Eblee 13:4 - Nyaboa (Nyabwa)

⁴ ꞌBho ꞌnynɔ -ke nyimiɛꞌɛ kpʋkpɛɛꞌɛ ꞌꞌkpi, dɩ -Lagɔ -zaꞌa ꞌmʋ, a ꞌꞌdu ɩ ꞌbho! Aꞌba nyɔꞌɔ ꞌye -yranynɔbha -le! A yibo na, ꞌnynʋkpakpɩ -ke nyukpasi ꞌyeꞌa -yranynɔbha -ke ꞌꞌbhɩ -lrɩɩ ꞌꞌbhlɛcɛ ɛ, ɔ-ɔ ꞌye -ʋ -zigle -tu -mʋ!

Eblee 13:4 Iomraidhean Croise

1 Kɔlɛɛtɩkɔmʋ 6:18

ꞌKa-a ɩ -nɩꞌe ꞌmʋꞌa dɩ a, ꞌlotʋꞌa ꞌꞌnynuu-a, a ple ꞌꞌbhɩlɛɛɛ ꞌꞌbhlɛcɛ li! -ɛkedɩmaa, ꞌꞌnyinynidɩ -lrɩɩ nyunyɔ-ɔ nʋꞌa a, ɩbɩ-ɩ ꞌtɛ-ɛ ꞌɔ ku gbo. -Yɩ ꞌma-a ꞌꞌbhɩyeɛɛ, nyunyɔꞌɔ ꞌꞌbhuoꞌa ku ꞌɛ lɛtu-u nʋ ꞌɛ ꞌꞌlruli.

1 Kɔlɛɛtɩkɔmʋ 6:9

Aꞌba ꞌꞌbhi -bodɩ ꞌle, ꞌle -Lagɔꞌɔ nyʋꞌa ꞌꞌklumʋ, -ka ꞌꞌnyinynidɩꞌa nʋmʋ seꞌa ꞌle ꞌbɩ ꞌbhle ꞌle ɔ -see ꞌʋ -zɛgɛ ꞌꞌlruli-nʋ yi, a se ɩ yibo ꞌmaae? Aꞌba ꞌꞌmaa aꞌba ꞌꞌbhi dɩ ꞌꞌyrili -le! A yibo na, nyʋ ꞌꞌbhɩlɛɛɛ ziꞌa-e, kɔkuibhlemʋ-e nyʋ-ʋ ꞌyeꞌa -yranynɔbha -ke nyukpasi-i nʋnʋꞌa ꞌnynɔ ꞌmʋ a, ꞌle -Lagɔꞌɔ nyʋ ɔ -kɔꞌɔ ꞌꞌklumʋ, ꞌwa nyʋtu se ꞌle ꞌbɩ ꞌbhle ꞌle ɔ -see ʋ -zɛgɛ ꞌꞌlruli-nʋ yi -lrɛɛ.

1 Kɔlɛɛtɩkɔmʋ 7:38

ꞌƐ dɩ, ꞌɩn-ɩ ꞌtmʋʋꞌo amʋ-ɛ, -bho nyɔ -ke ꞌɔ ꞌꞌbha kpʋkpa a, ɛ -nmɔꞌɔ-ɔ ꞌꞌyrili, ꞌle, -bho ɔ -see ʋ kpa a, ɔ nʋꞌo -zɛgɛ tenyɩ.

1 Kɔlɛɛtɩkɔmʋ 9:5

*ꞌPiɛlɩ -ke -aꞌba -Kɔyi Zeziiꞌa -dalbhomʋ -lrʋʋ, ʋn -ke Zezii ꞌmnɔꞌɔ ꞌꞌbhuoꞌa lenynuubʋ ꞌꞌwe, -da ʋn-ʋ kpaꞌa Zeziiꞌa ꞌꞌdɩzɩgɩ gwlɔ ꞌꞌkpiti, ʋn ꞌbhle-e ꞌnynɔ kli -lue -lue. -Bho ꞌmna ꞌbɔ ꞌkɩ -kaa ti, ꞌɩn se ꞌbhɛɛ ꞌɩn ꞌke -kaa ꞌlotʋꞌa ꞌꞌyu -lue kpa ꞌle ꞌmna -ke ʋn ꞌke gwlɛ ꞌꞌyitiple -lrɛɛ?

2 Kɔlɛɛtɩkɔmʋ 5:10

-Ɛkedɩmaa, -aꞌba ꞌwee ꞌye ꞌbho-o ꞌɔ wɔnyi ti-nyna -mʋ ꞌle ɔ ꞌke -amʋ -zigle -tu. -Aꞌba kpli -a nʋꞌa ꞌnɔɔ ꞌkmʋ ꞌmʋ, ꞌɩnnɩ ɔ-ɔ ꞌye ya-gbʋ mʋ ꞌle ɔ ꞌke -amʋ lɛ ꞌꞌlrulinʋ. -Bho -a nʋ -zɛgɛ, ꞌꞌlemnɩɩ ɔ-ɔ ꞌpo-o -amʋ ꞌsɛɛ. -Bho ɛ se -kaa ꞌmʋ-nɩ, ɔ -see -amʋ ꞌsɛɛ -po yi.

Galasiikɔmʋ 5:19

ꞌꞌNyinynilɩ -nɩꞌa ꞌle nyunyɔꞌɔ -pɔlʋ gbo, ɩ-ɩ ꞌꞌtuu nɔ-oꞌo ꞌle ꞌɔ ꞌꞌnyinynikpli-i ꞌkpaꞌa ꞌꞌpiemʋ. Ɩ-bɩ ꞌꞌnyinynilɩ ꞌmnɩ, ꞌɩnnɩ ꞌka-a: Nyʋ-ʋ popo-o ꞌꞌnyinynika ꞌgwlʋti ꞌle ʋn-ʋ ꞌꞌwɩlɩꞌo, ʋn-ʋ nʋꞌo -ganɩlbhakpli.

Galasiikɔmʋ 5:21

Ʋn-ʋ ꞌmɩɩ-e ꞌꞌyri ꞌbho ʋn -bonyunyuꞌa lɩ ꞌꞌkpi, nmɔ-ɔ ꞌkpʋn -ʋ ꞌgeyiɛ ꞌmʋ, ꞌle lilia-a zi ʋꞌo, ʋn-ʋ ꞌnʋ-o -klaabolɩ -lrɩɩ. ꞌƖn ꞌwɩ -ɩ amʋ ꞌꞌyiti -tanyɩ, ꞌle ꞌtraamʋ ꞌtɔ ꞌɩn-ɩ ꞌmu-o ꞌbho le; nyʋ-ʋ nʋꞌa -kaa a, ʋn -see -Lagɔ ꞌꞌyitiꞌꞌtayi ɔ ꞌke ʋ -kɔ.

Efɛɛzɩkɔmʋ 5:5

ꞌƖn-ɩ ꞌtmʋʋꞌo amʋ-ɛ ꞌle a ꞌke ɩ yibo, nyɔ-ɔ ꞌꞌbhɩlɛɛɛ ziꞌa a, ꞌle -ɔ kpʋnꞌa ꞌya -kaabolɩ -lrɩɩ ti, ꞌle -ɔ kpʋnꞌa satɛꞌɛ ꞌꞌkpa ti, nyʋ -Lagɔ -ke Zezii Kliisɩ -kɔꞌɔ ɔ, ꞌle ꞌwa ꞌꞌklumʋ, ꞌɔ nyɔtu -see ꞌle ꞌbɩ ꞌye yi, ꞌle, -zɛgɛ ʋn-ʋ nʋ ꞌʋ ꞌꞌlruli, ʋn -see ɛ ꞌye yi -lrɛɛ. A -gblee, ɔ-bɔ satɛbhleyi ꞌmnɔꞌɔ nyɔtuꞌa -pɔlʋ ꞌkpʋn-o -kaabolɩ ti, ɛ ꞌye -Lagɔ ꞌmʋ-zi. Ɩ-ɩ ꞌꞌluo-o -Lagɔꞌɔ ꞌbɩ ꞌmʋ ꞌle ꞌɔ -pɔlʋ ꞌzɔ.

1 Tesalonikɩkɔmʋ 4:6

Nyɔꞌɔ nʋ ꞌɔ -bonyunyɔ ꞌꞌnyinynidɩ ꞌꞌlruli -le ꞌle ꞌnynʋkpakpɩꞌa bo ꞌli! Aꞌba -ke a -bonyunyɔꞌɔ ꞌnynɔꞌɔ ꞌꞌdu ꞌꞌbha -le! -A ꞌwɩ -ɩ amʋ ꞌꞌyiti see, -aꞌba -Kɔyi Zezii -see ꞌꞌnyinynidɩ tiꞌbɔ. Nyɔ-ɔ nʋ ꞌɩ a, ɔ-ɔ ꞌyɔ -ɔ ꞌkleyeɛɛ ꞌꞌkpi.

1 Timotee 3:12

Nyukpasi -yʋ -nɩꞌa ꞌɛ ꞌbɩtu ꞌꞌyi, ꞌle ʋ -bodɩ, ʋn ꞌꞌdu ꞌnynɔ -lue ꞌtɩnꞌa nyimiɛ ꞌle ʋn ꞌke ʋ ꞌꞌyi-kpʋn, ɔ ꞌbhɛɛ ꞌɔ ꞌꞌyreetɩ -ke ꞌɔ -glɩgba wɔnyi ꞌle ɔ ꞌke ʋ -jolʋ gbo po!

1 Timotee 3:2

ꞌƆ nyɔtuꞌa ꞌbhle ꞌbɩ li -le, ɔ ꞌꞌdu ꞌnynɔ -lueꞌa ꞌbhleyi ꞌle ɔ ꞌke ʋ ꞌꞌyi-kpʋn; ɔ ꞌꞌdu nyɔ-ɔ yiboꞌa ꞌɔ ꞌꞌbhuoꞌa kpʋnka, nmɔnɛɛɛꞌɛ zi ɔ -le! Ɔ ꞌꞌdu kpliꞌa ꞌmʋnmɔyi ꞌle nyʋ ꞌke ɔ ꞌbho ꞌꞌdu, ɔ ꞌꞌdu ꞌlɩkpʋꞌa -glikpʋnyi ꞌle ɔ ꞌke -Lagɔwluꞌa nyʋꞌa -tɔtɔɔ wɔnyiꞌbhɛɛ!

1 Timotee 3:4

Ɔ ꞌꞌdu nyɔ -yɔ ꞌka ꞌɔ -glɩgba wɔnyiꞌbhɛɛ ꞌle ꞌɔ ꞌꞌyreetɩ ꞌke ɔ ꞌbho ꞌꞌdu ꞌꞌyrilinmɔka!

1 Timotee 4:3

-Gblee, ʋbʋ ꞌmnʋ, -bho ʋn -ka tɔ ɔ, ʋn na: Nyɔꞌɔ kpa ꞌnynɔ -le! Ʋn ꞌꞌsi-e lililɩ ꞌnynɩ ꞌle lililɩꞌa ꞌꞌklumʋ, ʋn na: Nyɔꞌɔ li ɩ -le! ꞌLe -Lagɔ -mnɔɔ gbo ɔ -yaꞌa-a lililɩ ti ꞌle nyʋ ꞌke ɔ ꞌsɛɛ po ꞌya dɩ, ʋn ꞌke ɩ li. Nyʋ-ʋ ꞌma-a ꞌɔ ꞌꞌgwlidemʋ -ʋ yiboꞌa -ziadɩ, ʋn -kpʋn nɩ sʋɩ ꞌsɔn ꞌle ʋn ꞌke -Lagɔ ꞌsɛɛ po ꞌya dɩ!

1 Timotee 5:14

ꞌKa-a ɛ -nɩꞌe ꞌmʋꞌa dɩ, ꞌɩn ꞌbɔꞌɔ ti -dɩgbanynʋkpakpɩ-ɩ ꞌbhʋaꞌa ꞌke nyna ꞌꞌti -lrɛɛ, ꞌle ʋn ꞌke -gba ꞌle ʋn ꞌke ꞌwa ꞌꞌjɩnɛ ꞌꞌyiꞌa nyʋ ꞌꞌyriliꞌꞌdu. -Bho ʋn nʋ -kaa a, -aꞌba jɛkamʋ se ꞌbhɛɛ ʋn ꞌke -aꞌba da ꞌꞌdu ꞌꞌnyinynika.

Tiitɩ 1:6

-Bho nyɔ ꞌke -Lagɔꞌɔ -glɩgbaꞌa ꞌꞌlrutideyi ꞌꞌdu, ɔ ꞌꞌdu nyɔ-ɔ seꞌa ꞌbɩ liꞌbhle; ɔ ꞌꞌdu ꞌnynɔ -lueꞌa ꞌbhleyi ꞌle ɔ ꞌke ʋ ꞌꞌyi-kpʋn; ɔ ꞌꞌdu nyɔ -ke ꞌꞌyreetɩ-ɩ deꞌa *Zezii *Kliisɩ ꞌꞌgwli ꞌle ʋn ꞌke dɩ likpʋn; ꞌle nyʋ -kaa ꞌbho ꞌwa da ꞌꞌdu ꞌꞌnyinynika ꞌle ꞌɔ ꞌꞌyreetɩ ꞌke ꞌbho nyʋ ꞌꞌdu!

Eblee 12:16

Nyʋ-ʋ ꞌlaꞌa ꞌꞌbhɩ ꞌꞌbhlɛcɛ ɛ, aꞌba -nɩ ꞌwa ka -le! -Lagɔꞌɔ lɩ-ɩ ꞌsaaꞌa li, *Ezayu -see ꞌɩ lɛ ꞌla, aꞌba -nɩ ꞌɔ ka -le -lrɛɛ! Aꞌba ꞌꞌbhi yiboꞌo-o ꞌɔ ꞌꞌkpidɩ: ꞌɩnnɔ ꞌmo-o ꞌɔ -tɩtaꞌa ꞌmʋcɩaanyuꞌa dɩ, ꞌɩnnɔ ɔ ꞌke ꞌꞌniti-wʋnna. ꞌƆ leyi ꞌke ɔ lililɛkpɩan ꞌꞌnyɩꞌa dɩ, ꞌɩnnɔ ɔ nʋꞌo vɛnyɩ ꞌmʋ. Ɔbɔ ꞌmnɔ ꞌtɔ, ꞌɩnnɔ ꞌwa -tɩta -wʋnnaꞌa ꞌꞌniti. Ɩ ziꞌa -kaa, Ezayu -mnɔɔ ꞌybha-oꞌo ꞌwa -tɩta ꞌke ɔ ꞌꞌniti-wʋnna -lrɛɛ, ꞌle ɔ -see ꞌwɔn, ꞌle ɔ ꞌye ꞌɛ dɩ ꞌꞌvi. ꞌƆ leyi ꞌkɔ ɔ lililɛ ꞌꞌnyɩ, ɔ ꞌkɛ ɛ li, dɩ ɔ -zaꞌa ꞌmʋ, ɔ ꞌybha-oꞌo ɩ ꞌke ꞌꞌnukɔ ꞌwla. Ɛ -nɩꞌa -kaa ꞌmʋ a, ɛ -see ꞌtɔ -jolʋ ꞌye.

ꞌꞌDukuyrilizadɩ 22:15

Nyʋ-ʋ ꞌma-a ꞌꞌnyinynidɩꞌa nʋmʋ, -ʋ -seeꞌa ꞌwɔn -Lagɔ ꞌke ʋ -kɔ, gunyʋ o, ꞌꞌwɩlɩmʋ o, ꞌꞌkuilbhamʋ o, kɔkuibhlemʋ o, sɩncɛmʋ o, ʋ-bee -mnʋʋ-ʋ ꞌye-e ꞌꞌpiemʋ -sie -mʋ.