Eblee 11:4 - Nyaboa (Nyabwa)

⁴ A -gblee, nyɔ -Lagɔ -yaꞌa ti -antanyɩ, ꞌɔ ꞌꞌyu *Abɛlɩ ꞌde-e ɔ-bɔ -Lagɔ ꞌꞌgwliꞌa dɩ, lɩ ɔ -zaꞌa ꞌsraga ꞌmʋ ɔ -bodɩ, ɩ nʋ ꞌɔ ꞌtʋ ꞌle ɩ ꞌye ꞌɔ ꞌlotʋꞌa ꞌꞌyu *Kayinɩꞌa nɩ -zi. Ɔ ꞌde -ɔ ꞌꞌgwliꞌa kamʋ ɔ nʋꞌo, ɔ ꞌsrɛɛꞌɛ-ɛ ꞌꞌyi ꞌbho ꞌɔ ꞌꞌyigbeyi. ꞌBho ꞌɛ lemʋ, ɔ -see ꞌɔ ꞌsraga ꞌꞌjni. ꞌƖnnɛ tɔꞌo -lrɛɛke na, ɔ ꞌsrɛɛꞌɛ-ɛ ꞌꞌyi ꞌbho ꞌɔ ꞌꞌyigbeyi. Ɔ-bɔ Abɛlɩ ꞌmnɔ, -ka ɔ ꞌmɛꞌɛ see, -a yibo nɩ-oꞌo. Ɛ -nɩꞌa -kaa ꞌmʋ a, -ka ɔ deꞌa -Lagɔ ꞌꞌgwli, ɛ-ɛ tɔꞌɔ -amʋ-ɛ na, -abʋ ꞌke ɔ -kaa ꞌꞌgwlide moꞌo -lrɛɛ.

Eblee 11:4 Iomraidhean Croise

Matiee 23:35

Nyʋ-ʋ -seeꞌa ꞌꞌnyinynidɩ nʋ aꞌba ꞌꞌna ꞌlbhaꞌa ꞌbho ʋn ꞌyeꞌa ꞌmɛ, ʋn -dieꞌe-e ꞌꞌyi. Ɛ ꞌnyaaꞌa-a ꞌbho ꞌꞌyisrɛɛyi *Abɛlɩꞌa ꞌꞌkpi, ꞌle, Balakiiꞌa ꞌꞌyu, Zakalii a ꞌlbhaꞌa see ꞌbho *-Lagɔꞌɔ bʋbɔbhlegboꞌa *ꞌsragagbagbʋ -ke ꞌɛ lisaabuduꞌa gwia ꞌmʋ, ɔ ꞌyeꞌa ꞌmɛ, ɛ ꞌye ɔ -yɛ. A-a ꞌye-e -Lagɔꞌɔ nyʋ nyanɩ ꞌmʋ -kla -mʋ -lrɛɛꞌɛ dɩ, -ziadɩ ꞌɩn-ɩ zaꞌa amʋ -bodɩ ꞌmʋ, ʋ-bʋ nyʋ ꞌmnʋ ꞌwee aꞌba ꞌꞌna ꞌlbhaꞌa ꞌbho ʋn ꞌyeꞌa ꞌmɛꞌɛ dɩ, ꞌkleyeɛɛꞌɛ -belu -Lagɔ-ɔ ꞌyeꞌa -ya mʋ, a-bʋ ꞌtraamʋꞌa nyʋ ɛ-ɛ ꞌye ꞌꞌkpitiꞌga mʋ!

Tiitɩ 1:16

Nyʋ ꞌmnʋꞌa ꞌꞌbhi na, ʋn yiboꞌo-o -Lagɔ ꞌle ꞌwa ꞌꞌnyinynikpli-i zʋ ꞌʋ gbɔ, -ka ʋn seꞌa -Lagɔ yibo -ziaka. ꞌWa ꞌꞌdu ꞌbho -Lagɔ, lɩ-ɩ nya ꞌnɔ li, ꞌɩnnɩ ʋn-ʋ nʋꞌo ꞌle ʋn se -zɩgɩꞌa nʋnʋa ꞌbhɛɛ.

Eblee 11:2

-Lagɔꞌɔ nyʋ-ʋ -nɩꞌa ti -bɛnyɩ, ꞌwa ꞌɔ ꞌꞌgwlideɛꞌɛ dɩ ɔ ꞌwɔɔn ꞌnʋ ꞌꞌkpi.

Eblee 12:1

ꞌLotʋꞌa ꞌꞌnynuu-a, ʋ-bʋ ꞌꞌyidienyʋ -a ꞌka ꞌtɔ ya-gbʋ, -a ꞌbhle -ʋꞌo, -ka ʋn deꞌa -Lagɔ ꞌꞌgwli, -a ꞌke ɔ -kaa ꞌꞌgwlideꞌa dɩ, -a ku ꞌkpa ꞌꞌyi ꞌbho ꞌɔ -jeyiꞌa -nanamʋ ꞌle -a ꞌke ꞌɛ ꞌꞌtiinamʋ nyni! ꞌꞌNyinynidɩ -a nʋꞌa -zɔɔ, ɩ -ke bhubhuyitiꞌa lɩ -lrɩɩ-ɩ ꞌbɔꞌɔ ti, ɩ ꞌke -amʋ ꞌbho ꞌɔ -jeyi -za a, -a ꞌꞌtayi nɩ ꞌꞌyiti!

Eblee 12:24

A-bee -mnʋʋ -lrɛɛ, *Zezii -ke ꞌsana ꞌmʋ nyunyu -ke -Lagɔ ꞌyeꞌa *-ybhɛybhɛtitelre bhla, a-a ꞌmo-o ꞌɔ nyʋ. Ɔ ꞌka ꞌmɛ, ꞌɔ nymɔ-ɔ ꞌwlaꞌa ti, -ɛ -ke kpazayiꞌa dɩ-ɩ -see ꞌɛ ꞌꞌyiꞌꞌsri *Abɛlɩꞌa nɛꞌɛ ka, -ɛ -ke ꞌꞌlru ꞌꞌyi -Lagɔ -ke nyunyu -ybhɛꞌɛ, ꞌɩnnɛ zetieꞌe amʋ ꞌle aꞌba ꞌꞌnyinynidɩ ꞌmʋ ꞌbho ꞌɔ ꞌꞌyigbeyi.

Eblee 5:1

A -gblee, ꞌlotʋꞌa ꞌꞌnynuu-a, nyɔ-ɔ ꞌma-a *-Lagɔꞌɔ ꞌsragazayiklagba, -Lagɔꞌɔ ꞌꞌbhuo-o zɔ ꞌɔ ꞌbho ꞌle ꞌɔ -bonyunyuꞌa ꞌꞌklumʋ. Kɩn, -Lagɔ-ɔ cɛ ꞌnɔ-ɔ kpɔ, ꞌle ꞌɔ nyɔtu ꞌke nyunyu ꞌmnʋꞌa ꞌnynɩmʋ -nɩ, ꞌle ɔ ꞌke *ꞌsraga -za ʋn -nɩ ꞌweeꞌa ꞌꞌnyinynidɩꞌa dɩ.

Eblee 9:22

Ʋ-bʋ Izrayɛɛlɩkɔmʋ ꞌmnʋ, ꞌle ꞌwa gba ꞌli, lɩ nyɔꞌɔ *ꞌsaa -nɩ -nɩꞌa nymɔ li ꞌbho -Lagɔꞌɔ ꞌꞌyigbeyi, ɩ se ꞌꞌyi-die. ꞌKa-a ɛ -nɩꞌe ꞌmʋꞌa dɩ, -bho ɔ ꞌke nyɔꞌɔ ꞌꞌnyinynidɩꞌa dɩ ꞌbhɔ, nymɔ-ɔ ꞌwlɛɛꞌɛ ti -antanyɩ ke-ɔ ꞌle ɔ-ɔ ꞌbhɔꞌo.

2 ꞌPiɛlɩ 2:8

-Ɛkedɩmaa, ɔ-bɔ ꞌꞌyisrɛɛyi ꞌmnɔ, ɔ -ke ʋn -nɩꞌe-e -gwlɔ -lue ꞌmʋ, ꞌle, kpli ʋn-ʋ nʋꞌa, ɔ-ɔ ꞌye ꞌɩ li, dɩ ʋn-ʋ zaꞌa ꞌmʋ, ɔ-ɔ ꞌwɩn ꞌɩ ꞌbɔ, ꞌle ɩ-bɩ kplisasʋɩ ꞌmnɩ-ɩ ꞌcnaꞌa ꞌɔ ku.

Ziidɩ 1:11

-Yeee, ngazedɩ! Ʋn-ʋ ꞌye-e ꞌkle ꞌye -mʋ tenyɩ ꞌꞌsɛ! -Ɛkedɩmaa, *Adaaꞌa ꞌꞌyu *Kayinɩ nʋꞌa ꞌɔ leyiꞌa ꞌꞌmʋnynɩ, -ɔ ꞌlbhɔ ꞌɔ ɔ, ꞌɔ -ka ʋn-ʋ popoꞌo ꞌgwlʋti. *Balaamʋ ꞌꞌduꞌa mɔniꞌa dɩ, -ɔ ꞌbɔ ꞌka ti ɔ ꞌke -Lagɔꞌɔ wlu ꞌꞌyida ꞌmʋ -za, ꞌɔ kpli ʋn ꞌꞌluoꞌo ꞌmʋ. *-Kɔlɛ-ɛ -seeꞌa ꞌbho -Lagɔ ꞌꞌdu, ꞌɔ -ka ʋn nʋꞌo, ꞌle, -ka ɔ ꞌmɛꞌɛ, ʋ-bee -mnʋʋ ꞌye -kaa ꞌꞌmamajolʋ bhlu -lrɛɛ.