Matiee 15:9 - Nyaboa (Nyabwa)

⁹ -Bho koo ʋn bʋbɔ ꞌɩnmʋ kplokplo, bhebhelɩ moꞌo, -ɛkedɩmaa, nyunyuꞌa ꞌliticɛdɩ ʋn-ʋ tɔꞌɔ nyʋ, ꞌɩnnɩ ʋn-ʋ ꞌlaꞌa ꞌan wlu.

Matiee 15:9 Iomraidhean Croise

Matiee 15:10

A -gblee, ꞌkla ꞌmnɔꞌɔ dɩ, *Zezii ꞌla-a nyʋꞌa -dadudu ꞌle ɔ na: Aꞌba ꞌwee, a po ꞌɩnmʋ -lokui, a ꞌke ꞌan wlu ꞌmʋtiꞌwɔn -ka -zɛgɛka.

1 Kɔlɛɛtɩkɔmʋ 15:2

A -gblee, -ka ꞌɩn -zɩ ꞌɩ amʋ -bodɩ ꞌmʋ, -ka ꞌɩn ꞌꞌsiꞌa ꞌnynɩ, -bho a kpʋn nɩ -kaa ꞌꞌyi, ꞌle ɩ ꞌmʋ a ꞌpʋn-oꞌo ꞌbho -Lagɔꞌɔ ꞌꞌyigbeyi. -Bho ɛ -se -mnɛɛ ɛ, ꞌꞌlemnɩɩ aꞌba Zeziiꞌa ꞌꞌgwlideɛ ꞌmnɛ, bhebhelɛ moꞌo.

1 Timotee 1:4

ꞌTmʋʋ nʋ, sabhladɩ -ke ꞌꞌnabhliꞌa lɩ ʋn-ʋ tɔꞌɔ, ʋn -kɩɩ ɩ -lokuipo! ꞌYa lɩtuꞌa ꞌbhɛɛ -Lagɔꞌɔ ꞌnynɩ ꞌꞌyi, ɩ -ke ꞌɔ ꞌgwlʋdɩ se ꞌꞌyitigʋgɔ. Ɩ-ɩ ꞌpo-o depoɛ ꞌꞌkpi. -Gblee, ɛ-bɛ ꞌgwlʋdɩ ꞌbhleꞌa ꞌnynɩ ꞌle -a ꞌke ꞌpʋn a, -a ꞌde -ɔ ꞌꞌgwliꞌa dɩ, -a yibo nɛꞌo.

Tiitɩ 1:14

ꞌꞌDu ʋ ꞌꞌdɩ ꞌmʋ -ka -zɛgɛka tenyɩ ꞌle ʋn -kaa ꞌZuifʋꞌa sabhladɩ -lokuipo, ꞌle ʋn -kaa nyʋ-ʋ -tbhɛꞌɛ -ziadɩ ꞌꞌkpiꞌa gba ꞌꞌyi-kpʋn! Ɩ-bɩ dɩ ꞌmnɩ, -bho ʋn -kɩ ɩ nyʋ-ʋ tɔ, ꞌwa po ɩ -lokui -le! ꞌWa -kpʋn ꞌya gbatu ꞌꞌyi -le, -ɛkedɩmaa, ɩ ꞌmo-o bhebhedɩ!

Eblee 13:9

ꞌƐ dɩ a ꞌꞌdu aꞌba ꞌꞌbhi ꞌꞌyrili, -ɛkedɩmaa, nyʋtɔlʋ-ʋ ꞌza-a ꞌɔ wlu ꞌꞌyida ꞌmʋ ꞌle lɩꞌa -dadudu ꞌmʋ ꞌle ʋn-ʋ ꞌgbaa ꞌnɩ lɩlre ʋn-ʋ tɔ ꞌnɩ nyʋ! ꞌWa -tɔtɔlɩ ꞌmnɩ, aꞌba po ɩ -lokui -le ꞌle a -kaa ꞌbho -Lagɔjeyi ꞌwlʋ! Wlu ꞌꞌwe-e nʋꞌa Zezii Kliisɩꞌa ꞌsana ꞌmʋ -Lagɔꞌɔ ꞌlimʋ -nmɔꞌɔ wɔn ꞌbho nyunyu ꞌꞌkpi, ɩ-bɩ wlu ꞌmnɩ ꞌtɩn, ꞌɩnnɩ -nmɔꞌɔ ꞌꞌyrili, ɩ ꞌbhɛɛꞌo ɩ ꞌke nyɔ ꞌkpɩ ꞌmʋ po. Ɛ -nɩꞌa -kaa ꞌmʋ, -bho nyɔ -ka: Lililɩ -nɩɩ, a ꞌke ɩ li moꞌo, nʋ a, ɔ-bɔ nyɔ ꞌmnɔꞌɔ wlu-u ꞌkpa-a ꞌplʋ. Nyʋ-ʋ po ꞌɩ -lokui, -zɛgɛ -yɛ ɩ-ɩ nʋ ꞌʋ ꞌꞌlruli, nyɔꞌɔ ꞌye ɛ li.

Zaakɩ 2:20

-Naagɩꞌa ꞌꞌyisuyi! Nyɔ-ɔ deꞌa -Lagɔ ꞌꞌgwli, -bho ꞌɔ nʋ kplizɩgɩ, -ka ꞌɔ ꞌꞌgwlideɛ ꞌmnɛ ꞌꞌduꞌa bhubhuyitiꞌa lɛ, -ɩn ꞌbɔ-ɔ ti, ꞌɩn ꞌke ɩ gbɔzɩza ꞌle -ɩn ꞌke ɩ ꞌmʋtiꞌwɔn?

ꞌꞌDukuyrilizadɩ 22:18

Wlu-u ꞌwlʋꞌa ꞌle -Lagɔꞌɔ wɔn ꞌmʋ, ꞌɩnmɔ *ꞌZaan ꞌcnɩꞌa ꞌle ꞌꞌbɔgʋ -nɛɛ ꞌli, a-bʋ ꞌwɩn ꞌɩ ꞌbɔ, ꞌɩn-ɩ ꞌtmʋʋꞌo amʋ-ɛ, a ꞌꞌdu aꞌba ꞌꞌbhi ꞌꞌyrili, -bho nyɔ po ɩ ꞌꞌkpi, nyʋꞌa ꞌklekpiyalɩ -ke dɩ -Lagɔ -zaꞌa ꞌmʋ ꞌle ꞌꞌbɔgʋ -nɛɛ ꞌli, ꞌɩnnɩ ɔ-ɔ ꞌye ɔ ꞌꞌkpi -ya mʋ.