Eblee 6:3 - Nyaboa (Nyabwa)

³ A yibo nɩ-oꞌo see. A zi ɩ ꞌtɔ li! ꞌƖnnɛ ꞌbhleꞌe ꞌnynɩꞌa dɩ, ꞌɩn-ɩ ꞌye ꞌtɔ amʋ -Lagɔꞌɔ wlu -lrɩɩ -tɔ mʋ. ꞌLe ꞌɔ wɔnkuɛ ꞌmʋ, ɔ-ɔ ꞌye-e -amʋ -kpa -mʋ ꞌle ꞌɩn ꞌke ɩ -tɔ -ka -zɛgɛka ꞌle a ꞌke ɩ ꞌmʋtiꞌwɔn, a ꞌke ɩ ꞌꞌlru-mu -nɩ.

Eblee 6:3 Iomraidhean Croise

ꞌWlɔmʋkɔmʋ 15:32

A bhade -Lagɔ li, -bho ɩ ꞌꞌdu ꞌɔ ꞌgwlʋdɩ, ꞌɩn ꞌke ꞌle a gbo nyni ꞌle ꞌbʋbʋa ꞌmʋ ꞌle ꞌɩn ꞌke ꞌwɩ gbɩ nʋ ꞌle aꞌba ꞌꞌklumʋ ꞌle ꞌkpɩ ꞌke ꞌɩnmʋ ꞌꞌyi le yi!

1 Kɔlɛɛtɩkɔmʋ 16:7

A -gblee, bhʋ -yɛɛ ꞌɩn ꞌbhleꞌa -laa kwa, ꞌɩn -see ꞌybha ꞌɩn ꞌke amʋ zikabhɩ ya ꞌye -nɩ. -Bho ɛ ꞌꞌdu -aꞌba -Kɔyiꞌa ꞌgwlʋdɩ ꞌle ɔ ꞌke ɛ ꞌwɔɔn ɔ, ꞌꞌlemnɩɩ, ꞌɩn-ɩ ꞌzi-e ꞌbho amʋ gbo ꞌwɩ.

1 Kɔlɛɛtɩkɔmʋ 4:19

ꞌƖn-ɩ ꞌtmʋʋꞌo amʋ-ɛ, ꞌɩn-ɩ yiꞌe ꞌle-ɛ, ꞌle, -bho ɩ ꞌꞌdu -aꞌba -Kɔyiꞌa ꞌgwlʋdɩ a, ꞌan yiyinɔɔ -see ꞌmʋ-tɛ yi. ꞌLe, -bho ꞌɩn nyni ꞌle a, nyʋ-ʋ ꞌbhɛɛꞌɛ ꞌwa ꞌꞌbhi ꞌꞌyi, -bho -Lagɔꞌɔ wɔnkuɛ -nɩ nʋ ꞌmʋ -ziaka, ꞌɩn ꞌke ɩ ꞌye ꞌle ꞌɩn ꞌke ɩ ꞌꞌyrili-gwɛ. ꞌƖn -see ꞌwa wɔnyitiꞌa wlu ꞌnynɩ ꞌꞌsiꞌa!

Eblee 6:4

Ɛ -nɩꞌa -kaa ꞌmʋ a, -bho nyɔ ꞌwɔn -Lagɔwlu ꞌbɔ, -bho ɔ kpʋn ɛ ti -daan, ꞌle ɔ ꞌke ɛ ꞌꞌyitiꞌꞌtayi, ɔ-bɔ nyɔ ꞌmnɔꞌɔ -zigle ꞌku-o wɔn tenyɩ. -Ɛkedɩmaa, -Lagɔ yaꞌa zɔ ꞌle nyunyuꞌa -pɔlʋ ꞌzɔ, ɔ yibo nɔ-oꞌo. Ɔ ꞌꞌnyɩ -ɔ *ꞌɔ Lisaazuzu. Ɔ -wʋnna ꞌnɔ-ɔ ꞌꞌniti ꞌle lɩꞌa -dadudu ꞌmʋ. -Ka -Lagɔwlu ꞌꞌduꞌa lɛzɛgɛ, ꞌɔ nyɔtu yibo nɩ-oꞌo, ꞌle, -ka Zezii Kliisɩ kuꞌa wɔn ꞌle ɔ-ɔ ꞌꞌnyɩꞌa nyʋ ꞌꞌkɔgwlɛtinɩɛ, ɔ ꞌꞌduꞌo ꞌya yiboɛ wɔn -lrɛɛ. Ɩ-bɩ lɩ ꞌmnɩ, ɔ yibo nɩ -kaa-ɔ, ꞌle ɔ ꞌye -Lagɔwlu kwa gbo -za. -Bho nyɔ nʋ -kaa, ɛ kɔkɔɔꞌɔ-ɔ -ka ɔ ꞌlbha -nɩꞌa -Lagɔꞌɔ ꞌꞌyu Zezii ꞌbho ꞌɔ tu ꞌꞌyri -lrɛɛke ꞌle ɔ-ɔ ꞌꞌpli ꞌɔ ꞌꞌyi ꞌbho nyʋꞌa ꞌꞌyigbeyi. -Bho nyɔ ꞌwlʋ ꞌkɩ -kaa ꞌbho -Lagɔꞌɔ -jeyi, ɔ se ꞌtɔ ꞌbhɛɛ ꞌle ɔ ꞌke ꞌꞌyiflɔɛ ꞌye ꞌle ɔ ꞌke ꞌɔ ꞌꞌnyinynidɩ ꞌꞌyiyibo ꞌle ɔ ꞌke ɔ gbo ꞌꞌbhiti -lrɛɛ.

Zaakɩ 4:15

ꞌƐ dɩ, -bho a -de ti, a nʋ: -Bho ɛ ꞌꞌdu -Lagɔꞌɔ ꞌgwlʋdɩ ꞌle ɔ ꞌke ꞌwɔn, -a ꞌke ti-nɩ, -a ꞌye-e lɛ -nɛɛ -nʋ -mʋ.