Eblee 4:2 - Nyaboa (Nyabwa)

² A -gblee, -ka -aꞌba ꞌꞌna ꞌꞌwe ꞌwɔnꞌɔ -Lagɔꞌɔ ꞌꞌdɩzɩgɩ ꞌbɔ -bɛnyɩ, ꞌka-a -abʋ-ʋ ꞌwɩn ꞌɩ ꞌbɔ ꞌtraamʋ -lrɛɛ, ꞌle ɛ-bɛ wlu ꞌmnɛ -see ʋ -kpa ʋn ꞌke ꞌꞌyiflɔɛzɛgɛ ꞌmnɛ ꞌye, -ɛkedɩmaa, ʋn -see ɛ lɛ ꞌla.

Eblee 4:2 Iomraidhean Croise

Nʋnʋkpli 13:46

Ʋn nʋꞌa -kaa a, ꞌPɔlʋ -ke Banabaasɩ -cɛꞌɛ-ɛ ꞌꞌyrili ꞌle ʋn-ʋ ꞌtmʋʋ nʋꞌo: A-bʋ -Lagɔꞌɔ wlu ꞌmnɛ ꞌke -bodɩ ꞌmʋ-zɛ -tanyɩ. A -see ɛ ꞌwɔɔnꞌɔ dɩ a, a se ꞌꞌkɔgwlɛtinɩɛꞌɛ ꞌyeyekpli ti-nɩꞌa dɩ, nyʋ-ʋ -seꞌa-a ꞌZuifʋ gbo -a ꞌye -mu -nɩ mʋ.

Nʋnʋkpli 3:26

-Antanyɩ aꞌba dɩ -Lagɔ -yaꞌa ꞌnɔɔ ꞌɔ lbhʋzeyi ꞌle ɔ ꞌye amʋ ꞌꞌyiꞌdaa ꞌle ɔ ꞌke amʋ ꞌꞌniti-wʋnna. ꞌLe ꞌɔ aꞌba ꞌꞌnitiwʋnnɛɛ ꞌmʋ, ꞌle-e ɔ ꞌke amʋ lbhʋ ꞌmʋ -nʋ -nɩ ꞌle a ꞌke aꞌba ꞌꞌnyinynidɩꞌa dɩ ꞌbhɔ -lue -lue.

ꞌWlɔmʋkɔmʋ 2:25

-Ziadɩ moꞌo, a-bʋ ꞌZuifʋ, a ꞌꞌdu-o *klɛmʋmumʋ ꞌwee; ɛ-ɛ ꞌtɔ-ɔ nyʋ na, a-a ꞌmo-o -Lagɔꞌɔ nyʋ. -Bho a -ka ꞌɔ gba ꞌꞌyi-ikpʋn, ꞌꞌlemnɩɩ, ɛ-ɛ ꞌmu-o ꞌꞌyrigbɔ, ꞌle, -bho aꞌba -kpʋn nɛ ꞌꞌyi, aꞌba klɛmʋmuɛ-ɛ ꞌkpaꞌa ꞌplʋ. Nyɔ-ɔ -see ꞌɛ nʋ, nyɔ ꞌbhɛɛꞌo ɔ ꞌke ɔ amʋ ꞌꞌyi-zrɛ -nɩ.

ꞌWlɔmʋkɔmʋ 3:3

Ɛ -nɩꞌa ꞌtɔ -kaa ꞌmʋ a, ꞌwa ꞌꞌklumʋꞌa nyʋtɔlʋ -see ꞌɔ wlu ꞌmnɛ ꞌwɔɔn. -Bho a-bee -mnʋʋ popo ꞌgwlʋti ꞌle, -Lagɔ ꞌke -ziadɩꞌa dɩ ꞌbhɔ maꞌa?

1 Kɔlɛɛtɩkɔmʋ 13:3

-Ɩn ꞌbhɛɛꞌo -ɩn ꞌke -Lagɔꞌɔ dɩ ꞌꞌdu, lɩ ꞌwee -ɩn ꞌbhleꞌa a, -ɩn ꞌke ɩ ꞌꞌpʋanmʋ ꞌꞌyitiꞌgblee ꞌꞌfɩa, ꞌle -ɩn ꞌke ꞌɔ dɩ ꞌꞌdu -ɩn ꞌke sin, -ɩn ꞌke ꞌmɛ ɛ, -bho -ɩn se -ɩn -bonyunyɔꞌɔ dɩkmɛɛ ꞌmʋꞌbhle a, -ɩn -see ꞌbho lɛ ꞌyee yi.

Galasiikɔmʋ 3:2

A po -lokui, ꞌɩn ꞌke amʋ lɛ -lue -nɛɛ tidede. Lɛ ꞌmnɛ, ꞌɩnnɛ ꞌka-a: A ꞌka -Lagɔꞌɔ Lisaazuzu ꞌye ꞌle, aꞌba ꞌꞌbhiꞌa ꞌmʋtikukuɛ a ꞌpɛɛꞌɛ ꞌmʋ, ꞌɩnnɛ ꞌꞌnyɩ ꞌɛ amʋ-ae -ale Zeziiꞌa ꞌꞌdɩzɩgɩ a ꞌwɔnꞌɔ ꞌbɔ ꞌle a ꞌye ꞌɔ ꞌꞌgwlide, ꞌɩnnɛ nʋ ꞌɛ?

Galasiikɔmʋ 3:8

Wlu -ɛ ꞌcnɩ-ɛꞌɛ ꞌle -Lagɔꞌɔ ꞌꞌbɔgʋ ꞌli -tanyɩ, ɛ na: -Bho ꞌwla, ꞌZuifʋ-e nyʋ-ʋ -seꞌa-a ꞌZuifʋ, ʋn -nɩ ꞌwee, ʋn ꞌde-e -Lagɔ ꞌꞌgwliꞌa dɩ, ɔ-ɔ ꞌye ʋ ꞌꞌyisrɛɛmʋ -po mʋ ꞌbho ꞌɔ ꞌꞌyigbeyi. ꞌƖnnɛ ꞌbhleꞌe ꞌnynɩꞌa dɩ, ɩ-bɩ ꞌꞌdɩzɩgɩ ꞌmnɩ, -da Ablaamʋ ꞌwɩn ꞌɩ ꞌbɔ, ꞌya ꞌꞌyriꞌa ꞌbɩ -see -bhla ꞌwlʋ ke, ꞌle -Lagɔ na: ꞌLe -ɩn ꞌmʋ ꞌɩn-ɩ ꞌye -zi -nɩ mʋ ꞌle ꞌɩn ꞌke ꞌbhlɩkpɩ ꞌwee ꞌꞌniti-wʋnna.

Galasiikɔmʋ 4:13

A-a popo ꞌgwlʋti ꞌnɩ? ꞌAn ꞌle amʋ gboꞌa ꞌꞌyizanɔɔ ꞌꞌyi ꞌɩn ꞌka amʋ Zeziiꞌa ꞌꞌdɩzɩgɩ -tɔ ɔ, ꞌꞌlemnɩɩ yakalɩ -nɩꞌe ꞌɩnmʋ ꞌꞌkpi. ꞌƐ dɩ ꞌɩn ziꞌe ꞌbho a gbo ꞌwɩ -dudu.

1 Tesalonikɩkɔmʋ 1:5

A ꞌye li-ɔ, ꞌle *-Lagɔꞌɔ Lisaazuzuꞌa wɔnkuɛ ꞌmʋ -a -yaꞌa amʋ Zeziiꞌa ꞌꞌdɩzɩgɩ. -A yiboꞌo-o ꞌꞌdɩ ꞌmnɩ ꞌmo-o -ziadɩ. Ɩ -se wlufɔfʋ -ko. -A -nɩꞌa ꞌle aꞌba ꞌꞌklumʋ, kpli -yɩ -a -tɔꞌɔ, -ka ɩ ꞌka amʋ -zɩgɩ -bodɩ nʋ ꞌle a ꞌke ꞌpʋn ꞌbho -Lagɔꞌɔ ꞌꞌyigbeyi, a yiboꞌo-o ꞌna.

1 Tesalonikɩkɔmʋ 2:13

-A ꞌpo-o aꞌba dɩ -Lagɔ ꞌsɛɛ -wlɛɛwlɛɛ, Zeziiꞌa ꞌꞌdɩzɩgɩ-ɩ ꞌwlʋꞌa ꞌle -Lagɔ gbo -a -zaꞌa amʋ -bodɩ ꞌmʋ, a ꞌwɩn ꞌɩ ꞌbɔ ɔ, a ꞌwɔɔn nɩ-oꞌo. ꞌƐ dɩ a deꞌe ꞌꞌgwli ꞌꞌdɩzɩgɩ ꞌmnɩ ꞌwlʋ-o -Lagɔ gbo -ziaka ꞌle a -see ɛ nyunyuꞌa wlu ꞌꞌyi-zrɛ -nɩ. ꞌƐ wɔnkuɛ -ke ɛ -naꞌa a, ɛ-ɛ ꞌnʋ-o a-bʋ Zeziiꞌa ꞌꞌgwlidemʋ lbhʋ ꞌmʋ.

1 Timotee 4:8

-Ɩn ꞌye li-ɔ, -bho nyɔ -ka ple -zɔɔ, ꞌɔ nmi-i yibo-o ꞌbho ti ꞌle ɛ-ɛ nmɔꞌɔ ꞌꞌyrili. Ɛ -nɩꞌa ꞌtɔ -kaa ꞌmʋ-ɔ, -ka -Lagɔꞌɔ wlu ꞌlɛꞌɛ ꞌtɩn, nyɔ-ɔ -ke -dedekpli -nɩꞌa -kaa, ɛ-ɛ kpa nɔ-oꞌo tenyɩ ꞌle ꞌɔ tinɩɛꞌɛ klɛ ti ꞌle lɛꞌꞌo lɛ ꞌmʋ. ꞌLe, tinɩɛzɛgɛ-ɛ seꞌa ꞌꞌtiinamʋ ꞌbhle, -ka ɔ ꞌye ꞌɛ ɛ, ꞌɔ ꞌꞌbhuo yiboꞌo ꞌna.

Eblee 11:6

Kɩn, -ziadɩ moꞌo. -Bho nyɔ -see -Lagɔ ꞌꞌgwlide, ꞌɔ kpli se ꞌbhɛɛ, ɩ ꞌke ɔ ꞌtʋ nʋ. A -gblee, nyɔ-ɔ ꞌbɔꞌɔ ti ɔ ꞌke *-Lagɔ wɔn gbo po, ɔ ꞌwɔn na, ɔ -nɩꞌe-e ti -ziaka, ꞌle, nyʋ-ʋ ꞌbɔꞌɔ ti ʋn -ke ɔ ꞌke ꞌꞌyiꞌꞌsisri, ɔ-ɔ nʋ ꞌʋ -zɛgɛ ꞌꞌlruli.

Eblee 3:12

ꞌAn ꞌlotʋꞌa ꞌꞌnynuu-a, a ꞌꞌdu aꞌba ꞌꞌbhi ꞌꞌyrili ꞌle nyɔ -kaa ꞌle aꞌba ꞌꞌklumʋ ꞌwlʋ, ɔ -kaa ꞌɔ -pɔlʋꞌa ꞌꞌyikmuɛꞌɛ dɩ ꞌꞌdu, -Lagɔ ꞌbhleꞌa tinɩɛ, ɔ -kɔɔ ɔ ꞌꞌkpi-tbhɛ ꞌle ꞌɔ ꞌꞌnyinynidɩ ꞌmnɩ ꞌmʋ.

Eblee 4:6

A -gblee, ꞌlotʋꞌa ꞌꞌnynuu-a, -aꞌba ꞌꞌna ꞌꞌwe-e ꞌwɔnꞌɔ ꞌɔ ꞌꞌdɩzɩgɩ ꞌbɔ -bɛnyɩ, ꞌwa dɩ ɔ -zrɛꞌo, -ɛkedɩmaa, ʋn -see ɔ ꞌꞌgwlide ꞌle ʋn -see ꞌɔ wlu ꞌmnɛ ꞌbho ꞌꞌdu -lrɛɛ. ꞌƐ dɩ, -bho -Lagɔ nʋ na ʋn -see ꞌle ꞌbhlʋkpa ꞌmnɛꞌɛ ꞌꞌkpi tiꞌꞌsi yi, ꞌɛ ꞌzɔ ꞌmo-o nyʋ -lrʋʋ-ʋ ꞌye-e ꞌɔ ꞌꞌyiflɔɛzɛgɛ ꞌye -mʋ.

Zaakɩ 1:21

ꞌƐ dɩ, lɛꞌꞌo lɛ-ɛ ꞌma-a ꞌꞌnyinynidɩ ꞌbho -Lagɔꞌɔ ꞌꞌyigbeyi, a ple ɛ li! A -nmɔ kpli ꞌmʋ, ꞌle, -Lagɔꞌɔ wlu a ꞌwɔnꞌɔ ꞌbɔ, -ɛ poꞌa ꞌkpʋ glu ꞌle amʋ ꞌmʋ, a ꞌꞌdu ɛ ꞌbho! Ɛ-bɛ wlu ꞌmnɛ ꞌbhle-e wɔnkuɛ ꞌmʋ, aꞌba ꞌpʋnpʋan a ꞌyeꞌa ꞌbho -Lagɔꞌɔ ꞌꞌyigbeyi, ꞌle ɛ ꞌke ɛ nʋ a ꞌke ɛ ꞌli ti-de ꞌꞌkɔmʋ.

1 ꞌPiɛlɩ 1:12

-Lagɔꞌɔ ꞌꞌbhuo-o ꞌtmʋʋ nʋꞌo na, ɛ -se ꞌbho ꞌwa -nɔɔ ꞌꞌyi ɩ ꞌke -nʋ-ɛ -nɩ -ko. ꞌBho aꞌba -nɔɔ ꞌꞌyi ɩ-ɩ ꞌye -zi -nɩ mʋ. ꞌTraamʋ -bhla a, nyʋ-ʋ ꞌma-a Zeziiꞌa ꞌꞌdɩzɩgɩꞌa -zamʋ, ʋn-ʋ ꞌzɩ -ɩ amʋ -bodɩ ꞌmʋ. A -gblee, -Lagɔ -nɩꞌa ꞌle yaku ꞌli, ꞌɔ Lisaazuzu ɔ po ꞌʋ -jeyi, ꞌɩnnɔ zi nɩ ꞌnʋ ꞌmʋ ꞌle ʋn-ʋ wluꞌo. ꞌLe, ɩ-bɩ ꞌꞌdɩzɩgɩ ꞌmnɩ, ɔ gboꞌa -dalbhomʋꞌa ꞌꞌbhi-i ꞌbɔꞌɔ ti tenyɩ -lrɛɛ, ʋn ꞌke ɩ ꞌmʋtiꞌwɔn.