Efɛɛzɩkɔmʋ 5:3 - Nyaboa (Nyabwa)3 A ꞌꞌduꞌo ꞌtɔ-ɔ Zeziiꞌa nyʋꞌa dɩ a, ꞌꞌbhɩlɛɛɛ ꞌꞌbhlɛcɛ-e ꞌya -kaabolɩ -lrɩɩ -ke satɛbhleɛɛ, nyɔꞌɔ ꞌꞌwaan nɩ nyɔ wɔn ꞌle aꞌba ꞌnynɩgbo -leꞌꞌa! Faic an caibideil |
Efɛɛzɩkɔmʋ 5:3
58 Iomraidhean Croise
ꞌLe ɛ -se bhebhe ʋn-ʋ nʋ ɩ -ko. ꞌYa ꞌꞌnyinyninaagɩtu ꞌmnɩ-ɩ -nɩꞌa ꞌle ꞌwa -pɔlʋ ꞌzɔ, ɩ -dieꞌe-e ꞌꞌyi: Ʋn-ʋ nʋnʋ-o ꞌꞌnyinynidɩ ꞌꞌlruli, ʋn-ʋ ꞌmɩɩ-e ꞌꞌyri ꞌbho ʋn -bonyunyuꞌa lɩ ꞌꞌkpi ꞌle ʋn ꞌbhleꞌe ꞌwa ꞌꞌmʋnynɩ, ʋn-ʋ ꞌlbha-a ꞌꞌkui, ʋn -ke nyʋ-ʋ jɛ-oꞌo ꞌle ʋn ꞌbhleꞌe ꞌꞌyrabha, ꞌle ʋn-ʋ nyniꞌe ꞌmna ꞌmʋ. ꞌYa ꞌwee ꞌꞌyi-e ꞌle ꞌwa -pɔlʋ ꞌzɔ. Ʋn -nɩꞌa -bhla -kaa, ʋn ꞌbhle-e wɔnwlu ꞌbho nyʋ ꞌꞌkpi.
A-a ꞌnʋ-o na -lrɛɛ, -Lagɔ ꞌnʋ-o lililɩ lɛ ꞌle ɩ ꞌke ꞌle -nɩgblaa ꞌlimʋ mu. Ɔ -yaꞌa-a nyunyɔ ti ꞌle ꞌɔ -nɩgblaa ꞌke lililɛ ꞌye -lrɛɛ. Kɩn, -ziadɩ moꞌo. ꞌLe ꞌwɩ -lrɛɛ ꞌli -Lagɔ-ɔ ꞌye-e ꞌya ꞌwee ti-za -mʋ. -Ɛ -nɩꞌa -kaa ꞌmʋ a, -yɛ ꞌma-a nyunyɔꞌɔ ku a, -aꞌba -Kɔyi ꞌmnɔ -see ɛ ti-ya ꞌꞌbhɩlɛɛɛ ꞌꞌbhlɛcɛꞌɛ dɩ. Ɛ -nɩꞌe-e ti -aꞌba -Kɔyi ꞌmnɔꞌɔ ꞌnynɩꞌa ꞌꞌyibhɛɛɛꞌɛ dɩ ꞌle ɔ-ɔ ꞌꞌdu ꞌɛ ꞌꞌyrili.
-Bho ꞌɩn -ka ꞌle le-e yi, -aꞌba -Kɔyi -Lagɔ -kɛɛ ɛ nʋ ꞌle aꞌba kamʋ dɩn -kaa ꞌɩnmʋ ꞌlbhaꞌa dɩ nymɔ-ɔ ꞌꞌsiꞌe ꞌɩnmʋ ꞌgwlʋ. Nyʋ-ʋ popoꞌa ꞌgwlʋti ꞌꞌnyinynika o, -ʋ ꞌꞌwɩlɩꞌa o, -ʋ nʋꞌa -ganɩlbhakpli o, ɩ-bɩ ꞌꞌnyinynikpli ꞌmnɩ, nyʋ-ʋ -nɩ ꞌnɩ ꞌli, -ʋ -see ꞌɩ ꞌꞌyiyibo, ꞌle ʋn ꞌke -Lagɔ gbo ꞌꞌbhiti ɔ ꞌke ꞌya dɩ ꞌbhɔ ꞌle ʋn ꞌke ɩ ꞌꞌyitiꞌꞌtayi, ꞌɩn -kaa ꞌwa -dadudu ꞌle aꞌba ꞌꞌklumʋ -yɛꞌɛ nymɔ-ɔ ꞌꞌsiꞌe ꞌɩnmʋ ꞌgwlʋ -lrɛɛ. -Bho ɩ -nɩ ꞌkɩ -kaa ꞌmʋ a, ꞌgwlʋ-ʋ nyni ꞌko-o ꞌɩnmʋ li ꞌwa dɩ.
ꞌƖn-ɩ ꞌtmʋʋꞌo amʋ-ɛ ꞌle a ꞌke ɩ yibo, nyɔ-ɔ ꞌꞌbhɩlɛɛɛ ziꞌa a, ꞌle -ɔ kpʋnꞌa ꞌya -kaabolɩ -lrɩɩ ti, ꞌle -ɔ kpʋnꞌa satɛꞌɛ ꞌꞌkpa ti, nyʋ -Lagɔ -ke Zezii Kliisɩ -kɔꞌɔ ɔ, ꞌle ꞌwa ꞌꞌklumʋ, ꞌɔ nyɔtu -see ꞌle ꞌbɩ ꞌye yi, ꞌle, -zɛgɛ ʋn-ʋ nʋ ꞌʋ ꞌꞌlruli, ʋn -see ɛ ꞌye yi -lrɛɛ. A -gblee, ɔ-bɔ satɛbhleyi ꞌmnɔꞌɔ nyɔtuꞌa -pɔlʋ ꞌkpʋn-o -kaabolɩ ti, ɛ ꞌye -Lagɔ ꞌmʋ-zi. Ɩ-ɩ ꞌꞌluo-o -Lagɔꞌɔ ꞌbɩ ꞌmʋ ꞌle ꞌɔ -pɔlʋ ꞌzɔ.
A -gblee, lɛ ꞌɩn ꞌka amʋ -bodɩ ꞌmʋ-za, ꞌɩnnɛ ꞌmo-o, *Kliisɩꞌa ꞌꞌdɩzɩgɩ a ꞌwɔnꞌɔ ꞌbɔ ɔ, -ka ɛ ꞌlɛꞌɛ, a -na -kaa! -Mnɩɩ, -bho ꞌɩn yi ꞌle amʋ gbo ꞌle ꞌɩn -ke a ꞌke ꞌyɩye o, -bho ꞌɩn se ꞌle aꞌba ꞌꞌklumʋ -nɩ ꞌle ꞌɩn ꞌke aꞌba ꞌꞌdɩzɩgɩ ꞌbʋꞌwɔn o, -ka a kpʋkpʋnꞌa ti, ꞌle, -pɔlʋ -lue ꞌtɩn ꞌmʋ, a-a kpaꞌa ꞌɔ ꞌꞌdɩzɩgɩ ꞌle nyʋ-ʋ ꞌwɔɔnꞌɔ ɩ-bɩ -tɔtɔlɩ ꞌmnɩ, ꞌɩn ꞌke ɩ yibo.
ꞌBho ꞌmnɔ ɔ, nyunyuꞌa -dedekpli ʋn ꞌyeꞌa ti-nɩ mʋ, ꞌɩnnɩ ꞌka-a: Ʋn-ʋ ꞌye-e ꞌwa ꞌꞌbhiꞌa nʋnʋdɩꞌa dɩ -zi -mʋ, ʋn ꞌke mɔniꞌa ꞌtʋ ꞌgwlʋ li ꞌbhle, ʋn ꞌke ꞌwa ꞌꞌbhi ꞌꞌyiꞌbhɛɛ ꞌle ʋn ꞌke ꞌꞌplinmʋ ꞌꞌdu. -Gblee, ꞌwa nyunyutu-u ꞌye-e -Lagɔꞌɔ da ꞌꞌduu -mʋ, ꞌle, lɛꞌꞌo lɛ-ɛ ꞌbhleꞌa -Lagɔꞌɔ ꞌnynɩ ꞌꞌkpi, ʋn ꞌke ɛ ꞌmʋꞌnyɛ. Ʋn -see ꞌwa ꞌꞌbhiꞌa ꞌꞌyiglɛnyʋ ꞌbho ꞌꞌdu yi ꞌle ʋn -see ʋn -bonyunyɔꞌɔ -zɛgɛ yibo yi -lrɛɛ.
Nyɔ-ɔ -kɔꞌɔ -Lagɔꞌɔ -glɩgbaꞌa -dɔnʋꞌa nya a, ɔ-ɔ ꞌmo-o -Lagɔꞌɔ lbhʋꞌa kwabhleyiꞌa dɩ, ꞌɔ ꞌbhle ꞌbɩ li -le! Lɩ ɔ ꞌka gbo-tɛ, ꞌɩnnɩ ꞌka-a: ꞌƆ ꞌꞌdu nyɔ-ɔ ꞌbhɛɛꞌɛ ꞌɔ ꞌꞌbhuo ꞌꞌyi -le! ꞌƆ ꞌꞌdu nyɔ-ɔ ꞌbhleꞌa ꞌcɛ ꞌmna ꞌꞌyi -le! ꞌƆ ꞌꞌdu nmɔꞌɔ ꞌꞌkalɛyiziyi -le! ꞌƆ ꞌꞌdu -gbaatibɔyi -le! ꞌƆ ꞌꞌdu nyʋꞌa lɩꞌa wɔnkaliyi -le!
Nyʋ-ʋ ꞌlaꞌa ꞌꞌbhɩ ꞌꞌbhlɛcɛ ɛ, aꞌba -nɩ ꞌwa ka -le! -Lagɔꞌɔ lɩ-ɩ ꞌsaaꞌa li, *Ezayu -see ꞌɩ lɛ ꞌla, aꞌba -nɩ ꞌɔ ka -le -lrɛɛ! Aꞌba ꞌꞌbhi yiboꞌo-o ꞌɔ ꞌꞌkpidɩ: ꞌɩnnɔ ꞌmo-o ꞌɔ -tɩtaꞌa ꞌmʋcɩaanyuꞌa dɩ, ꞌɩnnɔ ɔ ꞌke ꞌꞌniti-wʋnna. ꞌƆ leyi ꞌke ɔ lililɛkpɩan ꞌꞌnyɩꞌa dɩ, ꞌɩnnɔ ɔ nʋꞌo vɛnyɩ ꞌmʋ. Ɔbɔ ꞌmnɔ ꞌtɔ, ꞌɩnnɔ ꞌwa -tɩta -wʋnnaꞌa ꞌꞌniti. Ɩ ziꞌa -kaa, Ezayu -mnɔɔ ꞌybha-oꞌo ꞌwa -tɩta ꞌke ɔ ꞌꞌniti-wʋnna -lrɛɛ, ꞌle ɔ -see ꞌwɔn, ꞌle ɔ ꞌye ꞌɛ dɩ ꞌꞌvi. ꞌƆ leyi ꞌkɔ ɔ lililɛ ꞌꞌnyɩ, ɔ ꞌkɛ ɛ li, dɩ ɔ -zaꞌa ꞌmʋ, ɔ ꞌybha-oꞌo ɩ ꞌke ꞌꞌnukɔ ꞌwla. Ɛ -nɩꞌa -kaa ꞌmʋ a, ɛ -see ꞌtɔ -jolʋ ꞌye.
ꞌLe, nyʋ-ʋ -seeꞌa tiꞌbɔ ʋn ꞌke -kɔyi ꞌbhle, -ʋ ꞌbɔꞌɔ ꞌwa ꞌꞌsɛꞌɛ ꞌꞌnyinyninaagɩꞌa ꞌtʋnʋlɩ ti, ꞌwa ꞌꞌbhi ɔ-ɔ ꞌye dɩ -kpʋn -nɩ mʋ. Ʋ-bʋ nyʋ ꞌmnʋ, -ʋ -seꞌa-a -Lagɔwluꞌa -tɔmʋzɩgɩ, ꞌwa dɩ se ꞌwa -bonyunyuꞌa dɩ ꞌꞌkpi -nɩ. Ʋn-ʋ ꞌbhɛɛ-ɛ ꞌwa ꞌꞌbhi ꞌꞌyi. Ɔ gboꞌa -dalbhomʋ -ke ꞌnynɩ-ɩ ꞌbhɛꞌɛ ꞌꞌyi, ꞌwa ꞌꞌdu ʋ ꞌbho, ꞌle ʋn-ʋ zaꞌa ꞌꞌnyinyniwlu ꞌmʋ ꞌbho ʋ ꞌꞌkpi.
Sanasan