1 Tesalonikɩkɔmʋ 4:8 - Nyaboa (Nyabwa)

⁸ ꞌKa-a ɩ -nɩꞌe ꞌmʋꞌa dɩ, nyɔ -yɔ -seeꞌa wlu -nɩɩ -lokuipo, ɛ -se nyunyuꞌa wlu ɔ -see ꞌbho ꞌꞌdu -ko. -Lagɔ poꞌa -ɩnmʋ *ꞌɔ Lisaazuzu ꞌmʋ, ꞌɩnnɔ -ɩn ꞌkpɩkpɩaꞌa li.

1 Tesalonikɩkɔmʋ 4:8 Iomraidhean Croise

Luukɩ 10:16

ꞌLe ɔ ꞌye -kaa *ꞌɔ -namʋ ꞌꞌyiꞌlɛ -lrɛɛ: A ꞌye li-ɔ, nyɔ -yɔ poꞌa amʋ -lokui, ꞌɩnmɔ ɔ poꞌo -lokui. Nyɔ -yɔ -seeꞌa amʋ kpʋn -gli a, ɔ-bɔ nyɔ ꞌmnɔ -see ꞌɩnmʋ kpʋn -gli. ꞌLe, nyɔ -yɔ -seeꞌa ꞌɩnmʋ kpʋn -gli a, -Lagɔ -yɔ lbhoꞌa ꞌɩnmʋ, ꞌɩnnɔ ɔ -see kpʋn -gli -lrɛɛ.

ꞌZaan 12:48

Nyɔ -yɔ -seeꞌa ꞌɩnmʋ ꞌꞌgwlide, dɩ ꞌɩn -zaꞌa ꞌmʋ, -ɔ -see ꞌɩ -lokuipo, ɩ-bɩ lɩ ꞌɩn -tɔꞌɔ, ꞌɩnnɩ ꞌye ɔ dɩ -kpʋn mʋ ꞌle -lebhɔɔnɔɔ ꞌli.

Nʋnʋkpli 13:41

Ʋn na: A-bʋ, lɛ -Lagɔ -zaꞌa ꞌmʋ, -ʋ ꞌnyɛ ꞌɛ ꞌmʋ a, a po -lokui, wɔn ma amʋ ti -nalo, a ꞌke ꞌɩnmʋ ꞌꞌyigbeyi ti-gwɛ. A -gblee, aꞌba -nɔɔ ti ꞌtraamʋ a, lbhʋ ꞌɩn-ɩ nʋꞌa -laa, -bho nyɔ -za amʋ ꞌya ꞌꞌdɩ, a -see ɩ ꞌꞌgwli-de yi.

ꞌWlɔmʋkɔmʋ 5:5

ꞌKa-a ɛ -nɩꞌe ꞌmʋꞌa dɩ a, ɛ-bɛ -aꞌba -Lagɔꞌɔ -pɔlʋyideɛ ꞌmnɛ se ꞌbhɛɛ ɛ ꞌke -amʋ ꞌkpɩ ꞌꞌyiti-wa; -ɛkedɩmaa, *ꞌɔ Lisaazuzu ɔ ꞌꞌnyɩꞌa -amʋ a, ɔ -zi -nɩ ꞌnɔ-ɔ ꞌmʋ ꞌle ɔ ꞌye ꞌɔ nyʋꞌa dɩkmɛɛ ꞌle -aꞌba -pɔlʋ ꞌꞌkpi ꞌpɩple!

1 Kɔlɛɛtɩkɔmʋ 2:10

A -gblee, -a-bʋ deꞌa Zezii ꞌꞌgwli, ɩ-bɩ dɩ ꞌmnɩ, -Lagɔ -yi -nɩꞌe-e *ꞌɔ Lisaazuzu ꞌmʋ ꞌle ɔ ꞌye ɩ -amʋ -tɔ. -Ziaka a, -Lagɔꞌɔ Lisaazuzu-u ꞌnyma-a lɩ ꞌwee ꞌmʋ, ꞌle, -Lagɔꞌɔ ꞌꞌbhuoꞌa -pɔlʋꞌa gugluzɔti, ɔ nyni ꞌɛ ꞌmʋ.

1 Kɔlɛɛtɩkɔmʋ 7:40

ꞌLe, -ka ʋn -nɩꞌa, ʋn ꞌke -kaa -sie, -bho ʋn -see nyimiɛlre kpa a, ʋn-ʋ ꞌye-e ti-wa -mʋ -ka -zɛgɛka, ꞌle ɛ ꞌke ꞌwa nynatiɛɛ ꞌmʋ-zi. Wlu ꞌɩn -zaꞌa -laa amʋ -bodɩ ꞌmʋ a, ꞌka-a ꞌɩn-ɩ popoꞌo ꞌgwlʋti ꞌle ꞌɩn yiboꞌo na ꞌɩn ꞌbhle-e *-Lagɔꞌɔ Lisaazuzu ꞌmʋ -lrɛɛ! ꞌƐ dɩ a po ꞌan wlu -lokui!

2 Kɔlɛɛtɩkɔmʋ 1:22

Ɔ-bɔ -Lagɔ ꞌmnɔ, -ka ɔ -kɔꞌɔ -amʋ, nyʋ ꞌke ɩ yiboꞌa dɩ, ɔ ꞌꞌduꞌo *ꞌɔ Lisaazuzu ꞌle -aꞌba -pɔlʋ ꞌzɔ. -Zɩgɩ ɔ ꞌka -amʋ ꞌꞌlrulinʋ, ꞌɩnnɔ ꞌmo-o ꞌya ꞌmnaꞌa ꞌꞌyitisabhlelɛ.

Galasiikɔmʋ 4:6

A -gblee, a ꞌꞌdu-o -Lagɔꞌɔ ꞌꞌyreetɩ. -A ꞌꞌdu-o ꞌɔ ꞌꞌyreetɩꞌa dɩ, ɔ poꞌo -amʋ *ꞌɔ Lisaazuzu ꞌmʋ. Lisaazuzu -nɩꞌa ꞌɔ ꞌꞌyu Zezii Kliisɩ ꞌmʋ, ꞌɩnnɔ moꞌo. ꞌƖnnɛ -nʋ-ɛꞌo ꞌle a-a ꞌlaꞌa -Lagɔ aꞌba -tɩta.

1 ꞌPiɛlɩ 1:12

-Lagɔꞌɔ ꞌꞌbhuo-o ꞌtmʋʋ nʋꞌo na, ɛ -se ꞌbho ꞌwa -nɔɔ ꞌꞌyi ɩ ꞌke -nʋ-ɛ -nɩ -ko. ꞌBho aꞌba -nɔɔ ꞌꞌyi ɩ-ɩ ꞌye -zi -nɩ mʋ. ꞌTraamʋ -bhla a, nyʋ-ʋ ꞌma-a Zeziiꞌa ꞌꞌdɩzɩgɩꞌa -zamʋ, ʋn-ʋ ꞌzɩ -ɩ amʋ -bodɩ ꞌmʋ. A -gblee, -Lagɔ -nɩꞌa ꞌle yaku ꞌli, ꞌɔ Lisaazuzu ɔ po ꞌʋ -jeyi, ꞌɩnnɔ zi nɩ ꞌnʋ ꞌmʋ ꞌle ʋn-ʋ wluꞌo. ꞌLe, ɩ-bɩ ꞌꞌdɩzɩgɩ ꞌmnɩ, ɔ gboꞌa -dalbhomʋꞌa ꞌꞌbhi-i ꞌbɔꞌɔ ti tenyɩ -lrɛɛ, ʋn ꞌke ɩ ꞌmʋtiꞌwɔn.

2 ꞌPiɛlɩ 1:21

Wlu ꞌwee ʋn -zaꞌa ꞌmʋti, ɩ -see ꞌwa ꞌꞌbhi ꞌmʋ ꞌwlʋ. -Lagɔ ɩ ꞌwlʋꞌo ꞌmʋ, ꞌle ꞌɔ Lisaazuzu ꞌye ʋ ꞌꞌtuu ꞌle ʋn ꞌye ɩ ꞌmʋ-za.

1 ꞌZaan 3:24

-A-bʋ ꞌꞌduꞌa ꞌbho -Lagɔꞌɔ wlu a, -a -ke ɔ ꞌꞌsisriꞌe-e ꞌꞌyi, ꞌle, -ka ɔ -nɩꞌa -amʋ ꞌmʋ, -a yibo nɩ-oꞌo, -ɛkedɩmaa, *ꞌɔ Lisaazuzu ɔ ꞌꞌnyɩꞌa -amʋ, ꞌɩnnɔ tɔ ꞌnɩ -amʋ.

Ziidɩ 1:8

A -gblee, ꞌan ꞌlotʋꞌa ꞌꞌnynuu-a, ʋ-bʋ nyʋ-ʋ -seꞌa-a -Lagɔwluꞌa -tɔmʋzɩgɩ, ꞌka-a ʋn-ʋ nʋꞌo ɩ-bɩ ꞌꞌnyinynikpli ꞌmnɩ -lrɛɛ. Yaflɩ ꞌꞌwe ʋn-ʋ yaꞌa a, ꞌya dɩ ʋn-ʋ ꞌꞌwɩlɩꞌo. Ʋn -see tiꞌbɔ -Lagɔ ꞌke ʋ -kɔ, ꞌle, ɔ gboꞌa -dalbhomʋ -ke ꞌnynɩ-ɩ ꞌbhɛꞌɛ ꞌꞌyi, ʋn-ʋ zaꞌa ꞌꞌnyinyniwlu ꞌmʋ ꞌbho ʋ ꞌꞌkpi.