Efɛɛzɩkɔmʋ 1:4 - Nyaboa (Nyabwa)

⁴ A -gblee, -Lagɔ -see -bhla ꞌkmʋ ti-ya ke see, ꞌle ɔ ꞌye ꞌɛ lɛtuꞌa -gɔlɩ ꞌtɛ, ɔ ꞌye -amʋ ꞌmʋꞌtɛ -a ꞌke ꞌɔ nʋ ꞌꞌdu ꞌle -a ꞌke pepe -nɩ ꞌbho ꞌɔ ꞌꞌyigbeyi.

Efɛɛzɩkɔmʋ 1:4 Iomraidhean Croise

Matiee 24:22

-Lagɔ -see ꞌybha nyunyuꞌa ꞌwee ꞌke -gwɛ. ꞌƐ dɩ ɔ ꞌybhaꞌo ɔ ꞌke ɛ-bɛ ꞌkleyeɛɛ ꞌmnɛꞌɛ ꞌwɩ ꞌꞌyiꞌꞌpli. ꞌƆ nyʋ ɔ -zaꞌa ꞌbhoꞌa dɩ, ɔ-ɔ ꞌye ꞌwɩ ꞌꞌyiꞌꞌpli mʋ ꞌle ʋn ꞌke ꞌkleyeɛɛ wɔn ꞌmʋ cɛ.

Matiee 24:24

Nyʋ-ʋ ꞌye-e ꞌmʋ-sɔ -mʋ ꞌle ʋn ꞌke ꞌwa ꞌꞌbhi -Lagɔꞌɔ ꞌBhozayi -ɔ ꞌpʋʋnꞌa nyʋ ꞌla. Ʋn-ʋ ꞌye-e -kaa ꞌlɛ -mʋ, ɛ -se -Lagɔ -zʋ ʋ ꞌbho -ko. -Lrʋʋ-ʋ ꞌye-e -kaa ꞌlɛ -mʋ: -Lagɔꞌɔ wluꞌa ꞌmʋtizamʋ -a ꞌꞌduꞌo. Ɛ -se -Lagɔ lbho ʋbʋ -ko -lrɛɛ. Ʋbʋ ꞌmnʋ, *wɔnkulɩ ꞌka -tɔ na -Lagɔꞌɔ -nʋ ʋn ꞌꞌduꞌo, ʋn-ʋ ꞌye -ɩ -nʋ -mʋ. ꞌKa-a ʋn-ʋ ꞌye -nʋ mʋ, ꞌle, -yʋ -ke ꞌꞌbhi ꞌma-a -Lagɔꞌɔ -nʋ ɔ -zaꞌa ꞌbho, ʋn ꞌke ʋ -tɔɔ ꞌꞌmaa.

Matiee 24:31

Lɛglɩ-ɩ ꞌye-e -wlu -mʋ ꞌle ꞌɩn ꞌke -Lagɔ gboꞌa -dalbhomʋ ꞌbhlɩkpɩꞌa ꞌꞌkete ꞌwee ꞌꞌyi lbho ʋn ꞌke mu, ꞌɔ -nʋ -yʋ ɔ -zaꞌa bho, ꞌle ʋn ꞌke ꞌwa klɛ ꞌla ʋn ꞌke ʋ ꞌꞌlruꞌgbʋʋ.

Matiee 25:34

ꞌle ꞌɩn ꞌke -kaa -yʋ -nɩꞌa ꞌle ꞌan -linasʋ gbo ꞌꞌyiꞌlɛ: A-bʋ ꞌan -tɩta -Lagɔ -wʋnnaꞌa ꞌꞌniti, a yi a ꞌke ꞌle ꞌɔ -kɔmʋꞌa ꞌꞌklumʋ ꞌkpa. Ɔ ꞌka ꞌbhlʋkpa ti-ya, ɔ ꞌtɛ-ɛ aꞌba -kɔkɔɔꞌɔ -gɔlɩ see.

ꞌZaan 10:16

Ʋ-bʋ nyʋ-ʋ -zrɛꞌɛ ꞌꞌklumʋ, -lrʋʋ -nɩꞌe-e -bhla ꞌbho, ꞌɩnnʋ -see ꞌan nyʋ -ko. ꞌƖn ꞌke ʋbʋ -jolʋ gbo po moꞌo -lrɛɛ. -Bho ꞌɩn ꞌlʋ ʋ, ʋn-ʋ ꞌye-e ꞌan wlu -lokui-po -mʋ, ꞌle ʋn ꞌke kpan -lue ꞌtɩnꞌa nyʋ ꞌꞌdu ꞌbho ꞌɩnmɔ ꞌwa -kɔyiꞌa ꞌꞌtroli.

ꞌZaan 15:16

Abʋ -see ꞌbho ꞌɩnmʋ -za, ꞌɩn -ke a ꞌke -na. -Gba! ꞌƖnmɔ nʋ ɛꞌo ꞌle a ꞌke mu ꞌle a ꞌke kplizɩgɩꞌa -dadudu nʋ ꞌꞌkɔmʋkɔmʋ ꞌle nyʋ ꞌke ɩ liꞌye. -Bho ꞌɩn -ke a ꞌꞌsisri ꞌꞌyi a, lɛꞌꞌo lɛ a-a ꞌyeꞌa ꞌan -tɩta ꞌybhaa mʋ ꞌle ꞌan ꞌnynɩ ꞌmʋ, ɔ-ɔ ꞌꞌnyɩ ꞌɛ amʋ-ɛ.

ꞌZaan 17:24

-A ꞌye-e liꞌa, ꞌan -tɩta, -ɩn ꞌꞌnyɩ ꞌʋ ꞌɩnmʋ-ɛ, ꞌle ꞌɩn ꞌbɔꞌɔ ti, -da ꞌɩn-ɩ ꞌyeꞌa -aꞌa ꞌꞌtroli le -yi mʋ, ꞌɩn -ke ʋn ꞌke ꞌbho -nɩ, ꞌle, -ka ꞌan ꞌnynɩ ꞌbhɛꞌɛ ꞌꞌyi, ʋn ꞌke ɩ yibo. -Ɛkedɩmaa, -da -ɩn ꞌka lɩ ꞌwee ti-ya, -ɩn -kmaꞌa-a ꞌan dɩ ꞌle -ɩn ꞌye ꞌɩnmʋ ɛ-bɛ ꞌnynɩꞌa ꞌꞌyibhɛɛɛ ꞌꞌnyɩ.

Nʋnʋkpli 13:48

Nyʋ ꞌmnʋ-ʋ -seꞌa-a ꞌZuifʋ, ʋn ꞌwɩn ꞌɩ ꞌbɔ, ꞌbʋbʋa-a ꞌlbhʋ ʋꞌo ꞌle ʋn-ʋ ꞌbhɛɛꞌɛ -Lagɔꞌɔ ꞌnynɩ ꞌꞌyi. Nyʋ -Lagɔ -zaꞌa ꞌbho ʋn ꞌke ꞌꞌkɔgwlɛtinɩɛ ꞌye a, ꞌle ʋn-ʋ deꞌe Zezii ꞌꞌgwli.

Nʋnʋkpli 15:18

ꞌƖnmɔ, aꞌba -Kɔyi -Lagɔ -tɔ ꞌnɩ-ɩ nyʋ see. Lɛ ꞌɩn-ɩ zaꞌa ꞌmʋ, ꞌɩnnɛ ꞌka-a!

Nʋnʋkpli 18:10

ꞌƖn -ke -ɩn -naꞌo, nyʋ -see -ɩnmʋ nyanɩ ꞌmʋ -kla yi. -Gblee, -gwlɔ -nɛɛ ꞌli, nyʋ-ʋ ꞌyeꞌa ꞌan nyʋ ꞌꞌdu mʋ, ʋn -dieꞌe-e -laa ꞌꞌyi.

ꞌWlɔmʋkɔmʋ 8:33

Nyʋ -yʋ -Lagɔ -zaꞌa ꞌbho a, nyɔ -lrɔɔ se ꞌbhɛɛ ɔ ꞌke ʋ dɩ ꞌꞌyikpa, -ɛkedɩmaa, -Lagɔꞌɔ ꞌꞌbhuo-o zʋ ꞌʋ dɩ ꞌꞌkpi ꞌle ʋn-ʋ ꞌꞌduꞌo ꞌꞌyisrɛɛmʋ ꞌbho ꞌɔ ꞌꞌyigbeyi.

1 Kɔlɛɛtɩkɔmʋ 1:8

A -gblee, -Lagɔꞌɔ ꞌꞌbhuo-o ꞌye amʋ ꞌkpɩ ꞌꞌyi -po mʋ kplokplo ꞌle a ꞌke ɛ ꞌꞌlru-mu ꞌle a ꞌke nyni. ꞌLe, -bho -aꞌba -Kɔyi Zezii Kliisɩ -ka le-e yi a, ꞌbho ꞌmnɔ ɔ, a -see dɩ ꞌꞌyi-kpɛ yi.

Galasiikɔmʋ 5:13

A-bee -mnʋʋ a, ꞌlotʋꞌa ꞌꞌnynuu-a, -Lagɔ ꞌlaꞌa amʋ-ɛ ꞌle a ꞌke ꞌꞌyiflɔnyʋ ꞌꞌdu. Aꞌba ꞌꞌyiflɔɛ ꞌmnɛ, a -de ꞌle ɛ ꞌli ti, aꞌba ꞌnɛ ɛ ꞌꞌyi ꞌle aꞌba nʋ ꞌꞌnyinynidɩ -le! ꞌBho ꞌɛ lemʋ, a kɩkma dɩ ꞌle a ꞌke kpʋkpa!

Galasiikɔmʋ 5:22

ꞌBho ꞌɛ lemʋ, ꞌꞌyrilinmɔlɩzɩgɩ -Lagɔꞌɔ Lisaazuzu-u poꞌa ꞌle nyunyɔꞌɔ -pɔlʋ gbo, ɩ-ɩ ꞌꞌtuu nɔ-oꞌo ꞌle ꞌɔ kplizɩgɩ-ɩ ꞌkpaꞌa ꞌꞌpiemʋ, ɩ kɔkɔɔꞌɔ-ɔ ꞌmɩɩmɩɩtuꞌa ꞌꞌbhuo. ꞌꞌYrilinmɔlɩzɩgɩ ꞌmnɩ, ꞌɩnnɩ ꞌka-a: -Lagɔꞌɔ Lisaazuzu-u ꞌya-a dɩkmɛɛ ꞌle nyunyɔꞌɔ -pɔlʋ gbo, ʋn-ʋ ꞌli-e ꞌbʋbʋa ꞌle ꞌwa -pɔlʋ-ʋ bhluꞌo. Ʋn ꞌku-o ꞌꞌgwli ꞌle ꞌwa ꞌlimʋ -nmɔꞌɔ wɔn ꞌle ʋn -nmɔꞌɔ ꞌgwlʋti ꞌle ꞌwa -cna dɩ li.

Galasiikɔmʋ 5:6

A -gblee, -bho nyɔ -ke Zezii Kliisɩ ꞌꞌsisri ꞌꞌyi, -bho ɔ mu *klɛ ꞌmʋ, -bho ɔ se klɛ ꞌmʋ mu, ꞌɛ -nyna nyɔ ka. Lɛ-ɛ ꞌma-a -zɛgɛ, ꞌɩnnɛ ꞌmo-o -a ꞌde -ɔ ꞌꞌgwli. -Ka -a de ꞌɔ ꞌꞌgwli, -aꞌba -bonyunyuꞌa dɩkmɛɛ-ɛ tɔꞌɔ ꞌna ꞌle -a kɩkmaꞌa -kɩkma dɩ.

Efɛɛzɩkɔmʋ 2:10

ꞌKa-a ɛ -nɩꞌe ꞌmʋꞌa dɩ, ɔ-bɔ -yaꞌa -amʋ ti, ɔ ꞌꞌnyɩꞌe -amʋ tinɩɛlre Zezii Kliisɩꞌa dɩ, ꞌle -a -ke Zezii Kliisɩ ꞌmnɔ ꞌꞌsisriꞌe ꞌꞌyi, ꞌle -a ꞌke ꞌꞌyrilinmɔlɩꞌa nʋnʋa wɔnyiꞌbhɛɛ. Ɛ-bɛ ꞌꞌyrilinmɔlɩꞌa nʋnʋa ꞌmnɛ, -Lagɔ ꞌde -ɛ ꞌbho ti see ꞌle -a ꞌke ꞌle ɛ ꞌmʋ ti-de.

Efɛɛzɩkɔmʋ 3:17

ꞌƖn-ɩ ꞌpo -ɔ wɔn gbo -lrɛɛ, a ꞌde-e *Zezii *Kliisɩ ꞌꞌgwliꞌa dɩ, ꞌle ɔ ꞌke ꞌle aꞌba -pɔlʋ ꞌzɔ -nɩ ꞌꞌkɔmʋ. ꞌƖn-ɩ ꞌpo -ɔ wɔn gbo -lrɛɛ, -ka tu-u bhlaꞌa gbɔ ti ꞌle ꞌɛ ꞌsɩsɩanyɩ-ɩ nymaꞌa ꞌbhlʋkpa ꞌmʋ ꞌꞌklaklakla, ꞌka-a ꞌɔ dɩkmɛɛ ꞌke amʋ ꞌmʋ -nɩ ꞌle a ꞌke dɩ kɩkma, ꞌle, -budu -ke ꞌkpʋ ʋn poꞌa glu, ɛ -ke ɛ ꞌke ꞌꞌyitigʋgɔ -lrɛɛ.

Efɛɛzɩkɔmʋ 4:2

ꞌKa-a ɛ -nɩꞌe ꞌmʋꞌa dɩ a, a -ya aꞌba ꞌꞌbhi ꞌzɔ ꞌle lɛꞌꞌo lɛ ꞌmʋ ꞌle a ꞌke kpli ꞌmʋ -nmɔ, a ꞌke ꞌꞌgwli-ku ꞌle a ꞌke dɩ kɩkma ꞌle a ꞌke wɔnyiꞌbhɩbhɛ.

Efɛɛzɩkɔmʋ 5:2

ꞌKa-a ɛ -nɩꞌe ꞌmʋꞌa dɩ a, ꞌle aꞌba nʋnʋkpli ꞌwee ꞌmʋ a -kma a -bonyunyuꞌa dɩ -ka *Zezii *Kliisɩ -kmaꞌa -aꞌba dɩ ꞌle ɔ ꞌyeꞌa ꞌɔ ꞌꞌbhuo ꞌꞌyitiꞌꞌtayi ɔ ꞌyeꞌa ꞌmɛ -aꞌba dɩ! ꞌƆ ꞌmɛmɛɛ ꞌmnɛ kɔɔꞌɔ-ɔ ꞌsraganmi ʋn-ʋ ꞌꞌnyɩꞌa -Lagɔ -ɛ nʋ ꞌɔ ꞌtʋ.

Efɛɛzɩkɔmʋ 5:27

A -gblee, ɔ ꞌnʋ-o -kaa, ꞌle ɛ -kaa ꞌꞌtɩ liꞌbhle ꞌbho ꞌɔ ꞌꞌyigbeyi ꞌle ꞌɔ ꞌnynɩꞌa ꞌꞌyibhɛnynɩ ꞌke ɛ ꞌꞌkpi -nɩ ꞌle ɛ ꞌke ꞌꞌyrili-nmɔ ꞌle ɛ -kaa ꞌbɩ liꞌbhle ꞌbho -Lagɔꞌɔ ꞌꞌyigbeyi.

Filiipʋkɔmʋ 2:15

ꞌLe aꞌba -pɔlʋ ꞌke -kaa ꞌɔ ꞌꞌsɛ ꞌꞌkpi -nɩ a, a -see ꞌbɩ liꞌbhle yi ꞌle aꞌba dɩ ꞌke ꞌꞌyrili-nmɔ, a ꞌke ꞌɔ ꞌꞌyreetɩzɩgɩ ꞌꞌdu. ꞌLe ꞌnɔɔ ꞌkmʋ ꞌmʋꞌa nyʋ -ke ꞌꞌklumʋ a -nɩꞌa a, ʋn se ꞌꞌyiꞌsrɛɛ ꞌle ꞌwa kpli -nyniꞌe ꞌꞌyrili. ꞌƐ dɩ a, -ka ꞌcʋdrɩ-ɩ fanꞌa ꞌle yaku ꞌꞌyi ꞌle ɩ-ɩ poꞌa nyʋ -jolʋ gbo a, ꞌka-a a ꞌke -nɩ ʋ -bodɩ ꞌle a ꞌke ʋ *Zezii *Kliisɩꞌa ꞌꞌdɩzɩgɩ kpa,

Kolɔsʋkɔmʋ 1:22

ꞌTraamʋ ꞌtɔ ɔ, ꞌmɛmɛɛ ꞌɔ ꞌꞌyu ꞌmnɔ ꞌmɛ -nɩꞌa ꞌbho ɛ-bɛ nyʋyrilbhaatu ꞌꞌyri, ꞌɔ nymɔ-ɔ ꞌwlaꞌa ti, ꞌɩnnɛ -ybhɛ -nɩꞌe amʋ, ꞌle, -bho ɔ -ka le-e yi, a -kaa ꞌbɩ liꞌbhle ꞌbho ꞌɔ ꞌꞌyigbeyi.

Kolɔsʋkɔmʋ 2:2

ꞌƖn-ɩ ꞌnʋ-o -kaa ꞌle a ꞌke ꞌkpɩ ꞌꞌyipopo, a ꞌke dɩ kɩkma ꞌle a ꞌke tikpʋkpʋn. Zezii Kliisɩꞌa ꞌꞌdɩzɩgɩꞌa ꞌꞌkpidɩ -Lagɔ poꞌa ꞌꞌpiemʋ, ꞌɩn ꞌbɔ-ɔ ti a ꞌke ɩ ꞌmʋtiꞌwɔn tenyɩ, a ꞌke ɩ ꞌli ti-de ꞌle -Lagɔ ꞌke amʋ ꞌya dɩ ꞌꞌniti-wʋnna. Ɩ-bɩ ꞌɔ ꞌꞌdɩzɩgɩ ꞌmnɩ, Zezii Kliisɩꞌa ꞌꞌkpidɩ ɩ -zaꞌa ꞌmʋ.

Kolɔsʋkɔmʋ 3:12

A -gblee, ꞌan ꞌlotʋꞌa ꞌꞌnynuu-a, a popo ꞌgwlʋti na -Lagɔ -zaꞌa ꞌbho amʋ-ɛ a ꞌke ꞌɔ nyʋ ꞌꞌdu! Ɔ -kmaꞌa-a aꞌba dɩ -lrɛɛ. ꞌKa-a ɛ -nɩꞌe ꞌmʋꞌa dɩ, a ꞌye nyʋꞌa ngaze, aꞌba ꞌlimʋ -nmɔ wɔn, a -ya aꞌba ꞌꞌbhi ꞌzɔ, a -nmɔ kpli ꞌmʋ ꞌle a ꞌke ꞌꞌgwli-ku!

1 Tesalonikɩkɔmʋ 3:12

-Aꞌba -Kɔyi Zezii nʋ ɛ ꞌle dɩkɩkmɛɛ-ɛ -nɩꞌa amʋ ꞌmʋ ꞌke ꞌꞌyiꞌbhɛ ꞌle ɛ ꞌke amʋ ꞌꞌkpi ꞌpɩple ꞌle a ꞌke ɛ nyʋ ꞌwee -bodɩ nʋ. ꞌKla ꞌmnɔ, ꞌka-a -abʋ nʋꞌo aꞌba dɩ -lrɛɛ.

1 Tesalonikɩkɔmʋ 4:7

A -gblee, -Lagɔ -see -amʋ ꞌla ꞌɔ ꞌꞌyreetɩꞌa kamʋ ꞌle -a ꞌke ꞌꞌwɩlɩ. Ɔ ꞌlaꞌa -amʋ-ɛ ꞌle -a ꞌke ꞌꞌyisrɛɛmʋ ꞌꞌdu ꞌbho ꞌɔ ꞌꞌyigbeyi ꞌle ɔ ꞌke -aꞌba nyɔꞌꞌo nyɔ -kɔ ꞌꞌfɩa ꞌwee.

2 Timotee 1:9

-Ɩn ꞌye li-ɔ, -Lagɔꞌɔ ꞌꞌbhuo-o ꞌpʋʋnꞌo -amʋ ꞌle ɔ ꞌye -amʋ ꞌmʋꞌtɛ -a ꞌke ꞌɔ nyʋ ꞌꞌdu sese ke-ɔ, ꞌle ꞌkmʋ ꞌye tiyi. -Abʋ se ꞌkɩ ɛ ꞌyeka -nɩ, ꞌle ɔbɔ -bodɩ -zɛgɛ ɔ deꞌa ꞌbho ti ɔ ꞌke -amʋ -bodɩ nʋ ꞌle Zezii *Kliisɩ ꞌmʋ, ꞌɛ ꞌꞌyriꞌa ꞌbɩ ꞌwlʋ -nɩꞌo.

2 Timotee 2:10

ꞌKa-a ɩ -nɩꞌe ꞌmʋꞌa dɩ a, ꞌɩn ꞌwɔnꞌo ꞌɩn ꞌke ɛ wɔnyiꞌbhɛɛ. Sɩasɩaa ꞌwee ꞌɩn -nɩꞌa wɔnyenamʋ, nyʋ -Lagɔ ꞌtɛꞌɛ ꞌmʋ ɔ ꞌke -kɔ ɔ, ꞌwa dɩ moꞌo, ꞌle, nyʋ-ʋ deꞌa Zezii Kliisɩ ꞌꞌgwli ꞌle ʋn -ke ɔ-ɔ ꞌꞌsisriꞌa ꞌꞌyi, ꞌpʋnpʋan ꞌbho -Lagɔꞌɔ ꞌꞌyigbeyi, ɔ deꞌa ꞌbho ti ꞌwa dɩ, ʋ-bee -mnʋʋ ꞌke ɛ ꞌye ꞌle ɛ ꞌke ʋ ꞌmʋ ꞌꞌyi ɛ ꞌke tiꞌpɩple ꞌbho ꞌɔ ꞌꞌtroli, ꞌle ꞌɔ ꞌnynɩꞌa ꞌꞌyibhɛɛɛꞌɛ -vlavlɩ ꞌmʋ ʋn -ke Zezii ꞌke -dalue -nɩ ꞌꞌkɔgwlɛka.

2 Timotee 2:19

ꞌBho ꞌmnɔ ɔ, ꞌɔ -glɩgba ɩ-bɩ -tɔtɔlɩzɩgɩ ꞌmnɩ deꞌa ꞌꞌlruti, -bho ꞌɛ nyʋ -kpʋn nɩ ꞌꞌyi, ɛ -nɩꞌe-e gege. ꞌƖnnɛ ꞌbhleꞌe ꞌnynɩꞌa dɩ a, ꞌɛ wluꞌa ꞌmʋyibolɛ ꞌcnɩ-ɛꞌɛ ꞌle ꞌɔ ꞌꞌbɔgʋ ꞌli, ɛ na: -Aꞌba -Kɔyi yiboꞌo-o nyʋ-ʋ ꞌma-a ꞌɔ -nʋ, ꞌle ɛ na -lrɛɛ: Nyɔꞌꞌo nyɔ-ɔ paꞌa -aꞌba -Kɔyi li, ꞌɔ nyɔtu ple ꞌꞌnyinynidɩ li!

Zaakɩ 2:5

ꞌAn dɩkmalotʋꞌa ꞌꞌnynuu-a, a po -lokui! Nyʋꞌa -dadudu-u ꞌꞌlrɛꞌɛ ꞌbho ꞌwa -bonyunyuꞌa ꞌꞌyigbeyi a, -Lagɔ -zʋ ꞌʋ ꞌbho -lrɛɛ ʋn ꞌke ɔ ꞌꞌgwlide ʋn ꞌke ꞌɔ nyʋ ꞌꞌdu, ꞌle ꞌɔ ꞌꞌnitiwʋnnasʋ ꞌke ʋ ꞌꞌkpi ꞌpɩple. Nyʋ-ʋ -kmaꞌa ꞌɔ dɩ, ɔ na ꞌka-a ɔ ꞌke ʋ -bodɩ nʋ.

1 ꞌPiɛlɩ 1:2

ꞌAn ꞌlotʋꞌa ꞌꞌnynuu-a, -ka aꞌba tinɩɛ-ɛ ꞌyeꞌa ꞌmʋtinɩnɩ mʋ ꞌle nyaka, ɔ yibo nɩ-oꞌo see ꞌle ɔ ꞌye ꞌbho amʋ -za a ꞌke ꞌɔ nyʋ ꞌꞌdu. Ɔ -zaꞌa ꞌle-e amʋ nyʋꞌa ꞌꞌklumʋ, ꞌle ɔ ꞌye ꞌbho amʋ tide, ꞌle, -ka ꞌɔ -pɔlʋ ꞌybhaꞌa ꞌtɩn, *ꞌɔ Lisaazuzu -nɩꞌa amʋ ꞌmʋ ꞌle -ɔ ꞌꞌnyɩꞌa amʋ wɔnkuɛ, ɔ ꞌke -kaa amʋ -jolʋ gbo po ꞌle a ꞌke *Zezii Kliisɩ ꞌbho ꞌꞌdu, ꞌle, ꞌɔ nymɔ-ɔ ꞌwlaꞌa ti ꞌbho ꞌɔ ꞌmɛnamʋ, ɛ ꞌke amʋ zetie ꞌle aꞌba ꞌꞌnyinynidɩ ꞌmʋ ꞌle a ꞌke *liꞌsaa ꞌbho -Lagɔꞌɔ ꞌꞌyigbeyi. Ɔ nʋ amʋ -zɛgɛ ꞌꞌlruli ꞌle ɔ ꞌke amʋ -pɔlʋꞌa bhlubhlua ꞌꞌnyɩ ꞌle ɩ -nɩ ꞌsɔn ꞌke ꞌꞌkpiꞌkpa tenyɩ!

1 ꞌPiɛlɩ 1:20

-Da -Lagɔ ꞌka lɩ ꞌwee ti-ya, ɔ -nɩꞌe-e ti ꞌle ɔ ꞌye ɔ ꞌbho -za see, ɔ ꞌye ɔ kpɔ -cɛ ꞌɔ lbhʋꞌa dɩ. Ɔ ꞌke amʋ ꞌpʋʋnꞌa ꞌꞌlru ꞌꞌyi ɔ ꞌꞌtayi ꞌnɔ ꞌꞌyiti ꞌtraamʋ ꞌtɔ, ꞌle *-lebhɔɔnɔɔ ꞌli, ꞌle ɔ ꞌye ꞌnɔɔ ꞌkmʋ ꞌmʋ yi,

1 ꞌPiɛlɩ 2:9

Ɛ -nɩꞌa -kaa ꞌmʋ a, a-bee -mnʋʋ ꞌmo-o nyʋ -aꞌba -Kɔyi -Lagɔ -cɛꞌɛ kpɔ ɔ ꞌke -kɔ, ꞌle a ꞌke ꞌɔ bʋbɔmʋ ꞌꞌdu. Ɔ -zaꞌa-a amʋ ꞌle ꞌꞌnyinynidɩꞌa -kuyre ꞌmʋ ꞌle ɔ ꞌye zɔ -ya ꞌle aꞌba -pɔlʋ ꞌzɔ ꞌle a ꞌye ꞌɔ ꞌꞌdɩzɩgɩ ꞌwɔɔn, ɔ ꞌye amʋ tinɩɛlre ꞌꞌnyɩ, ꞌle, lɩklɩgbɩ ɔ-ɔ nʋꞌa, a ꞌke ɩ nyʋ -bodɩ ꞌmʋ-za.

2 ꞌPiɛlɩ 3:14

ꞌAn dɩkmalotʋꞌa ꞌꞌnynuu-a, ꞌɛ dɩ ꞌɩn-ɩ ꞌtmʋʋꞌo amʋ, -bho a -ka ɛ-bɛ -nɔɔ ꞌmnɛ wɔn-ɔfuo, a po ꞌle ꞌkpɩ, ꞌle, -bho ɛ nyni a, a -kaa ꞌbɩ liꞌbhle ꞌbho ꞌɔ ꞌꞌyigbeyi ꞌle aꞌba -pɔlʋ ꞌke bhlu ꞌbho ꞌɔ ꞌꞌyigbeyi -lrɛɛ.

1 ꞌZaan 4:16

-A-bʋ Zeziiꞌa nyʋ, -ka -Lagɔ -kmaꞌa -aꞌba dɩ, -a yibo nɩ-oꞌo, -a ꞌye ɩ ꞌwɔɔn ꞌle -a ꞌye ɩ ꞌli ti-de. -Lagɔ ꞌbhleꞌe dɩkɩkmɛɛꞌɛ ꞌꞌlru kwa. Nyɔ-ɔ -deꞌa ꞌle ɔ -bonyunyɔꞌɔ dɩkmɛɛ ꞌmʋ ti a, ɔ -ke -Lagɔ ꞌꞌsisriꞌe-e ꞌꞌyi.

ꞌꞌDukuyrilizadɩ 13:8

ꞌkmʋ ꞌmʋꞌa nyʋ-ʋ ꞌma-a ꞌꞌnyinynidɩꞌa nʋmʋ, ʋn-ʋ ꞌye -ɛ bʋbɔ -mʋ. Ʋ-bʋ nyʋ ꞌmnʋ, nyʋ-ʋ -nɩꞌa ti ꞌbho -Lagɔꞌɔ ꞌꞌyigbeyi, ꞌɔ ꞌꞌbɔgʋ -ke ꞌli ꞌwa ꞌnynɩ ꞌcnɩ-ɛꞌɛ, ʋn-ʋ ꞌmo-o -yʋ -ke ꞌnynɩ-ɩ -seeꞌa ꞌle ꞌɛ ꞌlimʋ ꞌcnɩ-ɛ. A -gblee, ɩ-bɩ ꞌnynɩ ꞌmnɩ, -da -Lagɔ -seeꞌa -bhla ꞌkmʋ ti-ya ke, ꞌbho-o ɩ ꞌcnɩ-ɛ -nɩꞌo see. A ꞌye li-ɔ, ɛ-bɛ ꞌꞌbɔgʋ ꞌmnɛ, *-Lagɔꞌɔ ꞌBhozayi -ɔ ꞌpʋʋnꞌa nyʋ, -ɔ kɔɔꞌɔ *ꞌsragamʋzabhlabhlɛ, nyʋ ꞌlbhaꞌa -bɛnyɩ, ɔ ꞌyeꞌa ꞌmɛ, ꞌɩnnɔ -kɔ nɛꞌo -lrɛɛ.

ꞌꞌDukuyrilizadɩ 17:8

Ɛ-bɛ nmi -ɩn ꞌyeꞌa li, ɛ -nɩ ꞌko-o ti -bɛnyɩ. ꞌTraamʋ ꞌtɔ ɔ, ɛ ꞌmɛ-oꞌo. Ɛ -nɩꞌa -kaa ꞌmʋ, ɛ-ɛ ꞌye-e ꞌmɛnynɔɔ ꞌmʋ -sɔ -mʋ, ꞌle ɛ ꞌke -dogwigbaa ꞌli ꞌwlʋ, ɛ ꞌke ꞌꞌpiemʋ ꞌda. -Bho ɛ ꞌda -kaa a, ꞌle -Lagɔ ꞌke ɛ ti-za. -Gblee, -da -Lagɔ -seeꞌa -bhla ꞌkmʋ ti-ya ke, nyʋ-ʋ -nɩꞌa ti ꞌbho ꞌɔ ꞌꞌyigbeyi, ɔ ꞌcnɩ-e ꞌwa ꞌnynɩ ꞌle ꞌɔ ꞌꞌbɔgʋ ꞌli. Nyʋtɔlʋ -ke -nɩ -seeꞌa ꞌle ꞌɛ ꞌlimʋ ꞌcnɩ-ɛ, -bho ʋn ꞌye ɛ-bɛ nmi ꞌmnɛ li, wɔn-ɔ ꞌye -ʋ ti-ma -mʋ. -Ɛkedɩmaa, ɛ -nɩ ꞌko-o ti -bɛnyɩ ꞌle ɛ ꞌye ꞌtraamʋ ꞌmɛ ꞌle ɛ-ɛ ꞌye glu -sɔ mʋ ꞌwla ꞌle ɛ ꞌke ꞌkmʋ ꞌmʋ le yi.