Eblee 2:3 - Nyaboa (Nyabwa)

³ -Ka nyʋ ꞌka -nyna ꞌle ʋn ꞌka ꞌpʋn ꞌbho -Lagɔꞌɔ ꞌꞌyigbeyi, ꞌɛ -jolʋ ɔ -tɔꞌɔ -amʋ, -nɔɔ -ke ꞌli -a -nɩꞌa a, ꞌɛ ꞌꞌkpidɩꞌa wlu ꞌbhɛ-ɛ ꞌꞌyi, ɩ ꞌye -bɛnyɩꞌa wlu ꞌmnɩ -zi. Ɛ -nɩꞌa ꞌtɔ -kaa ꞌmʋ ꞌle, -bho -a -see ɛ-bɛ -jolʋ ꞌmnɛ bhlu, a-a popo ꞌgwlʋti na, ɔ-ɔ ꞌye-e -aꞌba dɩ ꞌꞌyriti-tri -mʋꞌa? -Gba, -bho -a se ɛ tikpʋn, -a -see ꞌɔ ꞌcɛkʋta ꞌzɔ ꞌwlʋ yi. A -gblee, ɛ-bɛ ꞌpʋnpʋan ꞌmnɛ, -aꞌba -Kɔyi Zezii *Kliisɩ -zaꞌa ꞌɛ ꞌꞌkpidɩ ꞌmʋ -antanyɩ, ꞌle, nyʋ-ʋ ꞌwɩn ꞌɩ ꞌbɔ, ʋn ꞌye -amʋ ꞌtmʋʋ na -ziadɩ moꞌo.

Eblee 2:3 Iomraidhean Croise

Matiee 23:33

ꞌꞌYrabhabhlemʋ-a! -Zigle -ɛ ꞌyeꞌa amʋ -kpʋn mʋ ꞌle a ꞌke ꞌꞌkɔgwlɛkle ꞌye, koo a ꞌke ɛ wɔn ꞌmʋ cɛꞌɛ?

Matiee 4:17

ꞌLe ꞌmnɔ ꞌle-e ɔ-ɔ za nɩꞌe ꞌꞌdɩzɩgɩ-ɩ ꞌwlʋꞌa ꞌle -Lagɔ gbo ꞌmʋ. Ɔ na: A yibo aꞌba ꞌꞌnyinynidɩ ꞌꞌyi ꞌbho -Lagɔꞌɔ ꞌꞌyigbeyi, a ꞌke ꞌle ɔ gbo ꞌꞌbhiti, -ɛkedɩmaa, ꞌɔ nyʋꞌa -kɔkɔɔ ꞌꞌkɔɔꞌɔ-ɔ gbo.

Maakɩ 1:14

Ɩ ziꞌa -kaa a, *Zezii -sɔꞌɔ ꞌmʋ-ɛ, ɔ ꞌye Galilee mu. (-Da ʋn poꞌa *ꞌZaan -jie ꞌmʋ, ꞌbho-o ɔ -mu -nɩꞌo.) ꞌLe ꞌmnɔ ɔ, ꞌle-e ɔ -za -nɩꞌe ꞌꞌdɩzɩgɩ-ɩ ꞌwlʋꞌa ꞌle -Lagɔ gbo ꞌmʋ.

Luukɩ 1:69

ꞌƖnnɔ -yaꞌa wɔnkuyi -lue -ɔ ꞌpʋʋnꞌa nyʋ. -Aꞌba dɩ nyɔ ꞌmnɔ-ɔ ꞌye ꞌnɔɔ ꞌɔ lbhʋnʋyi *Daviidɩꞌa ꞌꞌnynuuꞌa ꞌꞌnynuu ꞌꞌklumʋ -yi mʋ.

Luukɩ 24:19

ꞌLe ɔ na: Leedɩ ziꞌa? ꞌLe ʋn na: Nazalɛɛtɩkɔyi Zezii, ɔ-ɔ ꞌmo-o -Lagɔwluꞌa ꞌmʋtizayi, ꞌle wɔnkuɛ ꞌmʋ ɔ-ɔ wlu nɩꞌo ꞌle ɔ-ɔ nʋ nɩꞌe lɩ. -Lagɔ -ke nyʋ ꞌwee yiboꞌo-o -ka ɔ kuꞌa wɔn.

ꞌZaan 15:27

A-bee -mnʋʋ-ʋ ꞌye-e ꞌan dɩ nyʋ -bodɩ ꞌmʋ-za -mʋ -lrɛɛ, -ɛkedɩmaa, ꞌan lbhʋꞌa wɔndunamʋ, ꞌbho-o ꞌɩn -ke a -zaꞌa -nanaa.

Nʋnʋkpli 2:22

-Gblee, ꞌPiɛlɩ poꞌa ꞌbho ꞌwa -pɔlʋ, ɔ na -lrɛɛ: *Izrayɛɛlɩkɔmʋ-a, a po -lokui! Nazalɛɛtɩkɔyi *Zezii -ke wɔnkuɛ -Lagɔ -tɔꞌɔ amʋ ꞌꞌyi, -ɔ -ke ꞌmʋ -Lagɔ -zi -nɩꞌa, ɔ ꞌyeꞌa wɔnkulɩꞌa -dadudu ꞌbho aꞌba ꞌꞌklumʋ nʋ a, aꞌba ꞌꞌbhi yiboꞌo-o ꞌɔ ꞌꞌkpidɩ.

Nʋnʋkpli 4:12

A -gblee, ꞌnɔɔ ꞌkmʋ ꞌmʋ nyɔ -lrɔɔ -Lagɔ ꞌka -a-bʋ nyunyu ꞌꞌnyɩ -ɔ -ke ꞌnynɩ ꞌmʋ -a ꞌka ꞌpʋn -nɩ, ɔ se -nɩ, -bho ɛ -se Zezii -nɩ -lue ꞌtɩnꞌa ꞌnynɩ ꞌmʋ.

ꞌWlɔmʋkɔmʋ 11:14

ꞌLe ꞌɩn na ꞌkɩ, -bho ꞌɩn nʋ -kaa, ꞌle ꞌɩn ꞌke ꞌan nyʋ-ʋ ꞌma-a ꞌZuifʋꞌa ꞌꞌmʋnynɩ ꞌꞌyiglu-za, ꞌle ꞌwa ꞌꞌklumʋꞌa tɔlʋ ꞌke ꞌpʋnpʋan ꞌye -cueyi.

ꞌWlɔmʋkɔmʋ 2:3

Ɛ -nɩꞌa -kaa ꞌmʋ a, -gwlɔnyunyɔ, -ɩnmɔ kpʋnꞌa -ɩn -bonyunyu -zigle, ꞌle, lɩ ʋn-ʋ nʋꞌa, -ɩnmɔ nʋ ꞌɩ a, -ɩn ꞌde-e ꞌꞌgwli -ɩnmɔ ꞌke -Lagɔꞌɔ -zigle wɔn ꞌmʋ cɛꞌɛ?

1 Kɔlɛɛtɩkɔmʋ 1:21

A -gblee, ꞌkmʋ ꞌmʋꞌa nyʋ -ke ꞌwa dɩlikpʋɛn, lɩ -Lagɔ -nʋ -nɩꞌa ꞌle ꞌɔ dɩlikpʋɛn ꞌmʋ lɛ, ʋn ꞌye -ɩꞌo ꞌle ʋn se ɔ yibo. Ʋn se ɔ yiboꞌa dɩ, ꞌɔ ꞌꞌbhuo-o poꞌo -aꞌba wlu -jolʋ gbo ꞌle -a -zaꞌa ꞌɔ ꞌꞌdɩzɩgɩ. ꞌƆ -pɔlʋ -gwɛꞌɛ-ɛ ti ꞌle ꞌɔ ꞌgwlʋdɩ ꞌmʋ, ɔ-ɔ ꞌpʋʋn-o nyʋ-ʋ de ꞌɔ ꞌꞌgwli, ꞌle, -yʋ -see ꞌɔ ꞌꞌgwlide, ꞌꞌdɩzɩgɩ ꞌmnɩ, ʋn-ʋ ꞌlɩ -ɩ bhebhedɩ.

1 Tesalonikɩkɔmʋ 5:3

A ꞌye li-ɔ, nyʋ-ʋ -seꞌa-a ꞌɔ nyʋ, -da ʋn-ʋ ꞌyeꞌa na, ꞌbhlʋkpa -deꞌe ti, nymɔꞌɔ ꞌꞌsi ʋ ꞌgwlʋ, -nʋ mʋ a, ꞌbho ꞌmnɔ ꞌbho-o ꞌkleyeɛɛ-ɛ ꞌye ʋ tiꞌgete -nɩ mʋ -gblukutu! ꞌWa -lue ꞌtɩn -see ꞌɛ wɔn ꞌmʋ -cɛ yi. -Ka -nɩgblaanynɔꞌɔ ꞌgwlʋlicɛɛ -nɩꞌa a, ꞌka-a ɛ-ɛ ꞌye -nɩ mʋ.

1 Timotee 1:15

Wlu-u ꞌma-a -ziadɩ nyʋ ꞌwee ꞌka ꞌwɔɔn, ꞌɩnnɛ ꞌka-a: Zezii Kliisɩ ꞌyi-e ꞌnɔɔ ꞌkmʋ ꞌmʋ ꞌle ɔ ꞌke ꞌꞌnyinynidɩꞌa nʋmʋ ꞌpʋʋn, ꞌle ꞌmna-aꞌa nɩ -ziꞌe-e nyʋ ꞌweeꞌa nɩ wɔn ꞌmʋti.

Tiitɩ 2:11

Nyʋ-ʋ ꞌma-a -Lagɔꞌɔ -nʋ, dɩ ꞌɩn-ɩ zaꞌa -daa ꞌmʋ, ʋn nʋ ɩ! -Ɛkedɩmaa, ɔ-bɔ -Lagɔ-ɔ ꞌtɔ-ɔ nyunyu, -ka ꞌɔ ꞌlimʋ -nmɔꞌɔ wɔn ꞌꞌgɩɩ ꞌbho nyunyu ꞌwee ꞌꞌkpi ꞌle ɔ ꞌke ʋ ꞌpʋʋn.

Eblee 1:1

ꞌLotʋꞌa ꞌꞌnynuu-a, -bɛnyɩ a, -Lagɔ -zi -nɩꞌe-e ꞌɔ wluꞌa ꞌmʋtizamʋ ꞌmʋ ꞌle ɔ ꞌye -aꞌba ꞌꞌna ꞌꞌwe ꞌtmʋʋ kplokplokplo. Ɔ ꞌkʋ ʋ -kaa ꞌtmʋʋ, lɩꞌa -dadudu ꞌmʋ ɔ -zi -nɩꞌo.

Eblee 1:14

Ɛ -nɩꞌa ꞌtɔ -kaa ꞌmʋ ꞌle, koo a ꞌke ɔ gboꞌa -dalbhomʋ ꞌmnʋ ꞌlaꞌa? Ʋn-ʋ ꞌmo-o ꞌɔ -zuzu. Nyʋ-ʋ ꞌyeꞌa ꞌpʋn mʋ ꞌbho ꞌɔ ꞌꞌyigbeyi ꞌle ʋ gbo ɔ-ɔ lbho ʋꞌo, ʋn ꞌke ʋ -kpa.

Eblee 1:2

ꞌBho ꞌɛ ꞌꞌkpi ꞌtɔ ɔ, *-lebhɔɔnɔɔ -ke ꞌli -a -nɩꞌa ꞌtraamʋ, ꞌɔ ꞌꞌyu *Zezii *Kliisɩ ɔ -zi -nɩꞌe ꞌmʋ, ꞌle ɔ ꞌye -amʋ ꞌtmʋʋ. ꞌƖnnɔ ɔ -zi -nɩꞌe ꞌmʋ -lrɛɛ ꞌle ɔ ꞌye ꞌkmʋ ti-ya. Ɔ-bɔ -lue ꞌmnɔ, ꞌɩnnɔ ɔ -zaꞌa ꞌbho -lrɛɛ, ɔ -ke ɔ ꞌke lɩ ꞌwee -kɔ.

Eblee 12:25

ꞌKa-a ɛ -nɩꞌe ꞌmʋꞌa dɩ, a ꞌꞌdu aꞌba ꞌꞌbhi ꞌꞌyrili! -Bho -Lagɔ -ka amʋ-ʋ ꞌtmʋʋ, aꞌba -tri ꞌɔ wlu -lokui ti -le! A -gblee, dɩ ɔ -zi -nɩꞌa Moyiizɩ ꞌmʋ, ɔ -zaꞌa nyʋ -bodɩ ꞌmʋ ꞌle Sinayitrɩ ꞌꞌkpi, ʋn -see tiꞌbɔ ʋn ꞌke ɩ -lokuipoꞌa dɩ, ɔ -see ʋ ꞌmʋꞌꞌsuu. Ʋn-ʋ ꞌnaa-a ꞌɔ wlu ꞌꞌyiꞌa dɩ ɔ -yʋ ꞌʋ ꞌkleyeɛɛ ꞌꞌkpi. -Bho ɔ -yʋ ʋ -kaa ꞌkleyeɛɛ ꞌꞌkpi ꞌle, -a-bʋ ɔ-ɔ zi nɩꞌa Zeziiꞌa ꞌꞌbhuo ꞌmʋ, ɔ-ɔ ꞌtmʋʋꞌa, -bho -a -see ꞌɔ wlu lɛ ꞌla ꞌle, ɔ ꞌbhɛɛ ɔ ꞌke -amʋ ꞌꞌyrili-za ꞌnɩ? -Gba!

Eblee 4:1

ꞌAn ꞌlotʋꞌa ꞌꞌnynuu-a, ꞌka-a ɛ -nɩꞌe ꞌmʋꞌa dɩ, ꞌꞌyiflɔɛzɛgɛ -Lagɔ-ɔ ꞌꞌnyɩꞌa nyʋ, ɔ ꞌye ɛ -amʋ wɔn ꞌmʋ tiꞌꞌdu -bɛnyɩ. ꞌƆ wlu ꞌmnɛ, -a -de ꞌnɛ-ɛ lemʋ ti ꞌꞌkɔmʋ. ꞌƖnnɛ ꞌbhleꞌe ꞌnynɩꞌa dɩ, -a ꞌꞌdu -aꞌba ꞌꞌbhi ꞌꞌyrili, -bho ɔ -kɛ ɛ nyʋ-ʋ ꞌꞌnyɩ, ꞌle -aꞌba ꞌꞌklumʋꞌa nyɔ -kaa le -sie!

Eblee 4:11

ꞌKa-a ɛ -nɩꞌe ꞌmʋꞌa dɩ, -a po ꞌle ꞌkpɩ, ꞌle -a ꞌke ꞌꞌyiflɔɛzɛgɛ ꞌmnɛ ꞌye! -A ꞌꞌdu -aꞌba ꞌꞌbhi ꞌꞌyrili, -bho -Lagɔ -kɛ ɛ nyʋ-ʋ ꞌꞌnyɩ, ꞌle -aꞌba ꞌꞌklumʋꞌa nyɔ -kaa ꞌɔ wlu ꞌꞌyiꞌnaa ꞌle ɔ -kaa le -sie -aꞌba ꞌꞌna ꞌꞌweꞌa ka!

Eblee 5:9

A -gblee, ɔ ꞌꞌdu ꞌɔ -kaa ꞌbho ꞌle lɩ ꞌwee ꞌmʋ, ꞌle, -ka ɔ ꞌbɔꞌɔ ti ɔ ꞌke -nɩ, ɔ -nɩꞌe ꞌtɔ -kaaꞌa dɩ, ɔ ꞌꞌduꞌo *nyʋꞌa ꞌpʋʋnyizɛgɛ. ꞌƖnnɛ ꞌbhleꞌe ꞌnynɩꞌa dɩ, nyɔꞌꞌo nyɔ-ɔ ꞌwɔɔn ꞌnɔ ꞌle -ɔ ꞌꞌdu ꞌɔ ꞌbho, ɔ-ɔ ꞌpʋʋn nɔꞌo ꞌle ɔ-ɔ ꞌꞌnyɩ ꞌɔ ꞌꞌkɔgwlɛtinɩɛ.

1 ꞌZaan 1:1

*Zezii ꞌma-a -Lagɔꞌɔ wlu-u ꞌꞌnyɩꞌa nyɔ ꞌꞌkɔgwlɛtinɩɛzɛgɛ, ꞌɔ dɩ -a poꞌo amʋ ꞌꞌbɔgʋ -jeyi. -Da -Lagɔ ꞌka lɩ ꞌwee ti-ya -bɛnyɩ, ɔ -nɩꞌe-e ti see. -Aꞌba ꞌꞌbhiꞌa pɛyri ꞌsɔn ꞌye -ɔꞌo. -A ꞌye-e ꞌɔ -wluna ꞌle -a ꞌye ɔ liꞌtʋ -lrɛɛ.

Ziidɩ 1:17

A -gblee, ꞌan dɩkmalotʋꞌa ꞌꞌnynuu-a, a-bee -mnʋʋ, dɩ -aꞌba -Kɔyi *Zezii *Kliisɩꞌa -dalbhomʋ ꞌtmʋʋꞌa amʋ -bɛnyɩ, -ɩ ꞌyeꞌa -zi mʋ, a popo nɩ ꞌgwlʋti!

ꞌꞌDukuyrilizadɩ 7:10

ꞌle ʋn-ʋ ꞌꞌwɔꞌo, ʋn-ʋ nʋꞌo: -Aꞌba -Kɔyi -Lagɔ -nɩꞌa ꞌbho ꞌɔ ꞌnynɩbhlekpe ꞌꞌkpi -ke ꞌɔ ꞌBhozayi -ɔ ꞌpʋʋnꞌa nyʋ, -ɔ kɔɔꞌɔ ꞌsragamʋzabhlabhlɛ, ꞌɩnnʋ ꞌpʋʋnꞌo -amʋ ɔ!