Eblee 13:3 - Nyaboa (Nyabwa)

³ A -Bozeziiꞌa nyʋ-ʋ ꞌꞌduꞌa ꞌɔ lbhʋꞌa dɩ, ʋn-ʋ yaꞌa ꞌkleyeɛɛ ꞌꞌkpi, -ʋ -ke -lrʋʋ ʋn-ʋ poꞌa -jie ꞌmʋ, a popo ꞌwa dɩ ꞌgwlʋti! -Bho a -nɩ ꞌkɩ ꞌle ꞌwa ꞌꞌklumʋ, -zɛgɛ a ꞌbɔꞌɔ ti nyʋ ꞌke ꞌkɩ amʋ ꞌꞌlrulinʋ, a nʋ ɛ ʋ ꞌꞌlruli!

Eblee 13:3 Iomraidhean Croise

Matiee 25:36

ꞌɩn seꞌa lɛ ku li ꞌbhle, a -paꞌa ꞌɩnmʋ -bana ꞌmʋ: ꞌan ꞌꞌlru -nɩꞌa ꞌbhatinamʋ, a ꞌꞌgipoꞌo ꞌɩnmʋ-ɛ: ꞌɩn -nɩꞌa -jie ꞌmʋ, a dedeꞌe-e ꞌɩnmʋ ꞌꞌyi.

Matiee 25:43

ꞌƖn yiꞌa amʋ ꞌꞌbhli ꞌlɩkpa ꞌmʋ, a -see ꞌɩnmʋ -gli kpʋn; ꞌɩn seꞌa lɛ ꞌmʋꞌbhle, a -bhleꞌe-e ꞌɩnmʋ -bana. ꞌAn ꞌꞌlru ꞌbhatiꞌo ꞌle ꞌɩn -nɩꞌe -jie ꞌmʋ ꞌle a -see ꞌan dɩ zi.

Nʋnʋkpli 24:23

-Kaa ɔ ꞌlɛꞌɛ -kaa -lrɛɛ: ꞌꞌSrojayi, -ɩnmɔ, ꞌꞌdu ka ꞌPɔlʋ ꞌꞌyrili, -ɩn -ke ɔ mu ꞌle -jie ꞌmʋ le, -ɩn ꞌke ɔ li-fuo! -Bho -ɩn -ke ɔ mu a, ꞌle lɩ -lrɩɩ ꞌmʋ ꞌꞌnyɩ ɔ ꞌꞌyiflɔɛ gbɛ! -Bho ꞌɔ bha ꞌꞌwe yi ɔ ꞌyenamʋ, ꞌꞌnyɩ ʋ ꞌꞌyiflɔɛ, lɛ ɔ-ɔ ꞌbɔꞌɔ ti, ʋn ꞌke ɔ -bodɩ nʋ.

Nʋnʋkpli 27:3

-A ꞌkpaꞌa -jeyi a, batoo -nɩ -nanamʋ, zɔ ꞌye zɩ ꞌle -a ꞌye Sidɔɔgwlɔ ꞌmʋ nyni. -A nyniꞌa a, Zuliusɩ ꞌꞌduꞌa -jiemʋ ꞌꞌyrili -nmɔꞌɔ-ɔ ꞌPɔlʋ kwa ꞌmʋ ti. ꞌƐ dɩ ɔ ꞌꞌnyɩ ꞌɔ ꞌꞌyiflɔɛ, ɔ ꞌye ꞌbhoꞌa *Zeziiꞌa nyʋ ꞌyenamʋ mu ꞌle ʋn ꞌke ɔ -zɛgɛ ꞌꞌlrulinʋ.

ꞌWlɔmʋkɔmʋ 12:15

Nyʋ-ʋ -nɩꞌa ꞌle ꞌbʋbʋa ꞌmʋ a, a -ke ʋn li ꞌbʋbʋa! Nyʋ dɩ ꞌwlʋꞌa ꞌmʋ a, -bho ʋn -ka ꞌꞌvi, a -ke ʋn ꞌꞌvi!

1 Kɔlɛɛtɩkɔmʋ 12:26

ꞌƐ dɩ, -bho li -ka nyɔ-ɔ ꞌꞌvuvlo a, ꞌɔ kuꞌa klɛ-ɛ sɩaꞌo, ꞌle, -bho nyɔ -nmɔ ꞌɔ ku liꞌa lɛ -lue kwa ꞌmʋ ti a, ɛ-ɛ ꞌnʋ-o -zɛgɛ ꞌɔ kuꞌa klɛ ꞌꞌlruli.

Efɛɛzɩkɔmʋ 4:1

Ɩ -nɩꞌa ꞌtɔ -kaa ꞌmʋ-ɔ, ꞌɩnmɔ -yɔɔ ɔ, -aꞌba -Kɔyi *Zezii *Kliisɩꞌa ꞌꞌdɩzɩgɩ ꞌɩn-ɩ zaꞌa ʋn ꞌꞌdu ꞌɛ dɩ ʋn poꞌa ꞌɩnmʋ -jie ꞌmʋ, a-bee -mnʋʋ, ꞌɩn-ɩ ꞌpo-o amʋ ꞌkpa ꞌꞌyi. -Lagɔ ꞌlaꞌa amʋ ꞌle a ꞌyeꞌa ꞌbho ꞌɔ -jeyi ꞌkpa, kpli-i ꞌkɔ ɔ ꞌtʋ nʋ, a nʋ ɩ!

Kolɔsʋkɔmʋ 4:18

ꞌAn ꞌlotʋꞌa ꞌꞌnynuu-a, ꞌɩnmɔ ꞌPɔlʋ ꞌyeꞌe amʋ! ꞌAn ꞌyewlu -nɛɛ, ꞌmna-aꞌa ꞌꞌbhuo-o ꞌcnɩ ɛꞌo. -Ka ꞌɩn -nɩꞌa -jie ꞌmʋ, aꞌba ꞌmate nɩ -le! -Lagɔ -wʋnna amʋ ꞌꞌniti!

Eblee 10:34

Nyʋ ʋn poꞌa -jie ꞌmʋ Zeziiꞌa dɩ, a ꞌye-e ꞌwa ngaze. -Da ʋn ꞌꞌluoꞌa aꞌba -kɔkɔlɩ ꞌmʋ -glaka, a ꞌꞌtayi ꞌnɩ-ɩ ꞌꞌyiti ꞌle ꞌbʋbʋa ꞌmʋ. -Ɛkedɩmaa, ꞌꞌkɔgwlɛtinɩɛzɛgɛ a ꞌyeꞌa a, ɛ ꞌbhle-e ꞌnynɩ tenyɩ ꞌle ɛ ꞌye lɛꞌꞌo lɛ -zi.

Eblee 11:37

Ʋn ꞌlbha-a nyʋ -lrʋʋ -digbi ꞌmʋ, ʋn ꞌye ꞌmɛ. Ʋn ꞌcɛ-ɛ nyʋtɔlʋ ꞌꞌdi ꞌsɔn ꞌmʋ ꞌle ʋn ꞌye nyʋ -lrʋʋ -blajrɛɛ ꞌmʋ ꞌlbha ʋn ꞌye ꞌmɛ. Nyʋtɔlʋ a, ꞌꞌpʋan-a ꞌlbhʋ ʋꞌo ꞌle ʋn ꞌse -dena ꞌbhle. Wli ꞌꞌweꞌa kui ʋn-ʋ paꞌa ꞌmʋ ꞌle ʋn-ʋ ꞌyeyeꞌe ti. Nyʋ ꞌnyʋ -ʋ ꞌmʋ ꞌle ʋn-ʋ klʋ ꞌʋ nyanɩ ꞌmʋ.

1 ꞌPiɛlɩ 3:8

A -gblee, ꞌan ꞌlotʋꞌa ꞌꞌnynuu-a, a -plɛ -pɔlʋ ꞌmʋ ꞌwee! A *-Bozeziiꞌa nyɔ ꞌcnaa amʋ ku ꞌꞌyi! A -kma ꞌɔ dɩ! Aꞌba ꞌlimʋ -nmɔ wɔn ꞌbho ɔ ꞌꞌkpi! A -ya aꞌba ꞌꞌbhi ꞌzɔ!