Eblee 3:1 - Nyaboa (Nyabwa)

¹ ꞌKa-a ɛ -nɩꞌe ꞌmʋꞌa dɩ, ꞌan ꞌlotʋꞌa ꞌꞌnynuu-a, ꞌle -Lagɔ ꞌye amʋ ꞌbho -za, a ꞌke ꞌɔ nyʋ ꞌꞌdu. *Zezii ɔ lbhoꞌa ꞌnɔɔ -amʋ gbo ɔ ꞌke -amʋ ꞌɔ ꞌꞌdɩzɩgɩ -ya, -ɔ ꞌꞌsiꞌa ꞌbho -ɔ ꞌꞌduꞌa ꞌɔ ꞌsragazayiklagba, a ꞌꞌdu ɔ ꞌꞌyrili! Lɩ -a deꞌa ꞌꞌgwli, -a zaꞌa nyʋ -bodɩ ꞌmʋ, ɔ-bɔ Zezii -ke ꞌꞌkpidɩ ɩ-ɩ zaꞌa ꞌmʋ, ꞌɔ nymɔ ꞌwla-a ti ꞌle ɔ ꞌye ꞌmɛ. -Aꞌba *ꞌsraga ɔ -zaꞌa -kaa, ꞌɩnnɛ zetieꞌe -amʋ ꞌle -aꞌba ꞌꞌnyinynidɩ ꞌmʋ ꞌle -a -ke -Lagɔ ꞌye -ybhɛ.

Eblee 3:1 Iomraidhean Croise

ꞌZaan 17:3

-Ɩnmɔ ꞌma-a -Lagɔzɛgɛ -ɔ -ke ꞌdɛ -nɩꞌa -lue -ke ꞌɩnmɔ Zezii *Kliisɩ, -ɩn lbhoꞌa ꞌnɔɔ ꞌkmʋ ꞌmʋ, -aꞌba ꞌwa yiboɛ ꞌmo-o ꞌwa ꞌꞌkɔgwlɛtinɩɛꞌɛ ꞌyeyea.

ꞌZaan 20:21

ꞌLe ɔ na -lrɛɛ: A ꞌye -pɔlʋꞌa bhlubhlua! -Ka ꞌmna-aꞌa -tɩta -Lagɔ -yaꞌa ꞌɩnmʋ ꞌnɔɔ ꞌkmʋ ꞌmʋ a, ꞌka ꞌmnɔ ꞌka-a ꞌɩn-ɩ lbhoꞌo amʋ ꞌle ꞌbhlɩkpɩ ꞌꞌkpi a ꞌke -Lagɔꞌɔ ꞌꞌdɩzɩgɩ ꞌmʋ-za.

ꞌZaan 20:27

ꞌLe ɔ na Tomaa -bodɩ: -Gbʋ ꞌnɔɔ ꞌan -kʋtɩgwlʋ, sro sʋ -ɩn ꞌke ꞌya fanɩ liꞌtʋ. Sro sʋ -ɩn ꞌke ꞌan gbɩzɔ liꞌtʋ -lrɛɛ. -Ka ꞌɩn -sɔꞌɔ glu ꞌle ꞌɩn ꞌyeꞌa ti-nɩ -lrɛɛ, de ꞌna ꞌꞌgwli! -Aꞌa -pɔlʋꞌa -kmu ꞌtɔ ꞌꞌyi -le!

Nʋnʋkpli 1:15

Ʋ-bʋ ꞌyeeꞌa *Zeziiꞌa dɩ -ziadɩ ꞌmʋ, -ʋ ꞌgbʋʋꞌa ꞌꞌlru zɔ ꞌmnɩ ꞌzɔ, ʋn -nɩꞌe-e -gwlɩ -mɛɛlo. ꞌPiɛlɩ -sɔꞌɔ ꞌmʋ, ɔ na:

ꞌWlɔmʋkɔmʋ 11:17

-Lolotu ʋn-ʋ ꞌlaꞌa oliviee, -bho nyɔ -lo nɛ ꞌle -kpaa ꞌmʋ ꞌle ɔ ꞌke ꞌɛ ꞌꞌkleitɔlʋ cɛ ɛ, ꞌka-a *Izrayɛɛlɩkɔmʋ -nɩꞌo, ꞌle a-bʋ -seꞌa-a ꞌZuifʋ kɔɔꞌɔ ꞌkwlaoliviee. -Bho nyɔ ꞌꞌluo ꞌkwlazɔtu ꞌmnɛꞌɛ ꞌꞌklei ꞌmʋ, ꞌle, -lolotuꞌa ꞌꞌklei -cɛꞌɛ ꞌꞌyi, -ɩn ꞌke ɩ ꞌbho ꞌya ꞌbɩ ꞌmʋ ꞌnɛɛ, ꞌꞌlemnɩɩ -lolotu ꞌmnɛꞌɛ ꞌsɩsɩanyɩ-ɩ ꞌꞌnyɩ ꞌɩ ꞌꞌni ꞌle ɩ-ɩ ꞌbhʋaꞌo.

ꞌWlɔmʋkɔmʋ 15:27

Ʋn ꞌybha-oꞌo ʋn ꞌke lɛ ꞌmnɛ nʋ -pɔlʋꞌa klɛ ti, -ɛkedɩmaa, *ꞌZuifʋ ꞌma-a Zeziiꞌa nyʋ ꞌbho Zelizalɛɛmʋ, ꞌwa dɩ nyʋ-ʋ -seꞌa-a ꞌZuifʋ-ʋ deꞌe Zezii ꞌꞌgwli -lrɛɛ. ꞌƐ dɩ ꞌZuifʋꞌa kpa -nɩꞌe nyʋ-ʋ -seꞌa-a ꞌZuifʋ ꞌꞌkpi. Ɛ-bɛ dɩ ꞌmnɛꞌɛ dɩ, -bho nyʋ-ʋ -seꞌa-a ꞌZuifʋ ꞌꞌluo ꞌwa lɩzɩgɩ ꞌmʋ ꞌle ʋn ꞌke ꞌZuifʋ ꞌjɛ ꞌꞌlrulinʋ a, ɛ -nmɔꞌɔ-ɔ ꞌꞌyrili.

ꞌWlɔmʋkɔmʋ 15:8

A ꞌye li-ɔ, -ka Zezii Kliisɩ ꞌꞌduꞌa *ꞌZuifʋꞌa lbhʋnʋyi ꞌbho -Lagɔꞌɔ ꞌꞌyigbeyi, ꞌɩnnɛ tɔꞌɔ -ka -Lagɔꞌɔ ziziaꞌa wlu ꞌꞌyi. Lɩ ɔ ꞌꞌduꞌa -aꞌba ꞌꞌna ꞌꞌwe wɔn ꞌmʋti -bɛnyɩ, ꞌle ɔ ꞌye ʋ wlu ꞌꞌkpiticɛ ɛ, ꞌbho ɔ-bɔ Kliisɩ ꞌꞌkpi ꞌya ꞌꞌyriꞌa ꞌbɩ ꞌwlʋ -nɩꞌo.

ꞌWlɔmʋkɔmʋ 9:24

-Ka -lue ꞌmnɔ, ꞌka-a ɔ ꞌlaꞌa -amʋ -lrɛɛ ꞌle -a ꞌke ꞌɔ nyʋ ꞌꞌdu. ꞌLe ɛ -se *ꞌZuifʋꞌa ꞌꞌsɛꞌɛ ꞌꞌklumʋ ɔ ꞌla nyʋ -ko. Ɔ ꞌla-a nyʋ-ʋ -seꞌa-a ꞌZuifʋꞌa ꞌnynɩgboꞌa nyʋ -lrɛɛ.

1 Kɔlɛɛtɩkɔmʋ 10:17

ꞌKa-a ɛ -nɩꞌe ꞌmʋꞌa dɩ, -a -nɩ ꞌwee, -a-bʋ ꞌꞌduꞌa ꞌɔ nyʋ, -bho koo -a -die ꞌmʋ, nyɔ -lue ꞌtɩn -a ꞌꞌduꞌo. -Ɛkedɩmaa, ꞌꞌflɔɔ -lue ꞌtɩn -aꞌba ꞌwee cɩcɛꞌɛ ti, -a ꞌgbleꞌe ꞌmʋ, ꞌle nyɔꞌꞌo nyɔ-ɔ kpaꞌa ꞌɔ nɛ.

1 Kɔlɛɛtɩkɔmʋ 9:23

A ꞌye li-ɔ, ɩ-bɩ lɩ ꞌwee ꞌɩn-ɩ nʋꞌa, ꞌɩn-ɩ nʋ -ɩꞌo ꞌle Zeziiꞌa ꞌꞌdɩzɩgɩ ꞌke ba, ꞌle, nyʋ-ʋ ꞌwɔɔn ꞌnɩ, -Lagɔ ꞌke ʋ ꞌɩnmʋ ꞌgbaa ꞌle ɔ ꞌke -amʋ ꞌꞌniti-wʋnna.

2 Kɔlɛɛtɩkɔmʋ 1:7

ꞌKa-a ɛ -nɩꞌe ꞌmʋꞌa dɩ -a deꞌe ꞌꞌgwli na, aꞌba ꞌꞌgwlideɛ -see -denɩ ꞌmʋ -sɔ yi. -Bho -a -ke a -plɛ ꞌkleyeɛɛ ꞌmʋ, -a ꞌde-e ꞌꞌgwli -lrɛɛke na, -ka -Lagɔ-ɔ kpaꞌa -amʋ, ꞌka-a ɛ ꞌꞌduꞌo aꞌba lɛ -lrɛɛ.

2 Kɔlɛɛtɩkɔmʋ 9:13

Ɛ-bɛ ꞌjɛ ꞌmnɛ, ꞌɩnnɛ ꞌke nyʋ -tɔ na aꞌba ꞌlimʋ -nmɔꞌɔ-ɔ wɔn. ꞌLe ɛ ꞌke ɛ nʋ, ꞌle, Zeziiꞌa ꞌꞌdɩzɩgɩ a-a zaꞌa ꞌmʋ, -ka a -de ꞌnɩ ꞌli ti ꞌle a-a ꞌꞌduꞌa ꞌbho -Lagɔ, -bho ʋn ꞌye aꞌba ꞌꞌyisrɛɛkpli ꞌmnɩ li, ʋn ꞌke ꞌya dɩ -Lagɔꞌɔ ꞌnynɩ ꞌꞌyiꞌbhɛɛ. Ʋn -ke nyʋ -lrʋʋꞌa -dadudu, a ꞌꞌnyɩ -ʋ mɔni -yobooꞌa dɩ, ʋn-ʋ ꞌye ꞌɔ ꞌnynɩ ꞌꞌyiꞌbhɛɛ mʋ -lrɛɛ.

Efɛɛzɩkɔmʋ 3:6

A ꞌye li-ɔ, ꞌɔ ꞌꞌkpidɩ -ke ꞌꞌyriꞌa ꞌbɩ-ɩ ꞌwlʋꞌa a, ꞌɩnnɩ ꞌka-a: -Zɩgɩ -Lagɔ nʋꞌa *ꞌZuifʋ ꞌꞌlruli, a-bʋ -seꞌa-a ꞌZuifʋ, a-bee -mnʋʋ -see ɛ ꞌmʋ-bɔ yi -lrɛɛ. A-bee -ke ꞌZuifʋ ꞌpa-a kpan -lue ꞌli. -Zɛgɛ ɔ deꞌa ꞌbho ti, nyʋ-ʋ -ke Zezii Kliisɩ ꞌꞌsisriꞌa ꞌꞌyi, ɔ nʋꞌa ɔ ꞌke ʋ ꞌꞌnyɩ, ꞌle abʋ ꞌke aꞌba nɛ ꞌye -lrɛɛ. ꞌLe Zezii ꞌmnɔꞌɔ ꞌꞌdɩzɩgɩ ꞌmʋ, ꞌle-e ɛbɛ ꞌmnɛ ꞌwlʋꞌo.

Efɛɛzɩkɔmʋ 4:1

Ɩ -nɩꞌa ꞌtɔ -kaa ꞌmʋ-ɔ, ꞌɩnmɔ -yɔɔ ɔ, -aꞌba -Kɔyi *Zezii *Kliisɩꞌa ꞌꞌdɩzɩgɩ ꞌɩn-ɩ zaꞌa ʋn ꞌꞌdu ꞌɛ dɩ ʋn poꞌa ꞌɩnmʋ -jie ꞌmʋ, a-bee -mnʋʋ, ꞌɩn-ɩ ꞌpo-o amʋ ꞌkpa ꞌꞌyi. -Lagɔ ꞌlaꞌa amʋ ꞌle a ꞌyeꞌa ꞌbho ꞌɔ -jeyi ꞌkpa, kpli-i ꞌkɔ ɔ ꞌtʋ nʋ, a nʋ ɩ!

Efɛɛzɩkɔmʋ 4:4

A -gblee, ꞌɩn -zɩ ꞌɩ ꞌmʋ-ɛ, -ɛkedɩmaa, -Lagɔꞌɔ Lisaazuzu -nɩꞌe-e -lue ꞌtɩn, ꞌɩnnɔ -nɩꞌe ꞌle amʋ ꞌmʋ, ꞌɔ dɩ a ꞌꞌduꞌo nyɔ -lue. -Ka -lue ꞌmnɔ, ꞌka-a ꞌꞌkɔgwlɛtinɩɛ ꞌbho -Lagɔꞌɔ ꞌꞌtroli a -deꞌa -pɔlʋ ꞌꞌyi -nɩꞌe -lue ꞌtɩn. A ꞌke ɛ ꞌyeꞌa dɩ -Lagɔ ꞌlaꞌa amʋ.

Kolɔsʋkɔmʋ 1:12

A -gblee, ꞌnɔɔ -aꞌba -tɩta -Lagɔ -nɩꞌa yaku ꞌli, ꞌꞌnyinynidɩꞌa -lue komu se ꞌle -nɩ. ꞌLe ꞌmnɔ, ꞌle-e ɔ-ɔ fuo nɩꞌe ꞌɔ nyʋ wɔn ɔ ꞌke ʋ -zɛgɛ ꞌꞌlrulinʋ. A-bʋ -ke -jolʋ ɔ katiꞌa ꞌꞌyi, a ꞌke ɔ ꞌle -yɛ ꞌle a ꞌke -zɛgɛ ꞌmnɛ ꞌye, a po ɔ ꞌsɛɛ!

Kolɔsʋkɔmʋ 1:22

ꞌTraamʋ ꞌtɔ ɔ, ꞌmɛmɛɛ ꞌɔ ꞌꞌyu ꞌmnɔ ꞌmɛ -nɩꞌa ꞌbho ɛ-bɛ nyʋyrilbhaatu ꞌꞌyri, ꞌɔ nymɔ-ɔ ꞌwlaꞌa ti, ꞌɩnnɛ -ybhɛ -nɩꞌe amʋ, ꞌle, -bho ɔ -ka le-e yi, a -kaa ꞌbɩ liꞌbhle ꞌbho ꞌɔ ꞌꞌyigbeyi.

Kolɔsʋkɔmʋ 3:12

A -gblee, ꞌan ꞌlotʋꞌa ꞌꞌnynuu-a, a popo ꞌgwlʋti na -Lagɔ -zaꞌa ꞌbho amʋ-ɛ a ꞌke ꞌɔ nyʋ ꞌꞌdu! Ɔ -kmaꞌa-a aꞌba dɩ -lrɛɛ. ꞌKa-a ɛ -nɩꞌe ꞌmʋꞌa dɩ, a ꞌye nyʋꞌa ngaze, aꞌba ꞌlimʋ -nmɔ wɔn, a -ya aꞌba ꞌꞌbhi ꞌzɔ, a -nmɔ kpli ꞌmʋ ꞌle a ꞌke ꞌꞌgwli-ku!

1 Tesalonikɩkɔmʋ 2:12

-A ꞌpo-o amʋ ꞌkpa ꞌꞌyi, ꞌle, -Lagɔ ꞌlaꞌa amʋ, a ꞌyeꞌa ꞌle ꞌɔ -kɔmʋꞌa ꞌꞌklumʋ ꞌkpa ꞌle a -ke ɔ ꞌke ꞌɔ nyʋꞌa -kɔkɔɔꞌɔ ꞌnynɩꞌa ꞌꞌyibhɛɛɛ ꞌli -plɛ, aꞌba -nanabhʋ ꞌke ɔ ꞌtʋ nʋ.

1 Tesalonikɩkɔmʋ 5:27

ꞌLe -aꞌba -Kɔyi Zeziiꞌa ꞌnynɩ ꞌmʋ, ꞌɩn-ɩ ꞌtri -ɛ -jiɛ ꞌꞌkpi ti, a -zrɛ -nɩ ꞌꞌbɔgʋ -nɛɛ ꞌbho ꞌwa ꞌweeꞌa ꞌꞌyigbeyi!

2 Tesalonikɩkɔmʋ 1:11

ꞌKa-a ɛ -nɩꞌe ꞌmʋꞌa dɩ a, -Lagɔ -a -ke a-a bʋbɔꞌɔ, -a po ꞌɔ wɔn gbo aꞌba dɩ -wlɛɛwlɛɛ. -A bhade ꞌnɔ-ɔ li ꞌle ɔ ꞌke amʋ ꞌmʋ lbhʋ nʋ ꞌꞌkɔmʋ ꞌle aꞌba nʋnʋkpli ꞌke ɔ ꞌtʋ nʋ -ka -zɛgɛka, ꞌle, -ka ɔ ꞌlaꞌa amʋ, a -ke ɔ ꞌke -dalue -nɩ ꞌle ɔ ꞌke amʋ -kɔ ꞌle a ꞌke ꞌɔ ꞌnynɩ ꞌꞌyiꞌbhɛɛ ꞌꞌkɔmʋ, ɔ ꞌke amʋ ꞌꞌyitiwa, a -nmɔꞌɔ-ɔ ꞌna ꞌꞌyiti. -A bhade ꞌnɔ-ɔ li -lrɛɛ, ꞌle ꞌɔ wɔnkuɛ ꞌmʋ ɔ ꞌke amʋ -kpa, ꞌle, lɩzɩgɩ ꞌwee a ꞌybhaꞌa a ꞌke nʋ a, ꞌle lbhʋ a-a nʋꞌa a de ꞌɔ ꞌꞌgwliꞌa dɩ, a ꞌke ɩ nʋ.

2 Tesalonikɩkɔmʋ 2:14

A ꞌke ꞌɔ nyʋ ꞌꞌduꞌa dɩ ɔ ꞌlaꞌa amʋ. -Aꞌba -Kɔyi Zezii *Kliisɩꞌa ꞌꞌdɩzɩgɩ -a -zaꞌa amʋ -bodɩ ꞌmʋ a, ɔ -zi -nɩꞌe-e ꞌle ɩ ꞌmʋ ꞌle ɔ ꞌye -kaa nʋ. Ɔ ꞌybha-oꞌo a -ke ɔ ꞌke -dalue -nɩ ꞌꞌkɔmʋ, ꞌle, -ka ꞌɔ ꞌnynɩ ꞌbhɛꞌɛ ꞌꞌyi a, aꞌba ꞌnynɩ ꞌke ꞌna ꞌꞌyiꞌbhɛ -lrɛɛ.

1 Timotee 6:12

-Gblee, -bho -ɩn -nɩ -kaa a, -ka nyɔ-ɔ pleꞌa ꞌle ɔ ꞌke ꞌnynɩ ꞌwlʋ a, -ka -lue ꞌmnɔ ɔ, ꞌka-a -ɩn ꞌke ꞌle ꞌkpɩ po ꞌle -ɩn ꞌke lbhʋzɛgɛ nʋ ꞌbho -Lagɔjeyi, ꞌle -ɩn ꞌke -aꞌa ꞌɔ ꞌꞌgwlideɛ ꞌli ti-de -ka -zɛgɛka. Yibo ꞌꞌkɔgwlɛtinɩɛ ꞌle -ɩn ꞌke ꞌle ꞌɛ -ziadɩ ꞌli ti-de -lrɛɛ! ꞌƖnnɩ -ɩn ꞌke nʋꞌa dɩ -Lagɔ ꞌlaꞌa -ɩnmʋ. Ɩ-bɩ -zɩgɩ ꞌmnɩ, ꞌɩnnɩ -ɩn -zaꞌa ꞌmʋ ꞌbho nyʋꞌa -daduduꞌa ꞌꞌyigbeyi.

1 Timotee 6:2

ꞌLe, ꞌgenynuukpɩɩn -ke -kɔmʋ ꞌma-a Zeziiꞌa nyʋ -lrɛɛ ɛ, ʋn -ke ʋn ꞌꞌduꞌo ꞌlotʋꞌa ꞌꞌnynuu ꞌle Zezii Kliisɩ ꞌmʋ; ɛ -se ꞌɛ dɩ ʋn ꞌke ꞌꞌdu ꞌle ʋn ꞌke ʋ -flɛflɛ -kpʋn -ko, ʋn ꞌke ʋ ꞌbho ꞌꞌdu moꞌo. ꞌLe ʋ-bee -mnʋʋ gbo a, ʋn nʋ ꞌwa lbhʋ -ka -zɛgɛka, -ɛkedɩmaa, ꞌwa -kɔmʋ ʋn ꞌꞌsriꞌa ꞌꞌyi, ʋn-ʋ ꞌmo-o Zeziiꞌa nyʋ, -Lagɔ -kmaꞌa-a ꞌwa dɩ! Timotee, lɩ-ɩ ꞌkʋ ʋ ꞌkpa ꞌꞌyi po -ɩn ꞌkʋ ʋ -tɔ ɔ, ꞌɩnnɩ ꞌka-a!

2 Timotee 1:9

-Ɩn ꞌye li-ɔ, -Lagɔꞌɔ ꞌꞌbhuo-o ꞌpʋʋnꞌo -amʋ ꞌle ɔ ꞌye -amʋ ꞌmʋꞌtɛ -a ꞌke ꞌɔ nyʋ ꞌꞌdu sese ke-ɔ, ꞌle ꞌkmʋ ꞌye tiyi. -Abʋ se ꞌkɩ ɛ ꞌyeka -nɩ, ꞌle ɔbɔ -bodɩ -zɛgɛ ɔ deꞌa ꞌbho ti ɔ ꞌke -amʋ -bodɩ nʋ ꞌle Zezii *Kliisɩ ꞌmʋ, ꞌɛ ꞌꞌyriꞌa ꞌbɩ ꞌwlʋ -nɩꞌo.

2 Timotee 2:7

Dɩ ꞌɩn-ɩ zaꞌa -laa -ɩnmʋ -bodɩ ꞌmʋꞌa damʋ, -na nɩ -tɔɔ ti! -Bho -ɩn nʋ -kaa a, ꞌꞌlemnɩɩ -aꞌba -Kɔyi-i ꞌye-e -ɩnmʋ -naagɩ ꞌꞌnyɩ -mʋ ꞌle -ɩn ꞌke ɩ ꞌmʋtiꞌwɔn ꞌwee.

Eblee 10:19

ꞌAn ꞌlotʋꞌa ꞌꞌnynuu-a, -aꞌba ꞌꞌnyinynidɩꞌa ꞌꞌlru ꞌꞌyi *Zeziiꞌa nymɔ ꞌwlaꞌa ti ꞌle ɔ ꞌye ꞌmɛꞌɛ dɩ, -aꞌba -pɔlʋ ꞌbhɛɛꞌo ɛ ꞌke ꞌtɔ ti-gwɛ ꞌle -a -ke -Lagɔ ꞌke ꞌꞌyiꞌꞌsisri.

Eblee 10:21

-A-bʋ ꞌma-a -Lagɔꞌɔ -glɩgbawɔnyiꞌa nyʋ, ꞌɩnnɔ ꞌmo-o -aꞌba *ꞌsragazayiklagba. ꞌƖnnɔ bhadeꞌe -Lagɔ li -aꞌba dɩ.

Eblee 10:23

Lɛꞌꞌo lɛ ɔ ꞌꞌduꞌa -amʋ wɔn ꞌmʋti, -a ꞌde-e ꞌꞌgwli na, ɔ-ɔ ꞌye -ɛ -amʋ ꞌꞌnyɩ -mʋ. ꞌKa-a ɛ -nɩꞌe ꞌmʋꞌa dɩ, -aꞌba -pɔlʋꞌa ꞌkɔlʋ -le ꞌbho ɔ ꞌꞌkpi! -Bho -a -ka nyʋ-ʋ ꞌtmʋʋ na ꞌɩnnɔ ꞌmo-o -aꞌba -pɔlʋꞌa ꞌꞌyideyi a, ꞌkpɩꞌa -wa -amʋ ꞌꞌyiti -le!

Eblee 13:22

ꞌAn ꞌlotʋꞌa ꞌꞌnynuu-a, ꞌkpayipowlu ꞌɩn-ɩ poꞌa amʋ -jeyi a, ɛ se ꞌꞌyiti-tɛ. ꞌKa-a ɛ -nɩꞌe ꞌmʋꞌa dɩ, a -de nɩ -pɔlʋ ti -gli!

Eblee 2:11

A ꞌye li-ɔ, ɔ-bɔ Zezii Kliisɩ ꞌmnɔ -lrɛɛ, ꞌɩnnɔ nʋ ɛꞌo ꞌle nyʋꞌa ꞌꞌnyinynidɩ-ɩ gwɛꞌɛ ꞌbho -Lagɔꞌɔ ꞌꞌyigbeyi ti ꞌle ɔ -ke ʋn-ʋ naꞌo, ꞌle, ʋ-bʋ nyʋ ɔ-ɔ zetieꞌa ꞌle ꞌwa ꞌꞌnyinynidɩ ꞌmnɩ ꞌmʋ, ʋn -ke ɔ -plɛꞌɛ -tɩta ꞌmʋ: ꞌɩnnɔ ꞌmo-o -Lagɔ. A -gblee, -bho Zezii Kliisɩ -kʋ ʋ ꞌɔ ꞌlotʋꞌa ꞌꞌnynuu-u ꞌla, ꞌɛ kamʋ dɩnꞌa ꞌlbhɔ ɔꞌo.

Eblee 2:17

ꞌKa-a ɛ -nɩꞌe ꞌmʋꞌa dɩ ɔ ꞌwɔnꞌo ꞌle ɔ ꞌye nyunyɔku ꞌmʋꞌꞌluo. -Bho ɔ -see ꞌkɩ -kaa nʋ a, ɔ se ꞌkɩ ꞌbhɛɛ ɔ ꞌke ʋ ꞌpʋʋn. Ɔ nʋꞌa -kaa ꞌle ɔ ꞌye ꞌmɛ -aꞌba ꞌꞌnyinynidɩꞌa dɩ, ꞌle, ꞌya -belu ꞌke ꞌka -amʋ bhla, ɛ ꞌye ɔ ꞌꞌkpi tiꞌga ꞌbho -aꞌba ꞌbɩ ꞌmʋ. ꞌƆ nymɔ ꞌwla-a ti ꞌle -aꞌba *ꞌsraga ɔ -zaꞌa -kaa ꞌbho -Lagɔꞌɔ ꞌꞌyigbeyi, ɛ ꞌye -amʋ zetie ꞌle -aꞌba ꞌꞌnyinynidɩ ꞌmnɩ ꞌmʋ ꞌle -a -ke -Lagɔ ꞌye -ybhɛ. Ɔ-bɔ ꞌSragazayi ꞌmnɔ ɔ, ɔ-ɔ ꞌnʋ-o nyʋ -zɛgɛ ꞌꞌlruli ꞌle ɔ -nmɔꞌɔ ꞌꞌyiti nyʋ ꞌke ɔ ꞌꞌgwlide.

Eblee 3:12

ꞌAn ꞌlotʋꞌa ꞌꞌnynuu-a, a ꞌꞌdu aꞌba ꞌꞌbhi ꞌꞌyrili ꞌle nyɔ -kaa ꞌle aꞌba ꞌꞌklumʋ ꞌwlʋ, ɔ -kaa ꞌɔ -pɔlʋꞌa ꞌꞌyikmuɛꞌɛ dɩ ꞌꞌdu, -Lagɔ ꞌbhleꞌa tinɩɛ, ɔ -kɔɔ ɔ ꞌꞌkpi-tbhɛ ꞌle ꞌɔ ꞌꞌnyinynidɩ ꞌmnɩ ꞌmʋ.

Eblee 3:14

A -gblee, -da -a ꞌkpa -nɩꞌa ꞌbho -Lagɔjeyi -lreeka, -ka -a deꞌa *Zezii *Kliisɩ ꞌꞌgwli -aꞌba -pɔlʋꞌa klɛ ti, -bho -a de ɔ -kaa ꞌꞌgwli ꞌꞌkɔmʋ, ꞌꞌlemnɩɩ ꞌɔ nyʋ -a ꞌꞌduꞌo -ziaka.

Eblee 6:20

A ꞌye li-ɔ, -aꞌba -Kɔyi *Zezii -Lagɔ nʋꞌa ꞌɔ *ꞌsragazayiklagba ꞌmʋ, ꞌɔ ꞌsragazayi *Mɛkisedɛkɩꞌa ka, ꞌle ɔ ꞌke ɛ ꞌꞌdu ꞌꞌkɔgwlɛka, ꞌɩnnɔ -kɔꞌɔ ꞌle -aꞌba nya ꞌle ɔ ꞌke ꞌle -amʋ wɔn-fuo -nɩ. ꞌƖnnɔ nʋ ɛꞌo ꞌle -a ꞌye ꞌle ti-de mʋ.

Eblee 7:26

A -gblee, ɔ-bɔ Zezii ꞌmnɔ, -ɔ ꞌma-a -kaa -aꞌba ꞌpʋʋnyi, ꞌɩnnɔ ꞌbhɛɛꞌo ɔ ꞌke -a-bʋ nyunyu -ke -Lagɔꞌɔ ꞌnynɩmʋ -nɩ, -ɛkedɩmaa, ɔ *ꞌsaaꞌa-a li ꞌbho ꞌɔ ꞌꞌyigbeyi. Ɔ se dɩ ꞌꞌkpiꞌbhle. Ɔ se ꞌbɩ liꞌbhle. -A-bʋ ꞌma-a ꞌꞌnyinynidɩꞌa nʋmʋ, ɔ se -aꞌba ka -nɩ. -Lagɔ -cɛ ꞌnɔ-ɔ kpɔ. ꞌBho ꞌɔ ꞌꞌtroli, ꞌbho-o ɔ -nɩꞌo.

Eblee 7:28

A -gblee, gba Moyiizɩ poꞌa, nyʋ ɛ-ɛ ꞌꞌnyɩꞌa -Lagɔꞌɔ ꞌsragazalbhʋ, ʋn-ʋ ꞌmo-o nyunyu. Ʋn se *liꞌsaa ꞌbho -Lagɔꞌɔ ꞌꞌyigbeyi. Ɛ -nɩꞌa -kaa ꞌmʋ a, wlu -Lagɔꞌɔ ꞌꞌbhuo zizia -nɩꞌa ɩ-bɩ gba ꞌmnɩ ꞌꞌyi, -ɩ nʋꞌa na: ꞌƖnmɔ -Lagɔ ꞌma-a lɩ ꞌweeꞌa -kɔyi, ꞌɩn-ɩ zrɛ-oꞌo na, -ɩnmɔ ꞌke ꞌan ꞌsragazayi ꞌꞌdu ꞌꞌkɔgwlɛka, ꞌɔ ꞌꞌyu Zezii seꞌa ꞌbɩ liꞌbhle, ꞌɩnnɔ ɩ ꞌꞌsiꞌe ꞌnynɩ. ꞌƖnnɔ ꞌmo-o ꞌtraamʋ ꞌtɔ -aꞌba ꞌpʋʋnyizɛgɛ ꞌle ɔ ꞌke ɛ ꞌꞌdu ꞌꞌkɔgwlɛka.

Eblee 9:11

Ɔ-bɔ Zezii ꞌmnɔ, ꞌɩnnɔ ꞌmo-o -Lagɔꞌɔ ꞌsragazayiklagba -ziaka. ꞌƆ ꞌsana ꞌmʋ -a -ke ɔ -ybhɛꞌo -ka -zɛgɛka. Ɛ -se ꞌɔ -dena nyunyɔ poꞌa, ꞌle-e ɔ-ɔ nʋ nɩ ꞌɔ lbhʋ ꞌmnɛ ꞌnɩ -ko. ꞌƐ -yɛ -nɩꞌa ꞌle yaku ꞌli -Lagɔꞌɔ ꞌꞌbhuo poꞌa, ꞌɩnnɛ ꞌɩn-ɩ ꞌꞌsiꞌe ꞌnynɩ. Ɛ se likpʋkpalɛ ꞌbhle, ꞌɛ ꞌꞌyrilinmɔɛꞌɛ dɩ.

Eblee 9:15

ꞌKa-a ɔ-bɔ Zezii Kliisɩ nʋꞌa dɩ ꞌɩn-ɩ nʋꞌo, ꞌɔ ꞌsana ꞌmʋ nyunyu -ke -Lagɔ ꞌye -ybhɛ ꞌle ʋn ꞌye titelre bhla. ꞌBho titesʋaꞌa -nɔɔ ꞌꞌyi, ʋn ꞌnaa ꞌko-o ꞌɔ wlu ꞌꞌyi tenyɩ. ꞌƐ dɩ Zezii ꞌmɛꞌo, ꞌle, nyʋ -yʋ ɔ ꞌlaꞌa ʋn ꞌke ꞌɔ nʋ ꞌꞌdu, ɔ ꞌke ʋ zetie ꞌle ꞌwa ꞌꞌnyinynidɩ ꞌmʋ, ꞌle, ꞌꞌkɔgwlɛtinɩɛzɛgɛ -Lagɔ ꞌꞌdu ꞌʋ wɔn ꞌmʋti, ʋn ꞌke ɛ ꞌye.

1 ꞌPiɛlɩ 2:9

Ɛ -nɩꞌa -kaa ꞌmʋ a, a-bee -mnʋʋ ꞌmo-o nyʋ -aꞌba -Kɔyi -Lagɔ -cɛꞌɛ kpɔ ɔ ꞌke -kɔ, ꞌle a ꞌke ꞌɔ bʋbɔmʋ ꞌꞌdu. Ɔ -zaꞌa-a amʋ ꞌle ꞌꞌnyinynidɩꞌa -kuyre ꞌmʋ ꞌle ɔ ꞌye zɔ -ya ꞌle aꞌba -pɔlʋ ꞌzɔ ꞌle a ꞌye ꞌɔ ꞌꞌdɩzɩgɩ ꞌwɔɔn, ɔ ꞌye amʋ tinɩɛlre ꞌꞌnyɩ, ꞌle, lɩklɩgbɩ ɔ-ɔ nʋꞌa, a ꞌke ɩ nyʋ -bodɩ ꞌmʋ-za.

1 ꞌPiɛlɩ 3:5

A -gblee, ꞌnynʋkpakpɩ-ɩ -cɛꞌɛ kpɔ -bɛnyɩ ꞌɔ lbhʋꞌa dɩ, -ʋ -de ꞌnɔ -pɔlʋ ꞌꞌyi, kplizɩgɩ ꞌmnɩ, ꞌɩnnɩ ʋn-ʋ nʋꞌo, ꞌle ʋn-ʋ ꞌꞌduꞌo ꞌbho ꞌwa nyimiɛ ꞌꞌwe.

1 ꞌPiɛlɩ 5:1

ꞌKa-a ɛ -nɩꞌe ꞌmʋꞌa dɩ, nyʋ-ʋ -nɩꞌa ꞌle aꞌba ꞌꞌklumʋ, -ʋ ꞌma-a *Zezii *Kliisɩꞌa -glɩgbaꞌa ꞌꞌlrutidemʋ, ꞌɩnnʋ ꞌɩn-ɩ ꞌꞌsiꞌe -laa ꞌnynɩ. ꞌƆ -glɩgbaꞌa ꞌꞌlrutideyi ꞌmna-aꞌa ꞌꞌbhuo ꞌꞌduꞌo -lrɛɛ. Ɔ -nɩꞌa ꞌnɔɔ ꞌkmʋ ꞌmʋ, ꞌkle ɔ ꞌyeꞌa a, ꞌɩn-ɩ ꞌmo-o ꞌya -dayeyi. -Da ɔ-ɔ ꞌyeꞌa le -yi -nɩ mʋ ꞌle ꞌɔ ꞌnynɩꞌa ꞌꞌyibhɛɛɛ ꞌmʋ, -ka aꞌba ꞌnynɩ ꞌka ꞌꞌyiꞌbhɛ ꞌle ꞌan nɛ ꞌke -kaa -nɩ -lrɛɛ. A -gblee, ꞌɩn-ɩ ꞌꞌdu-o amʋ ꞌꞌsrɩn ꞌmʋ na:

1 ꞌPiɛlɩ 5:10

-Bho a ꞌye -kaa ꞌkle -daan, lɛꞌꞌo lɛ-ɛ ꞌma-a -zɛgɛ, -Lagɔ -ke ꞌmʋ ɛ-ɛ ꞌwlʋꞌa, -ɔ ꞌlaꞌa amʋ, ꞌle, -ka ꞌɔ ꞌnynɩ ꞌbhɛꞌɛ ꞌꞌyi, a ꞌke -kaa ꞌnynɩ ꞌwlʋ -lrɛɛ, ꞌle a ꞌke ꞌbho ꞌɔ ꞌꞌtroli -nɩ ꞌꞌkɔgwlɛka, a -ke Kliisɩ ꞌke ꞌꞌyiꞌꞌsisri, ɔ-bɔ -Lagɔ ꞌmnɔ, ɔ-ɔ ꞌye -ɛ -nʋ -mʋ ꞌle a ꞌke pepe -nɩ ꞌbho ꞌɔ ꞌꞌyigbeyi, ɔ-ɔ ꞌye-e amʋ ꞌkpɩ ꞌmʋ -po -mʋ tenyɩ ꞌle aꞌba ꞌꞌgwlideɛ -see -denɩ ꞌmʋ -sɔ yi.

1 ꞌZaan 1:3

A-a ꞌye-e liꞌa, ɔ-bɔ Zezii -a ꞌyeꞌa li, ꞌɔ wlu -a ꞌwɔnꞌɔ ꞌbɔ, -a ꞌpo-o amʋ ꞌya wlu -jeyi -lrɛɛ, ꞌle, -ka -a -ke -aꞌba -tɩta -Lagɔ -ke ꞌɔ ꞌꞌyu Zezii *Kliisɩ ꞌmnɔ ꞌꞌsisriꞌa ꞌꞌyi, -a -ke abʋ ꞌke ɛ ꞌmʋ-plɛ -lrɛɛ.

Ziidɩ 1:1

ꞌƖnmɔ Zaakɩꞌa leyi Ziidɩ, ꞌɩnmɔ poꞌo amʋ ꞌꞌbɔgʋ -nɛɛ -jeyi. ꞌƖn-ɩ ꞌmo-o *Zezii *Kliisɩꞌa lbhʋnʋyi -lrɛɛ. A-bʋ -aꞌba -tɩta -Lagɔ ꞌlaꞌa a ꞌke ꞌɔ nyʋ ꞌꞌdu ꞌle a ꞌyeꞌa ꞌwɔn, a-bʋ ɔ -cɛꞌɛ kpɔ, ɔ-ɔ ꞌꞌduꞌa ꞌꞌyrili Zezii Kliisɩꞌa dɩ, a-bʋ ꞌɩn-ɩ poꞌo wlu -jeyi.

ꞌꞌDukuyrilizadɩ 17:14

*-Lagɔꞌɔ ꞌBhozayi -ɔ ꞌpʋʋnꞌa nyʋ, -ɔ kɔɔꞌɔ *ꞌsragamʋzabhlabhlɛ, ʋn-ʋ ꞌye -ɔ tʋ gbo -ya -mʋ, ꞌle ɔ ꞌke ʋ tʋ wɔn ꞌmʋ lu, -ɛkedɩmaa, ꞌɩnnɔ ꞌmo-o nyʋkɔmʋ ꞌweeꞌa -kɔyi, ꞌle ɔ ꞌꞌduꞌo ꞌbhlɩkpɩyowli ꞌweeꞌa ꞌꞌlrugayʋɛ -lrɛɛ. Nyʋ ɔ -zaꞌa ꞌbho, ɔ ꞌlaꞌa ɔ -ke ʋn ꞌke -na, -ʋ ꞌꞌduꞌa ꞌbho ꞌɔ wlu, ꞌɩnnʋ -ke ɔ-ɔ ꞌye gbobhete mʋ ꞌle ʋn ꞌke ʋ tʋ wɔn ꞌmʋ lu.

ꞌꞌDukuyrilizadɩ 18:20

-Lagɔꞌɔ nyʋ-ʋ -nɩꞌa ꞌle yaku ꞌli, -da ʋn-ʋ ꞌyeꞌa gwlɔ ꞌmnɛꞌɛ tisɔdɩ ꞌbʋꞌwɔn -nɩ mʋ a, -kaa wlu -lue-e ꞌye ʋ -kaa ꞌꞌyiꞌlɛ mʋ: A-bʋ *Zeziiꞌa -dalbhomʋ-e, -Lagɔꞌɔ wluꞌa ꞌmʋtizamʋ -ke ꞌɔ nyʋ -lrʋʋ, a-bʋ -nɩꞌa ꞌle yaku ꞌli, a li ꞌbʋbʋa ꞌɛ tisɔdɩ, -ɛkedɩmaa, aꞌba kpa -Lagɔ -zaꞌo!