩnnɩ ꞌka-a!

Tiitɩ 3:8

Wlu ꞌɩn -zaꞌa -laa ꞌmʋ ꞌmo-o -ziadɩ. -Bho -ɩn -kɛ ɛ ꞌmʋ-ʋza a, ꞌɩn ꞌbɔ-ɔ ti -ɩn ꞌke ɛ -jiɛ ꞌꞌkpi titri. ꞌꞌLemnɩɩ, nyʋ-ʋ deꞌa -Lagɔ ꞌꞌgwli, ʋn-ʋ ꞌye-e ꞌwa ꞌꞌbhi ꞌꞌyriliꞌꞌdu -mʋ ꞌꞌkɔmʋ ꞌle ʋn ꞌke lɩzɩgɩ nʋ. Ɩ-bɩ wlu -a tɔꞌɔ nyʋ -nmɔꞌɔ-ɔ ꞌꞌyrili ꞌle ɩ-ɩ kpaꞌa nyʋ.

Eblee 13:21

Lɛ-ɛ -ke dɩ ꞌɩn-ɩ po ꞌɔ *wɔn gbo aꞌba dɩ, ꞌɩnnɛ ꞌmo-o, ɔ ꞌke amʋ ꞌkpɩ ꞌmʋ po, ꞌle, lɩzɩgɩ ꞌwee ɔ ꞌybhaꞌa, a ꞌke ɩ nʋ. ꞌƖn ꞌde-e ꞌꞌgwli na, ꞌɔ ꞌꞌbhuo-o ꞌye -ɛ -nʋ -mʋ ꞌle a ꞌke ꞌɔ ꞌgwlʋdɩ nʋ. Zezii *Kliisɩ-ɩ ꞌpo-o amʋ ꞌkpɩ ꞌmʋꞌa dɩ ꞌɛ lɛtu ꞌke -nʋ-ɛ. ꞌKa-a ɛ -nɩꞌe ꞌmʋꞌa dɩ, Zezii Kliisɩ ꞌmnɔꞌɔ ꞌnynɩ ꞌbhɛ ꞌꞌyi ꞌꞌkɔmʋ! Kɩn, wlu ꞌɩn -zaꞌa ꞌmʋ, *ɩ -nɩ -kaa ꞌmʋ!

1 ꞌPiɛlɩ 2:12

Nyʋ-ʋ se ꞌɔ yibo, ꞌnɔɔ a -nɩꞌa ꞌle ꞌwa ꞌꞌklumʋ, a nʋ ꞌle kplizɩgɩ! Ʋ-bʋ nyʋ ꞌmnʋ, -bho ʋn -ka amʋ dɩ ꞌꞌyi-ikpa, a nʋ ꞌꞌyrilinmɔkpli ꞌꞌkɔmʋ, ʋn ꞌke ɩ ꞌꞌyrili-gwɛ, ꞌle, -da *Zezii-i ꞌyeꞌa ꞌnɔɔ ꞌkmʋ ꞌmʋ le -yi -nɩ mʋ, ɔ ꞌke ʋ -zigle -tu, ꞌle ʋn ꞌke ꞌɔ ꞌnynɩ ꞌꞌyiꞌbhɛɛ!