Matiee 13:6 - Nyaboa (Nyabwa)6 ꞌYrʋ fanꞌa a, ɩ sin-oꞌo, ɩ ꞌye ꞌmɛ, -ɛkedɩmaa, ꞌya ꞌsɩsɩanyɩ -see glu nyni. Faic an caibideil |
Nyʋtɔlʋ kɔɔꞌɔ-ɔ kpɩan ꞌꞌkpiꞌa -da -ke ꞌbhlʋkpa seꞌa ꞌmʋku. -Ka -lue ꞌmnɔ ɔ, ꞌka-a ʋn -nɩꞌo. -Da ʋn ꞌwɔn -nɩꞌa -Lagɔwlu ꞌbɔ -nalo, ʋn-ʋ kpʋn -ɛꞌo ꞌle ꞌbʋbʋa ꞌmʋ! ꞌWa -de nɛ -pɔlʋ ti -ziaka; ʋn-ʋ ꞌkpʋn -ɛ ti -daan. -Bho ꞌꞌnyinynidɩꞌa tiyayi Sataan ꞌdɩn ʋ ti ɛ ꞌke ʋ ꞌꞌnyinynidɩ wɔnpo ꞌbho -Lagɔꞌɔ ꞌꞌyigbeyi, ꞌwa ꞌꞌgwlideɛ-ɛ ꞌꞌtii-oꞌo.
ꞌƖn-ɩ ꞌpo -ɔ wɔn gbo -lrɛɛ, a ꞌde-e *Zezii *Kliisɩ ꞌꞌgwliꞌa dɩ, ꞌle ɔ ꞌke ꞌle aꞌba -pɔlʋ ꞌzɔ -nɩ ꞌꞌkɔmʋ. ꞌƖn-ɩ ꞌpo -ɔ wɔn gbo -lrɛɛ, -ka tu-u bhlaꞌa gbɔ ti ꞌle ꞌɛ ꞌsɩsɩanyɩ-ɩ nymaꞌa ꞌbhlʋkpa ꞌmʋ ꞌꞌklaklakla, ꞌka-a ꞌɔ dɩkmɛɛ ꞌke amʋ ꞌmʋ -nɩ ꞌle a ꞌke dɩ kɩkma, ꞌle, -budu -ke ꞌkpʋ ʋn poꞌa glu, ɛ -ke ɛ ꞌke ꞌꞌyitigʋgɔ -lrɛɛ.
Lɩ a ꞌka nʋ ꞌle ɩ ꞌka -kaa ꞌmʋ-nɩ a, ꞌɩnnɛ ꞌmo-o, -Lagɔꞌɔ ꞌꞌdɩzɩgɩ nyʋ-ʋ tɔꞌɔ amʋ, a -de nɩ ꞌli ti ꞌꞌkɔmʋ! Aꞌba ꞌɔ ꞌꞌgwlideɛꞌɛ -sɔ -denɩ ꞌmʋ -le! A -kaaa ɩ-bɩ ꞌꞌdɩzɩgɩ ꞌmnɩ ꞌbʋ-ʋꞌwɔn, ꞌꞌkɔgwlɛtinɩɛzɛgɛ-ɛ ꞌyeꞌa amʋ ꞌmʋ ꞌꞌyi mʋ ꞌle ɛ ꞌka tiꞌpɩple ꞌle yaku ꞌli, a -deꞌa -pɔlʋ ꞌꞌyi, aꞌba -pɔlʋꞌa ꞌwlʋ ɛ ꞌꞌyi -le! Ɩ-bɩ ꞌꞌdɩzɩgɩ ꞌmnɩ -lrɛɛ, ꞌɩnmɔ ꞌPɔlʋ paꞌa ꞌya ꞌmʋzalbhʋ ꞌle nyʋ ꞌye ɩ ꞌbʋꞌwɔn ꞌle ꞌbhlɩkpɩꞌa -dadudu ꞌꞌkpi.
-Ka tu-u poꞌa bhɩ glu ꞌle ɛ-ɛ kuꞌa glu ti a, -ka -lue ꞌmnɔ, a de Zezii Kliisɩ ꞌꞌgwli, ꞌle, ꞌꞌdɩzɩgɩ nyʋ-ʋ tɔꞌɔ amʋ, a ꞌke ɛ ꞌli ti-de! ꞌƖnnɔ ꞌꞌnyɩꞌe nyʋ tinɩɛzɛgɛ ꞌle ɔ-ɔ po ꞌʋ ꞌkpɩ ꞌmʋ. Nyʋ-ʋ tɔꞌɔ amʋ, -ka ʋn-ʋ nʋꞌa, a ꞌꞌnyɩ ɔ aꞌba ꞌꞌbhi -jeyi aꞌba -pɔlʋꞌa klɛ ti, a nʋ -kaa! -Zɛgɛ -Lagɔ-ɔ nʋꞌa amʋ ꞌꞌlruliꞌa dɩ, a po ɔ ꞌsɛɛ -wlɛɛwlɛɛ!