Eblee 13:1 - Nyaboa (Nyabwa)

¹ ꞌAn ꞌlotʋꞌa ꞌꞌnynuu-a, nyʋ-ʋ ꞌma-a a *-Bozeziiꞌa nyʋ, aꞌba ꞌbhɔ ꞌwa dɩkmadɩ -le!

Eblee 13:1 Iomraidhean Croise

ꞌZaan 15:17

A ꞌye li-ɔ, lɛ ꞌɩn-ɩ ꞌtmʋʋꞌa amʋ a ꞌka nʋ a, ꞌɩnnɛ ꞌmo-o, a kɩkma -kɩkma dɩ!

Nʋnʋkpli 2:1

Ɩ ziꞌa -kaa a, *ꞌZuifʋꞌa gɔ ʋn-ʋ ꞌlaꞌa *Patɩkɔtɩ nyni-oꞌo. ꞌBho-o *Zeziiꞌa -namʋꞌa klɛ ꞌkɩkleꞌe ꞌle -budu -lue ꞌli ꞌꞌlruli.

Nʋnʋkpli 4:32

-Ɩn ꞌye li-ɔ, *Zeziiꞌa ꞌꞌgwlidemʋꞌa klɛ ꞌbhɛɛꞌɛ-ɛ -pɔlʋ -ke -naagɩ -lue ꞌmʋ. ꞌLe ꞌwa ꞌꞌklumʋ, nyɔ-ɔ ꞌka nʋ: ꞌƖn -glɛꞌɛ-ɛ ꞌan -kɔkɔlɩ ꞌꞌyi, ɔ se -nɩ. Lɩ ʋn ꞌbhleꞌa a, ʋn-ʋ plɛ ꞌnɩ ꞌmʋ-ɛ.

Galasiikɔmʋ 5:13

A-bee -mnʋʋ a, ꞌlotʋꞌa ꞌꞌnynuu-a, -Lagɔ ꞌlaꞌa amʋ-ɛ ꞌle a ꞌke ꞌꞌyiflɔnyʋ ꞌꞌdu. Aꞌba ꞌꞌyiflɔɛ ꞌmnɛ, a -de ꞌle ɛ ꞌli ti, aꞌba ꞌnɛ ɛ ꞌꞌyi ꞌle aꞌba nʋ ꞌꞌnyinynidɩ -le! ꞌBho ꞌɛ lemʋ, a kɩkma dɩ ꞌle a ꞌke kpʋkpa!

Galasiikɔmʋ 5:22

ꞌBho ꞌɛ lemʋ, ꞌꞌyrilinmɔlɩzɩgɩ -Lagɔꞌɔ Lisaazuzu-u poꞌa ꞌle nyunyɔꞌɔ -pɔlʋ gbo, ɩ-ɩ ꞌꞌtuu nɔ-oꞌo ꞌle ꞌɔ kplizɩgɩ-ɩ ꞌkpaꞌa ꞌꞌpiemʋ, ɩ kɔkɔɔꞌɔ-ɔ ꞌmɩɩmɩɩtuꞌa ꞌꞌbhuo. ꞌꞌYrilinmɔlɩzɩgɩ ꞌmnɩ, ꞌɩnnɩ ꞌka-a: -Lagɔꞌɔ Lisaazuzu-u ꞌya-a dɩkmɛɛ ꞌle nyunyɔꞌɔ -pɔlʋ gbo, ʋn-ʋ ꞌli-e ꞌbʋbʋa ꞌle ꞌwa -pɔlʋ-ʋ bhluꞌo. Ʋn ꞌku-o ꞌꞌgwli ꞌle ꞌwa ꞌlimʋ -nmɔꞌɔ wɔn ꞌle ʋn -nmɔꞌɔ ꞌgwlʋti ꞌle ꞌwa -cna dɩ li.

Galasiikɔmʋ 5:6

A -gblee, -bho nyɔ -ke Zezii Kliisɩ ꞌꞌsisri ꞌꞌyi, -bho ɔ mu *klɛ ꞌmʋ, -bho ɔ se klɛ ꞌmʋ mu, ꞌɛ -nyna nyɔ ka. Lɛ-ɛ ꞌma-a -zɛgɛ, ꞌɩnnɛ ꞌmo-o -a ꞌde -ɔ ꞌꞌgwli. -Ka -a de ꞌɔ ꞌꞌgwli, -aꞌba -bonyunyuꞌa dɩkmɛɛ-ɛ tɔꞌɔ ꞌna ꞌle -a kɩkmaꞌa -kɩkma dɩ.

Efɛɛzɩkɔmʋ 4:3

A po ꞌle ꞌkpɩ, ꞌle, tikpʋkpʋɛn *-Lagɔꞌɔ Lisaazuzu ꞌꞌnyɩꞌa amʋ, -ɛ -ke ꞌli a -deꞌa ti, a ꞌke ɛ ꞌꞌlru-mu ꞌꞌkɔmʋ! ꞌƐ lɛtu ꞌke -nʋ-ɛ, -ɛkedɩmaa, -pɔlʋꞌa bhlubhlua -Lagɔ ꞌꞌnyɩꞌa amʋꞌa dɩ a-a ybhɛꞌo ꞌle a-a ꞌꞌsisriꞌe ꞌꞌyi.

Efɛɛzɩkɔmʋ 5:2

ꞌKa-a ɛ -nɩꞌe ꞌmʋꞌa dɩ a, ꞌle aꞌba nʋnʋkpli ꞌwee ꞌmʋ a -kma a -bonyunyuꞌa dɩ -ka *Zezii *Kliisɩ -kmaꞌa -aꞌba dɩ ꞌle ɔ ꞌyeꞌa ꞌɔ ꞌꞌbhuo ꞌꞌyitiꞌꞌtayi ɔ ꞌyeꞌa ꞌmɛ -aꞌba dɩ! ꞌƆ ꞌmɛmɛɛ ꞌmnɛ kɔɔꞌɔ-ɔ ꞌsraganmi ʋn-ʋ ꞌꞌnyɩꞌa -Lagɔ -ɛ nʋ ꞌɔ ꞌtʋ.

2 Tesalonikɩkɔmʋ 1:3

ꞌLotʋꞌa ꞌꞌnynuu-a, ɛ -nmɔꞌɔ-ɔ ꞌꞌyrili ꞌle -a ꞌke aꞌba dɩ -Lagɔ ꞌsɛɛ po -wlɛɛwlɛɛ. ꞌKa -nmɔꞌɔ-ɔ ꞌꞌyrili, -ɛkedɩmaa, aꞌba *Zeziiꞌa ꞌꞌgwlideɛ -ke dɩkɩkmɛɛ-ɛ ꞌkpa-a ꞌꞌkpi.

Eblee 10:24

-A ꞌꞌdudu ꞌꞌyrili -a ꞌke ꞌkpɩ ꞌꞌyipopo ꞌle -a ꞌke dɩ kɩkma ꞌꞌkɔmʋ ꞌle -a ꞌke -zɛgɛꞌɛ nʋnʋaꞌa ꞌkpa ꞌꞌyi ku.

1 ꞌPiɛlɩ 1:22

ꞌƆ wlu-u ꞌma-a -ziadɩ, a-a ꞌꞌdu -ɛ ꞌbhoꞌa dɩ, a *ꞌsaaꞌa li ꞌbho ꞌɔ ꞌꞌyigbeyi, ꞌle a ꞌbhɛɛꞌo a ꞌke a -Bozeziiꞌa nyʋꞌa dɩ -kma -ka -zɛgɛka. ꞌƐ kamʋ, ꞌɩn-ɩ ꞌtmʋʋꞌo amʋ, a -kma ꞌwa dɩ, ꞌle aꞌba -pɔlʋꞌa klɛ ti!

1 ꞌPiɛlɩ 2:17

ꞌAn ꞌlotʋꞌa ꞌꞌnynuu-a, a ꞌꞌdu ꞌbho nyʋ ꞌwee! A -kma a -Bozeziiꞌa nyʋꞌa dɩ! A ꞌꞌdu ꞌbho -Lagɔ! A ꞌꞌdu ꞌbho ꞌbhlʋkpayowliklagba -lrɛɛ!

1 ꞌPiɛlɩ 3:8

A -gblee, ꞌan ꞌlotʋꞌa ꞌꞌnynuu-a, a -plɛ -pɔlʋ ꞌmʋ ꞌwee! A *-Bozeziiꞌa nyɔ ꞌcnaa amʋ ku ꞌꞌyi! A -kma ꞌɔ dɩ! Aꞌba ꞌlimʋ -nmɔ wɔn ꞌbho ɔ ꞌꞌkpi! A -ya aꞌba ꞌꞌbhi ꞌzɔ!

1 ꞌPiɛlɩ 4:8

A -gblee, lɛ-ɛ ꞌbhleꞌa ꞌnynɩ tenyɩ, ꞌɩnnɛ ꞌmo-o, a ꞌke dɩ kɩkma aꞌba -pɔlʋꞌa klɛ ti. -Ɛkedɩmaa, -bho nyɔ -kma ɔ -bonyunyɔꞌɔ dɩ, ꞌle, ꞌɔ -bonyunyɔ ꞌmnɔ, -bho ɔ -kɔ ɔ ꞌꞌnyinynidɩ ꞌꞌlruli-inʋ, ɔ-ɔ ꞌbhɔꞌɔ ꞌya dɩ ꞌle ɔ-ɔ kmaꞌa ꞌɔ dɩ ꞌꞌkɔmʋ.

2 ꞌPiɛlɩ 1:7

-Bho a -kɛ ɛ-ɛ tiꞌbɔ ɔ, a -kma a -Bozeziiꞌa nyʋꞌa dɩ! ꞌBho ꞌɛ lemʋ ꞌle a ꞌke nyʋ ꞌweeꞌa dɩ -kma -lrɛɛ!

1 ꞌZaan 3:23

Lɛ ɔ ꞌbɔꞌɔ ti, -a ꞌke nʋ, a yibo nɛ ꞌnɩ? Ɔ na: -A de ꞌɔ ꞌꞌyu *Zezii *Kliisɩ ꞌꞌgwli, ꞌle, -ka ɔ ꞌlɛꞌɛ -amʋ ꞌꞌyi, -a ꞌke -kaa dɩ kɩkma!

1 ꞌZaan 4:20

A -gblee, -bho nyɔ nʋ ɔ -kmaꞌa-a -Lagɔꞌɔ dɩ ꞌle ɔ ꞌke ɔ -Bozeziiꞌa nyɔ ꞌmʋꞌnyɛ ɛ, ɔ-ɔ ꞌmo-o sɩnbhleyi. A ꞌye li-ɔ, ɔ -Bozeziiꞌa nyɔ ɔ-ɔ ꞌyeꞌa li, -bho ɔ se ꞌɔ dɩ -kma, -Lagɔ ꞌɔ ꞌyeꞌa li, ɔ ꞌbhɛɛ ɔ ꞌke ꞌɔ dɩ -kma ꞌnɩ? -Gba!

ꞌꞌDukuyrilizadɩ 2:4

Ɛ -nɩꞌa -kaa ꞌmʋ a, aꞌba lɛ -lue-e -nɩꞌe ꞌbho, ꞌɩnnɛꞌɛ nʋꞌo ꞌɩnmʋ ꞌtʋ: ꞌƐ lɛtu ꞌmo-o, -ka a -kmaꞌa ꞌan dɩ -bɛnyɩ, a se ꞌtraamʋ -kaa -nɩ.