Efɛɛzɩkɔmʋ 2:3 - Nyaboa (Nyabwa)

³ -Aꞌba ꞌwee, -ka ʋ-bʋ nyʋ ꞌmnʋ -nɩꞌa a, ꞌka-a -abʋ -nɩ ꞌkoꞌo, ꞌle -a ꞌwlaaꞌa -aꞌba ꞌgwlʋdɩꞌa lɩ wɔn ti. -Aꞌba ꞌꞌbhiꞌa ꞌmʋwlʋdɩ -a ziꞌe gbo. -Ka -lue ꞌmnɔ ꞌka-a, -a -nɩ ꞌkoꞌa dɩ, nyʋ -Lagɔꞌɔ ꞌcɛkʋta -nɩꞌa ꞌꞌkpi ꞌle ʋn-ʋ ꞌyeꞌa ꞌkle ꞌye mʋ ꞌbho ꞌɔ ꞌꞌyigbeyi, -a -ke ʋn ꞌke ɛ ꞌkɩ ꞌmʋ-plɛ.

Efɛɛzɩkɔmʋ 2:3 Iomraidhean Croise

ꞌZaan 1:13

A ꞌye li-ɔ, ʋn ꞌwlʋ-oꞌo -lreeka ꞌle -Lagɔ ꞌye ʋ tinɩɛlre ꞌꞌnyɩ. -Ka ꞌnynaakpʋ -ke nyukpasu-u ꞌwlʋꞌa nyɔ ꞌle ɔ-ɔ ꞌꞌduꞌa ꞌwa ꞌꞌyu a, ɛ -se ꞌka-a ʋn ꞌꞌdu -Lagɔꞌɔ ꞌꞌyreetɩ ꞌnɩ -ko. -Lagɔꞌɔ ꞌꞌbhuo-o ꞌbɔꞌɔ ti ɛ ꞌke -kaa ꞌmʋ-nɩ.

ꞌZaan 8:44

A -gblee, ꞌꞌnyinynidɩꞌa tiyayi ꞌmo-o aꞌba -tɩta, ꞌle, lɛ ɛ ꞌybhaꞌa, a-a ꞌbɔꞌɔ ti a ꞌke ɛ nʋ! -Da -Lagɔ -ya -nɩꞌa nyunyu ti a, ꞌbho-o ɛ-bɛ ꞌꞌnyinynidɩꞌa tiyayi ꞌmnɛ -ya -nɩꞌe ꞌmɛmɛɛ ꞌnɔɔ ꞌkmʋ ꞌmʋ. Ɛ se -ziadɩ ꞌmʋꞌbhleꞌa dɩ, ꞌɛ ꞌwɔɔnꞌɔ -ziadɩ. ꞌƖnnɛ ꞌbhleꞌe sɩnꞌa ꞌꞌlru kwaꞌa dɩ, -bho ɛ -ka sɩn-ɩ cɛ, -ka ɛ -nɩꞌa ꞌtɩn, ꞌka-a ɛ-ɛ zaꞌa ꞌmʋ.

Nʋnʋkpli 14:16

ꞌLe -nɔɔ ɩ ziꞌa ꞌbho lemʋ ɔ ꞌꞌtayiꞌe-e a-bʋ -seꞌa-a ꞌZuifʋ ꞌꞌyiti ꞌle a-a bhluꞌo aꞌba ꞌꞌbhiꞌa ꞌꞌyiglɛjolʋ.

ꞌWlɔmʋkɔmʋ 1:24

ꞌƖnnɛ ꞌbhleꞌe ꞌnynɩꞌa dɩ a, -Lagɔ -zʋ ꞌʋ kwa gbo ꞌle ɔ ꞌye ʋ ꞌwa ꞌꞌbhiꞌa ꞌꞌnyinyninaagɩ ꞌmʋtiꞌwlaa, ꞌle, ꞌꞌnyinynidɩ nʋ ꞌʋ ꞌtʋ, ʋn-ʋ nʋ ɩꞌo, ꞌle, lɩ -yɩ ʋn-ʋ nʋꞌa ꞌwa ꞌꞌbhiꞌa ku ꞌꞌlruli, ɩ se ꞌmʋzaka -nɩ, ɩ-ɩ ꞌmo-o dɩndɩ.

ꞌWlɔmʋkɔmʋ 11:30

A-bʋ -yʋʋ, a -see -Lagɔ ꞌbho ꞌꞌdu -tanyɩ. Ɛ -nɩꞌa -kaa ꞌmʋ a, -Lagɔ ꞌnʋ-o amʋ -zɛgɛ ꞌꞌlruli. ꞌZuifʋ ꞌnaaꞌa-a ꞌɔ wlu ꞌꞌyiꞌa dɩ, ꞌle ꞌɔ ꞌlimʋ ꞌye amʋ ꞌꞌkpi wɔn-nmɔ -nɩ -zɩan.

ꞌWlɔmʋkɔmʋ 13:14

A -gblee, lɛ -a ꞌka nʋ a, ꞌɩnnɛ ꞌmo-o -aꞌba -Kɔyi Zeziiꞌa nʋnʋkplizɩgɩ. Aꞌba ꞌꞌtayi aꞌba ꞌꞌbhi ꞌꞌyiti aꞌba nyunyɔnaagɩ -ke ꞌya ꞌtʋnʋdɩꞌa po amʋ -jolʋ gbo -le!

ꞌWlɔmʋkɔmʋ 2:14

Nyʋ-ʋ -seꞌa-a ꞌZuifʋ, gba Moyiizɩ ꞌꞌnyɩꞌa ꞌZuifʋ, -ʋ se ꞌɛ ꞌbhle, -ka gbawlu ꞌmnɛ ꞌlɛꞌɛ nyɔ ꞌka nʋ a, -bho ʋn -ka ꞌya -yɩ kpʋanꞌa wɔn ꞌbho-o ꞌꞌdu, ɛ-ɛ tɔ-oꞌo -ka ɛ -nɩꞌa ꞌle ꞌwa -pɔlʋ gbo ꞌle ɛ-ɛ po ꞌʋ -jolʋ gbo. -Mnɛɛ -se -yɛ ꞌcnɩ-ɛꞌɛ ꞌle ꞌꞌbɔgʋ ꞌli -ko.

ꞌWlɔmʋkɔmʋ 5:10

A -gblee, -da -a ꞌꞌduꞌa -bhla -Lagɔꞌɔ jɛkamʋ, ꞌle ꞌɔ ꞌꞌyu ꞌmnɔ ꞌye ꞌmɛ -aꞌba dɩ; ꞌle -a -ke ɔ ꞌye ꞌꞌnitiwʋnna. -A-bʋ -ke ɔ -ybhɛꞌɛ -laa ꞌtɔ ꞌle, ꞌɔ ꞌꞌyu -lue ꞌmnɔꞌɔ tinɩɛ -see -amʋ ꞌbho ɔ-bɔ -Lagɔꞌɔ ꞌcɛꞌɛ wɔn ꞌmʋ -za yi?

ꞌWlɔmʋkɔmʋ 5:9

ꞌLe ɛ-bɛ ꞌɔ ꞌmɛmɛɛ ꞌmnɛꞌɛ dɩ -a ꞌꞌduꞌo ꞌtɔ ꞌꞌyisrɛɛmʋ ꞌbho -Lagɔꞌɔ ꞌꞌyigbeyi. -A -nɩꞌa ꞌtɔ -kaa ꞌle, ꞌbho -Lagɔꞌɔ -zigleꞌa zɔ, ꞌɩnnɔ -see -amʋ -Lagɔꞌɔ ꞌcɛkʋta ꞌꞌkpi -za yi -lrɛɛ?

ꞌWlɔmʋkɔmʋ 6:12

ꞌƐ dɩ a, aꞌba ꞌꞌtayi aꞌba ꞌꞌbhi ꞌꞌyiti ꞌꞌnyinynidɩꞌa kpʋn amʋ ꞌgeyiɛ ꞌmʋ -le ꞌle a -kaa *ꞌbhlʋkuꞌa ꞌgwlʋdɩ nʋ!

ꞌWlɔmʋkɔmʋ 7:18

A -gblee, -ka lɛzɛgɛ seꞌa ꞌle ꞌan tinɩɛ ꞌmʋ -nɩꞌa, ꞌɩn yibo nɩ-oꞌo. ꞌAn nyunyɔyʋɛꞌɛ dɩ ꞌɩn-ɩ zaꞌa ꞌmʋ; -ɛkedɩmaa, ꞌɩn-ɩ popo-o ꞌgwlʋti ꞌɩn ꞌke -zɛgɛ nʋ, ꞌle ɛ -nɩꞌe ꞌle ꞌan -pɔlʋ gbo. ꞌƖn ꞌke ɛ nʋ ꞌle ꞌɩn se ɛ ꞌbhɛɛ.

ꞌWlɔmʋkɔmʋ 9:22

ꞌKa-a -Lagɔꞌɔ dɩ -nɩꞌe ꞌmʋ -lrɛɛ. Ɔ ꞌꞌdu-o nyunyuꞌa tiyayi. -Bho ɔ ꞌwɔn ɔ ꞌke ꞌɔ wɔnkuɛ -ke ꞌɔ ꞌcɛ nyʋ -lrʋʋ ꞌꞌyi-tɔ, ɔ ꞌbhɛɛꞌo ɔ ꞌke ɛ nʋ. ꞌLe nyʋ ꞌɔ ꞌcɛkʋta -nɩꞌa ꞌꞌkpi, ɔ ꞌkʋ ʋ ti-za, -ʋ -nɩꞌa ꞌɛ kpli ti, -bho ɔ ꞌwɔn ɔ ꞌke ꞌꞌgwli-ku ꞌwa dɩ, ɔ ꞌbhɛɛꞌo ɔ ꞌke ɛ nʋ. Nyɔ-ɔ ꞌkɔ ɔ dɩ ꞌꞌyikpa, ɔ se -nɩ.

1 Kɔlɛɛtɩkɔmʋ 4:7

-Ɩnmɔ nʋꞌa -ɩn ꞌbhɛ-ɛ ꞌꞌyi -ɩn -ziꞌe-e nyʋ -lrʋʋ, leelɛ -ɩn ꞌꞌduꞌa? Leelɛ -ɩn ꞌbhleꞌe ꞌle -Lagɔ -see -ɩnmʋ ꞌꞌnyɩꞌa? ꞌƖnnɔ ꞌꞌnyɩ ꞌɩ ꞌtɔ -ɩnmʋꞌa dɩ a, -aꞌa ꞌꞌdu ꞌya dɩ, -aꞌa ꞌꞌplin -le! -Ɩn -see ɩ -aꞌa ꞌꞌbhuoꞌa ꞌmʋtikukuɛ ꞌmʋ ꞌye -nɩ.

2 Kɔlɛɛtɩkɔmʋ 7:1

ꞌAn dɩkmalotʋꞌa ꞌꞌnynuu-a, ɩ-bɩ lɩ -nɩɩ, -Lagɔ ꞌꞌdu -ɩ -amʋ wɔn ꞌmʋtiꞌa dɩ, ꞌꞌnyinynidɩ ꞌkɛ ɛ nʋ ꞌle -aꞌba ku -ke -aꞌba -pɔlʋ -seeꞌa *liꞌsaa yi ꞌbho -Lagɔꞌɔ ꞌꞌyigbeyi, -a po ɩ le! -Aꞌba kpli ꞌsrɛɛ ꞌꞌyi ꞌbho ꞌɔ ꞌꞌyigbeyi ꞌle -a -kaa ꞌbɩ liꞌbhle! -A ꞌꞌdu ɔ ꞌbho -ka -zɛgɛka!

Galasiikɔmʋ 3:22

A -gblee, ɛbɛ ꞌmnɛ-ɛ ꞌtɔ-ɔ nyʋ -ka wlu-u ꞌcnɩ-ɛꞌɛ ꞌle -Lagɔbɔgʋ ꞌli ꞌꞌduꞌa -ziadɩ. Wlu ꞌmnɛ na nyʋ ꞌwee ꞌcɛ-ɛ -Lagɔꞌɔ gba ꞌmʋ, ꞌle ꞌꞌnyinynidɩ kpʋn ꞌʋ ꞌgeyiɛ ꞌmʋ. ꞌBho ꞌɛ le a, lɩ -Lagɔ cɛꞌɛ wlu ꞌꞌkpiti, nyʋ-ʋ deꞌa *Zezii *Kliisɩ ꞌꞌgwli, ꞌwa ꞌꞌsɛ-ɛ ꞌke ɩ ꞌye. ꞌƖnnʋ deꞌe Zezii Kliisɩ ꞌꞌgwliꞌa dɩ moꞌo.

Efɛɛzɩkɔmʋ 2:2

ꞌNɔɔ ꞌkmʋ ꞌmʋꞌa nyʋ, kpli ʋn -nɩꞌa ti, -yɩꞌa nʋꞌa -Lagɔ ꞌtʋ, ꞌle a-a ple ꞌɩ kli, -bho a -kɩ ɩ-ɩ nʋ a, ꞌꞌnyinynidɩꞌa tiyayi -ke wɔnkuɛ-ɛ -nɩꞌa -daa ꞌbhlʋkpa -ke yakuꞌa ꞌnynɩmʋ, ꞌɔ wlu a-a ꞌꞌduꞌo ꞌbho. Nyʋꞌa -dadudu-u ꞌnaa-a -Lagɔꞌɔ wlu ꞌꞌyi, ꞌɛ -zuzutu nʋ ꞌʋ lbhʋ ꞌmʋ ꞌle ʋn ꞌye -lokumʋkumʋ ꞌꞌdu.

Efɛɛzɩkɔmʋ 4:22

-Bho ɛ -nɩ -kaa, a ꞌꞌtayi aꞌba kplisʋa ꞌꞌyiti! Ɩbɩ-ɩ ꞌnyni-e amʋ wɔn, -ɛkedɩmaa, aꞌba ꞌꞌnyinynidɩꞌa ꞌtʋnʋdɩ-ɩ ꞌꞌmaa-a amʋ dɩ ꞌꞌyrili.

Kolɔsʋkɔmʋ 1:21

A -gblee, ꞌan ꞌlotʋꞌa ꞌꞌnynuu-a, ꞌꞌnyinynidɩ a-a nʋ ꞌka, a-a popo ꞌka ꞌgwlʋti -bɛnyɩꞌa dɩ, a -se ꞌkɩ-ɩ -Lagɔꞌɔ nyʋ -ko.

1 Tesalonikɩkɔmʋ 4:13

ꞌBho ꞌɛ lemʋ a, ꞌlotʋꞌa ꞌꞌnynuu-a, -a ꞌbɔ-ɔ ti, *Zeziiꞌa nyʋ-ʋ ꞌmɛꞌɛ ɛ, a ꞌke ꞌwa ꞌꞌkpidɩ yibo, ꞌle, nyʋ-ʋ seꞌa Zezii yibo ꞌle -ʋ -see ꞌɔ ꞌgwlʋ ꞌꞌyi -ku, -bho ꞌwa nyɔ ꞌmɛ, kpli ʋn-ʋ nʋꞌa a, a -kaa -kaa nʋ.

1 Tesalonikɩkɔmʋ 5:6

ꞌKa-a ɛ -nɩꞌe ꞌmʋꞌa dɩ a, -a san ꞌꞌyi, -a ꞌke yra de ꞌle -a ꞌke ɔ wɔn-fuo, -a kpʋn dɩ li! -Ka nyʋ-ʋ -seꞌa-a ꞌɔ nyʋ, ꞌwa deꞌa yra, -aꞌba nʋ -kaa -le!

1 Timotee 6:9

Ɛ -nɩꞌa ꞌtɔ -kaa ꞌmʋ a, nyʋ-ʋ ꞌbɔꞌɔ ti ʋn ꞌke ꞌga a, ʋn-ʋ ꞌga-a tidɩnlɩꞌa -dadudu ꞌmʋ ti, ꞌle, bhebhelɩ -ɩꞌa nʋꞌa nyʋ -zɛgɛ ꞌꞌlruliꞌa ꞌtʋ, ʋn -nɩꞌe ꞌya -vɔyiɛ wɔn: ꞌya lɩtu-u ꞌnyni-e nyʋ wɔn ꞌle ʋn-ʋ bhluꞌo ꞌgbou!

Tiitɩ 3:3

ꞌTmʋʋ nʋ -kaa, -ɛkedɩmaa, nyigbeyikpli -abʋ-aꞌa ꞌꞌbhi-i nʋ ꞌko -tanyɩ! -Aꞌba ꞌꞌdu ꞌkɩ ꞌbho nyʋ, -a ꞌꞌmaaꞌa-a -jolʋzɛgɛ ꞌꞌyrili, ꞌle ꞌkmʋꞌa lɩꞌa ꞌtʋ -ke lɩꞌa -bhabha kpʋnꞌo -amʋ ꞌgeyiɛ ꞌmʋ. -Klaabolɩꞌa ꞌꞌsɛ -aꞌba -naagɩ -nɩ ꞌkoꞌo ꞌꞌkpi. -A ꞌmɩɩꞌe-e ꞌꞌyri ꞌbho -a -bonyunyuꞌa lɩ ꞌꞌkpi. Nyʋ-ʋ ꞌnyɛ-ɛ -amʋ ꞌmʋ ꞌle -abʋ ꞌnyʋ ꞌʋ ꞌmʋ.

1 ꞌPiɛlɩ 1:14

-Ka ꞌꞌyu-u ꞌꞌduꞌa ꞌbho ꞌɔ -tɩtaꞌa wlu, a ꞌꞌdu -kaa ꞌbho -Lagɔꞌɔ wlu! -Da a -seeꞌa -bhla Zeziiꞌa ꞌꞌdɩzɩgɩ ꞌbʋꞌwɔn ke -tanyɩ, kpli-i seꞌa ꞌꞌyrili-nmɔ, ꞌɩnnɩ a-a nʋꞌo. ꞌTraamʋ ꞌtɔ ɔ, a ꞌꞌtayi nɩ ꞌꞌyiti!

2 ꞌPiɛlɩ 2:14

ꞌꞌWɩlɩnynʋkpakpɩꞌa ꞌꞌsɛꞌɛ dɩ ʋn-ʋ popoꞌo ꞌgwlʋti, ʋn -ke ʋn ꞌke ꞌꞌbha ꞌꞌdu. ꞌWa sɩa ꞌꞌnyinynidɩꞌa nʋnʋa ꞌmʋ. Nyʋ-ʋ -ke -Lagɔꞌɔ ꞌꞌgwlideɛ-ɛ seꞌa ꞌmʋku, ʋn-ʋ ꞌlbhʋ -ʋ ꞌꞌyrabha ꞌmʋ ꞌle ʋn-ʋ nʋꞌo ꞌꞌnyinynidɩ -lrɛɛ. ꞌꞌWlilɩꞌa ꞌyeyeaꞌa ꞌtʋ-ʋ -nɩ ꞌnʋ ꞌꞌgwli. Ʋ-bʋ nyʋ ꞌmnʋ ꞌbhle-e -Lagɔꞌɔ ꞌcɛkʋta ꞌꞌkpi!

2 ꞌPiɛlɩ 2:18

A -gblee, -bho ʋn -de ti -lrɛɛ, ꞌꞌnyinynidɩ ʋn-ʋ nʋꞌa a, ʋn-ʋ ꞌꞌplin-oꞌo ꞌya dɩ. Nyʋ-ʋ seꞌa -Lagɔ yibo, nyʋtɔlʋ ꞌwlʋꞌa ꞌle ꞌwa ꞌꞌklumʋ -lreeka, ʋn-ʋ ꞌlbha-a ꞌwa -dadudu ꞌꞌyrabha ꞌmʋ, ʋn-ʋ nʋꞌo: Lɩ-ɩ seꞌa nʋka -nɩ, aꞌba ꞌgwlʋ -nɩꞌa ꞌꞌyi, a nʋ ɩ! -Bho ʋn nʋ ɩ, ꞌle ʋn-ʋ yiꞌe ꞌwa -antanyɩkpli ꞌli le, ꞌꞌnyinynidɩ ʋn-ʋ nʋꞌa a, ʋn ꞌbɔ-ɔ ti ʋn -ke ʋn ꞌke ɩ nʋ -lrɛɛ.

1 ꞌZaan 2:16

Lɛꞌꞌo lɛ-ɛ -seꞌa-a -Lagɔꞌɔ ꞌgwlʋdɩ: ꞌꞌnyinyninaagɩꞌa ꞌtʋnʋlɩ o, nyɔꞌɔ lɛꞌɛ -pɔlʋꞌa ꞌꞌyicnɛɛɛ o, ꞌꞌjɛꞌɛ ꞌꞌyibhɛɛɛ o, ɩ-ɩ ꞌmo-o ꞌkmʋ ꞌmʋꞌa lɩ, ɩ -se -aꞌba -tɩta -Lagɔꞌɔ nɩ -ko.

1 ꞌZaan 2:8

ꞌBho ꞌɛ lemʋ, ɛ-bɛ wlu -ke dɩ ꞌɩn -nɩꞌa amʋ -bodɩ ꞌmʋzanamʋ a, ɛ-ɛ ꞌmo-o wlulre -lrɛɛ. A -ke *Zeziiꞌa nʋnʋkplizɩgɩ ꞌmʋ, ꞌle-e nyʋ yibo -nɩ ꞌnɛ ꞌꞌyi ꞌle -a yiboꞌo -ka ɛ ꞌꞌduꞌa lɛlre. -Ɛkedɩmaa, ꞌꞌnyinynidɩꞌa -kuyre-e ꞌwlʋ-o ꞌbho -jeyi, ꞌle, Zeziiꞌa ꞌꞌyrilinmɔdɩ kɔɔꞌɔ zɔ, ɩ-ɩ ziꞌe ꞌbho ꞌya ꞌbɩ ꞌmʋ.