Efɛɛzɩkɔmʋ 2:2 - Nyaboa (Nyabwa)

² ꞌNɔɔ ꞌkmʋ ꞌmʋꞌa nyʋ, kpli ʋn -nɩꞌa ti, -yɩꞌa nʋꞌa -Lagɔ ꞌtʋ, ꞌle a-a ple ꞌɩ kli, -bho a -kɩ ɩ-ɩ nʋ a, ꞌꞌnyinynidɩꞌa tiyayi -ke wɔnkuɛ-ɛ -nɩꞌa -daa ꞌbhlʋkpa -ke yakuꞌa ꞌnynɩmʋ, ꞌɔ wlu a-a ꞌꞌduꞌo ꞌbho. Nyʋꞌa -dadudu-u ꞌnaa-a -Lagɔꞌɔ wlu ꞌꞌyi, ꞌɛ -zuzutu nʋ ꞌʋ lbhʋ ꞌmʋ ꞌle ʋn ꞌye -lokumʋkumʋ ꞌꞌdu.

Efɛɛzɩkɔmʋ 2:2 Iomraidhean Croise

Matiee 11:19

ꞌLe ꞌɩnmɔ *Nyunyɔꞌɔ ꞌꞌYu -mnɔɔ ꞌye yi, ꞌle ꞌɩn-ɩ liꞌe lililɛ, ꞌɩn-ɩ ꞌnaꞌa nmɔ nyʋ ꞌweeꞌa ka, ꞌle nyʋ-ʋ nʋꞌo: -Oooo! A ꞌye-e liliyi -ke nmɔꞌɔ ꞌnayi ꞌmnɔ liꞌa! Ɔ -ke lapoozamʋ -ke ꞌꞌnyinynikpliꞌa nʋmʋ -lrʋʋ ꞌpo-o bha! Ɩ -nɩꞌa -kaa, ꞌle -Lagɔꞌɔ -naagɩ-ɩ nʋꞌo ꞌnɔɔ ꞌkmʋ ꞌmʋ lbhʋ ꞌle nyʋ ꞌbhɛɛꞌo ʋn ꞌke ɛ ꞌꞌyiyibo ꞌle ꞌɩn -ke ꞌZaanꞌa ꞌꞌyisrɛɛkpli ꞌmʋ.

Matiee 13:22

Nyʋ -lrʋʋ kɔɔꞌɔ-ɔ nnagbakuoꞌa -gbɔtɩꞌa ꞌbhlʋkpa. Ʋn ꞌwɔnꞌɔ -Lagɔꞌɔ wlu ꞌbɔ ɔ, ꞌnɔɔ ꞌkmʋꞌa -nɔɔ -ke ꞌli -a -nɩꞌa -laa ꞌtraamʋ, ꞌya lɩ-ɩ sɩa nɩ nʋ-oꞌo. ꞌYewlilɩ -ɩn ꞌke ꞌga -ke ꞌkmʋꞌa lɩ -lrɩɩꞌa ꞌtʋ-ʋ ꞌꞌsu-o ꞌwa -pɔlʋ ꞌꞌyi, ꞌle ʋn-ʋ ꞌmateꞌe -Lagɔꞌɔ wlu. ꞌƐ dɩ ʋn se ꞌbhɛɛ ʋn ꞌke ɛ ꞌbho ꞌꞌdu ꞌle ʋn ꞌke kpli ꞌꞌyizizia.

Matiee 13:38

-Kpaa-a ꞌmo-o ꞌkmʋ; -lololɩzɩgɩ-ɩ ꞌmo-o nyʋ-ʋ ꞌwɔɔnꞌɔ -Lagɔ, ɔ ꞌke ʋ -kɔ. -Sukui-i ꞌmo-o nyʋ-ʋ ꞌꞌduꞌa ꞌbho ꞌꞌnyinynidɩꞌa tiyayiꞌa wlu.

Luukɩ 16:8

Ɔ-bɔ lbhʋnʋyi -ke kpli seꞌa ꞌꞌyiꞌsrɛɛ, ꞌɔ -kɔyi ꞌyeꞌa ꞌɛ -naagɩꞌa lɛtu li a, ɔ ꞌwɔɔn ꞌnɔ-ɔ ꞌꞌkpi. A -gblee, ꞌtraamʋꞌa nyʋ-ʋ ziꞌa ꞌwa ꞌꞌbhiꞌa tinɩɛꞌɛ dɩ ꞌnɔɔ ꞌkmʋ ꞌmʋ, ꞌle ꞌwa bo ꞌli, ʋn ꞌbhle-e -naagɩ tenyɩ, nyʋ-ʋ ꞌbɔꞌɔ ti ʋn ꞌke -Lagɔꞌɔ ꞌgwlʋdɩ nʋ, ʋn ꞌye ʋ -zi.

Luukɩ 22:31

Ɔ poꞌa wlu ti a, ꞌle ɔ ꞌye Simɔɔ *ꞌPiɛlɩ gbo ꞌꞌbhiti ꞌle ɔ na: Simɔɔ, po -lokui! -Lagɔ ꞌꞌnyɩ-e ꞌꞌnyinynidɩꞌa tiyayi *Sataan ꞌꞌyiflɔɛ, ɛ ꞌke a-bʋ ꞌma-a *ꞌan -namʋ tiꞌdɩn.

ꞌZaan 12:31

A ꞌye li-ɔ, -nɔɔ -ke ti -Lagɔꞌɔ -zigle ꞌka ꞌkmʋ ꞌmʋꞌa nyʋ ꞌꞌkpi -nɩꞌa, ꞌɛ ꞌnyaanamʋ ꞌꞌkɔɔꞌɔ-ɔ gbo. -Bho ɛ nyni a, ꞌꞌnyinynidɩꞌa tiyayi, -ɔ -poꞌa nyʋꞌa -dadudu -kpɛɛ ꞌmʋ, ɔ-ɔ ꞌye -ɔ tʋ wɔn ꞌmʋ -lu -mʋ, ꞌle -bho ꞌwla ɔ-ɔ ꞌye ɔ ti-nu mʋ ꞌle ɔ ꞌke ꞌle ꞌꞌkɔgwlɛnɛ ꞌmʋ mu.

ꞌZaan 13:2

A -gblee, zɔ -ke ti ʋn ꞌꞌduꞌa gɔ ꞌmnɛ wɔn, ꞌɛ ꞌꞌjiazɔ, ɔ -ke ꞌwa klɛ-ɛ li ꞌnɩ-e -dalue ꞌle -budu -lue ꞌli. ꞌꞌNyinynidɩꞌa tiyayi *Sataan nʋꞌa -kaa, ꞌɛ -naagɩ ꞌꞌyi-e Simɔɔ Isikaliyooꞌa ꞌꞌyu Zidaa ꞌmʋ, ɔ ꞌke Zezii ꞌɔ tʋꞌa nyʋ -jeyi ꞌꞌnyɩ.

ꞌZaan 13:27

Ɔ kpʋn ꞌɛ ɛ, ꞌle *Sataanꞌa -naagɩ ꞌye ɔ ꞌꞌlru ꞌmʋ kpa, ꞌle Zezii na: Zidaa, lɛ -ɩn ꞌka nʋ, nʋ ɛ -susueyi!

ꞌZaan 14:30

ꞌꞌNyinynidɩꞌa tiyayi -ɔ -poꞌa nyʋꞌa -dadudu -kpɛɛ ꞌmʋ, ɔ -nɩꞌe-e yinamʋꞌa dɩ, ꞌɩn -ke a -see ꞌtɔ -wlu yi tenyɩ. Ɔ se ꞌɩnmʋ wɔnyiꞌbhɛɛ.

ꞌZaan 15:19

Ʋ-bʋ nyʋ ꞌmnʋ, -bho aꞌba kpli -ke ꞌwa nɩ gʋgɔ ꞌkɩ ꞌꞌyiti a, ʋn-ʋ kma ꞌko-o aꞌba dɩ, -ɛkedɩmaa, nyɔ -lue a ꞌꞌduꞌo. A -gblee, aꞌba kpli -ke ꞌwa nɩ se ꞌtɔ ꞌꞌyitigʋgɔ, -ɛkedɩmaa, ꞌle ꞌwa ꞌꞌklumʋ ꞌɩn -zaꞌa amʋ ꞌle ꞌɩn -ke a-a naꞌo. ꞌƖnnɛ ꞌbhleꞌe ꞌnynɩꞌa dɩ, ʋn-ʋ ꞌnyɛꞌɛ amʋ ꞌmʋ.

ꞌZaan 16:11

Nyʋ ꞌmnʋ, -yɛ ꞌma-a ꞌwa -zigle, ꞌꞌnyinynidɩꞌa tiyayi -po ꞌnʋ -kpɛɛ ꞌmʋ, -Lagɔ -kpʋn ꞌnɛ-ɛ dɩ see.

ꞌZaan 7:7

Nyʋ-ʋ seꞌa -Lagɔ yibo, ʋn se ꞌbhɛɛ ʋn ꞌke amʋ ꞌmʋꞌnyɛ. Ɛ -nɩꞌa -kaa ꞌmʋ a, ꞌꞌnyinynidɩ ʋn-ʋ nʋꞌa, ꞌɩn-ɩ zɩ ꞌɩ ꞌmʋ-ɛ gbaaꞌa dɩ, ʋn ꞌnyɛꞌɛ ꞌɩnmʋ ꞌmʋ.

ꞌZaan 8:23

ꞌLe ɔ na ʋ -bodɩ -lrɛɛ: A-a ꞌmo-o ꞌnɔɔ ꞌbhlʋkpa ꞌꞌyiꞌa nyʋ. ꞌƖnmɔ -yɔɔ, ꞌle -Lagɔ gbo ꞌɩn -sɔꞌɔ ꞌmʋ, ꞌle yaku ꞌli. A-bee -mnʋʋ, ꞌnɔɔ ꞌkmʋ ꞌmʋꞌa nyʋ a ꞌꞌduꞌo. ꞌƖnmɔ -yɔɔ, ꞌɩn -se ꞌnɔɔꞌɔ nyɔ -ko.

ꞌZaan 8:44

A -gblee, ꞌꞌnyinynidɩꞌa tiyayi ꞌmo-o aꞌba -tɩta, ꞌle, lɛ ɛ ꞌybhaꞌa, a-a ꞌbɔꞌɔ ti a ꞌke ɛ nʋ! -Da -Lagɔ -ya -nɩꞌa nyunyu ti a, ꞌbho-o ɛ-bɛ ꞌꞌnyinynidɩꞌa tiyayi ꞌmnɛ -ya -nɩꞌe ꞌmɛmɛɛ ꞌnɔɔ ꞌkmʋ ꞌmʋ. Ɛ se -ziadɩ ꞌmʋꞌbhleꞌa dɩ, ꞌɛ ꞌwɔɔnꞌɔ -ziadɩ. ꞌƖnnɛ ꞌbhleꞌe sɩnꞌa ꞌꞌlru kwaꞌa dɩ, -bho ɛ -ka sɩn-ɩ cɛ, -ka ɛ -nɩꞌa ꞌtɩn, ꞌka-a ɛ-ɛ zaꞌa ꞌmʋ.

Nʋnʋkpli 19:35

ꞌLe ꞌɛ ꞌꞌlruyijranamʋ a, nyɔklagba -lue -ɔ kɔꞌɔ ꞌbho -gwlɔkɔmʋ ꞌweeꞌa ꞌꞌyigbeyi, ꞌɩnnɔ ꞌkpaꞌa ꞌbho ꞌle ɔ ꞌye ʋ ꞌgate, ꞌle ɔ na: Efɛɛzɩkɔmʋ-a, -budu -ke ꞌli -a bʋbɔ nɩꞌa -aꞌba -Lagɔklagba Atemisɩ, -ka -abʋ ꞌbhleꞌa ꞌɛ lbhʋ ꞌle -a ꞌꞌdu ꞌɛ ꞌꞌyrili, yɔɔ ꞌse ꞌna yiboꞌa? ꞌƐ kɔku -ɛ ꞌwlʋꞌa ꞌle yaku ꞌꞌyi, -ka -a ꞌbhleꞌa ꞌɛ lbhʋ ꞌle -a ꞌꞌdu ꞌɛ ꞌꞌyrili, yɔɔ ꞌse ꞌna yibo -lrɛɛꞌɛ?

Nʋnʋkpli 5:3

Ɔ kpɩ ꞌɩ ꞌle, *ꞌPiɛlɩ na: Ananiasɩ, leedɩ ꞌꞌnyinynidɩꞌa tiyayi *Sataan ꞌꞌyiꞌe ꞌle -aꞌa -pɔlʋ gbo ꞌle -a cɛꞌɛ *-Lagɔꞌɔ Lisaazuzu sɩn li ꞌle -a sieꞌe ꞌle -kpaamɔnitɔlʋꞌa? ꞌKla se ꞌꞌyrili-nmɔ!

ꞌWlɔmʋkɔmʋ 12:2

ꞌTraamʋꞌa nyʋ-ʋ -nɩꞌa ꞌnɔɔ ꞌkmʋ ꞌmʋ a, aꞌba ꞌkpa ꞌwa nʋnʋdɩ kli -le! A ꞌꞌtayi -Lagɔ ꞌꞌyiti ɔ ꞌke aꞌba tinɩɛ -ke aꞌba ꞌgwlʋtipoposʋ ꞌꞌyizizia! -Bho ɛ -nɩ -kaa ꞌmʋ a, a ꞌbhɛɛꞌo a ꞌke -Lagɔꞌɔ ꞌgwlʋdɩ ꞌmʋtiꞌwɔn. ꞌƖnnɛ ꞌmo-o, lɛ-ɛ -nmɔꞌɔ ꞌꞌyrili, -ɛ nʋꞌa -Lagɔ ꞌtʋ ꞌle -ɛ seꞌa ꞌbɩ liꞌbhle, a ke ɛ yibo.

1 Kɔlɛɛtɩkɔmʋ 5:10

A -gblee, dɩ ꞌɩn -zaꞌa -laa ꞌmʋ, ꞌɩn -see nyʋ-ʋ seꞌa -Lagɔ yibo ꞌnynɩ ꞌꞌsi. Nyʋ-ʋ ꞌlaꞌa ꞌꞌbhɩ ꞌꞌbhlɛcɛ o, -yʋ kpʋnꞌa satɛꞌɛ ꞌꞌkpa ti ꞌle ʋn-ʋ ꞌꞌyriꞌa o, nyʋ-ʋ -ke -pɔlʋ-ʋ kpʋnꞌa lɩ -lrɩɩ ti ꞌle ɛ-ɛ ziꞌa -Lagɔ ꞌmʋ ꞌle ɩ-ɩ ꞌꞌluoꞌa ꞌɔ ꞌbɩ ꞌmʋ o, ʋ-bʋ nyʋ ꞌmnʋ, ꞌɩnnʋ -dieꞌe ꞌnɔɔ ꞌkmʋ ꞌmʋ ꞌꞌyi. -Bho ɛ ꞌꞌdu nyɔ ꞌke ꞌwa ꞌwee ꞌꞌlrugbe ꞌle ɔ -ke ʋn -see ꞌmʋzizi yi a, ꞌꞌlemnɩɩ aꞌba ꞌꞌbhi ꞌke ꞌnɔɔ ꞌkmʋ ꞌmʋ jra moꞌo!

1 Kɔlɛɛtɩkɔmʋ 6:11

A -gblee, ꞌkla-a aꞌba ꞌꞌklumʋꞌa nyʋtɔlʋ -nɩꞌo -bɛnyɩ ꞌle ʋn-ʋ nʋꞌo ꞌꞌnyinynikpli ꞌmnɩ -zɔɔ. ꞌLe ꞌtraamʋ ꞌtɔ ɔ, -Lagɔ -a bʋbɔꞌɔ, ɔ zetieꞌe amʋ-ɛ ꞌle aꞌba ꞌꞌnyinynidɩ ꞌmʋ ꞌle ɩ ꞌye ꞌbho ꞌɔ ꞌꞌyigbeyi ti-gwɛ, ꞌle ɔ ꞌye amʋ ꞌꞌyisrɛɛmʋ ꞌmʋ nʋ ꞌbho ꞌɔ ꞌꞌyigbeyi, ꞌle ɔ ꞌye amʋ kpɔ -cɛ ꞌɔ nyʋꞌa kamʋ. ꞌYa lbhʋtu -nʋ-ɛꞌo ꞌle -aꞌba -Kɔyi Zezii *Kliisɩꞌa ꞌnynɩ ꞌmʋ, -ɛkedɩmaa, a -ke ɔ ꞌꞌsisriꞌe-e ꞌꞌyi ꞌle *-Lagɔꞌɔ Lisaazuzu -nɩꞌe amʋ ꞌmʋ.

2 Kɔlɛɛtɩkɔmʋ 4:4

ꞌWa ꞌwɩn ɩ ꞌmʋti, -ɛkedɩmaa, nyʋ-ʋ seꞌa Zezii ꞌꞌgwlide, ꞌꞌnyinynidɩꞌa tiyayi *Sataan ꞌma-a ꞌwa -kɔyi, ꞌɩnnɛ ꞌꞌkplekuꞌo ꞌwa -pɔlʋ ꞌle ʋn -kɩɩ ɩ -ziadɩ ꞌla ꞌle ʋn -kɩɩ ɩ ꞌwɔɔn. -Ka Zezii *Kliisɩ ꞌmnɔꞌɔ ꞌnynɩ ꞌbhɛꞌɛ ꞌꞌyi, ɩ-bɩ ꞌɛ ꞌꞌdɩzɩgɩ ꞌmnɩ-ɩ ꞌka ꞌle ꞌwa -pɔlʋ ꞌzɔ zɔ -ya, ɛ -see tiꞌbɔ ʋn ꞌke ɩ ꞌmʋtiꞌwɔn. Ɔ-bɔ Zezii Kliisɩ ꞌmnɔ ɔ, ɔ -ke -Lagɔ -plɛꞌɛ-ɛ -dedekpli ꞌmʋ.

Galasiikɔmʋ 1:4

Zezii Kliisɩ ꞌꞌtayiꞌe-e ꞌɔ ꞌꞌbhuo ꞌꞌyiti ɔ ꞌye ꞌmɛ ꞌle ɔ ꞌke -amʋ -aꞌba ꞌꞌnyinynidɩ ꞌꞌkpi -za, ꞌle, ꞌꞌnyinynilɩ -nɩꞌa ꞌnɔɔ ꞌkmʋ mʋ, -ɩ -ke ꞌꞌklumʋ -a -nɩꞌa ꞌtraamʋ, ɔ ꞌke -amʋ ꞌya wɔnkuɛ ꞌꞌkpi -za. ꞌLe -aꞌba -tɩta -Lagɔꞌɔ ꞌgwlʋdɩ ꞌmʋ, ꞌle-e ꞌɛ lɛtu -nʋ-ɛ -nɩꞌo.

Efɛɛzɩkɔmʋ 1:21

A -gblee, ꞌbho ꞌmnɔ ɔ, -Lagɔ ꞌꞌluo ꞌnɔ-ɔ ꞌꞌyi ɔ ꞌye ɔ ꞌnynɩklagba ꞌꞌkpi po, nyʋ ꞌwee -Lagɔ ꞌmnɔ -yaꞌa ti ꞌle yaku ꞌli o, lɛꞌꞌo lɛ-ɛ ꞌbhleꞌa wɔnkuɛ, ɔ ꞌke ɩ ꞌꞌkpi -nɩ, ꞌle, -nɔɔꞌꞌo -nɔɔ ꞌliꞌa nyʋ ꞌwee, ꞌnɔɔ ꞌkmʋ ꞌmʋꞌa nʋ-e, -yɛ ꞌyeꞌa -yi mʋ -lrɛɛ, ꞌɛ nyʋ, ɔ ꞌke ꞌwa ꞌwee -kɔ.

Efɛɛzɩkɔmʋ 2:11

ꞌƐ dɩ ꞌtɔ ɔ, -ka a -nɩꞌa, ꞌɩn-ɩ popo-o amʋ -kaa ꞌgwlʋti: A -se *ꞌZuifʋ -koꞌa dɩ, ꞌZuifʋ ꞌꞌwe-e ꞌma-a nyʋ-ʋ ꞌlaꞌa ꞌwa ꞌꞌbhi nyʋ-ʋ muꞌa *klɛ ꞌmʋ, ʋn-ʋ ꞌlaꞌa amʋ nyʋ-ʋ -seeꞌa klɛ ꞌmʋ mu. (A -gblee, -bho ʋn -ka -kaa klɛmʋmuɛ ꞌnynɩ-ɩ ꞌꞌsi a, ɛ-ɛ ꞌmo-o ku liꞌa lɛ nyʋ-ʋ nʋꞌa, ꞌɛ ꞌꞌsɛ.)

Efɛɛzɩkɔmʋ 2:13

ꞌLe ꞌtraamʋ ꞌtɔ ɔ, a-bʋ se ꞌɔ -kaa yibo, a -ke Zezii Kliisɩ ꞌꞌsisriꞌe-e ꞌꞌyi. Ɔbɔ ꞌmnɔ, ꞌɔ nymɔ-ɔ ꞌwlaꞌa ti ꞌle ɔ ꞌye ꞌmɛ aꞌba dɩ. ꞌƖnnɛ ꞌbhleꞌe ꞌnynɩ, ꞌle a ꞌye -Lagɔ yibo.

Efɛɛzɩkɔmʋ 2:3

-Aꞌba ꞌwee, -ka ʋ-bʋ nyʋ ꞌmnʋ -nɩꞌa a, ꞌka-a -abʋ -nɩ ꞌkoꞌo, ꞌle -a ꞌwlaaꞌa -aꞌba ꞌgwlʋdɩꞌa lɩ wɔn ti. -Aꞌba ꞌꞌbhiꞌa ꞌmʋwlʋdɩ -a ziꞌe gbo. -Ka -lue ꞌmnɔ ꞌka-a, -a -nɩ ꞌkoꞌa dɩ, nyʋ -Lagɔꞌɔ ꞌcɛkʋta -nɩꞌa ꞌꞌkpi ꞌle ʋn-ʋ ꞌyeꞌa ꞌkle ꞌye mʋ ꞌbho ꞌɔ ꞌꞌyigbeyi, -a -ke ʋn ꞌke ɛ ꞌkɩ ꞌmʋ-plɛ.

Efɛɛzɩkɔmʋ 4:17

ꞌKa-a ɩ -nɩꞌe ꞌmʋꞌa dɩ a, ꞌle -aꞌba -Kɔyiꞌa ꞌnynɩ ꞌmʋ ꞌɩn-ɩ ꞌtmʋʋꞌo amʋ, nyʋ-ʋ seꞌa -Lagɔ yibo a, aꞌba ꞌkpa ꞌwa nʋnʋkpli kli -le! ꞌWa -naagɩꞌa klɛ ꞌꞌbhitiꞌe-e ꞌle bhebhelɩ ꞌꞌkpi.

Efɛɛzɩkɔmʋ 4:22

-Bho ɛ -nɩ -kaa, a ꞌꞌtayi aꞌba kplisʋa ꞌꞌyiti! Ɩbɩ-ɩ ꞌnyni-e amʋ wɔn, -ɛkedɩmaa, aꞌba ꞌꞌnyinynidɩꞌa ꞌtʋnʋdɩ-ɩ ꞌꞌmaa-a amʋ dɩ ꞌꞌyrili.

Efɛɛzɩkɔmʋ 5:6

Nyʋꞌa bhebhewlu seꞌa lɛ ꞌmʋꞌbhle, ꞌya ꞌꞌmaa amʋ dɩ ꞌꞌyrili -le! ꞌYa ꞌꞌnyinynidɩtuꞌa dɩ, nyʋ-ʋ -seeꞌa tiꞌbɔ ʋn ꞌke -Lagɔ ꞌbho ꞌꞌdu a, ꞌɔ ꞌcɛkʋta -nɩ ꞌnʋ ꞌꞌkpi, ꞌle ɔ ꞌke ʋ dɩ -kpʋn.

Efɛɛzɩkɔmʋ 5:8

-Tanyɩ ꞌkɩ a, -klaabokplisasʋɩ a-a nʋꞌo ꞌle -kuyre ꞌmʋ. ꞌTraamʋ ꞌtɔ ɔ, a -ke -aꞌba -Kɔyi Zezii ꞌꞌsisriꞌe-e ꞌꞌyiꞌa dɩ, a -nɩꞌe ꞌbho zɔ ꞌꞌyi ꞌle aꞌba tinɩɛ ꞌsrɛɛꞌɛ ꞌꞌyi. Nyʋ-ʋ -nɩꞌa ꞌbho zɔ ꞌꞌyi, -ka ʋn -nɩꞌa a, a-beeꞌa nʋnʋkpli -nɩ -kaa!

Efɛɛzɩkɔmʋ 6:12

A -gblee, ɛ -se nyunyu -a kpa tʋ gbo -ko. Nyʋ-ʋ -ke -a vɔꞌɔ tʋ a, nyɔꞌɔ ꞌye ʋ li. ꞌWa nyʋtu-u ꞌmo-o ꞌꞌnyinynidɩꞌa -zuzu ꞌbhleꞌa wɔnkuɛ ꞌle yaku ꞌꞌyi, ꞌle, nyʋ-ʋ -nɩꞌa ꞌle ꞌꞌnyinynidɩꞌa -kuyre ꞌmʋ, ɩ-ɩ kɔ ꞌnʋ ꞌꞌlru ꞌmʋ. ꞌƖnnɩ -ke -a vɔꞌɔ tʋ.

Kolɔsʋkɔmʋ 1:21

A -gblee, ꞌan ꞌlotʋꞌa ꞌꞌnynuu-a, ꞌꞌnyinynidɩ a-a nʋ ꞌka, a-a popo ꞌka ꞌgwlʋti -bɛnyɩꞌa dɩ, a -se ꞌkɩ-ɩ -Lagɔꞌɔ nyʋ -ko.

2 Timotee 4:10

ꞌƖn-ɩ ꞌtmʋʋꞌo -ɩnmʋ-ɛ, Demasɩ -nɩ ꞌka ꞌnɔɔ ɔ, ꞌnɔɔgbɛ ꞌkmʋ ꞌmʋꞌa tinɩɛ-ɛ ꞌnʋ -ɔ ꞌtʋ. Ɔ ꞌwlʋ-o ꞌɩnmʋ ꞌꞌyrili ɔ ꞌye Tesalonikɩ mu. -Yɔ ꞌma-a Klesaasɩ a, ɔbɔ ꞌmu-o lbhʋ ꞌꞌkpi ꞌle Galasiibhlʋkpa ꞌꞌkpi ꞌle Tiitɩ -mnɔɔ ꞌye Dalɩmasɩ mu lbhʋdamʋ -lrɛɛ.

Zaakɩ 1:27

-Dɩgbanynʋkpakpɩ -ke ꞌꞌkuenynuu -nɩꞌa sɩanamʋ, nyɔ-ɔ ziꞌa ꞌwa dɩ ꞌle ɔ ꞌꞌsiꞌa ꞌbho, -ɔ pleꞌa ꞌꞌnyinynidɩ li, ꞌɔ nyɔtuꞌa -nanabhʋ nʋ ꞌɔ ꞌtʋ ꞌbho ꞌɔ -jeyi.

Zaakɩ 1:7

Nyɔ-ɔ -nɩꞌa -kaa a, ꞌɔ nyɔtu -see ꞌle ꞌɔ -pɔlʋꞌa klɛ -za ꞌle ɔ ꞌke ɛ -Lagɔ -jeyi ꞌꞌnyɩ. ꞌƆ -pɔlʋ ꞌmnɛ ꞌgble-ɛꞌɛ ꞌmʋ-ɛꞌɛ dɩ, ꞌɔ popo ꞌgwlʋti -le na -Lagɔ-ɔ ꞌye -ɔ -zɛgɛ ꞌꞌlruli-nʋ -mʋ!

Zaakɩ 4:4

A-a ꞌmo-o nyʋ-ʋ -see ꞌɔ ꞌꞌyi-kpʋn. Lɩ-ɩꞌa ꞌbhɛɛꞌɛ ꞌɔ ꞌnynɩ ꞌꞌyi, -bho a -kɩ ɩ kli-i ple, a se yibo na a-a ꞌmo-o ꞌɔ ꞌꞌyidedemʋ? Nyɔꞌꞌo nyɔ-ɔ ple ꞌɩ kli a, ɔ-ɔ ꞌmo-o ꞌɔ ꞌꞌyidedeyi.

1 ꞌPiɛlɩ 1:14

-Ka ꞌꞌyu-u ꞌꞌduꞌa ꞌbho ꞌɔ -tɩtaꞌa wlu, a ꞌꞌdu -kaa ꞌbho -Lagɔꞌɔ wlu! -Da a -seeꞌa -bhla Zeziiꞌa ꞌꞌdɩzɩgɩ ꞌbʋꞌwɔn ke -tanyɩ, kpli-i seꞌa ꞌꞌyrili-nmɔ, ꞌɩnnɩ a-a nʋꞌo. ꞌTraamʋ ꞌtɔ ɔ, a ꞌꞌtayi nɩ ꞌꞌyiti!

1 ꞌPiɛlɩ 4:3

-Ziadɩ moꞌo, nyʋ-ʋ seꞌa -Lagɔ yibo, dɩ -ke nʋnʋdɩ ʋn -kmaꞌa, ꞌɩnnɩ a-a nʋ ꞌkoꞌo -bɛnyɩ ꞌyrɛlɛɛ: A-a ꞌꞌdu ꞌko-o gɔɛ, a-a de ꞌko-o ti -biɔɔ, ꞌle a-a ꞌnaꞌa nmɛ, lɩ-ɩ ꞌꞌluoꞌa -Lagɔꞌɔ ꞌbɩ ꞌmʋ, ꞌɩnnɩ a-a bʋbɔ ꞌkoꞌo, ꞌꞌnyinyninaagɩꞌa ꞌtʋnʋlɩ -ke dɩ -lrɩɩ-ɩ seꞌa nʋka -nɩ, ꞌɩnnɩ a-a nʋ ꞌkoꞌo.

2 ꞌPiɛlɩ 2:14

ꞌꞌWɩlɩnynʋkpakpɩꞌa ꞌꞌsɛꞌɛ dɩ ʋn-ʋ popoꞌo ꞌgwlʋti, ʋn -ke ʋn ꞌke ꞌꞌbha ꞌꞌdu. ꞌWa sɩa ꞌꞌnyinynidɩꞌa nʋnʋa ꞌmʋ. Nyʋ-ʋ -ke -Lagɔꞌɔ ꞌꞌgwlideɛ-ɛ seꞌa ꞌmʋku, ʋn-ʋ ꞌlbhʋ -ʋ ꞌꞌyrabha ꞌmʋ ꞌle ʋn-ʋ nʋꞌo ꞌꞌnyinynidɩ -lrɛɛ. ꞌꞌWlilɩꞌa ꞌyeyeaꞌa ꞌtʋ-ʋ -nɩ ꞌnʋ ꞌꞌgwli. Ʋ-bʋ nyʋ ꞌmnʋ ꞌbhle-e -Lagɔꞌɔ ꞌcɛkʋta ꞌꞌkpi!

1 ꞌZaan 3:10

Leelɛ nyɔ ꞌke -Lagɔꞌɔ ꞌꞌyreetɩ -ke ꞌꞌnyinynidɩꞌa tiyayiꞌa nʋ ꞌmʋyibo -nɩꞌa? A ꞌye li-ɔ, nyɔꞌꞌo nyɔ-ɔꞌɔ nʋꞌa ꞌꞌyisrɛɛdɩ ꞌbho -Lagɔꞌɔ ꞌꞌyigbeyi, ꞌle ꞌꞌbhalrɛɛke nyɔ-ɔ seꞌa ꞌɔ -bonyunyɔꞌɔ dɩ -kma, ɔ -se -Lagɔꞌɔ ꞌꞌyu -ko. ꞌꞌNyinynidɩꞌa tiyayiꞌa -nɔ ɔ ꞌꞌduꞌo.

1 ꞌZaan 3:8

Nyɔ-ɔ nʋꞌa ꞌꞌnyinynidɩ ꞌꞌcɩcɩ a, ɔ-ɔ ꞌmo-o ꞌꞌnyinynidɩꞌa tiyayiꞌa nyɔ, -ɛkedɩmaa, -da -Lagɔ -ya -nɩꞌa lɩ ꞌwee ti a, ꞌbho-o ɛ -zaꞌa ɩ-bɩ ꞌꞌnyinynidɩ ꞌmnɩꞌa nʋnʋa. A -gblee, ɛ-bɛ ꞌꞌnyinynidɩꞌa tiyayiꞌa kplisasʋɩ ꞌmnɩꞌa tizɛɛꞌɛ ꞌꞌlru ꞌꞌyi -Lagɔꞌɔ ꞌꞌyu Zezii yiꞌe ꞌnɔɔ ꞌkmʋ ꞌmʋ.

1 ꞌZaan 4:4

A-bee -mnʋʋ a, ꞌan dɩkmayreetɩ-a, -Lagɔꞌɔ nyʋ a ꞌꞌduꞌo. Ʋ-bʋ nyʋ ꞌmnʋ, -ʋ -seꞌa-a ꞌɔ wluꞌa ꞌmʋtizamʋzɩgɩ, ꞌle a ꞌye ʋ tʋ wɔn ꞌmʋ lu, -ɛkedɩmaa, -Lagɔꞌɔ Lisaazuzu a ꞌbhleꞌa ꞌmʋ a, ɔ ꞌku-o wɔn, ꞌle, -Lagɔꞌɔ ꞌBhozayi -ɔ ꞌpʋʋnꞌa nyʋꞌa ꞌꞌyidedeyiꞌa -nɛ ʋn ꞌbhleꞌa ꞌmʋ, ɔ ꞌye ɛ -zi.

1 ꞌZaan 5:19

-Abʋ ꞌde-e ꞌꞌgwli na -Lagɔꞌɔ ꞌꞌyreetɩ -a ꞌꞌduꞌo, ꞌle nyʋ -lrʋʋ -nɩꞌe ꞌꞌnyinynidɩꞌa tiyayiꞌa -kpɛɛ wɔn ꞌmʋ.

1 ꞌZaan 5:4

-ɛkedɩmaa, nyɔꞌꞌo nyɔ-ɔ ꞌma-a ꞌɔ ꞌꞌyu, nyʋ-ʋ -seꞌa-a ꞌɔ -nʋ, ɔ-ɔ ꞌlu-o, ʋn -ke ꞌwa -kɔyi, *Sataan, tʋ wɔn ꞌmʋ. A -gblee, ꞌle -aꞌba Zeziiꞌa ꞌꞌgwlidɛɛ ꞌmʋ -a lu nɩꞌe tʋ.

ꞌꞌDukuyrilizadɩ 12:9

A ꞌye li-ɔ, ꞌɩnnɛ ꞌbhleꞌe ꞌnynɩꞌa dɩ, ɛ-bɛ -zreeklagba ꞌmnɛ, -ɛ ꞌma-a ɛ-bɛ sɛn -nɩ ꞌka -bɛnyɩ, -ɛ ꞌlbhaꞌa nyʋ ꞌꞌyrabha ꞌmʋ, ʋn-ʋ ꞌlaꞌa ꞌꞌnyinynidɩꞌa tiyayi, -ɛ -ke ꞌnynɩ -lrɛɛ-ɛ ꞌma-a *Sataan, ɛ -ke ꞌɛ -namʋ ꞌye ꞌnɔɔ ꞌzɔ ꞌꞌvuto-ɛ.

ꞌꞌDukuyrilizadɩ 13:14

ꞌꞌYiflɔɛ ɛ ꞌyeꞌa ꞌle ɛ-ɛ nʋꞌa wɔnkulɩ ꞌbho ꞌɛ -antanyɩnɛꞌɛ ꞌnynɩ ꞌmʋ, nyʋ-ʋ -nɩꞌa ꞌnɔɔ ꞌkmʋ ꞌmʋ, -ʋ ꞌma-a ꞌꞌnyinynidɩꞌa nʋmʋ, ꞌɩnnɛ ɛ-ɛ ꞌlbha nɩ ꞌnʋ ꞌꞌyrabha ꞌmʋ ꞌle ɛ-ɛ ꞌꞌmaa ꞌnʋ dɩ ꞌꞌyrili. Ʋ-bʋ nyʋ-ʋ seꞌa -Lagɔ yibo, ɛ-ɛ ꞌtmʋʋ nʋ-oꞌo, nmi-i -po-ɛ ꞌka -jrɛɛ ꞌꞌlru ꞌle ɛ ꞌyeꞌa ti-nɩ ꞌꞌkɔmʋ, ʋn ꞌke ꞌɛ gʋgɔbolɛ lɛ nʋ, ꞌle ʋn ꞌke ɛ bʋbɔ.

ꞌꞌDukuyrilizadɩ 13:8

ꞌkmʋ ꞌmʋꞌa nyʋ-ʋ ꞌma-a ꞌꞌnyinynidɩꞌa nʋmʋ, ʋn-ʋ ꞌye -ɛ bʋbɔ -mʋ. Ʋ-bʋ nyʋ ꞌmnʋ, nyʋ-ʋ -nɩꞌa ti ꞌbho -Lagɔꞌɔ ꞌꞌyigbeyi, ꞌɔ ꞌꞌbɔgʋ -ke ꞌli ꞌwa ꞌnynɩ ꞌcnɩ-ɛꞌɛ, ʋn-ʋ ꞌmo-o -yʋ -ke ꞌnynɩ-ɩ -seeꞌa ꞌle ꞌɛ ꞌlimʋ ꞌcnɩ-ɛ. A -gblee, ɩ-bɩ ꞌnynɩ ꞌmnɩ, -da -Lagɔ -seeꞌa -bhla ꞌkmʋ ti-ya ke, ꞌbho-o ɩ ꞌcnɩ-ɛ -nɩꞌo see. A ꞌye li-ɔ, ɛ-bɛ ꞌꞌbɔgʋ ꞌmnɛ, *-Lagɔꞌɔ ꞌBhozayi -ɔ ꞌpʋʋnꞌa nyʋ, -ɔ kɔɔꞌɔ *ꞌsragamʋzabhlabhlɛ, nyʋ ꞌlbhaꞌa -bɛnyɩ, ɔ ꞌyeꞌa ꞌmɛ, ꞌɩnnɔ -kɔ nɛꞌo -lrɛɛ.

ꞌꞌDukuyrilizadɩ 16:17

Ɩ ziꞌa -kaa, ꞌle -Lagɔ gboꞌa -dalbhomʋꞌa -mɛɛsɔnnɔ ꞌye ꞌɔ nɛ ꞌle yaku ꞌꞌyi tiꞌwla. ꞌƖn nʋꞌa -kaa, ꞌɩn ꞌwɔn-ɔ wluklagba -lue ꞌbɔ. Ɛ -sɔꞌɔ-ɔ *-Lagɔꞌɔ bʋbɔbhlegboꞌa lisaabudu ꞌli. ꞌƆ ꞌnynɩbhlekpe -ke ꞌꞌkpi ɔ -nɩꞌa a, ꞌbho-o ɛ -sɔ -nɩꞌe ꞌmʋ ꞌle ɛ na: Ɛ -gwɛ ꞌꞌyi-ɔ!

ꞌꞌDukuyrilizadɩ 20:2

Ɔ ꞌꞌsiꞌa ti a, -zree-e ꞌma-a ɛ-bɛ sɛn -nɩ ꞌka -bɛnyɩ, ʋn-ʋ ꞌlaꞌa ꞌꞌnyinynidɩꞌa tiyayi ꞌle ꞌꞌbhalrɛɛke ʋn-ʋ ꞌlaꞌa *Sataan, ꞌle ɔ ꞌye ɛ kwa ꞌmʋ tikpʋn, ɔ ꞌye ɛ san, ꞌle ɛ ꞌke ꞌꞌbhlukui wɔn zʋɩnꞌa ꞌꞌdui ꞌsɔn -gwlɩ bue nʋ.