Eblee 3:7 - Nyaboa (Nyabwa)

⁷ ꞌAn ꞌlotʋꞌa ꞌꞌnynuu-a, ꞌka-a ɛ -nɩꞌe ꞌmʋꞌa dɩ a, -ka *-Lagɔꞌɔ Lisaazuzu ꞌlɛꞌɛ, a nʋ -kaa! Ɔ na: -Bho a ꞌwɔn -zɩanꞌa ꞌꞌbhuo -Lagɔꞌɔ wlu ꞌbɔ ɔ,

Eblee 3:7 Iomraidhean Croise

Matiee 17:5

Wlu ꞌmnɛ ꞌꞌsri ꞌle ꞌPiɛlɩꞌa wɔn ꞌmʋ, ꞌmʋkudruku-u vlanꞌa ꞌwlʋ-o ꞌle yaku ꞌli, ɛ ꞌye ꞌwa klɛ -zuzu ꞌꞌlruꞌꞌjri. Wlu -lue-e ꞌwlʋꞌa ꞌle -druku ꞌmnɛ ꞌmʋ, ɛ na: ꞌAn ꞌꞌyuꞌa ꞌdɛ -lue -ke dɩ ꞌɩn -kmaꞌa, ꞌɩnnɔ ꞌka-a. Ɔ ꞌmʋ ꞌɩn-ɩ poꞌo ꞌan ꞌbʋbʋaꞌa klɛ. ꞌƖnnɔ ꞌmo-o Zezii. A po ɔ -lokui!

Matiee 22:43

Ɔ na: ꞌLe ɛ-bɛ wlu ꞌmnɛꞌɛ ꞌzɔꞌɔ ꞌnynɩ -mɛꞌɛ? Ɔ-bɔ Daviidɩ ꞌmnɔꞌɔ ꞌꞌbhuo *-Lagɔꞌɔ Lisaazuzu ꞌtmʋʋ nɔ-oꞌo, ɔ ꞌye wlu -nɛɛ ꞌcnɩ:

Maakɩ 12:36

ꞌLe, ɛ-bɛ wlu ꞌmnɛ, ꞌɛ ꞌzɔꞌɔ ꞌnynɩ -mɛꞌɛ? Ɔ-bɔ Daviidɩ ꞌmnɔꞌɔ ꞌꞌbhuo, *-Lagɔꞌɔ Lisaazuzu ꞌtmʋʋ nɔ-oꞌo ɔ ꞌye wlu -nɛɛ ꞌcnɩ: ꞌAn -Kɔyi -Lagɔ ꞌtmʋʋꞌo -kaa ꞌan -Kɔyi: -Zi -laa ꞌan ꞌꞌtroli -ɩn ꞌke ti-de ꞌle ꞌɩn ꞌke -aꞌa tʋꞌa nyʋ wɔn-zi.

ꞌZaan 10:16

Ʋ-bʋ nyʋ-ʋ -zrɛꞌɛ ꞌꞌklumʋ, -lrʋʋ -nɩꞌe-e -bhla ꞌbho, ꞌɩnnʋ -see ꞌan nyʋ -ko. ꞌƖn ꞌke ʋbʋ -jolʋ gbo po moꞌo -lrɛɛ. -Bho ꞌɩn ꞌlʋ ʋ, ʋn-ʋ ꞌye-e ꞌan wlu -lokui-po -mʋ, ꞌle ʋn ꞌke kpan -lue ꞌtɩnꞌa nyʋ ꞌꞌdu ꞌbho ꞌɩnmɔ ꞌwa -kɔyiꞌa ꞌꞌtroli.

ꞌZaan 10:27

ꞌAn nyʋ-ʋ ꞌpo-o ꞌɩnmʋ -lokui. ꞌƖn yibo nʋ-oꞌo, ꞌɩn-ɩ ꞌpo -ʋ -jolʋ gbo ꞌle ꞌwa tinɩɛ ꞌmʋ ꞌle ꞌɩn -ke ʋn-ʋ naꞌo.

ꞌZaan 10:3

-Bho ꞌgbeꞌa lifuoyi ꞌye ɔ li a, ɔ-ɔ kati ꞌnɩ-ɩ wɔn ꞌꞌyi, ꞌle, -yɩ ꞌma-a ꞌɔ -nɩ a, ɩ-ɩ po ꞌɔ -lokui, ɔ-ɔ ꞌlaa ꞌnɩ ꞌya ꞌnynɩ ꞌmʋ -lue -lue, ꞌle ɔ-ɔ kpɩ ꞌɩ tilinamʋ.

ꞌZaan 5:25

-Ziadɩ ꞌɩn-ɩ zaꞌa amʋ -bodɩ ꞌmʋ -lrɛɛ, -nɔɔ -lue-e -nɩꞌe nyninamʋ, ꞌle ɛ ꞌꞌdu-ɛꞌɛ wɔn see, ꞌle, nyʋ-ʋ ꞌmɛꞌɛ ꞌbho -Lagɔꞌɔ ꞌꞌyigbeyi, ʋn ꞌke ꞌɩnmɔ ꞌɔ ꞌꞌyuꞌa wlu ꞌbʋꞌwɔn, ꞌle, -yʋ po ꞌɛ -lokui, ʋn ꞌke ꞌꞌkɔgwlɛtinɩɛzɛgɛ ꞌye.

Nʋnʋkpli 1:16

ꞌAn ꞌlotʋꞌa ꞌꞌnynuu-a, lɛ *-Lagɔꞌɔ Lisaazuzu -zaꞌa ꞌmʋ ꞌle -Lagɔbɔgʋ ꞌli, -ka ɩ ꞌka ꞌmʋ-nɩ ꞌtɩn, ꞌka-a ꞌɛ ꞌꞌyriꞌa ꞌbɩ ꞌye-ɛꞌɛ -laa. Ɔ -zi -nɩꞌe-e ꞌɔ wluꞌa ꞌmʋtizayi *Daviidɩ ꞌmʋ, Zidaa -tɔꞌɔ Zezii nyʋ da ʋn ꞌye ꞌɔ kpʋn, ꞌle ɔ ꞌye ꞌɔ ꞌꞌkpidɩ ꞌmʋ-za see.

Nʋnʋkpli 28:25

-Gblee, ʋn -nɩꞌa -jeyi ꞌkpanamʋ a, ʋn cɩcɛꞌɛ ꞌmʋ-ɛ, ꞌwa wlu se ꞌmʋꞌbhɛɛ, ꞌle ꞌPɔlʋ na: Wlu *-Lagɔꞌɔ Lisaazuzu -zi -nɩꞌa -Lagɔꞌɔ wluꞌa ꞌmʋtizayi *Ezayii ꞌmʋ,

Nʋnʋkpli 8:29

ꞌLe *-Lagɔꞌɔ Lisaazuzu na: Filiipʋ, nyni koko ꞌmnɛ li!

Eblee 10:15

*-Lagɔꞌɔ Lisaazuzuꞌa ꞌꞌbhuo-o ꞌwɔɔn-ɔ ɩ-bɩ wlu ꞌmnɩ ꞌꞌkpi. ꞌƐ dɩ ɔ nʋꞌo:

Eblee 3:13

Zɔ -ke ꞌli -a -nɩꞌa -zɩan, -Lagɔ ꞌbɔ-ɔ ti ɔ ꞌke -amʋ ꞌtmʋʋ. ꞌKa-a ɛ -nɩꞌe ꞌmʋꞌa dɩ, zɔꞌꞌo zɔ ꞌli, a popo ꞌkpɩ ꞌꞌyi ꞌle a ꞌke ꞌɔ wlu -lokuipo, ꞌle ꞌꞌnyinynidɩꞌa tiyayi *Sataan -kaa amʋ ꞌꞌyrabha ꞌmʋ ꞌlbha ꞌle ɔ -kaa amʋ ꞌꞌnyinynidɩ wɔnpo ꞌbho -Lagɔꞌɔ ꞌꞌyigbeyi ꞌle a -kaa ꞌɔ wlu ꞌmʋcɛ ꞌle aꞌba -pɔlʋ -kaa ꞌꞌkpleku!

Eblee 3:15

A ꞌye li-ɔ, ꞌɩn na ꞌtraamʋ, ɩ ꞌcnɩ-ɛꞌɛ-ɛ ꞌle -Lagɔꞌɔ ꞌꞌbɔgʋ ꞌli, na: -Zɩanꞌa ꞌꞌbhuo, -bho nyɔ ꞌwɔn -Lagɔꞌɔ wlu ꞌbɔ ɔ, ɔ ꞌwɔɔn nɛ! ꞌƆ -kmu ꞌɔ -pɔlʋ ꞌꞌyi -le! -Ka aꞌba ꞌꞌna ꞌꞌwe ꞌwɔnꞌɔ ꞌɔ wlu ꞌbɔ -bɛnyɩ ꞌle ʋn -see ꞌɛ ꞌbho ꞌꞌdu, aꞌba nʋ -kaa -le!

Eblee 4:7

-Aꞌba ꞌꞌna ꞌꞌwe ꞌmnʋ, -ʋ ꞌmɛ -nɩꞌa ꞌle ꞌꞌmusa ꞌꞌkpi, -Lagɔꞌɔ lbhʋnʋyi *Zozue-e poꞌo ꞌwa ꞌꞌyreetɩ -jolʋ gbo ꞌle ʋn ꞌye ꞌle *Kanaabhlʋkpa ꞌꞌkpi mu. Ɛ -nɩꞌa -kaa ꞌmʋ a, ɔ -see ʋ ꞌꞌyiflɔɛzɛgɛ ꞌꞌnyɩ, -ɛkedɩmaa, ʋn -gwle ꞌle-ɔ, ꞌle, -aꞌba ꞌꞌna *Daviidɩ ꞌma-a ꞌbhlʋkpayowli, -Lagɔ ꞌye ɔ ꞌmʋ -zi -nɩ, ɔ ꞌye -wlu ꞌle ɔ na: -Bho a ꞌwɔn -zɩanꞌa ꞌꞌbhuo -Lagɔꞌɔ wlu ꞌbɔ ɔ, aꞌba -kmu -pɔlʋ ꞌꞌyi -le! A ꞌwɔɔn nɛ! A -gblee, -bho -Lagɔ ꞌlɛ -kaa, ɛ-ɛ tɔ-oꞌo na ʋn -see -bhla ꞌꞌyiflɔɛzɛgɛ ꞌye ke. ꞌƐ kamʋ ɔ-ɔ ꞌꞌnyɩ ꞌʋ ꞌꞌyiflɔɛ ꞌꞌkɔmʋ, ʋn ꞌke ꞌɔ wlu ꞌbʋꞌwɔn, ʋn ꞌke ɛ ꞌbho ꞌꞌdu ꞌle ɔ ꞌke ʋ ꞌꞌyiflɔɛzɛgɛ ꞌmnɛ ꞌꞌnyɩ.

Eblee 9:8

A -gblee, ɛ-bɛ gbedeti ꞌmnɛ, ꞌꞌdi ꞌsɔn ʋn ꞌꞌduꞌa ꞌle ꞌɛ ꞌlimʋ, ɩ ꞌbhle-e ꞌzɔ. *-Lagɔꞌɔ Lisaazuzu -tɔ ꞌnɛ -amʋ. ꞌƖnnɛ ꞌmo-o, -ka nyʋ-ʋ bʋbɔꞌɔ -Lagɔ ꞌle ꞌɔ -dena ꞌmnɛ, ɛ -se ꞌɩnnɛ ꞌke ɛ nʋ ꞌle ɔ -ke ʋn ꞌke ꞌꞌyiꞌꞌsisri -ko -ka -zɛgɛka.

2 ꞌPiɛlɩ 1:21

Wlu ꞌwee ʋn -zaꞌa ꞌmʋti, ɩ -see ꞌwa ꞌꞌbhi ꞌmʋ ꞌwlʋ. -Lagɔ ɩ ꞌwlʋꞌo ꞌmʋ, ꞌle ꞌɔ Lisaazuzu ꞌye ʋ ꞌꞌtuu ꞌle ʋn ꞌye ɩ ꞌmʋ-za.

ꞌꞌDukuyrilizadɩ 3:20

A ꞌye li-ɔ, ꞌꞌyi -lue -lrɛɛ ꞌɩn-ɩ poꞌo amʋ: ꞌBho nyɔꞌꞌo nyɔꞌɔ -buduwɔn ꞌꞌyi ꞌɩn-ɩ nynaꞌa ti ꞌle ꞌɩn-ɩ ꞌlɔ ɔꞌo. -Bho ɔ ꞌwɔn ꞌan wlu ꞌbɔ, ꞌle ɔ ꞌke ꞌbho kati, ꞌɩn-ɩ ꞌpa-a ꞌle ɔ gbo ꞌle ꞌɩn -ke ɔ-ɔ sisriꞌe sʋ gbo.