Matiee 24:4 - Nyaboa (Nyabwa)

⁴ ꞌLe ɔ ꞌye ʋ ꞌꞌdɩ ꞌmʋ ꞌꞌdu, ɔ na: A ꞌꞌdu aꞌba ꞌꞌbhi ꞌꞌyrili ꞌle nyɔ -kaa amʋ -tɔɔ ꞌꞌyriliꞌꞌmaa.

Matiee 24:4 Iomraidhean Croise

Maakɩ 13:22

Nyʋ-ʋ ꞌye-e ꞌmʋ-sɔ -mʋ ꞌle ʋn ꞌke ꞌwa ꞌꞌbhi -Lagɔꞌɔ ꞌBhozayi -ɔ ꞌpʋʋnꞌa nyʋ ꞌla. Ʋn-ʋ ꞌye-e -kaa ꞌlɛ -mʋ, ɛ -se -Lagɔ -zʋ ʋ ꞌbho -ko. -Lrʋʋ-ʋ ꞌye-e -kaa ꞌlɛ -mʋ: -Lagɔꞌɔ wluꞌa ꞌmʋtizamʋ -a ꞌꞌduꞌo. Ɛ -se -Lagɔ lbho ʋ -ko -lrɛɛ. Ʋbʋ ꞌmnʋ, *wɔnkulɩ ꞌka -tɔ na, -Lagɔꞌɔ -nʋ ʋn ꞌꞌduꞌo, ʋn-ʋ ꞌye -ɩ -nʋ -mʋ. ꞌKa-a ʋn-ʋ ꞌye -nʋ mʋ, ꞌle, -yʋ -ke ꞌꞌbhi ꞌma-a -Lagɔꞌɔ -nʋ ɔ -zaꞌa ꞌbho, ʋn ꞌke ʋ -tɔɔ ꞌꞌmaa.

Luukɩ 21:8

ꞌLe ɔ na: A ꞌꞌdu aꞌba ꞌꞌbhi ꞌꞌyrili, ꞌle nyʋ -kaa amʋ -tɔɔ ꞌꞌyriliꞌꞌmaa! A -gblee, nyʋꞌa -dadudu-u ꞌye-e -yi -mʋ ꞌle ʋn ꞌke ꞌan ꞌnynɩ ꞌmʋꞌꞌluo, ʋn ꞌke -kaa ꞌlɛ -lue -lue: ꞌƖnmɔ *-Lagɔꞌɔ ꞌBhozayi -ɔ ꞌpʋʋnꞌa nyʋ, ꞌɩnmɔ ꞌka-a! Ʋ-bʋ nyʋ ꞌmnʋ-ʋ ꞌye-e -kaa ꞌlɛ -mʋ -lrɛɛ: ꞌKmʋꞌa ꞌꞌyitiinɔɔ nyni-oꞌo. -Bho ɛ -nɩ -kaa ꞌmʋ a, aꞌba -ke ꞌwa -na -le!

Galasiikɔmʋ 6:3

ꞌLe ꞌbho ꞌɛ ꞌꞌkpi, -bho nyɔ -ka ꞌɔ ꞌꞌbhuo -klagba-a ꞌla, -bho ɔ se -kaa -nɩ a, ɔ-ɔ ꞌpo-o ꞌɔ ꞌꞌbhuo -dugba li.

Efɛɛzɩkɔmʋ 4:14

ꞌLe -a ꞌke -kaa -nɩ a, ꞌꞌlemnɩɩ -a -see tiꞌꞌtoto yi ꞌꞌyreetɩꞌa ka. ꞌLe nyʋ-ʋ ꞌꞌmaaꞌa nyʋ dɩ ꞌꞌyrili, ꞌwa sɩnsɩndɩ-e ꞌꞌyrabhadɩ ꞌmnɩ ꞌmʋ ʋn se ꞌbhɛɛ ꞌwa -tɔtɔlɩ ꞌke -amʋ -tɔtɔlɩzɩgɩꞌa -jolʋ ꞌꞌyriliꞌꞌmaa. -Mnɩɩ, -ka ꞌꞌni -ke -pʋpɔɔ poꞌa gɔlʋ -gboko, -a -see -kaa -nɩ yi.

Efɛɛzɩkɔmʋ 5:6

Nyʋꞌa bhebhewlu seꞌa lɛ ꞌmʋꞌbhle, ꞌya ꞌꞌmaa amʋ dɩ ꞌꞌyrili -le! ꞌYa ꞌꞌnyinynidɩtuꞌa dɩ, nyʋ-ʋ -seeꞌa tiꞌbɔ ʋn ꞌke -Lagɔ ꞌbho ꞌꞌdu a, ꞌɔ ꞌcɛkʋta -nɩ ꞌnʋ ꞌꞌkpi, ꞌle ɔ ꞌke ʋ dɩ -kpʋn.

Kolɔsʋkɔmʋ 2:18

ꞌKa-a ɛ -nɩꞌe ꞌmʋꞌa dɩ, nyɔꞌꞌo nyɔ-ɔ ꞌbɔꞌɔ ti ɔ ꞌke ꞌɔ ꞌꞌbhuo ꞌzɔ -ya ꞌle nyʋ ꞌke ɔ ꞌyra, -ɔ ꞌbɔꞌɔ ti ɔ ꞌke -Lagɔ gboꞌa -dalbhomʋ bʋbɔ, ꞌꞌyri ɔ-ɔ ꞌyeꞌa ti, -ɔ ꞌlɛ ꞌɛ lɛ, aꞌba ꞌꞌtayi nɔ ꞌꞌyiti, ꞌɔ ꞌꞌdu ꞌbho aꞌba da -le! ꞌƆ nyɔtu-u ꞌbhɛɛ-ɛ ꞌɔ ꞌꞌbhuo ꞌꞌyi bhubhuyiti. Nyunyɔnaagɩꞌa ꞌꞌsɛ ɔ-ɔ poꞌo.

Kolɔsʋkɔmʋ 2:8

ꞌBho ꞌɛ lemʋ, a ꞌꞌdu aꞌba ꞌꞌbhi ꞌꞌyrili, ꞌle, bhubhuyitiꞌa lɩ nyʋ-ʋ popoꞌa ꞌgwlʋti, ʋn -kɩɩ ɩ ꞌmʋꞌꞌluo ꞌle ʋn -kaa aꞌba ꞌꞌgwlideɛ -denɩ ꞌmʋ -za! Ɩ-bɩ ꞌgwlʋtipopolɩ ꞌmnɩ, ꞌꞌnyinynidɩꞌa -zuzu ꞌbhleꞌa wɔnkuɛ ꞌle yaku ꞌꞌyi -ke nyunyɔꞌɔ -naagɩ ꞌmʋ ɩ-ɩ ꞌwlʋꞌo. ꞌYa ꞌwlʋ Zezii Kliisɩ ꞌmʋ.

2 Tesalonikɩkɔmʋ 2:3

Aꞌba ꞌyee -kaabodɩꞌa -lue ꞌtɩn -ziadɩ ꞌmʋ -le! A -gblee, dɩ-ɩ ꞌka zi ꞌle ꞌɔ leyinɔɔ ꞌka nyni, ꞌɩnnɩ ꞌka-a: Nyʋꞌa -dadudu-u ꞌye-e ꞌꞌkpleku -mʋ -lokumʋkudɩ ꞌle ʋn -see -Lagɔ lɛ ꞌla yi, ꞌle nyɔ ʋn-ʋ ꞌlaꞌa *-lokumʋkuyiklagba -Lagɔꞌɔ -zigle ꞌka kpʋn, ɔ ꞌke ꞌɔ ꞌꞌbhuo nyʋ ꞌꞌyi-tɔ. -Bho ɩ-bɩ dɩ ꞌmnɩ zi a, ꞌle ꞌɔ leyinɔɔ ꞌke nyni.

1 ꞌZaan 4:1

ꞌAn dɩkmalotʋꞌa ꞌꞌnynuu-a, nyʋ-ʋ -seꞌa-a -Lagɔꞌɔ wluꞌa ꞌmʋtizamʋzɩgɩ, ʋn bʋbaꞌa-a ꞌnɔɔ ꞌbhlɩkpɩ ꞌꞌkpi ti. ꞌƐ dɩ, nyʋ-ʋ nʋꞌa ʋn ꞌbhle-e *-Lagɔꞌɔ Lisaazuzu ꞌmʋ, aꞌba de ʋ ꞌꞌgwli -le! A ꞌcrʋ ʋ ꞌmʋti -antanyɩ, ꞌle, -bho ɛ ꞌꞌdu -Lagɔꞌɔ Lisaazuzu -ziaka ꞌle a ꞌke ɩ yibo.