1 Tesalonikɩkɔmʋ 4:1 - Nyaboa (Nyabwa)

¹ ꞌBho ꞌɛ lemʋ a, ꞌlotʋꞌa ꞌꞌnynuu-a, kpli a ꞌka ꞌmʋ-na -nɩ ꞌle ɩ ꞌka -Lagɔ ꞌtʋ nʋ, -a -tɔ ꞌnɩ amʋ-ɛ -zɔtɩzɔ. -Aꞌba -tɔtɔlɩ ꞌmnɩ, -a ꞌde-e ꞌꞌgwli a -de ꞌnɩ-ɩ ꞌmʋ ti -ziaka. ꞌTraamʋ ꞌtɔ ɔ, -aꞌba -Kɔyi *Zeziiꞌa ꞌnynɩ ꞌmʋ -a cɛꞌɛ amʋ ꞌgbɛ kwa ꞌmʋ, ɩ-bɩ kplizɩgɩ a-a nʋꞌa, a ꞌke ɩ ꞌꞌlru-mu ꞌle ɩ ꞌke ꞌꞌkpiꞌkpa.

1 Tesalonikɩkɔmʋ 4:1 Iomraidhean Croise

ꞌZaan 15:2

ꞌAn nyʋ -ke ꞌɩn-ɩ naꞌa a, ʋn kɔɔꞌɔ-ɔ ꞌɛ ꞌꞌklei. A ꞌye li-ɔ, ꞌya -yɩꞌa -troꞌa a, -kpaa ꞌmnɛꞌɛ lbhʋnʋyi-i cɩ ɩꞌo, ꞌle, -yɩ troꞌa, ꞌya ꞌꞌbhi ꞌke -antanyɩnɩ ꞌmʋ-ziꞌa dɩ, ɔ-ɔ zɩ ꞌɩ bhubhuyitiꞌa ꞌꞌklei li.

Nʋnʋkpli 20:27

A -gblee, ꞌɩn -tɔꞌɔ-ɔ amʋ -Lagɔꞌɔ ꞌgwlʋdɩ ꞌwee, ꞌɩn -see ꞌbho ꞌɛ -lue ꞌtɩn sie.

ꞌWlɔmʋkɔmʋ 8:8

Nyʋ -yʋ ꞌꞌduꞌa ꞌbho ꞌwa ꞌꞌbhiꞌa nyunyɔnaagɩ, ʋn se ꞌbhɛɛ ʋn ꞌke ɔ ꞌtʋ nʋ.

1 Kɔlɛɛtɩkɔmʋ 11:23

A ꞌye li-ɔ, -aꞌba -Kɔyi Zeziiꞌa kpɔcɛliliɛꞌɛ ꞌꞌkpidɩꞌa -tɔtɔlɩ, ꞌɔ ꞌꞌbhuo-o nʋ ɛꞌo -ɔ sie ꞌɩ -amʋ li. ꞌLe, -ka ɔ sie ꞌɩ -amʋ li ꞌtɩn, ꞌka-a ꞌmna -tɔ ꞌnɩ amʋ. ꞌƖnnɩ ꞌmo-o, glu -yɛ gwɛ-ɔ, ꞌle -aꞌba -Kɔyi Zezii ꞌyeꞌa ꞌɔ tʋꞌa nyʋ -jeyi ꞌꞌnyɩ-ɛ ꞌle ʋn ꞌke ɔ ꞌlbha ɔ ꞌke ꞌmɛ ɛ, ɛ-bɛ ꞌꞌmatʋ -lue ꞌmnɛ ɛ, ɔ -ke *ꞌɔ -namʋ -nɩ linamʋ ꞌle ɔ ꞌye ꞌꞌflɔɔ ꞌmʋꞌꞌluo,

1 Kɔlɛɛtɩkɔmʋ 15:1

ꞌLotʋꞌa ꞌꞌnynuu-a, *Zeziiꞌa ꞌꞌdɩzɩgɩ ꞌɩn -yaꞌa amʋ -bɛnyɩ, ꞌɩnnɩ ꞌɩn ꞌbɔꞌɔ ti ꞌɩn ꞌke ɩ ꞌꞌyiglu-za ꞌle aꞌba -pɔlʋ gbo -lrɛɛ. Ɩ-bɩ ꞌꞌdɩzɩgɩ ꞌmnɩ, a kpʋn -ɩꞌo -gli ꞌle a ꞌye ɩ ꞌli ti-de.

1 Kɔlɛɛtɩkɔmʋ 15:58

ꞌKa-a ɩ -nɩꞌe ꞌmʋ ꞌweeꞌa dɩ a, dɩkmalotʋꞌa ꞌꞌnynuu-a, a -de ꞌle aꞌba -Lagɔꞌɔ ꞌꞌgwlideɛ ꞌli ti! ꞌƐ -sɔ -denɩ ꞌmʋ -le! A po ꞌle ꞌkpɩ tenyɩ, -aꞌba -Kɔyi Zeziiꞌa lbhʋ a-a nʋꞌa a, ꞌle a ꞌke ɛ ꞌꞌlru-mu -nɩ ꞌꞌkɔmʋ, -ɛkedɩmaa, aꞌba ꞌꞌbhi yiboꞌo-o, a -ke ɔ ꞌꞌsisriꞌe-e ꞌꞌyiꞌa dɩ, lbhʋ a-a nʋꞌa -laa, ɛ -see ꞌꞌnukɔ ꞌwla yi.

2 Kɔlɛɛtɩkɔmʋ 10:1

Aꞌba tɔlʋ nʋꞌa, -bho ꞌɩnmɔ ꞌPɔlʋ -nɩ ꞌle aꞌba ꞌꞌklumʋ, ꞌɩn-ɩ ꞌya-a ꞌan ꞌꞌbhuo ꞌzɔ, ꞌɩn-ɩ ꞌple-e ꞌꞌyri, -bho ꞌɩn -tɛ gbo ꞌle ꞌɩn-ɩ kmaꞌa ꞌꞌyi a, ꞌtraamʋ ꞌtɔ ɔ, ʋ-bʋ nyʋ ꞌmnʋ, ꞌɩnnʋ ꞌɩn-ɩ ꞌꞌduꞌo ꞌꞌkpi. ꞌLe *Zezii *Kliisɩꞌa ꞌlimʋꞌa wɔnnmɔɛ -ke ꞌɔ kplimʋnmɔɛ ꞌmʋ, ꞌɩn-ɩ ꞌꞌdu nɩ ꞌnʋ ꞌꞌdɩ ꞌmʋ, na:

2 Kɔlɛɛtɩkɔmʋ 13:11

ꞌTraamʋ ꞌtɔ ɔ, ꞌlotʋꞌa ꞌꞌnynuu-a, -a ꞌke ꞌgbʋʋ! A ku ꞌꞌyriti ꞌbho -Lagɔꞌɔ -jeyi! A popo ꞌkpɩ ꞌꞌyi! A -plɛ -naagɩ -lue ꞌmʋ! A kpʋkpʋn ti! -Bho a nʋ kpli ꞌmnɩ, -Lagɔ -kmaꞌa -aꞌba dɩ ꞌle -ɔ ꞌꞌnyɩꞌa -amʋ -pɔlʋꞌa bhlubhlua, ꞌꞌlemnɩɩ ɔ-ɔ ꞌsie-e amʋ gbo.

2 Kɔlɛɛtɩkɔmʋ 5:9

ꞌKa-a ɛ -nɩꞌe ꞌmʋꞌa dɩ, -bho -a -ke ɔ -nɩ -dalue o, -bho -a -ke ɔ se -dalue -nɩ o, -a ꞌbɔꞌɔ ti -a ꞌke ꞌɔ ꞌgwlʋdɩ nʋ.

2 Kɔlɛɛtɩkɔmʋ 6:1

A ꞌye li-ɔ, ꞌlotʋꞌa ꞌꞌnynuu-a, -abʋ -ke -Lagɔ-ɔ nʋꞌo ꞌtɔ-ɔ lbhʋꞌa dɩ, -a ꞌꞌduꞌo amʋ ꞌꞌdɩ ꞌmʋ na: -Lagɔ -wʋnnaꞌa-a amʋ ꞌꞌniti. ꞌKa-a ɩ -nɩꞌe ꞌmʋꞌa dɩ, ɛ-bɛ -zɛgɛ ɔ nʋꞌa amʋ ꞌꞌlruli, ꞌɛ ꞌꞌdu bhubhuyitiꞌa lɛ -le!

Galasiikɔmʋ 6:1

ꞌLotʋꞌa ꞌꞌnynuu-a, -bho nyɔ -ka ꞌꞌnyinynidɩ-ɩ nʋ ꞌle a ꞌke ɔ ꞌꞌkpi ꞌdaa, a-bʋ *-Lagɔꞌɔ Lisaazuzu-u poꞌa -jolʋ gbo a, a ꞌꞌdu ɔ ꞌꞌdɩ ꞌmʋ ꞌle ɔ ꞌke ꞌbho -jolʋzɛgɛ ꞌꞌyi le yi! -Bho a ꞌke ꞌɛ lɛtu nʋ a, a -nʋ -nɩ nɛ ꞌle ꞌlimʋꞌa wɔnnmɔɛ ꞌmʋ! Aꞌba nyɔꞌꞌo nyɔ ꞌɩn-ɩ ꞌtmʋʋꞌo, a ꞌꞌdu aꞌba ꞌꞌbhi ꞌꞌyrili ꞌle aꞌba ꞌꞌbhi -kaa ꞌꞌnyinynidɩ nʋ -lrɛɛ!

Efɛɛzɩkɔmʋ 4:1

Ɩ -nɩꞌa ꞌtɔ -kaa ꞌmʋ-ɔ, ꞌɩnmɔ -yɔɔ ɔ, -aꞌba -Kɔyi *Zezii *Kliisɩꞌa ꞌꞌdɩzɩgɩ ꞌɩn-ɩ zaꞌa ʋn ꞌꞌdu ꞌɛ dɩ ʋn poꞌa ꞌɩnmʋ -jie ꞌmʋ, a-bee -mnʋʋ, ꞌɩn-ɩ ꞌpo-o amʋ ꞌkpa ꞌꞌyi. -Lagɔ ꞌlaꞌa amʋ ꞌle a ꞌyeꞌa ꞌbho ꞌɔ -jeyi ꞌkpa, kpli-i ꞌkɔ ɔ ꞌtʋ nʋ, a nʋ ɩ!

Efɛɛzɩkɔmʋ 4:20

A-bʋ ꞌbɔꞌɔ ti a -ke Zezii Kliisɩ ꞌke -na, ꞌle a-bee -mnʋʋ -bodɩ a, ɛ -se -klaabokpli ꞌɔ nyʋ -tɔ amʋ -ko.

Efɛɛzɩkɔmʋ 5:17

ꞌKa-a ɛ -nɩꞌe ꞌmʋꞌa dɩ a, nyʋ-ʋꞌa ꞌcrɛꞌɛ -aꞌba -Kɔyiꞌa ꞌgwlʋdɩ ꞌmʋti, aꞌba -nɩ ꞌwa ka -le! A po ꞌle ꞌkpɩ, lɩ ɔ ꞌbɔꞌɔ ti a ꞌke nʋ a, ꞌle a ꞌke ɩ ꞌmʋtiꞌwɔn!

Filiipʋkɔmʋ 1:27

A -gblee, lɛ ꞌɩn ꞌka amʋ -bodɩ ꞌmʋ-za, ꞌɩnnɛ ꞌmo-o, *Kliisɩꞌa ꞌꞌdɩzɩgɩ a ꞌwɔnꞌɔ ꞌbɔ ɔ, -ka ɛ ꞌlɛꞌɛ, a -na -kaa! -Mnɩɩ, -bho ꞌɩn yi ꞌle amʋ gbo ꞌle ꞌɩn -ke a ꞌke ꞌyɩye o, -bho ꞌɩn se ꞌle aꞌba ꞌꞌklumʋ -nɩ ꞌle ꞌɩn ꞌke aꞌba ꞌꞌdɩzɩgɩ ꞌbʋꞌwɔn o, -ka a kpʋkpʋnꞌa ti, ꞌle, -pɔlʋ -lue ꞌtɩn ꞌmʋ, a-a kpaꞌa ꞌɔ ꞌꞌdɩzɩgɩ ꞌle nyʋ-ʋ ꞌwɔɔnꞌɔ ɩ-bɩ -tɔtɔlɩ ꞌmnɩ, ꞌɩn ꞌke ɩ yibo.

Filiipʋkɔmʋ 1:9

A -gblee, bhadewlu ꞌɩn-ɩ deꞌa ꞌbho -Lagɔꞌɔ ꞌꞌyigbeyi ti aꞌba dɩ, ꞌɩnnɛ ꞌka-a: ꞌƖn na, a -bonyunyuꞌa ꞌtʋ a ꞌbhleꞌa ꞌmʋ, ɛ ꞌkpa ꞌꞌkpi ꞌle a ꞌke dɩ kɩkma tenyɩ! ꞌLe, -bho a -ka -kaa-a nʋ a, a ꞌke -ziadɩꞌa -zɛgɛnɛ yibo, ɛ -ke ꞌꞌnyinynilɩ-e -zɩgɩꞌa ꞌmʋticrɛka yibo -lrɛɛ.

Kolɔsʋkɔmʋ 1:10

-Bho ɛ -nɩ -kaa ꞌmʋ a, ꞌꞌlemnɩɩ, kpli-i nʋꞌa -aꞌba -Kɔyi Zezii Kliisɩ ꞌtʋ, a ꞌbhle -ɩꞌo, ꞌle a ꞌke ꞌɔ ꞌgwlʋdɩ nʋ. Lɛꞌꞌo lɛ-ɛ ꞌma-a -zɛgɛ, a-a ꞌye -ɛ -nʋ -mʋ ꞌle aꞌba -Lagɔꞌɔ yiboɛ ꞌke ꞌꞌkpiꞌkpa.

Kolɔsʋkɔmʋ 2:6

ꞌAn ꞌlotʋꞌa ꞌꞌnynuu-a, -ka *Zezii *Kliisɩ ꞌꞌduꞌa aꞌba -Kɔyi, nyʋ ꞌtmʋʋ ꞌnɩ amʋ-ɛ ꞌle a ꞌye ɩ ꞌwɔɔn. ꞌKa-a ɛ -nɩꞌe ꞌmʋꞌa dɩ, -ka ɔ ꞌbɔꞌɔ ti ꞌtɩn, a -na -kaa!

1 Tesalonikɩkɔmʋ 3:12

-Aꞌba -Kɔyi Zezii nʋ ɛ ꞌle dɩkɩkmɛɛ-ɛ -nɩꞌa amʋ ꞌmʋ ꞌke ꞌꞌyiꞌbhɛ ꞌle ɛ ꞌke amʋ ꞌꞌkpi ꞌpɩple ꞌle a ꞌke ɛ nyʋ ꞌwee -bodɩ nʋ. ꞌKla ꞌmnɔ, ꞌka-a -abʋ nʋꞌo aꞌba dɩ -lrɛɛ.

1 Tesalonikɩkɔmʋ 4:2

Kpli a ꞌka ꞌmʋ-na -nɩ -a -tɔꞌɔ amʋ, a yibo nɩ-oꞌo. Ɩbɩ ꞌmnɩ, ꞌɩnnɩ -aꞌba -Kɔyi Zezii nʋꞌo nyʋ nʋ.

1 Tesalonikɩkɔmʋ 5:12

ꞌLotʋꞌa ꞌꞌnynuu-a, ꞌbho ꞌɛ lemʋ -lrɛɛke a, ꞌɩn-ɩ ꞌtmʋʋꞌo amʋ-ɛ, a ꞌꞌdu ꞌbho nyʋ-ʋ nʋꞌa -Lagɔlbhʋ ꞌle aꞌba ꞌꞌklumʋ. Ʋbʋ ꞌmnʋ, ꞌɩnnʋ -aꞌba -Kɔyi *Zezii deꞌe amʋ ꞌꞌlru ti ꞌle ʋn ꞌke amʋ -tɔ, ʋn ꞌke amʋ ꞌꞌsrɩn ꞌmʋ ꞌꞌdu; ꞌɩnnɛ ꞌmo-o aꞌba -jolʋgbopoɛ.

2 Tesalonikɩkɔmʋ 1:3

ꞌLotʋꞌa ꞌꞌnynuu-a, ɛ -nmɔꞌɔ-ɔ ꞌꞌyrili ꞌle -a ꞌke aꞌba dɩ -Lagɔ ꞌsɛɛ po -wlɛɛwlɛɛ. ꞌKa -nmɔꞌɔ-ɔ ꞌꞌyrili, -ɛkedɩmaa, aꞌba *Zeziiꞌa ꞌꞌgwlideɛ -ke dɩkɩkmɛɛ-ɛ ꞌkpa-a ꞌꞌkpi.

2 Tesalonikɩkɔmʋ 2:1

ꞌLotʋꞌa ꞌꞌnynuu-a, -yɛ ꞌma-a -nɔɔ -ke ti -aꞌba -Kɔyi *Zezii *Kliisɩ-ɩ ꞌyeꞌa ꞌnɔɔ ꞌkmʋ ꞌmʋ le -yi mʋ a, ꞌle -a -ke ɔ ꞌke ꞌyɩye ꞌle yakutrubo a, ꞌɩn ꞌbɔ-ɔ ti ꞌɩn ꞌke amʋ ꞌɛ dɩ ꞌtmʋʋ -lrɛɛke. -A bhade-e amʋ li,

2 Tesalonikɩkɔmʋ 3:1

ꞌBho ꞌɛ lemʋ a, ꞌlotʋꞌa ꞌꞌnynuu-a, a po -aꞌba dɩ *-Lagɔ wɔn gbo, ꞌle -aꞌba -Kɔyi *Zeziiꞌa ꞌꞌdɩzɩgɩ ꞌke ti-wa ꞌle ɩ ꞌke nya mu ꞌle nyʋ ꞌke ɩ ꞌwɔɔn ꞌle ʋn ꞌke ɩ ꞌbho ꞌꞌdu! -Ka a-bee -see ꞌɩ ꞌplʋ -kpʋn, ꞌle ɩ ꞌke -kaa -nɩ ꞌle -da ꞌwee.

2 Tesalonikɩkɔmʋ 3:13

A-bee -mnʋʋ a, ꞌlotʋꞌa ꞌꞌnynuu-a, aꞌba sɩa -zɛgɛꞌɛ nʋnʋa ꞌmʋ -le!

1 Timotee 5:21

ꞌBho -Lagɔ-e Zezii Kliisɩ -ke -Lagɔ gboꞌa dalbhomʋ ɔ -zaꞌa ꞌbhoꞌa ꞌꞌyigbeyi, ꞌɩn-ɩ cɛꞌɛ -ɩnmʋ ꞌgbɛ kwa ꞌmʋ, ꞌɩn-ɩ bhadeꞌe -ɩnmʋ li, ꞌɩn -zaꞌa -laa ꞌmʋ, ꞌꞌdu ɩ ꞌbho! -Bho -ɩn -ka -kaa-a nʋ, dɩ -ɩn -seeꞌa ꞌꞌkpitiꞌye, -aꞌa kpɩ ɩ nyɔ ꞌꞌyi, ꞌɔ -aꞌa bhakamʋ -aꞌa -po nɔ ꞌꞌyriti -le!

2 Timotee 4:1

-Gblee, Timotee, Zezii Kliisɩ -ɔ ꞌka le yi, ɔ ꞌke ꞌmɛmʋ -ke tinɩmʋ -zigle -tu ꞌle ɔ ꞌke ꞌɔ nyʋ -kɔ ɔ, ɔ -ke -Lagɔꞌɔ ꞌꞌyigbeyi ꞌɩn-ɩ ꞌtmʋʋ nɩꞌe -ɩnmʋ.

Eblee 11:6

Kɩn, -ziadɩ moꞌo. -Bho nyɔ -see -Lagɔ ꞌꞌgwlide, ꞌɔ kpli se ꞌbhɛɛ, ɩ ꞌke ɔ ꞌtʋ nʋ. A -gblee, nyɔ-ɔ ꞌbɔꞌɔ ti ɔ ꞌke *-Lagɔ wɔn gbo po, ɔ ꞌwɔn na, ɔ -nɩꞌe-e ti -ziaka, ꞌle, nyʋ-ʋ ꞌbɔꞌɔ ti ʋn -ke ɔ ꞌke ꞌꞌyiꞌꞌsisri, ɔ-ɔ nʋ ꞌʋ -zɛgɛ ꞌꞌlruli.

Eblee 13:16

ꞌBho ꞌɛ lemʋ, aꞌba sɩa -zɛgɛꞌɛ nʋnʋa ꞌmʋ -le! A ꞌyɔɔ kwa ꞌmʋti a -bonyunyu -bodɩ! ꞌƐ ꞌkpɩꞌa -wa amʋ ꞌꞌyiti -le -lrɛɛ! ꞌYa lɩtu nʋꞌo -Lagɔ ꞌtʋ, -ɩ -ziꞌe ꞌsragaꞌꞌo ꞌsraga.

Eblee 13:22

ꞌAn ꞌlotʋꞌa ꞌꞌnynuu-a, ꞌkpayipowlu ꞌɩn-ɩ poꞌa amʋ -jeyi a, ɛ se ꞌꞌyiti-tɛ. ꞌKa-a ɛ -nɩꞌe ꞌmʋꞌa dɩ, a -de nɩ -pɔlʋ ti -gli!

2 ꞌPiɛlɩ 3:18

Zezii Kliisɩ ꞌma-a -aꞌba -Kɔyi -ke -aꞌba ꞌPʋʋnyi, a ꞌꞌdu ɔ ꞌꞌyrili, a ꞌke ɔ yibo -ka -zɛgɛka ꞌle a ꞌke ɛ ꞌꞌlru-mu -nɩ, ꞌle, -zɛgɛ ɔ-ɔ nʋꞌa amʋ ꞌꞌlruli, ɛ ꞌke ꞌꞌkpiꞌkpa ꞌꞌkɔmʋ. ꞌNynɩꞌa ꞌꞌyibhɛɛɛ ꞌꞌdu ꞌɔ lɛ ꞌꞌkɔgwlɛka! (Dɩ ꞌwee ꞌɩn -zaꞌa ꞌmʋ, *ɩ -nɩ -kaa ꞌmʋ!)

1 ꞌZaan 3:22

A -gblee, -bho -aꞌba -pɔlʋ -nɩ -kaa a, lɛꞌꞌo lɛ-ɛ -a ꞌybhaa ꞌnɔ ɔ, ɔ-ɔ ꞌꞌnyɩ ꞌɛ -amʋ-ɛ, -ɛkedɩmaa, -a ꞌꞌdu-o ꞌbho ꞌɔ wlu ꞌle -a nʋꞌo ꞌɔ ꞌgwlʋdɩ.