2 Tesalonikɩkɔmʋ 3:3 - Nyaboa (Nyabwa)

³ A ꞌye li-ɔ, -aꞌba -Kɔyi Zezii *Kliisɩ ꞌsrɛɛꞌɛ-ɛ ꞌꞌyi, lɛ -ke dɩ -a de ꞌɔ ꞌꞌgwli, ɔ-ɔ nʋ -ɛꞌo. ꞌƐ dɩ -a yiboꞌo ɔ-ɔ ꞌye-e amʋ ꞌkpɩ ꞌmʋ -po -mʋ, ꞌle ɔ ꞌke amʋ ꞌꞌyriliꞌꞌdu, lɩ ꞌꞌnyinynidɩꞌa tiyayi *Sataan-a ꞌbɔꞌɔ ti ɔ ꞌke amʋ -bodɩ nʋ, ɩ -kaa amʋ ꞌꞌyi pa.

2 Tesalonikɩkɔmʋ 3:3 Iomraidhean Croise

Matiee 5:37

Aꞌba kɩn ꞌꞌdu kɩn! Aꞌba -gba ꞌꞌdu -gba! -Bho ɛ -se -mnɛɛ ɛ, -zrɛzrɛɛ nyɔ-ɔ ꞌꞌduꞌa ꞌbho ꞌꞌkpi, ꞌꞌnyinynidɩꞌa tiyayiꞌa -nɛ moꞌo.

Matiee 6:13

-Aꞌa -za ꞌꞌnyinynidɩꞌa tiyayi ꞌꞌyrili, ꞌɛ -lu -nɩ -amʋ tidɩnlɩ ꞌmʋ tʋ wɔn ꞌmʋ -le, -za -amʋ ꞌꞌnyinynidɩꞌa tiyayiꞌa ꞌmʋtikukuɛ ꞌꞌkpi, [-ɛkedɩmaa -ɩnmɔ kuꞌo wɔn, -aꞌa ꞌnynɩ-ɩ ꞌbhɛꞌɛ ꞌꞌyi, -ɩnmɔ ꞌmo-o nyunyuꞌa -kɔkɔyi. *Ɛ -nɩ -kaa ꞌmʋ ꞌꞌkɔmʋ!]

Luukɩ 11:4

Nyʋ-ʋ nʋꞌa -amʋ ꞌꞌnyinynidɩ ꞌꞌlruli, -ka -a ꞌbhɔꞌɔ ꞌya dɩ a, -aꞌba ꞌꞌnyinynidɩ -a nʋꞌa ꞌbho -aꞌa ꞌꞌyigbeyi, ꞌbhɔ -kaa ꞌya dɩ! -Aꞌa -za ꞌꞌnyinynidɩꞌa tiyayi ꞌꞌyrili, ꞌɛ -lu -nɩ -amʋ tidɩnlɩ ꞌmʋ tʋ wɔn ꞌmʋ -le!

ꞌZaan 17:15

Ɛ -se -ɩn ꞌke ʋ ꞌnɔɔ ꞌkmʋ ꞌmʋ -zaꞌa dɩ, ꞌɩn-ɩ bhade -ɩnmʋ li ꞌnɩ -ko. ꞌꞌNyinynidɩꞌa tiyayiꞌa dɩ, ꞌɩn-ɩ nʋꞌo -kaa ꞌle -ɩn ꞌke ʋ ꞌꞌyriliꞌꞌdu.

1 Kɔlɛɛtɩkɔmʋ 1:9

-Ziadɩ moꞌo, -Lagɔꞌɔ ꞌꞌbhuo-o ꞌlaꞌa amʋ ꞌle ꞌɔ ꞌꞌyu Zezii Kliisɩ ꞌma-a -aꞌba -Kɔyi ꞌmnɔ, a -ke ɔ ꞌke ꞌꞌyiꞌꞌsisri, ꞌɔ cɛ sɩn. Lɛ ɔ-ɔ ꞌꞌsiꞌa ꞌnynɩ ꞌtɩn, ꞌɩnnɛ ɔ-ɔ nʋꞌo.

1 Kɔlɛɛtɩkɔmʋ 10:13

A -gblee, tidɩnlɩ ꞌwee yiꞌa amʋ -bodɩ ꞌle ɩ ꞌyeꞌa -zɩan ꞌꞌkpi bhla, ꞌya lɩtu-u ꞌyi-e nyunyu ꞌwee -bodɩ ꞌle ʋn ꞌbhɛɛꞌo ʋn ꞌke ɩ wɔnyiꞌbhɛɛ, -ɛkedɩmaa, -Lagɔꞌɔ ꞌꞌbhuo ꞌnʋ-o na ɔ -ke -a ꞌke -na ꞌꞌkɔmʋ. ꞌKa-a ɔ ꞌke nʋ ꞌle tidɩnlɩ -ke ꞌmʋ ɔ ꞌka -amʋ kwa gbo -za -nɩ, ɩ se -nɩ. ꞌƐ dɩ tidɩnlɩ ꞌyeꞌa amʋ ꞌꞌkpi -bhla mʋ -bhla a, -yɩ a seꞌa wɔnyiꞌbhɛɛ yi a, ꞌya -kaabolɩ -see -nʋ-ɛ yi, ꞌle ꞌya ꞌmʋ ꞌɔ ꞌꞌbhuo-o ꞌye amʋ ꞌkpɩ ꞌmʋ -po mʋ ꞌle a ꞌke ɩ wɔnyiꞌbhɛɛ. ꞌKa-a ɛ -nɩꞌe ꞌmʋꞌa dɩ, -da ꞌya lɩtu-u ꞌyeꞌa amʋ ꞌꞌkpi -bhla -nɩ mʋ, -ka a ꞌka -nyna ꞌle a ꞌke ɩ wɔn ꞌmʋ cɛ ɛ, ꞌle a ꞌke ꞌna yibo.

1 Tesalonikɩkɔmʋ 5:24

A -gblee, -Lagɔ ꞌlaꞌa amʋ a ꞌke ꞌɔ nyʋ ꞌꞌdu, ɔ ꞌsrɛɛꞌɛ-ɛ ꞌꞌyi. A de ɔ ꞌꞌgwli, lɛ ɔ ꞌꞌduꞌa wɔn ꞌle amʋ ꞌmʋ, ɔ-ɔ ꞌye -ɛ -nʋ -mʋ ꞌle ɔ ꞌke ɛ ꞌꞌyigwɛ ꞌle nyʋ ꞌke ꞌɛ ꞌꞌyriꞌa ꞌbɩ ꞌye! ꞌƆ cɛ sɩn.

2 Timotee 4:18

ꞌꞌNyinynilɩ ꞌyeꞌa ꞌɩnmʋ ꞌꞌlruli-nʋ-ɛ mʋ a, ɔ-ɔ ꞌye-e ꞌle ꞌya ꞌmʋ ꞌɩnmʋ zetie -mʋ ꞌꞌkɔmʋ, ꞌle, nyʋ ɔ -kɔꞌɔ, -ʋ -nɩꞌa ꞌle yaku ꞌli, ꞌɩn ꞌke ꞌle ꞌwa ꞌꞌklumʋ ꞌbɩ ꞌye. Nyʋ ꞌbhɛɛ ꞌɔ ꞌnynɩ ꞌꞌyi ꞌꞌkɔmʋ -nɔɔꞌꞌo -nɔɔ ti! *Ɩ -nɩ -kaa ꞌmʋ!

1 ꞌPiɛlɩ 5:10

-Bho a ꞌye -kaa ꞌkle -daan, lɛꞌꞌo lɛ-ɛ ꞌma-a -zɛgɛ, -Lagɔ -ke ꞌmʋ ɛ-ɛ ꞌwlʋꞌa, -ɔ ꞌlaꞌa amʋ, ꞌle, -ka ꞌɔ ꞌnynɩ ꞌbhɛꞌɛ ꞌꞌyi, a ꞌke -kaa ꞌnynɩ ꞌwlʋ -lrɛɛ, ꞌle a ꞌke ꞌbho ꞌɔ ꞌꞌtroli -nɩ ꞌꞌkɔgwlɛka, a -ke Kliisɩ ꞌke ꞌꞌyiꞌꞌsisri, ɔ-bɔ -Lagɔ ꞌmnɔ, ɔ-ɔ ꞌye -ɛ -nʋ -mʋ ꞌle a ꞌke pepe -nɩ ꞌbho ꞌɔ ꞌꞌyigbeyi, ɔ-ɔ ꞌye-e amʋ ꞌkpɩ ꞌmʋ -po -mʋ tenyɩ ꞌle aꞌba ꞌꞌgwlideɛ -see -denɩ ꞌmʋ -sɔ yi.

2 ꞌPiɛlɩ 2:9

ꞌKa-a ɛ -nɩꞌe ꞌmʋꞌa dɩ, -aꞌba -Kɔyi -Lagɔ yiboꞌo -ka ɔ ꞌka -nyna, nyʋ-ʋ ꞌbɔꞌɔ ti ꞌwa -nabhʋ ꞌke ɔ ꞌtʋ nʋ, ꞌle, ʋ-bʋ ꞌma-a ꞌɔ nyʋ, ɔ ꞌke ʋ ꞌkleyeɛɛ wɔn ꞌmʋ -za. ꞌƐ lɛtu-u tɔ-oꞌo -lrɛɛ na, ɔ yiboꞌo-o -ka ɔ ꞌka -nyna, ꞌle, -yʋ ꞌma-a ꞌꞌnyinynidɩꞌa nʋmʋ, ɔ ꞌke ʋ ꞌkleyeɛɛ ꞌꞌkpi -ya ꞌbho ꞌɔ -zigleꞌa zɔ.

Ziidɩ 1:24

ꞌAn ꞌlotʋꞌa ꞌꞌnynuu-a, -Lagɔ ꞌbhleꞌa wɔnkuɛ ɔ ꞌke amʋ ꞌꞌyriliꞌꞌdu ꞌle a -kaa ꞌbho ꞌɔ -jeyi ꞌwlʋ, -ɔ ꞌbhleꞌa wɔnkuɛ ɔ ꞌke amʋ aꞌba ꞌꞌnyinynidɩ ꞌꞌkpi -za -lrɛɛ, a ꞌbhɛɛ ꞌɔ ꞌnynɩ ꞌꞌyi! A-bʋ -seeꞌa ꞌbɩ liꞌbhle yi, ꞌɔ ꞌnynɩ ꞌmnɛꞌɛ ꞌꞌyibhɛɛɛꞌɛ -vlavlɩ ꞌmʋ a-a ꞌye ti-de mʋ ꞌbho ꞌɔ ꞌꞌtroli ꞌle a ꞌke ꞌbʋbʋa li.