Matiee 2:6 - Nyaboa (Nyabwa)

⁶ -Lagɔ na: ꞌLe Zideebhlʋkpa ꞌꞌkpiꞌa gwlɛꞌɛ ꞌꞌklumʋ Bɛtɩlɛɛmʋ ꞌwlʋꞌo ꞌnynɩ, ꞌle ɛ ꞌli ꞌbhlʋkpayowli-i ꞌye ꞌwlʋ -nɩ mʋ ꞌle ɔ ꞌke ꞌan nyʋ *Izrayɛɛlɩkɔmʋ -jolʋ gbo po.

Matiee 2:6 Iomraidhean Croise

Matiee 2:1

-Nɔɔ -ke ti nyukpasu -lue ʋn-ʋ ꞌlaꞌa *Elɔɔdɩ ꞌꞌduꞌa Zideebhlʋkpayowliklagba, ꞌbho-o *Zezii ꞌwlʋ -nɩꞌe ꞌle ꞌɛ -gwlɔ -lue ʋn-ʋ ꞌlaꞌa Bɛtɩlɛɛmʋ. A -gblee, ɔ ꞌwlʋꞌa a, ꞌcʋdrɩɛ -tɔꞌɔ nyʋ ꞌbhlʋkpayowliklagba ꞌwlʋ-oꞌo a, ꞌɩnnɛ ꞌcʋdrɩzrɛmʋ ꞌyeꞌe li. ꞌƐ kamʋ ʋn -sɔꞌɔ ꞌle ꞌyrʋꞌa ꞌwlʋnamʋ, ʋn ꞌye Zelizalɛɛmʋ yi.

Matiee 28:18

Ɔ ꞌnyni -ʋ li ꞌle ɔ na: ꞌƖn ꞌbhle-e wɔnkuɛ ꞌwee ꞌle yaku ꞌli -ke ꞌnɔɔ ꞌbhlʋkpa ꞌꞌyi.

ꞌZaan 21:16

ꞌLe ɔ ꞌye ꞌbho le mu, ꞌle ɔ na: ꞌZaanꞌa ꞌꞌyu Simɔɔ, -ɩn -kma ꞌan dɩ ꞌnɩ? ꞌLe ɔ na: Kɩn, ꞌan -Kɔyi, -ka ꞌɩn -kmaꞌa -aꞌa dɩ, -aꞌa ꞌꞌbhuo yiboꞌo-o ꞌna. ꞌLe ɔ na: ꞌꞌDu ꞌan nyʋ ꞌꞌyrili!

ꞌZaan 7:42

Wlu-u ꞌcnɩ-ɛꞌɛ ꞌle -Lagɔꞌɔ ꞌꞌbɔgʋ ꞌli, -ka ɛ ꞌlɛꞌɛ -kaa gbaa, ɛ na -aꞌba ꞌꞌna ꞌbhlʋkpayowli *Daviidɩꞌa ꞌꞌnayu ɔ ꞌke ꞌꞌdu, ꞌle Bɛtɩlɛɛmʋ ꞌma-a ꞌɔ ꞌꞌbhligwlɔ, ꞌle-e ɔ ꞌke ꞌwlʋ -nɩ.

Efɛɛzɩkɔmʋ 1:22

A ꞌye li-ɔ, ꞌka-a -Lagɔ ꞌꞌnyɩ ꞌɔ lɩ ꞌweeꞌa -kɔkɔɔ -jeyi -ziaka. Ɔ -nɩꞌa -kaa lɩ ꞌwee ꞌꞌkpi a, -ka nyɔꞌɔ ꞌꞌlru-u ꞌbhleꞌa ꞌɔ ꞌgblʋ kwa, -ka -lue ꞌmnɔ, ꞌka-a ɔ ꞌꞌdu ꞌɔ ꞌɔ -glɩgbaꞌa ꞌꞌlrugayʋɛ ꞌmʋ. Ɔbɔ ꞌmnɔ, -ɔ ꞌma-a lɩ ꞌweeꞌa -kɔyi, ɔ -nɩꞌe-e -da ꞌwee, ꞌle, ꞌɔ wɔnkuɛ ꞌmnɛ, ɔ-ɔ ꞌꞌnyɩ ꞌɛ ꞌɔ -glɩgba ꞌmnɛ -jeyi ꞌle ɛ-ɛ ꞌꞌyi ꞌɛ ꞌmʋ, ɛ-ɛ ꞌpɩple ꞌnɛ ꞌꞌkpi ꞌꞌfɩa ꞌwee.

Kolɔsʋkɔmʋ 1:18

-Ka nyɔꞌɔ ꞌꞌlru ꞌbhleꞌa ꞌɔ ꞌgblʋ kwa, -ka -lue ꞌmnɔ ꞌka-a ɔ ꞌꞌduꞌo ꞌɔ -glɩgbaꞌa ꞌꞌlrugayʋɛ. ꞌƖnnɔ ꞌꞌnyɩꞌe nyʋ tinɩɛlre. ꞌƖnnɔ ꞌmo-o lɩ ꞌweeꞌa ꞌbhleyi. Nyʋ -Lagɔ -zaꞌa glu ꞌle ꞌmɛmʋꞌa ꞌꞌklumʋ, -ʋ -nɩꞌa ti -lrɛɛ, ꞌɩnnɔ ꞌmo-o ꞌwa nyamna. Ɛ-ɛ tɔ-oꞌo na, ꞌɩnnɔ ꞌmo-o -Lagɔꞌɔ tiyalɩ ꞌweeꞌa -klagba ꞌle ɔ-ɔ ꞌꞌnyɩꞌe nyʋ tinɩɛlre.

ꞌꞌDukuyrilizadɩ 11:15

Ɩ ziꞌa -kaa, ꞌle -Lagɔ gboꞌa -dalbhomʋꞌa -mɛɛsɔnnɔ ꞌye lɛglɛ bhla, ꞌle wluklɩgbɩ ꞌye ꞌle yaku ꞌli ꞌmʋ-sɔ -nɩ, ꞌle ɩ na: -Aꞌba -Kɔyi -Lagɔ -ke *ꞌɔ ꞌBhozayi -ɔ ꞌpʋʋnꞌa nyʋ, ꞌɩnnʋ ꞌbhleꞌe wɔnkuɛ ꞌbho nyunyu ꞌwee ꞌꞌkpi, ꞌle ꞌwa nyʋꞌa -kɔkɔɔ -see ꞌꞌtiinamʋ ꞌbhle yi!

ꞌꞌDukuyrilizadɩ 2:27

Wɔnkuɛ ꞌan -tɩta -Lagɔ ꞌꞌnyɩꞌa ꞌɩnmʋ, ꞌɛ lɛtu ꞌɩn-ɩ ꞌye ɔ ꞌꞌnyɩ mʋ -lrɛɛ. Ɔ-ɔ ꞌye-e wɔn-ku -mʋ tenyɩ, ꞌle, -ka nyɔ-ɔ waꞌa mɛꞌɛ -yakpe, ɔ ꞌke -kaa ꞌꞌnyinynikpliꞌa nʋmʋ ti-za.

ꞌꞌDukuyrilizadɩ 7:17

-Ɛkedɩmaa, -bho *ꞌbhlabhlɩ li ti, -ka ꞌya *ꞌꞌyriliduyi-i kpɩ ꞌɩ ꞌle ꞌꞌnizɛgɛ kɔ ꞌle ɩ-ɩ ꞌnaꞌa a, -Lagɔꞌɔ ꞌBhozayi -nɩꞌa ꞌbho ꞌnynɩbhlekpe ꞌꞌkpi, ꞌka-a ɔ-ɔ nʋ ʋꞌo ꞌle ꞌwa ꞌgwlʋ-ʋ ꞌwɔnꞌo tenyɩ ꞌbho -Lagɔꞌɔ ꞌꞌtroli, ꞌle ɔ-ɔ ꞌsrʋ ꞌʋ ꞌꞌmi ꞌꞌyri.