Efɛɛzɩkɔmʋ 3:2 - Nyaboa (Nyabwa)

² ꞌLe ꞌmna gbo, aꞌba ꞌꞌbhi yiboꞌo-o -ka -Lagɔ ꞌꞌduꞌa ꞌbho ꞌɩnmʋ ꞌle ꞌɩn ꞌke amʋ lbhʋ ꞌmnɛ -bodɩ nʋ. ꞌLe ꞌɔ ꞌsana ꞌmʋ ɔ -nʋ -nɩꞌe ꞌɛ lɛtu.

Efɛɛzɩkɔmʋ 3:2 Iomraidhean Croise

Nʋnʋkpli 13:2

-Gblee, zɔ -lue -ke ti ʋn -nɩꞌa -aꞌba -Kɔyi -Lagɔ bʋbɔnamʋ ꞌle ʋn-ʋ paꞌa *su ꞌle *-Lagɔꞌɔ Lisaazuzu ꞌye nyɔ ꞌmʋ -zi -nɩ ꞌle ɔ na: A -za ꞌbho Banabaasɩ -ke ꞌSɔlʋ, lbhʋ -ke dɩ ꞌɩn ꞌlʋ ꞌʋ a, ʋn ꞌke ɛ nʋ!

Nʋnʋkpli 13:46

Ʋn nʋꞌa -kaa a, ꞌPɔlʋ -ke Banabaasɩ -cɛꞌɛ-ɛ ꞌꞌyrili ꞌle ʋn-ʋ ꞌtmʋʋ nʋꞌo: A-bʋ -Lagɔꞌɔ wlu ꞌmnɛ ꞌke -bodɩ ꞌmʋ-zɛ -tanyɩ. A -see ɛ ꞌwɔɔnꞌɔ dɩ a, a se ꞌꞌkɔgwlɛtinɩɛꞌɛ ꞌyeyekpli ti-nɩꞌa dɩ, nyʋ-ʋ -seꞌa-a ꞌZuifʋ gbo -a ꞌye -mu -nɩ mʋ.

Nʋnʋkpli 22:21

Ɔ na: Ɩ se dɩ ꞌbhle. ꞌWlʋ -laa! Nyʋ-ʋ -nɩꞌa ꞌle nyaꞌa ꞌꞌbhuo -ʋ -seꞌa-a *ꞌZuifʋ, ꞌwa ꞌꞌklumʋ ꞌɩn-ɩ ꞌye -ɩnmʋ -lbho mʋ.

Nʋnʋkpli 9:15

-Aꞌba -Kɔyi ꞌmnɔ na: ꞌƖnmɔ lbhoꞌo -ɩnmʋ, mu! ꞌSɔlʋ ꞌmnɔ, ꞌɩn -zɔ ꞌɔ ꞌbho-ɛ ꞌle ꞌɩn ꞌke ɔ ꞌan lbhʋnʋyi ꞌmʋ nʋ, ꞌle ꞌbhlɩkpɩꞌa -dadudu -ke ꞌya -yowli ꞌꞌsri ꞌʋ ꞌꞌkpi ꞌle *Izrayɛɛlɩkɔmʋ ꞌke ʋ ꞌꞌkpi ꞌkpa, ɔ ꞌke ꞌwa ꞌwee ꞌan ꞌꞌdɩzɩgɩ kpa.

ꞌWlɔmʋkɔmʋ 1:5

-ɔ nʋꞌo ꞌɩnmʋ -zɛgɛ ꞌꞌlruli, -ɔ lbhoꞌo ꞌɩnmʋ, ꞌle, nyʋꞌa klɛ-ɛ -seꞌa-a *ꞌZuifʋ, ꞌɩn ꞌke ʋ ꞌɔ ꞌꞌdɩ -bodɩ ꞌmʋ-za ꞌle ʋn ꞌke ɔ ꞌꞌgwlide ꞌle ʋn ꞌke ɔ ꞌbho ꞌꞌdu. -Bho ɛ -nɩ -kaa a, ꞌle ꞌɔ ꞌnynɩ ꞌke ꞌꞌyiꞌbhɛ.

ꞌWlɔmʋkɔmʋ 11:13

A ꞌye li-ɔ, a-bʋ -seꞌa-a *ꞌZuifʋ, a-bʋ ꞌɩn ꞌke ꞌtɔ ꞌtmʋʋ. -Lagɔ lbhoꞌo ꞌɩnmʋ ꞌle aꞌba ꞌꞌklumʋ ꞌɩn ꞌke amʋ ꞌɔ ꞌꞌdɩzɩgɩ -bodɩ ꞌmʋ-za. ꞌƖnnɛ ꞌlbhaaꞌa ꞌɩnmʋ ꞌbʋbʋa ꞌꞌyi.

ꞌWlɔmʋkɔmʋ 12:3

Lɛ-ɛ ꞌbhleꞌa ꞌnynɩ -Lagɔꞌɔ ꞌꞌbhuoꞌa ꞌsana ꞌmʋ ɔ ꞌyeꞌa ꞌɩnmʋ ꞌɔ lbhʋ -tbha a, ɩ-bɩ ꞌkpɩ -ke wɔnkuɛ ɔ ꞌꞌnyɩꞌa ꞌɩnmʋꞌa dɩ ꞌɩn-ɩ zaꞌa amʋ wlu -nɛɛ -bodɩ ꞌmʋ. -Ka a seꞌa -nɩ a, aꞌba ꞌꞌklumʋꞌa nyɔꞌɔ -tɔ -kaa ꞌɔ ꞌꞌbhuo -le! -Lagɔꞌɔ ꞌꞌgwlidesʋ ɔ ꞌgbleeꞌa amʋ ꞌꞌyiti -lue -lue, ꞌɩnnɛ a ꞌke ꞌꞌyi-kpʋn, ꞌle, lɛ a ꞌꞌduꞌa ꞌtɩn, a ꞌke ꞌɛ bhʋ -na ꞌle -ziadɩ ꞌmʋ.

1 Kɔlɛɛtɩkɔmʋ 4:1

ꞌKa-a ɩ -nɩꞌe ꞌmʋꞌa dɩ a, -a-bʋ ꞌma-a *Zezii *Kliisɩꞌa -dalbhomʋ, nyʋ yiboꞌo na ꞌɔ lbhʋzemʋ -a ꞌꞌduꞌo. -Lagɔꞌɔ ꞌꞌyuꞌa -ziadɩ ꞌꞌzizeꞌa ꞌꞌyi -tanyɩ, ɔ poꞌa ꞌꞌpiemʋ ꞌtraamʋ, ɔ -tbha ꞌnɩ-ɩ -amʋ -a ꞌke ɩ-bɩ ꞌꞌdɩzɩgɩ ꞌmnɩ nyʋ -tɔ.

Galasiikɔmʋ 1:13

Ɩ -nɩꞌa -kaa ꞌmʋ, a yiboꞌo-o ꞌan -dedekpli ꞌɩn -nɩꞌa ti ꞌkɩ -tanyɩ, ꞌɩn -nɩꞌe-e *ꞌZuifʋꞌa -Lagɔlbhʋ ꞌli ꞌle ꞌɩn-ɩ klaꞌa Zeziiꞌa -glɩgbawɔnyiꞌa nyʋ nyanɩ ꞌmʋ tenyɩ, ꞌle, lɩ ʋn deꞌa ꞌꞌgwli, ꞌɩn ꞌbɔꞌɔ ti ꞌɩn ꞌke ʋ ɩ -pɔlʋ ꞌꞌyi -za.

Efɛɛzɩkɔmʋ 1:10

ꞌƐ ꞌꞌsra-a ꞌꞌzizeꞌa, lɛ-ɛ -ke ꞌꞌkpi ɛ ꞌka ꞌꞌlru ꞌꞌyi -jra -nɩ, ꞌɩnnɛ ꞌmo-o, -nɔɔ -Lagɔ ꞌꞌduꞌa, ɛ-ɛ ꞌye-e -nyni -mʋ ꞌle ɔ ꞌke ɛ nʋ, ꞌle, yaku ꞌli -ke ꞌnɔɔ ꞌbhlʋkpa ꞌꞌkpiꞌa lɩ ꞌwee, Zezii Kliisɩ ꞌke ꞌya ꞌꞌlrugayʋɛ ꞌꞌdu.

Efɛɛzɩkɔmʋ 3:7

A -gblee, -Lagɔ poꞌo ꞌɩnmʋ ꞌɔ lbhʋ ꞌꞌyi, ꞌle ꞌɔ ꞌsana ꞌmʋ ꞌle ꞌɩn ꞌke Zeziiꞌa ꞌꞌdɩzɩgɩ ꞌmnɩ nyʋ -bodɩ ꞌmʋ-za. Ɔ ꞌnʋ-o ꞌɛ lɛtu ꞌle ꞌɔ wɔnkuɛ ꞌmʋ.

Efɛɛzɩkɔmʋ 3:8

A ꞌye li-ɔ, ꞌle Zezii Kliisɩꞌa nyʋ ꞌweeꞌa ꞌꞌklumʋ ꞌɩnmɔ -see-e lɛ. Ɩ -nɩꞌa -kaa ꞌmʋ-ɔ, -Lagɔ nʋꞌo ꞌɩnmʋ -zɩgɩ ꞌꞌlruli, ꞌle, ꞌꞌyrilinmɔdɩ ꞌꞌwe Kliisɩ-ɩ nʋꞌa nyʋ ꞌꞌlruli, nyʋ-ʋ -seꞌa-a ꞌZuifʋ, ꞌmna ꞌke ʋ ꞌya ꞌꞌkpidɩ -bodɩ ꞌmʋ-za. ꞌƆ ꞌꞌyrilinmɔdɩ ꞌmnɩ ꞌbhɛ-ɛ ꞌꞌyi tenyɩ, ɩ ꞌye nyunyuꞌa -naagɩ wɔn ꞌmʋti-zi.

Efɛɛzɩkɔmʋ 3:9

ꞌƆ ꞌꞌkpidɩ nyʋ seꞌa yibo, -ɩ ꞌꞌzizeꞌa ꞌꞌyi ꞌle ɛ ꞌyeꞌa -nɔɔ -nɛɛ ꞌꞌkpi bhla a, -Lagɔ -yaꞌa lɩ ꞌwee ti, -ɔ po ꞌɩ ꞌbho zɔ ꞌꞌyi, -ɔ cɛꞌɛ ꞌɔ ꞌꞌkpidɩ ꞌmnɩ wɔn ꞌꞌkpiti, ɔ ꞌke ɩ ꞌꞌpiemʋ po, ꞌɩnnɔ nʋꞌo ꞌɩnmʋ -zɩgɩ ꞌꞌlruli -lrɛɛ, ꞌle, ꞌɔ ꞌꞌkpidɩ ꞌmnɩ, ꞌɩn ꞌke ɩ gbɔzɩza nyʋ -bodɩ,

Efɛɛzɩkɔmʋ 4:21

ꞌLe ꞌmna yiboꞌo, a -ke ɔ ꞌꞌsisriꞌe-e ꞌꞌyiꞌa dɩ, -ziadɩ ɔ poꞌa ꞌꞌpiemʋ ꞌle -amʋ -bodɩ, ꞌɩnnɩ nyʋ -tɔꞌɔ amʋ ꞌle a ꞌye ɩ ꞌmʋtiꞌwɔn ꞌle a-a ꞌꞌdu ꞌɔ ꞌbho.

Efɛɛzɩkɔmʋ 4:7

Ɛ -nɩꞌa -kaa ꞌmʋ a, ꞌɔ Lisaazuzu-u ꞌpo-o ꞌɔ nyɔꞌꞌo nyɔ ꞌkpɩ ꞌmʋ ꞌle -a ꞌke ꞌɔ lbhʋ nʋ. Ɩ-bɩ lɩzɩgɩ ꞌmnɩ, -ka Zezii Kliisɩ ꞌgblee nɩꞌa -amʋ ꞌꞌyiti, ꞌka-a -a ꞌye ɩꞌo ꞌle ɩ se gʋgɔ.

Kolɔsʋkɔmʋ 1:4

-Ɛkedɩmaa, -a ꞌwɔn-ɔ ꞌbɔ na, a ꞌde-e Zezii Kliisɩ ꞌꞌgwli ꞌle a -kmaꞌa a -Bozeziiꞌa nyʋꞌa dɩ -lrɛɛ.

Kolɔsʋkɔmʋ 1:6

Ɩ-bɩ ꞌꞌdɩzɩgɩ ꞌmnɩ, ɩ-ɩ waꞌa ꞌle-e ꞌbhlɩkpɩꞌa -dadudu ꞌꞌkpi ti. Nyʋ-ʋ ꞌlɩ ꞌɩ -ziadɩ, ʋn-ʋ ꞌkpa-a ꞌꞌkpi ꞌyrɛlɛɛ ꞌle ʋn-ʋ ꞌsrɛɛꞌɛ ꞌwa kpli ꞌꞌyi. Wlu-u ꞌma-a -ziadɩ, -ka -Lagɔꞌɔ ꞌlimʋ -nmɔꞌɔ wɔn, -ɛ -zɩ ꞌɩ ꞌmʋ, a -kɛɛ ɛ-ɛ ꞌbʋ-ʋꞌwɔn, -ka -lue ꞌmnɔ, ꞌka-a ɛ -nɩꞌe a-bee -mnʋʋ -bodɩ -lrɛɛ.

1 Timotee 1:11

-Gblee, wlu ꞌɩn-ɩ zaꞌa -laa ꞌmʋ a, -ka ɛ ꞌlɛꞌɛ ɛ, ꞌka-a -Lagɔꞌɔ ꞌꞌdɩzɩgɩ-ɩ tɔꞌo. Ɩ-bɩ ꞌꞌdɩzɩgɩ ꞌmnɩ, -Lagɔ -ke dɩ -nmɔꞌɔ ꞌꞌyrili, ɩ-ɩ ꞌbhɛɛ-ɛ ꞌɔ ꞌnynɩ ꞌꞌyi. Ɔbɔ ꞌmnɔ, ꞌɩnnɔ -tbha ꞌnɩ ꞌɩnmʋ.

1 Timotee 1:4

ꞌTmʋʋ nʋ, sabhladɩ -ke ꞌꞌnabhliꞌa lɩ ʋn-ʋ tɔꞌɔ, ʋn -kɩɩ ɩ -lokuipo! ꞌYa lɩtuꞌa ꞌbhɛɛ -Lagɔꞌɔ ꞌnynɩ ꞌꞌyi, ɩ -ke ꞌɔ ꞌgwlʋdɩ se ꞌꞌyitigʋgɔ. Ɩ-ɩ ꞌpo-o depoɛ ꞌꞌkpi. -Gblee, ɛ-bɛ ꞌgwlʋdɩ ꞌbhleꞌa ꞌnynɩ ꞌle -a ꞌke ꞌpʋn a, -a ꞌde -ɔ ꞌꞌgwliꞌa dɩ, -a yibo nɛꞌo.

1 Timotee 2:7

-Ɩn ꞌye li-ɔ, ꞌɛ kamʋ -Lagɔ nʋꞌo ꞌɩnmʋ *ꞌɔ -dalbhoyi ꞌmʋ ꞌle ɔ ꞌye ꞌɩnmʋ lbho ꞌle ꞌɩn ꞌke ꞌɔ ꞌꞌdɩ -za. Ɔ lbhoꞌa -kaa ꞌɩnmʋ a, ɔ na ꞌɩn -tɔ ꞌɔ ꞌꞌdɩzɩgɩ nyʋ-ʋ -seꞌa-a *ꞌZuifʋ ꞌle ʋn ꞌke ɩ ꞌꞌgwlide ꞌle ʋn ꞌke ꞌɔ -ziadɩ ꞌmnɩ ꞌwɔɔn. ꞌƖn -see sɩn cɛ. -Ziadɩ ꞌɩn-ɩ zaꞌa ꞌmʋ.

2 Timotee 1:11

-Gblee, ꞌle ꞌmna gbo a, -Lagɔ ꞌꞌduꞌo ꞌbho ꞌɩnmʋ-ɛ ꞌle ɔ-ɔ lbhoꞌo ꞌɩnmʋ ꞌle ꞌɩn ꞌke nyʋ ꞌꞌdɩzɩgɩ ꞌmnɩ -bodɩ ꞌmʋ-za ꞌle ꞌɩn ꞌke ꞌbho ꞌꞌsi ꞌɩn ꞌke ʋ ɩ -tɔ.