1 Tesalonikɩkɔmʋ 4:6 - Nyaboa (Nyabwa)

⁶ Nyɔꞌɔ nʋ ꞌɔ -bonyunyɔ ꞌꞌnyinynidɩ ꞌꞌlruli -le ꞌle ꞌnynʋkpakpɩꞌa bo ꞌli! Aꞌba -ke a -bonyunyɔꞌɔ ꞌnynɔꞌɔ ꞌꞌdu ꞌꞌbha -le! -A ꞌwɩ -ɩ amʋ ꞌꞌyiti see, -aꞌba -Kɔyi Zezii -see ꞌꞌnyinynidɩ tiꞌbɔ. Nyɔ-ɔ nʋ ꞌɩ a, ɔ-ɔ ꞌyɔ -ɔ ꞌkleyeɛɛ ꞌꞌkpi.

1 Tesalonikɩkɔmʋ 4:6 Iomraidhean Croise

Eblee 13:4

ꞌBho ꞌnynɔ -ke nyimiɛꞌɛ kpʋkpɛɛꞌɛ ꞌꞌkpi, dɩ -Lagɔ -zaꞌa ꞌmʋ, a ꞌꞌdu ɩ ꞌbho! Aꞌba nyɔꞌɔ ꞌye -yranynɔbha -le! A yibo na, ꞌnynʋkpakpɩ -ke nyukpasi ꞌyeꞌa -yranynɔbha -ke ꞌꞌbhɩ -lrɩɩ ꞌꞌbhlɛcɛ ɛ, ɔ-ɔ ꞌye -ʋ -zigle -tu -mʋ!

ꞌWlɔmʋkɔmʋ 12:19

ꞌAn dɩkmalotʋꞌa ꞌꞌnynuu-a, aꞌba -za aꞌba ꞌꞌbhiꞌa kpa nyʋ ꞌꞌkpi -le! A ꞌꞌtayi -Lagɔ ꞌꞌyiti ꞌɔ ꞌcɛkʋta ꞌke aꞌba ꞌꞌkpiꞌa tʋ vɔ, -ɛkedɩmaa, ɛ ꞌcnɩ-ɛꞌɛ-ɛ ꞌle -Lagɔꞌɔ ꞌꞌbɔgʋ ꞌli: -Aꞌba -Kɔyi -Lagɔ na: ꞌƖnmɔ ꞌke kpa -za, ꞌɩnmɔ ꞌye ꞌan nyʋꞌa kpa nyʋ ꞌꞌkpi -za -nɩ mʋ.

ꞌWlɔmʋkɔmʋ 1:18

Ɩ -nɩꞌa -kaa ꞌmʋ a, dɩ nyʋ ꞌka yibo ꞌbho -Lagɔꞌɔ damʋ, ɩ -nɩꞌe-e gbaa! ꞌƆ ꞌꞌbhuo-o tbhɩ ꞌɩ nyunyu ꞌꞌyri ꞌle nyʋꞌa ple -Lagɔ. Dɩ ʋn nʋꞌa se ꞌꞌyrili-nmɔ. ꞌWa ꞌꞌnyinynidɩ -ke ꞌwa ꞌꞌnyinynikpli ʋn nʋꞌa ꞌle ʋn seꞌa ꞌbhɛɛ ʋn ꞌke ꞌꞌyisrɛɛmʋ ꞌꞌdu ꞌbho -Lagɔꞌɔ ꞌꞌyigbeyi a, ꞌɩnnɩ ꞌꞌduꞌo ʋn -bonyunyu -taniɛ bhʋ ꞌmʋ ꞌle ʋn se -ziadɩ yibo. ꞌƐ dɩ, -Lagɔꞌɔ ꞌcɛ ɔ -poꞌa nyunyu kwa, ɛ ꞌwlʋ-o ꞌle yaku ꞌli ꞌle ꞌɛ ꞌꞌyri ꞌye ꞌꞌpiemʋ ꞌkpa.

Zaakɩ 5:4

A -gblee, nyʋ-ʋ nʋꞌa lbhʋ ꞌle aꞌba -kpɩɩ ꞌmʋ, a -see ʋ ꞌꞌpɛle. A po ꞌwa wlu -lokui, ꞌɩnnʋ ꞌꞌviꞌo, -aꞌba -Kɔyi -Lagɔ ꞌbhleꞌa wɔnkuɛ ꞌbho lɛꞌꞌo lɛ ꞌꞌkpi, ꞌɩnnʋ ꞌlɔ ɔꞌo ɔ ꞌke ʋ -kpa! Ɔ ꞌwɔn-ɔ ꞌwa wlu ꞌbɔ.

Zaakɩ 2:6

Ɛ -nɩꞌa ꞌtɔ -kaa ꞌmʋ ꞌle, leedɩ aꞌba ꞌꞌdu ꞌʋ ꞌbhoꞌa? A -gblee, nyʋ-ʋ ꞌma-a ꞌnynɩbhlemʋ, ꞌwa ꞌꞌklumʋꞌa nyʋ-ʋ yaꞌa amʋ ꞌkleyeɛɛ ꞌꞌkpi. Ʋbʋ ꞌmnʋ, ꞌɩnnʋ kpaꞌa amʋ -zigletumʋ wɔnyi.

Galasiikɔmʋ 5:21

Ʋn-ʋ ꞌmɩɩ-e ꞌꞌyri ꞌbho ʋn -bonyunyuꞌa lɩ ꞌꞌkpi, nmɔ-ɔ ꞌkpʋn -ʋ ꞌgeyiɛ ꞌmʋ, ꞌle lilia-a zi ʋꞌo, ʋn-ʋ ꞌnʋ-o -klaabolɩ -lrɩɩ. ꞌƖn ꞌwɩ -ɩ amʋ ꞌꞌyiti -tanyɩ, ꞌle ꞌtraamʋ ꞌtɔ ꞌɩn-ɩ ꞌmu-o ꞌbho le; nyʋ-ʋ nʋꞌa -kaa a, ʋn -see -Lagɔ ꞌꞌyitiꞌꞌtayi ɔ ꞌke ʋ -kɔ.

ꞌWlɔmʋkɔmʋ 13:4

-Ɩn ꞌye li-ɔ, ʋn -nɩꞌe-e -Lagɔꞌɔ lbhʋ ꞌꞌyi -aꞌa -zɛgɛꞌɛ dɩ. ꞌLe, -bho -ɩn nʋ ꞌꞌnyinynidɩ, -a ꞌtɩtrɛꞌɛ li -sɩanyɩꞌa dɩ, -ɛkedɩmaa, nyʋ ꞌmnʋꞌa -zigle ꞌbhɛɛꞌo ɛ ꞌke -ɩnmʋ ꞌkleyeɛɛ ꞌꞌkpi -ya ꞌle ɛ ꞌke -aꞌa ꞌmɛnamʋ nyni. Ʋn -nɩꞌe-e -Lagɔꞌɔ lbhʋ ꞌꞌyi ꞌle ʋn -nɩꞌe ꞌbho ꞌɔ ꞌbɩ ꞌmʋ, ꞌle, nyɔ-ɔ nʋꞌa ꞌꞌnyinynidɩ, ʋn ꞌke ɔ ꞌɔ ꞌcɛ ꞌꞌkpi -ya.

Luukɩ 12:5

Nyɔ -yɔ a ꞌka ple, ꞌɩn-ɩ yi-oꞌo ꞌɩn ꞌke ɔ amʋ -tɔ: ꞌɩnnɔ ꞌmo-o -Lagɔ, -ɛkedɩmaa, ꞌɩnnɔ ꞌbhɛɛꞌo, -bho nyɔ ꞌmɛꞌɛ ɛ, ɔ ꞌke ɔ ꞌkleyeɛɛ wɔnpo ꞌle ꞌꞌkɔgwlɛnɛ ꞌmʋ. Kɩn! ꞌƖn-ɩ ꞌtmʋʋꞌo amʋ-ɛ, ꞌɩnnɔ a ꞌke ꞌbho ꞌꞌdu.

2 Tesalonikɩkɔmʋ 1:8

Ɛ-bɛ -nɔɔ ꞌmnɛ ti, nyʋ-ʋ -seeꞌa ꞌwɔn ʋn ꞌke -Lagɔ yibo ꞌle -ʋ ꞌꞌsiꞌa ꞌbho -ʋ -seeꞌa ꞌwɔn ʋn ꞌke -aꞌba -Kɔyi Zeziiꞌa ꞌꞌdɩzɩgɩ ꞌwɔɔn, ɔ-ɔ ꞌye -ʋ ꞌkle ꞌye -nɩ -mʋ,

Efɛɛzɩkɔmʋ 5:6

Nyʋꞌa bhebhewlu seꞌa lɛ ꞌmʋꞌbhle, ꞌya ꞌꞌmaa amʋ dɩ ꞌꞌyrili -le! ꞌYa ꞌꞌnyinynidɩtuꞌa dɩ, nyʋ-ʋ -seeꞌa tiꞌbɔ ʋn ꞌke -Lagɔ ꞌbho ꞌꞌdu a, ꞌɔ ꞌcɛkʋta -nɩ ꞌnʋ ꞌꞌkpi, ꞌle ɔ ꞌke ʋ dɩ -kpʋn.

Efɛɛzɩkɔmʋ 4:17

ꞌKa-a ɩ -nɩꞌe ꞌmʋꞌa dɩ a, ꞌle -aꞌba -Kɔyiꞌa ꞌnynɩ ꞌmʋ ꞌɩn-ɩ ꞌtmʋʋꞌo amʋ, nyʋ-ʋ seꞌa -Lagɔ yibo a, aꞌba ꞌkpa ꞌwa nʋnʋkpli kli -le! ꞌWa -naagɩꞌa klɛ ꞌꞌbhitiꞌe-e ꞌle bhebhelɩ ꞌꞌkpi.

Maakɩ 10:19

*-Lagɔꞌɔ gba nyɔ ꞌka ꞌꞌyi-kpʋn, ꞌɩnnɩ ꞌka-a: -Aꞌa ꞌlbha ꞌꞌku -le, -aꞌa ꞌye -yranynɔbha -le, -aꞌa ꞌꞌyri -le, -aꞌa -cɛ -ɩn -bonyunyɔ sɩn li -le, -aꞌa li -ɩn -bonyunyɔꞌɔ lɛ -duvlɛɛ ꞌmʋ -le, ꞌꞌdu ꞌbho -aꞌa -tɩta -ke -aꞌa ꞌlotʋꞌa wlu! -Ɩn yiboꞌo-o -ɩ -nɩɩ ꞌwee, -ɩn -kpʋn nɩ -kaa ꞌꞌyi ꞌnɩ?

Efɛɛzɩkɔmʋ 4:28

Nyʋ-ʋ ꞌꞌyriꞌa, ʋn ꞌbhɔ ꞌꞌyriyridɩ! Ʋn nʋ lbhʋ! -Bho ʋn ꞌbhle lɛ, ꞌle, nyʋ-ʋ se ꞌɛ ꞌbhle, ʋn ꞌke ʋ -kpa -lrɛɛ. ꞌKla ꞌmnɔ, ꞌkla-a -nmɔꞌɔ ꞌꞌyrili.

2 Kɔlɛɛtɩkɔmʋ 7:11

Aꞌba ꞌgwlʋlinyniɛ ꞌmnɛ, ꞌɩnnɛ -Lagɔ -zi -nɩꞌe ꞌmʋ ꞌle ɔ ꞌye amʋ lbhʋ ꞌmʋ nʋ. -Ka aꞌba kpli zizia ꞌꞌyi, a ꞌye ꞌtɔ -kaa li-ɔ! ꞌTraamʋ ꞌtɔ ɔ, a-a popo-o ꞌgwlʋti -ka -zɛgɛka, ꞌle, dɩ-ɩ ziꞌa, a -see ɩ wɔn ꞌꞌmuu. Ɩ-bɩ dɩ ꞌmnɩ, -ka aꞌba ꞌꞌlru seꞌa ꞌle -nɩ, ꞌtraamʋ a-a ꞌꞌtɩtraꞌa ꞌtɔ li ꞌle a-a zɩ ꞌɩ ꞌmʋ. Ɩ-bɩ dɩ ꞌmnɩ -lrɛɛ, -ka ɩ seꞌa ꞌꞌyrili-nmɔ ꞌle ɩ ꞌyeꞌa zi, ꞌya kamʋ a-a kpaꞌa aꞌba ꞌꞌbhi dɩ ꞌꞌyi. ꞌLe, ɩbɩ ꞌmnɩꞌa kamʋ -lrɛɛ, lɛ-ɛ ꞌka amʋ ꞌꞌkpi bhla, ꞌɛ -sɩanyɩ-ɩ ꞌlbhaꞌa amʋ. Nyɔ-ɔ nʋ ꞌka ꞌꞌnyinynidɩ, -ka a ꞌꞌdu ꞌɔ ꞌꞌlru ꞌꞌyi ꞌle -pɔlʋzɛgɛ ꞌmʋ, ɛ -nmɔꞌɔ-ɔ ꞌꞌyrili! -Aꞌba ꞌyɩyeɛ o, -Lagɔꞌɔ ꞌgwlʋdɩꞌa nʋnʋa o, -ka a ꞌbɔꞌɔ ti a ꞌke ɩ nʋ, a ꞌye -kaa li-ɔ! Ɩ-bɩ dɩ-ɩ ziꞌa, -ka aꞌba ꞌꞌlru seꞌa ꞌle -nɩ, ꞌɩnnɩ a -tɔꞌɔ -amʋ ꞌꞌyi -ka -zɛgɛka.

1 Tesalonikɩkɔmʋ 2:11

ꞌLe aꞌba ꞌwee -bodɩ, -ka -a nʋꞌa amʋ -zɩgɩ ꞌꞌlruli, a yiboꞌo-o ꞌna. Ɛ kɔɔꞌɔ-ɔ -ka ꞌꞌyreetɩꞌa -tɩta ꞌbhleꞌa ka ꞌɔ ꞌꞌyreetɩ.

Eblee 2:6

Nyunyu ꞌye ɛ -kɔ mʋ. Ɛ -se bhubhuyiti ꞌɩn-ɩ ꞌlɛꞌɛ -kaa -ko, -ɛkedɩmaa, ɩ ꞌcnɩ-ɛꞌo ꞌle -Lagɔꞌɔ ꞌꞌbɔgʋ ꞌli see, na: -Aꞌba -tɩta -Lagɔ, leelɛ -ke ꞌꞌbhuo nyunyɔ ꞌꞌduꞌo ꞌle -mnaaa-a popoꞌo ꞌɔ dɩ ꞌgwlʋtiꞌa? Leelɛ nyunyɔꞌɔ ꞌꞌyu ꞌꞌduꞌo ꞌle -a ziꞌe ꞌɔ dɩꞌa?