Eblee 5:8 - Nyaboa (Nyabwa)

⁸ Ɔ-ɔ ꞌmo-o -Lagɔꞌɔ ꞌꞌyu -ziaka. Ɛ -nɩꞌa -kaa ꞌmʋ a, lɛ-ɛ ꞌma-a ꞌkleyeɛɛ, ɔ ꞌye -ɛ wɔn, ꞌle, -ka ɔ ꞌꞌdu ꞌɔ ꞌbho ꞌle lɩ ꞌwee ꞌmʋ, nyʋ ꞌke ɩ yibo.

Eblee 5:8 Iomraidhean Croise

Filiipʋkɔmʋ 2:8

Ɔ -yaꞌa ꞌɔ ꞌꞌbhuo ꞌzɔ ɔ, ɔ ꞌꞌdu-o ꞌbho -Lagɔ. ꞌƆ -Lagɔꞌɔ ꞌbhoduɛɛ ꞌmnɛ mu-oꞌo ɛ ꞌye ꞌɔ ꞌmɛmɛɛ ꞌꞌkpi bhla, -ka, -bho ꞌgbokobhleyi ꞌmɛ ꞌbho nyʋyrilbhaatu ꞌꞌyri ngazeka, ꞌwa ꞌlɔ ꞌɔ lɛ, ꞌɛ ꞌꞌnyinynimɛmɛɛtu ɔ ꞌwɔɔnꞌo.

ꞌZaan 4:34

ꞌLe ɔ na: Lililɛ ꞌmna-a ꞌꞌsiꞌa -laa ꞌnynɩ, ꞌɛ ꞌzɔ ꞌmo-o, -Lagɔ lbhoꞌa ꞌɩnmʋ, ꞌɩn ꞌke ꞌɔ ꞌgwlʋdɩ nʋ, ꞌle, lbhʋ ɔ ꞌꞌnyɩꞌa ꞌɩnmʋ, ꞌɩn ꞌke ɛ ꞌꞌyigwɛ.

ꞌZaan 15:10

-Ka ꞌɩn-ɩ nʋꞌa ꞌan -tɩtaꞌa ꞌgwlʋdɩ, ꞌle ꞌɩn -ke ɔ ꞌyeꞌa ꞌꞌyiꞌꞌsisri, ꞌle ꞌɩn ꞌke ꞌɔ dɩkmɛɛ ꞌmnɛ ꞌmʋ ti-de, -ka -lue ꞌmnɔ, ꞌka-a, -bho a nʋ ꞌan ꞌgwlʋdɩ -lrɛɛ, ꞌle a se -aꞌba ꞌꞌyisriidɩ ꞌbhɔ, ꞌle a ꞌke ꞌan dɩkmɛɛ ꞌmnɛ ꞌmʋ ti-de.

ꞌZaan 6:38

A ꞌye li-ɔ, -Lagɔ lbhoꞌa ꞌɩnmʋ ꞌnɔɔ ꞌkmʋ ꞌmʋ, ꞌɩn ꞌke ꞌɔ ꞌgwlʋdɩ nʋꞌa dɩ ꞌɩn -sɔꞌɔ yaku ꞌli, ꞌle ꞌɩn ꞌye yi. Ɛ -se ꞌan nɛꞌɛ dɩ -ko.

Eblee 1:8

A -gblee, -yɛ ꞌma-a ꞌɔ ꞌꞌyuꞌa damʋ, ɩ ꞌcnɩ-ɛꞌo na: -Ɩnmɔ ꞌmo-o -Lagɔ. -Aꞌa lɩꞌa -kɔkɔɔ -see ꞌꞌtiinamʋ ꞌbhle yi. -Aꞌa nyʋꞌa -kɔkɔɔ ꞌsrɛɛꞌɛ-ɛ ꞌꞌyi.

Eblee 1:5

A -gblee, -Lagɔꞌɔ ꞌꞌbhuo-o ꞌtmʋʋ nɔꞌo na: -Ɩnmɔ ꞌmo-o ꞌan ꞌꞌyu. -Zɩannamʋ, ꞌɩn-ɩ tɔ ꞌnɛ-ɛ nyʋ ꞌꞌyi, ꞌle ʋn ꞌke ɩ yibo. Ɛ -nɩꞌa -kaa ꞌmʋ a, ɔ gboꞌa -dalbhoyi -lue ꞌtɩn ɔ ꞌka -kaa ꞌꞌyiꞌlɛ, ɔ se -nɩ. Ɔ -see ꞌwa -lueꞌa ꞌꞌkpidɩ ꞌmʋ-za ke -lrɛɛ ꞌle ɔ ꞌke-e nʋ, na: ꞌƖn-ɩ ꞌye-e ꞌɔ -tɩta ꞌꞌdu -mʋ ꞌle ɔ ꞌke ꞌan ꞌꞌyu ꞌꞌdu. Zeziiꞌa ꞌꞌsɛꞌɛ ꞌꞌkpidɩ ɔ -zaꞌa ꞌmʋ ꞌle ɔ ꞌye -kaa ꞌlɛ.

Matiee 3:15

ꞌLe Zezii na: ꞌWɔɔn nɛ! ꞌKa-a ɛ ꞌke ꞌmʋ-nɩ -tanyɩke-ɔ, ꞌle, lɛꞌꞌo lɛ -Lagɔ ꞌybhaaꞌa -amʋ, -a ꞌke ɛ ꞌꞌyi-nynia. ꞌLe ꞌZaan ꞌye ɛ ꞌwɔɔn, ɔ ꞌye ɔ batizee.

Eblee 1:2

ꞌBho ꞌɛ ꞌꞌkpi ꞌtɔ ɔ, *-lebhɔɔnɔɔ -ke ꞌli -a -nɩꞌa ꞌtraamʋ, ꞌɔ ꞌꞌyu *Zezii *Kliisɩ ɔ -zi -nɩꞌe ꞌmʋ, ꞌle ɔ ꞌye -amʋ ꞌtmʋʋ. ꞌƖnnɔ ɔ -zi -nɩꞌe ꞌmʋ -lrɛɛ ꞌle ɔ ꞌye ꞌkmʋ ti-ya. Ɔ-bɔ -lue ꞌmnɔ, ꞌɩnnɔ ɔ -zaꞌa ꞌbho -lrɛɛ, ɔ -ke ɔ ꞌke lɩ ꞌwee -kɔ.

ꞌZaan 10:18

ꞌAn ꞌꞌbhuoꞌa ꞌgwlʋ-ʋ ꞌwɔɔnꞌɔ dɩ, ꞌɩn-ɩ ꞌye ꞌmɛ mʋ. -Bho ɛ -se -mnɛɛ ɛ, nyɔ se ꞌbhɛɛ ɔ ꞌke ꞌɩnmʋ ꞌlbha. ꞌAn -tɩta ꞌꞌnyɩ-e ꞌɩnmʋ wɔnkuɛ. ꞌƖn ꞌbhɛɛꞌo ꞌɩn ꞌke ꞌmɛ ꞌle ɔ ꞌke ꞌɩnmʋ glu -za, ꞌɩn ꞌke ti-nɩ -lrɛɛ. Lɛ ꞌɩn ꞌka nʋ -ɛ -ke dɩ ɔ ꞌtmʋʋꞌa ꞌɩnmʋ, ꞌɩnnɛ ꞌka-a.