1 Tesalonikɩkɔmʋ 4:9 - Nyaboa (Nyabwa)

⁹ A ꞌye li-ɔ, ꞌlotʋꞌa ꞌꞌnynuu-a, ꞌbho dɩkɩkmɛɛꞌɛ ꞌꞌkpi a, ꞌɩn se lɛ ꞌbhle ꞌɩn ꞌke amʋ -bodɩ ꞌmʋ-za -lrɛɛ, -ɛkedɩmaa, -Lagɔ -mnɔɔꞌɔ ꞌꞌbhuo-o -tɔꞌɔ amʋ ꞌɛ -jolʋ.

1 Tesalonikɩkɔmʋ 4:9 Iomraidhean Croise

Matiee 22:39

-Lagɔ ꞌmnɔꞌɔ gbaꞌa ꞌsɔnnɛ, -ɛ kuꞌa wɔn -a ꞌka ꞌꞌyi-kpʋn -lrɛɛ, ꞌɩnnɛ ꞌka-a: -Ka -ɩn -kmaꞌa -aꞌa ꞌꞌbhuoꞌa dɩ, -kma -kaa -ɩn -bonyunyɔꞌɔ dɩ!

ꞌZaan 14:26

A ꞌye li-ɔ, ꞌle ꞌan wɔnkuɛ ꞌmʋ, *Lisaazuzu ꞌan -tɩta -Lagɔ-ɔ ꞌyeꞌa amʋ -jeyi -po mʋ, -ɔ ꞌka aꞌba -kpayi ꞌꞌdu a, ꞌɩnnɔ ꞌye amʋ lɩ ꞌwee -tɔ mʋ, ꞌle, dɩ ꞌwee ꞌɩn -zaꞌa amʋ -bodɩ ꞌmʋ, ɔ ꞌke ɩ amʋ ꞌgwlʋtipopo.

Nʋnʋkpli 4:32

-Ɩn ꞌye li-ɔ, *Zeziiꞌa ꞌꞌgwlidemʋꞌa klɛ ꞌbhɛɛꞌɛ-ɛ -pɔlʋ -ke -naagɩ -lue ꞌmʋ. ꞌLe ꞌwa ꞌꞌklumʋ, nyɔ-ɔ ꞌka nʋ: ꞌƖn -glɛꞌɛ-ɛ ꞌan -kɔkɔlɩ ꞌꞌyi, ɔ se -nɩ. Lɩ ʋn ꞌbhleꞌa a, ʋn-ʋ plɛ ꞌnɩ ꞌmʋ-ɛ.

ꞌWlɔmʋkɔmʋ 12:10

A kɩkma -kɩkma dɩ ꞌle aꞌba -pɔlʋꞌa klɛ ti! A ꞌꞌdudu ꞌbho, aꞌba ꞌnyɩnyɛ ꞌmʋ -le!

2 Kɔlɛɛtɩkɔmʋ 9:1

A -gblee, ꞌlotʋꞌa ꞌꞌnynuu-a, *Zeziiꞌa nyʋ-ʋ -nɩꞌa Zideebhlʋkpa ꞌꞌkpi, mɔni a ꞌkʋ ʋ -jeyi po, -bho ɛ ꞌꞌdu ꞌya dɩ, ɩ se ꞌkɩ ꞌꞌyi-kma, ꞌɩn ꞌke amʋ ꞌya dɩ -bodɩ ꞌmʋ-za kplokplokplo.

Filiipʋkɔmʋ 3:15

ꞌƖnnɛ ꞌbhleꞌe ꞌnynɩꞌa dɩ a, -a-bʋ -yʋ kuꞌa ꞌꞌyriti ꞌbho Zeziiꞌa -jeyi, ɛ -nmɔꞌɔ ꞌꞌyrili ꞌbho dɩ -nɩɩꞌa ꞌꞌkpi -a ꞌke -pɔlʋ -lue ꞌtɩn ꞌmʋꞌbhɛɛ. ꞌLe, -bho a -ka -ka -lrɔɔ-ɔ ꞌgwlʋtipopo ꞌbho ɩ ꞌꞌkpi a, ꞌle -Lagɔꞌɔ ꞌꞌbhuo ꞌke amʋ ꞌꞌyrikʋɩ ꞌmʋ -flɔ ꞌbho ꞌya ꞌꞌkpi ꞌle a ꞌke ɩ ꞌwɔɔn -lrɛɛ.

1 Tesalonikɩkɔmʋ 5:1

A -gblee, ꞌlotʋꞌa ꞌꞌnynuu-a, ɩ-bɩ dɩ ꞌmnɩ, -nɔɔ -ke ti ɩ-ɩ ꞌyeꞌa -zi mʋ, ꞌbho ꞌɛ damʋ, ꞌɩn se lɛ ꞌbhle ꞌɩn ꞌke amʋ -bodɩ ꞌmʋ-za -lrɛɛ,

Eblee 10:16

-Aꞌba -Kɔyi -Lagɔ na: ꞌAn nyʋ ꞌnaaꞌa-a ꞌan wlu ꞌꞌyi. Ɛ -nɩꞌa -kaa ꞌmʋ a, ꞌɩn -ke ʋn-ʋ ꞌye-e *titelre -bhla -mʋ. -Bho ꞌɩn -ke ʋn bhlɛ ɛ, lɛ ꞌɩn-ɩ ꞌyeꞌa -nʋ mʋ, ꞌɩnnɛ ꞌka-a: ꞌAn ꞌꞌbhuo-o ꞌye-e ꞌan wlu ꞌle ꞌwa -pɔlʋ ꞌzɔ -po -mʋ. ꞌƐ dɩ ʋn -see ɩ ꞌmate yi.

Eblee 13:1

ꞌAn ꞌlotʋꞌa ꞌꞌnynuu-a, nyʋ-ʋ ꞌma-a a *-Bozeziiꞌa nyʋ, aꞌba ꞌbhɔ ꞌwa dɩkmadɩ -le!

1 ꞌPiɛlɩ 3:8

A -gblee, ꞌan ꞌlotʋꞌa ꞌꞌnynuu-a, a -plɛ -pɔlʋ ꞌmʋ ꞌwee! A *-Bozeziiꞌa nyɔ ꞌcnaa amʋ ku ꞌꞌyi! A -kma ꞌɔ dɩ! Aꞌba ꞌlimʋ -nmɔ wɔn ꞌbho ɔ ꞌꞌkpi! A -ya aꞌba ꞌꞌbhi ꞌzɔ!

1 ꞌPiɛlɩ 4:8

A -gblee, lɛ-ɛ ꞌbhleꞌa ꞌnynɩ tenyɩ, ꞌɩnnɛ ꞌmo-o, a ꞌke dɩ kɩkma aꞌba -pɔlʋꞌa klɛ ti. -Ɛkedɩmaa, -bho nyɔ -kma ɔ -bonyunyɔꞌɔ dɩ, ꞌle, ꞌɔ -bonyunyɔ ꞌmnɔ, -bho ɔ -kɔ ɔ ꞌꞌnyinynidɩ ꞌꞌlruli-inʋ, ɔ-ɔ ꞌbhɔꞌɔ ꞌya dɩ ꞌle ɔ-ɔ kmaꞌa ꞌɔ dɩ ꞌꞌkɔmʋ.

2 ꞌPiɛlɩ 1:7

-Bho a -kɛ ɛ-ɛ tiꞌbɔ ɔ, a -kma a -Bozeziiꞌa nyʋꞌa dɩ! ꞌBho ꞌɛ lemʋ ꞌle a ꞌke nyʋ ꞌweeꞌa dɩ -kma -lrɛɛ!

1 ꞌZaan 2:10

Ɛ -nɩꞌa -kaa ꞌmʋ a, -bho nyɔ -kma ɔ -Bozeziiꞌa nyɔꞌɔ dɩ, ꞌɔ nyɔtu -deꞌe-e ꞌle -zɛgɛ ꞌli ti. Lɛ -see ɔ ꞌꞌnyinynidɩ wɔn-po yi ꞌbho -Lagɔꞌɔ ꞌꞌyigbeyi.

1 ꞌZaan 3:11

ꞌAn dɩkmalotʋꞌa ꞌꞌnynuu-a, -da a -yi -nɩꞌa ꞌbho -Lagɔjeyi -lreeka, -ɛ ꞌwlʋꞌa ꞌbho, -ɛ bhlaꞌa -zɩan ꞌꞌkpi a, a ꞌwɔn-ɔ wlu -lue ꞌbɔ. Ɛ-bɛ wlu ꞌmnɛ, ꞌɩnnɛ ꞌmo-o, -a kɩkma -kɩkma dɩ!

1 ꞌZaan 3:23

Lɛ ɔ ꞌbɔꞌɔ ti, -a ꞌke nʋ, a yibo nɛ ꞌnɩ? Ɔ na: -A de ꞌɔ ꞌꞌyu *Zezii *Kliisɩ ꞌꞌgwli, ꞌle, -ka ɔ ꞌlɛꞌɛ -amʋ ꞌꞌyi, -a ꞌke -kaa dɩ kɩkma!

1 ꞌZaan 4:21

ꞌBho ꞌɛ lemʋ, -Lagɔꞌɔ ꞌꞌbhuo na, nyɔ-ɔ -kmaꞌa ꞌɔ dɩ, ɔ -kma ɔ -bonyunyɔꞌɔ dɩ -lrɛɛ!