Eblee 1:8 - Nyaboa (Nyabwa)

⁸ A -gblee, -yɛ ꞌma-a ꞌɔ ꞌꞌyuꞌa damʋ, ɩ ꞌcnɩ-ɛꞌo na: -Ɩnmɔ ꞌmo-o -Lagɔ. -Aꞌa lɩꞌa -kɔkɔɔ -see ꞌꞌtiinamʋ ꞌbhle yi. -Aꞌa nyʋꞌa -kɔkɔɔ ꞌsrɛɛꞌɛ-ɛ ꞌꞌyi.

Eblee 1:8 Iomraidhean Croise

Matiee 1:23

ꞌNynaakpʋdraa-a seꞌa nyukpasu yibo tukutuku, ʋn-ʋ ꞌye-e -nɩgblaa ꞌbhle -mʋ, ꞌle, ꞌꞌyu ʋn-ʋ ꞌyeꞌa ꞌwlʋ mʋ a, ʋn ꞌke ɔ Emanuɛlɩ ꞌla. ꞌƐ ꞌzɔ-ɔ ꞌmo-o: -A -ke -Lagɔ -naꞌo.

Luukɩ 1:75

ꞌle -a ꞌke *liꞌsaa ꞌle -a ꞌke ꞌꞌyiꞌsrɛɛ ꞌbho ꞌɔ ꞌꞌyigbeyi ꞌle -aꞌba tinɩɛꞌɛ ꞌwɩꞌa klɛ ꞌli.

ꞌZaan 10:30

A -gblee, ꞌɩn -ke -Lagɔ-ɔ ꞌꞌsisriꞌe-e ꞌꞌyi, ꞌɩn -ke ɔ-ɔ naꞌo, ꞌle, -ka ɔ -nɩꞌa ꞌtɩn, ꞌɩn -nɩꞌe -kaa.

ꞌZaan 10:33

ꞌLe ʋn na ɔ -bodɩ: -A ꞌnaa-a -Lagɔꞌɔ ꞌnynɩ ꞌꞌyiꞌa kamʋ -a ꞌbɔꞌɔ ti -a ꞌke -ɩnmʋ ꞌlbha. Ɛ -se -aꞌa wɔnkulɩꞌa dɩ -ko. -Ɩn ꞌmo-o nyunyɔkpɩan ꞌle -a ꞌlaꞌa -aꞌa ꞌꞌbhuo -Lagɔ. ꞌKla se ꞌꞌyrili-nmɔ!

ꞌZaan 20:28

ꞌLe ɔ na: ꞌAn -Kɔyi -Lagɔ!

ꞌWlɔmʋkɔmʋ 9:5

A -gblee, -tanyɩnyʋ -ke -Lagɔ bhlaꞌa -ybhɛybhɛtite, ꞌwa ꞌꞌnynuuꞌa ꞌꞌnynuu ʋn ꞌꞌduꞌo, ꞌle ꞌwa ꞌꞌklumʋ Kliisɩ ꞌwlʋ -nɩꞌo, ꞌle ɔ ꞌꞌsiꞌe ꞌbho, ɔ ꞌꞌduꞌo -Lagɔ, ꞌɩnnɔ -nɩꞌe lɩ ꞌwee ꞌꞌkpi, ꞌɔ ꞌnynɩ -nɩꞌe-e ꞌꞌyibhɛɛka ꞌꞌkɔmʋ. ꞌKa-a ɛ -nɩꞌe ꞌmʋ!

1 Kɔlɛɛtɩkɔmʋ 15:25

A ꞌye li-ɔ, -nɔɔ -ke ti Zezii Kliisɩ-ɩ ꞌyeꞌa le -yi mʋ a, ɛ -nmɔꞌɔ-ɔ ꞌꞌyrili ɔ ꞌke ꞌwa nyʋ ꞌmnʋ -kɔ ꞌle ꞌɔ -tɩta -Lagɔ ꞌmnɔ ꞌke ꞌɔ tʋꞌa nyʋ ꞌwee wɔn-zi.

1 Timotee 3:16

Ɩ-bɩ -ziadɩ ꞌmnɩ, -Lagɔꞌɔ ꞌꞌbhuo ꞌpo -ɩ ꞌꞌpiemʋ ti, ꞌle, -ka nyɔ ꞌka ꞌbho -Lagɔjeyi -na, ɩ-ɩ tɔꞌɔ -amʋ -kaa. -Ɩn ꞌye li-ɔ, ꞌɛ wlutu -tɛꞌɛ ꞌmʋ-ɛ ꞌle nyɔ se ꞌbhɛɛ ɔ ꞌke ɛ ꞌꞌyidepo -nɩ. Ɛ-bɛ wlu ꞌmnɛ, Kliisɩꞌa ꞌꞌkpidɩ ɛ-ɛ zaꞌa ꞌmʋ, ꞌle ɛ na: Ɔ -yiꞌe-e nyunyɔ ꞌmʋ; -ka ɔ ꞌsrɛɛꞌɛ ꞌꞌyi, *-Lagɔꞌɔ Lisaazuzu -tɔ nɛꞌo. -Lagɔ gboꞌa -dalbhomʋ ꞌye -ɔꞌo ꞌle -Lagɔ ꞌye ɔ ꞌle yaku ꞌli ꞌla ꞌbho ꞌɔ ꞌꞌtroli ꞌle ꞌɔ ꞌnynɩꞌa ꞌꞌyibhɛɛɛ ꞌmʋ. ꞌBho ꞌɛ lemʋ, ꞌbhlɩkpɩ ꞌwee ꞌwɔn-ɔ ꞌɔ ꞌꞌdɩzɩgɩ ꞌbɔ ꞌle ꞌnɔɔ ꞌkmʋ ꞌmʋꞌa nyʋtɔlʋ ꞌye ɔ ꞌꞌgwlide.

2 ꞌPiɛlɩ 1:11

ꞌBho ꞌɛ lemʋ, nyʋ -aꞌba -Kɔyi -ke ꞌPʋʋnyi Zezii Kliisɩ -kɔꞌɔ ɔ, -a-bʋ -nɩꞌa ꞌle ꞌwa ꞌꞌklumʋ, ꞌpʋnpʋan -a ꞌyeꞌa a, -Lagɔ-ɔ ꞌye -ɛ -nʋ -mʋ ꞌle a ꞌke ꞌbho ꞌɔ ꞌꞌtroli -nɩ ꞌꞌkɔgwlɛka ꞌle ɛ ꞌke amʋ ꞌmʋ ꞌꞌyi ꞌle ɛ ꞌke tiꞌpɩple.

1 ꞌZaan 5:20

-A yiboꞌo-o -lrɛɛke na -Lagɔꞌɔ ꞌꞌyu Zezii *Kliisɩ ꞌyi-e ꞌnɔɔ ꞌkmʋ ꞌmʋ ꞌle ɔ ꞌye -amʋ -naagɩ ꞌꞌnyɩ -a ꞌke -Lagɔzɛgɛ yibo. -A -ke -Lagɔzɛgɛ ꞌmnɔꞌɔ ꞌꞌbhuo ꞌꞌsisriꞌe-e ꞌꞌyi ꞌle -a -ke ꞌɔ ꞌꞌyu, Zezii, kpʋkpʋnꞌo ti -lrɛɛ, -ɛkedɩmaa, Zezii-i ꞌmo-o -Lagɔzɛgɛ ꞌle ɔ ꞌbhleꞌe ꞌꞌkɔgwlɛtinɩɛzɛgɛꞌɛ ꞌꞌlru kwa.