Matiee 20:2 - Nyaboa (Nyabwa)

² Ɔ ꞌye ꞌʋ a, ɔ -ke ʋn bhagaꞌo zɔ -lue ꞌzɔꞌɔ mɔni ꞌꞌkpi. Wlu ꞌbhɛɛꞌɛ ꞌmʋ ꞌle ɔ ꞌye ʋ ꞌle lbhʋ ꞌꞌyi kpa.

Matiee 20:2 Iomraidhean Croise

Matiee 18:28

Ɔ-bɔ lbhʋzeyi ꞌmnɔ ꞌdaꞌa ꞌbho ꞌꞌpiemʋ, ꞌɔ -bonyunyɔ -ke ɔ -nɩꞌa lbhʋ -lue ꞌmʋ -ɔ ꞌbhleꞌa ꞌɔ mɔniyɔɔsɩꞌa kpa, ꞌɩnnɔ ɔ ꞌyeꞌo ꞌle ɔ ꞌye ɔ -bluu ꞌzɔ kpʋn ꞌle -fukafuka ꞌye ɔ wɔn ꞌꞌsuu, ɔ na: ꞌAn mɔni -ɩn ꞌbhleꞌa, -zɛ ɛ ꞌkwla!

Matiee 20:1

*Zezii poꞌa wlu ꞌmnɛ ti a, ɔ ꞌpo-o ꞌꞌyi -lue ꞌbho lbhʋnʋmʋ ꞌꞌkpi ꞌle ɔ na: Lɛ -ke -Lagɔꞌɔ nyʋꞌa -kɔkɔɔ gʋgɔꞌɔ ꞌꞌyiti, ꞌɩnnɛ ꞌka-a: -Kpaayowli -lue ꞌda-oꞌo zɔwɔnyi, ɔ ꞌye lbhʋnʋmʋ tibɔnamʋ mu, ʋn ꞌke ꞌɔ -lololɩ ꞌzɔti ꞌbhɩsɛ.

Matiee 20:13

ꞌLe -kpaayowli ꞌye -kaa ꞌwa -lue ꞌꞌyiꞌlɛ: ꞌƖn bha, ꞌɩn -see -ɩnmʋ ꞌꞌyrabha ꞌli -po. -Ɩn ꞌka lbhʋ ꞌꞌyi kpa, mɔni -aꞌa ꞌꞌbhuo ꞌwɔɔnꞌɔ ꞌꞌyi, ꞌɩnnɛ ꞌɩn ꞌꞌnyɩꞌe -ɩnmʋ, ꞌkla -ko?

Matiee 20:3

-Drumayrʋvlaan ꞌmʋ ɔ -ka mu ꞌbho lbhʋtibɔmʋꞌa ꞌꞌlrugbʋʋnamʋ, nyʋ -lrʋʋ -nɩꞌe-e ꞌbho, ʋn se lɛ nʋnamʋ -nɩ.

Matiee 20:9

ꞌꞌJiazɔyrʋ ꞌtepoꞌa ꞌꞌyiti, nyʋ-ʋ yiꞌa ꞌye-e ꞌwa zɔ -lue ꞌmʋ mɔni.

Matiee 22:19

A -ya ꞌɩnmʋ mɔniyʋɛ ꞌmʋ ꞌɩn ꞌke ɛ ꞌye ꞌle ꞌɩn ꞌke ɛ wlu ꞌꞌkpi ꞌꞌdu.

Matiee 9:37

ꞌBhlɩkpɩ ꞌꞌkpiꞌa nyʋ-ʋ -flɔꞌɔ -pɔlʋ wɔn, -ʋ ꞌka -Lagɔꞌɔ ꞌꞌdɩzɩgɩ ꞌwɔɔn, -ka nyɔ ꞌkɩ ɩ ʋ -bodɩ ꞌmʋ-za a, ꞌya ꞌꞌyi Zezii poꞌo ꞌle ɔ na: ꞌAn -namʋ-a, lee -ke -kpaa ꞌbhɛꞌɛ -kaa ꞌꞌyigbeyi ti, -ɛ -ke cɛmʋ se -kaa ꞌꞌyi-die ꞌya-a!

Maakɩ 12:15

ꞌLe ɔ na: A-a ꞌmo-o -mɩɛ ꞌsɔn wɔn ꞌmʋ ꞌbhlemʋ. -Ka a ꞌlɛꞌɛ -laa, ɛ -se ꞌka-a a-a popo ꞌgwlʋti -ko. A-a ꞌbi-e -ɩnmʋ lemʋ ti a ꞌke ꞌɩnmʋ dɩ -kpʋn. ꞌƐ dɩ ꞌɩn ꞌwɩn ꞌɩ ꞌmʋti. A -ya ꞌɩnmʋ mɔniyʋɛ ꞌmʋ ꞌɩn ꞌke ɛ ꞌye ꞌle ꞌɩn ꞌke ꞌbho wlu ꞌꞌdu!

Luukɩ 1:15

Nyɔklagba ɔ-ɔ ꞌye ꞌꞌdu mʋ ꞌbho -Lagɔꞌɔ ꞌꞌyigbeyi. Ɔ -see nmɔ ꞌna yi, lɛꞌꞌo lɛ -ke nmɔ gʋgɔꞌɔ kpli ꞌmʋ, ɔ -see ɛ ꞌna yi. -Bho ɔ mu -lɛɛɛ! -nʋ mʋ, *-Lagɔꞌɔ Lisaazuzu ꞌye ɔ ꞌmʋ -pa mʋ ꞌle ɔ ꞌke ɔ ꞌmʋ ꞌꞌyi ꞌle ɔ ꞌke ɔ wɔnkuɛ ꞌꞌnyɩ -ka -Lagɔꞌɔ wluꞌa ꞌmʋtizayi *Eliiꞌa ka ꞌle ɔ ꞌke -Lagɔ nya ti-ple. ꞌƖnnɔ ꞌye *Izrayɛɛlɩꞌa nyʋꞌa -daduduꞌa -pɔlʋ ꞌꞌyitiꞌꞌbhiti mʋ ꞌle ʋn ꞌke ꞌbho ꞌwa -Kɔyi -Lagɔꞌɔ wlu ꞌꞌdu. ꞌƖnnɔ ꞌye -Lagɔꞌɔ nya -kɔ mʋ, ꞌle ɔ ꞌke ꞌꞌyreetɩ -ke ꞌwa -tɩta ꞌꞌwe -ybhɛ -nɩ, ꞌle, nyʋ -yʋꞌa ꞌꞌduꞌa ꞌbho -Lagɔꞌɔ wlu a, ɔ ꞌke ʋ -naagɩzɩgɩ ꞌꞌlru ꞌmʋ po ꞌle ʋn ꞌke ꞌꞌyiꞌsrɛɛ, ꞌle ɔ ꞌke -Lagɔꞌɔ -glɩgba tide ꞌle ʋn ꞌke ꞌɔ nʋ ꞌꞌdu.

Luukɩ 10:35

Zɔ zɩꞌa a, ꞌle ɔ ꞌye ꞌle nɛtɛmɔni ꞌsɔn -za ꞌle ɔ ꞌye ɩ -budu ꞌmnɛꞌɛ -yowli -jeyi ꞌꞌnyɩ ꞌle ɔ na: ꞌꞌDu ɔ ꞌꞌyrili! -Bho mɔni -nɛɛ se ꞌꞌyi-die a, po ꞌbho -lrɛɛ! -Bho ꞌɩn -yi -nɩ ꞌnɔɔ le a, ꞌle ꞌɩn ꞌꞌbhuo ꞌke ɛ ꞌkwla-za.

Luukɩ 20:24

A -ya ꞌɩnmʋ mɔniyʋɛ ꞌmʋ ꞌɩn ꞌke ɛ ꞌye ꞌle ꞌɩn ꞌke ꞌbho wlu ꞌꞌdu. Ʋn nʋꞌa -kaa, ʋn -ke ɛ yi-oꞌo, ꞌle ɔ na: Nyunyɔlru -ke ꞌnynɩ-ɩ -nɩꞌa -laa mɔniyʋɛ -nɛɛ ꞌꞌkpi ꞌle, yɔɔ -kɔ nɩꞌa? ꞌLe ʋn na: ꞌBhlʋkpayowliklagba moꞌo.

2 Timotee 3:15

-Gblee, ꞌbho ꞌɛ lemʋ, -ɛ ꞌnyaaꞌa -aꞌa ꞌꞌdanabhla a, -ɩn yiboꞌo-o wlu-u ꞌcnɩ-ɛꞌɛ ꞌle -Lagɔꞌɔ ꞌꞌbɔgʋ ꞌli. Ɛ-bɛ wlu ꞌmnɛ, ɛ ꞌbhle-e wɔnkuɛ ɛ ꞌke nyɔ -naagɩ ꞌꞌnyɩ ꞌle ɔ ꞌke Zezii Kliisɩ ꞌꞌgwlide, ꞌle ɛ ꞌmʋ, ꞌle-e ɔ ꞌke ꞌpʋn -nɩ ꞌbho -Lagɔꞌɔ ꞌꞌyigbeyi.

ꞌꞌDukuyrilizadɩ 6:6

Ɩ-bɩ lɩ nyiɛ ꞌmnɩꞌa ꞌꞌklumʋ ꞌle ꞌɩn ꞌye lɛ -lue ꞌbʋꞌwɔn. Ɛ kɔɔꞌɔ-ɔ nyunyɔꞌɔ wlu, ꞌle ɛ na nyɔ-ɔ -nɩꞌa ꞌbho -sieko ꞌꞌkpi -bodɩ: Zɔ -lue ꞌliꞌa mɔni lbhʋnʋyi-i ꞌyeꞌa, ꞌɩnnɛ ꞌke ꞌꞌcɩmnɩselɛꞌɛ kilo -lue ꞌtɩn de, ꞌle, -bho ɛ ꞌꞌdu -pʋsa, ꞌɛ kilo tan ꞌtɩn ɛ ꞌke de. ꞌBho nmɔ -ke ꞌcnaꞌa damʋ, -aꞌa po ꞌya mɔni ꞌꞌkpi -le!